དེ་རིང་ཟླ་ ༨ ཚེས་ ༨ ཉིན་རྒྱ་གར་ལྷོ་ཕྱོགས་ནང་རྟེན་གཞི་བྱས་པའི་བོད་མིའི་གཞིས་སྒར་ཧུན་སུར་རབ་རྒྱས་གླིང་གི་མི་མང་ཚོགས་ཁང་དུ་སྐུ་མགྲོན་གཙོ་བོ་བོད་མིའི་སྒྲིག་འཛུགས་ནང་སྲིད་བཀའ་ཟུར་རྒྱ་རི
་སྒྲོལ་མ་མཆོག་གིས་གཙོས་པའི་དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་སྐུ་ཚབ་ཧུན་སུར་རབ་རྒྱས་གླིང་བོད་མིའི་གཞིས་ཆགས་ཀྱིས་ས་གནས་འགོ་འཛིན་དགེ་ལེགས་འབྱུང་གནས་ལགས། རྒྱུད་སྨད་གྲྭ་ཚང་གི་མཁན་པོ་བློ་བཟང་ཕན་བདེ་ལགས། རྫོང་དཀར་ཆོས་སྡེའི་མཁན་པོ། ཕྱོགས་བཞུགས་སྤྱི་འཐུས་རྣམ་པ་དང་། གཞིས་ཆགས་ཀྱི་གྲོང་སྡེ་ཁག་གི་རྒྱ་དཔོན་དང་གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་གནད་ཡོད་མི་སྣ། དེ་བཞིན་བོད་ཀྱི་བེུད་ལྷན་ཚོགས་ཀྱི་ས་གནས་ཁག་ ༣༠ ནས་ཆེད་བཅར་ཞུས་པའི་རྒྱུན་ལས་ཚོགས་བཅར་བ་བཅས་ཁྱོན་མི་གྲངས་ ༡༠༥ ལྷག་ལྷན་འཛོམས་ཐོག་དབུས་བོད་ཀྱི་བེུད་ལྷན་ཚོགས་ཀྱི་འགན་འཛིན་ལྷན་ཚོགས་ཀྱི་ཚོགས་ཆེན་ཐེངས་ ༡༢ དབུ་འཛུགས་གནང་སོང་།
སྐབས་དེར་མཛད་སྒོའི་སྐུ་མགྲོན་གཙོ་བོ་ནང་སྲིད་བཀའ་ཟུར་རྒྱ་རི་སྒྲོལ་མ་མཆོག་གིས་བོད་ཀྱི་བེུད་ལྷ
ན་ཚོགས་ཀྱི་ངོས་ནས་ད་བར་གྱི་ལས་དོན་གནང་ཁག་ལ་བསྔགས་བརྗོད་གནང་པ་དང་འབྲེལ། ང་ཚོའི་བོད་ཀྱི་བེུད་ནུས་སྟོབས་གོང་འཕེལ་སོགས་ཀྱི་ལས་དོན་ཐམས་ཅད་ནི་རྒྱལ་བའི་བཀའ་དྲིན་ལ་བརྟེན་ནས་བྱུང་བ་ཡིན་སྟབས། ལས་དོན་གལ་ཆེ་ཤོས་དེ་ནི་༸གོང་ས་མཆོག་གི་བཀའ་དྲིན་རྗེས་སུ་དྲན་པའི་སྒོ་ནས་༸གོང་ས་མཆོག་༸སྐུ་ཚེ་ཡུན་དུ་བརྟན་ཐབས་ཀྱི་བྱ་བ་བསྒྲུབ་དགོས་པ་གལ་ཆེ་བ་ཡིན་སྐོར་གསུངས་པ་མ་ཟད། ལྷག་དོན་འདི་ལོ་འོས་བསྡུའི་ལས་རིམ་ནང་༸གོང་ས་མཆོག་ཐུགས་ཕམ་བྱུང་ཡོད་པ་སོགས་ལུང་འདྲེན་དང་སྦྲགས། ཆོལ་ཁ་གསུམ་གྱི་བོད་མི་ཚང་མས་མཐུན་ལམ་རྡོག་རྩ་ཆིག་སྒྲིལ་དགོས་སྐོར་ཡང་གསུངས་ཡོད།
དབུས་བོད་བེུད་ལྷན་ཚོགས་ཀྱི་སྤྱི་ཁྱབ་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་བོད་ཀྱི་བེུད་ལྷན་ཚོགས་ཀྱི་སྤྱི་ཁྱབ་རྒྱུན་ལས་ཁང་གི་འཛིན་སྐྱོང་དང་། ལས་དོན་བྱེད་ཕྱོགས། ལྷག་དོན་ཆབ་སྲིད་དང་ཆོས་ཕྱོགས། ཤེས་ཡོན། བོད་ཀྱི་ཁོར་ཡུག སྤྱི་ཚོགས་ཞབས་སུ་སོགས་ཀྱི་ལས་དོན་ཇི་བྱས་ཀྱི་
ལས་སྡོམས་དང་འབྲེལ་བའི་གསུང་བཤད་གནང་པ་ལས། ང་ཚོས་ལས་དོན་ཞུས་ཁག་ལས་གཙོ་ཆེ་ཤོས་ཤིག་ནི་སྤྱི་ཚོགས་ནང་བེུད་ཀྱི་ནུས་སྟོབས་གོང་འཕེལ་གཏོང་ཕྱོགས་ཀྱི་ཟབ་སྦྱོང་ཐེངས་མང་གོ་སྒྲིག་ཞུས་ཐུབ་པ་བྱུང་ཡོད་སྐོར་གསུང་སོང་།
གཞན་ཡང་མཛད་སྒོ་དེའི་ཐོག་༸སྐུའི་གཅུང་མོ་རྗེ་བཙུན་པད་མཆོག་གིས་ད་བར་བོད་མིའི་སྤྱི་ཚོགས་ཀྱི་ཤེས་ཡོན་ཐད་རླབས་ཆེན་ལེགས་སྐྱེས་ཕུལ་བར་བཀའ་དྲིན་རྗེས་དྲན་གྱི་གཟེངས་རྟགས་ཤིག་སྦེང་ལོར་ཏཱ་ལི་བླ་མ་མཐོ་སློབ་ཀྱི་སློབ་སྤྱི་བོུ་ཚེ་རིང་བརྒྱུད་ནས་ཕུལ་གནང་བ་དང་། དེ་བཞིན་བཙན་བྱོལ་ནང་བོད་ཀྱི་བེུད་ལྷན་ཚོགས་ཐོག་མར་གསར་འཛུགས་གནང་མཁན་གྲས་རྒྱས་སྟོང་ཚེ་རིང་སྒྲོལ་མ་མཆོག་གི་བཀའ་དྲིན་རྗེས་གྱི་གཟེངས་རྟགས་ཤིག་ཀྱང་ཁོང་གི་གཅུང་པོ་སེར་སྨད་ཀོང་པོ་ཁང་ཚན་གྱི་སྐུ་ཞབས་ཕྱག་ཟུར་བྱམས་པ་བཟོད་པ་ལགས་བརྒྱུད་ནས་ཕུལ་ཡོད་པ་རེད།
གཞི་རྩའི་ཚོགས་ཆེན་དེའི་ཐོག་གྲོས་གཞི་མི་འདྲ་བ་ཁག་དགུའི་ཐོག་གྲོས་བསྡུར་གནང་རྒྱུ་རེད་འདུག དེའང་བོད་ནང་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་ལས་འགུལ་སྤེལ་ཕྱོགས་དང་། ༸གོང་ས་མཆོག་གི་༸སྐུ་ཕྱྭ་དང་བཀའ་དགོངས་ཚུལ་བཞིན་བསྒྲུབ་ཐབས། དབུ་མའི
་ལམ་གྱི་སྲིད་བྱུས་མུ་མཐུད་མཇུག་སྐྱོང་གནང་རྒྱུ་དང་གོ་རྟོགས་སྤེལ་ཕྱོགས། བོད་མིའི་མི་འབོར་འཕེལ་སྐྱེད་དང་ཕྲུ་གུར་སློབ་ཡོན་རོགས་རམ་གནང་ཕྱོགས། བོད་ཀྱི་བེུད་ལྷན་ཚོགས་ཀྱི་སྒྲིག་འཛུགས་སྔར་ལྷག་ཚགས་ཚུད་ཡར་རྒྱས་ཡོང་ཐབས། བོད་ཀྱི་བསྟན་སྲིད་ཁོར་ཡུག་དང་བཅས་པ་ཉམས་ཆག་གུད་དུ་འགྲོ་བཞིན་པ་ལས་སྐྱོབ་ཐབས། བོད་ཀྱི་སྐད་ཡིག་སྲུང་སྐྱོབ་ཀྱི་མཚོན་པའི་ཤེས་ཡོན་ཡར་རྒྱས་དང་ནུས་སྟོབས་གོང་མཐོར་གཏོང་ཕྱོགས། བེུད་ལྷན་ཚོགས་ཀྱི་ཚོགས་ཆེན་ཐེངས་ ༡༠ གྲོས་ཆོད་ཁག་ལ་བསྐྱར་ཞིབ་དང་མཇུག་སྐྱོང་གནང་རྒྱུ། དབུས་ས་གཉིས་ཀྱི་ལས་སྡོམས་དང་རྩིས་ཁྲ་སྙན་སྒྲོན་ཞུ་རྒྱུ་དང་དོགས་དྲི་ཞུ་རྒྱུ་བཅས་ཡིན་པ་རེད།
རྩ་བའི་དབུས་བོད་ཀྱི་བེུད་ལྷན་ཚོགས་ཀྱི་འགན་འཛིན་ལྷན་ཀྱི་ཚོགས་ཆེན་ཐེངས་ ༡༢ དེ་རིང་ཚེས་ ༨ ནས་དབུ་འཛུགས་ཀྱིས་ ༡༣ བར་བཅས་གཟའ་འཁོར་གཅིག་རིང་འཚོགས་རྒྱུ་ཡིན་འདུག
