བོད་མདོ་སྨད་མཚོ་སྔོན་ཞིང་ཆེན་རྨ་ལྷོ་ཁུལ་འཐབ་ཕྱོགས་གཅིག་གྱུར་ཁང་གི་ལས་བྱེད་ཡིན་ཟེར་བའི་མི་གཉིས་ཀྱིས་ཁ་སང་ཚེས་ ༡༢ བོད་ནང་གི་ཉིན་དགུང་ཚོུད་ ༣།༣༠ ཙམ་ལ་གཅན་ཚ་རྫོང་གི་ལ་མོ་བདེ་ཆེན་དགོན་པའི་གྲྭ་ཀླུ་དཀོན་མཆོག་རྒྱ་མཚོ་ལགས་འཐབ་ཕྱོགས་གཅིག་གྱུར་ཁང་དུ་ངེས་པར་དུ་ཡོང་དགོས་པ་བརྗོད་ནས་ཁོང་སླར་ཡང་འཛིན་བཟུང་བྱས་འདུག
འདི་གར་གནས་ཚུལ་ངོ་སྤྲོད་གནང་མཁན་གྱི་གསུངས་པར། ད
་ལྟའི་ཆར་གྲྭ་ཀླུ་དཀོན་མཆོག་རྒྱ་མཚོ་ལགས་བཙོན་ཁང་གང་དུ་ཁྲིད་ཡོད་པ་དང་ཁོང་གི་གནས་སྟངས་ཇི་ཡིན་ཤེས་རྟོགས་མེད་སྟབས། ཁོང་གི་ནང་མི་གཙོས་པའི་ཉེ་འབྲེལ་རྣམས་སེམས་འཚབ་ཆེན་པོ་གནང་བཞིན་ཡོད་པ་རེད་འདུག གཞི་རྩའི་ལ་མོ་བདེ་ཆེན་དགོན་གྱི་གྲྭ་ཀླུ་དཀོན་མཆོག་རྒྱ་མཚོ་ལགས་ནི།ད་ལྟ་རང་ལོ་ ༣༧ ཡིན་པ་དང་ཕྱི་ལོ་ ༡༩༩༤ ལོར་ཁོང་རྒྱ་གར་དུ་སྐྱབས་བཅོལ་ཕེབས་ནས་ལོ་ ༦ རིང་རྒྱ་གར་ལྷོ་ཕྱོགས་འབྲས་སྤུང་སྒོ་མང་གྲྭ་ཚང་དུ་སློབ་གཉེར་གནང་འདུག ༢༠༠༠ ལོར་ཕ་ཡུལ་ལ་ཕྱིར་ལོག་གནང་འདུག
གྲྭ་ཀླུ་དཀོན་མཆོག་རྒྱ་མཚོ་ལགས་ཀྱིས་ཕྱི་ལོ་༢༠༡༣ཙམ་ནས་ཉིན་ཞག་ང་བཞི་ཞེས་པའི་བརྩམས་ཆོས་ཤིག་འགོ་འཛུགས་དང་འབྲེལ། བརྩམས་ཆོས་དེའི་ནང་ཁོང་དེ་སྔ་རྒྱ་གར་ལ་བཙན་བྱོལ་ཡོང་སྐབས་ལམ་བར་དཀའ་སྡུག་གི་ཚོར་བ་དངོས་ཁག་སྤེལ་ཉིན་ཞག་ང་བཞི་ཞེས་པའི་དཔེ་དེབ་ཅིག་ཏུ་བཀོད་གནང་ཡོད་སྟབས། ཟླ་སྔོན་མའི་ཚེས་ ༡༨ ཉིན་རྒྱ་གཞུང་ནས་ཁོང་འཛིན་བཟུང་བྱས་པ་རེད། སྐབས་དེར་ཁོང་གི་གྲྭ་བ སྔོག་བཤེར་བྱས་པ་མ་ཟད། ཉིན་ཞག་ང་བཞི་ཞེས་པའི་བརྩམས་ཆོས་དེ་པར་བསྐྲུན་བྱེད་མི་ཆོག་པ་ར་བཀག་སྡོམ་བྱས་པ་མ་ཟད། ཁོང་འཛིན་བཟུང་གིས་གཟའ་འཁོར་གཅིག་རིང་བཀག་ཉར་བྱས་རྗེས་བཙོན་གྲོལ་བཏང་ཡོད་པ་རེད།
