Tibetan Royal Year of 2151 | Year of the Wood Dragon

ཤར་གླིང་བསྟན་འཛིན་ཟླ་སྒྲོན་ལགས་བཀའ་བློན་དུ་བདམས་ཐོན་བྱུང་མ་སོང་།

Tibetan News Headlines

  • བོད་དང་ཧི་མཱ་ལ་ཡ། བོད་དང་འབྲས་ལྗོངས་དབར་གྱི་ཆོས་ཡོན་དང་ཆབ་སྲིད་ཀྱི་འབྲེལ་བ།

Sunday 14/04/2024

  • Tibet and the Himalayas: Unraveling Sikkim and Tibet’s Religious-Political Bonds

 དེ་རིང་ཟླ་ ༩ ཚེས་ ༢༤ ཉིན་གྲོས་ཚོགས་ཀྱི་ལས་ཉིན་ལྔ་པའི་སྔ་ཐོག་སྤྱི་ཟུར་ཤར་གླིང་བསྟན་འཛིན་ཟླ་སྒྲོན་ལགས་བཀའ་བློན་དུ་འོས་འདེམས་གནང་སྐབས་དགོས་ངེས་འོས་གྲངས་ ༢༡ མ་ཐོབ་པས་བཀའ་བློན་དུ་བདམས་ཐོན་བྱུང་མ་སོང་།

དེ་ཡང་སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་ཤར་གླིང་བསྟན་འཛིན་ཟླ་སྒྲོན་ལགས་སླར་རང་གི་བཀའ་བློན་འོས་མིག་ཏུ་བཏོན་རྗེས་སྤྱི་འཐུས་གཉིས་ཀྱིས་འགག་པ་གནང་རྐྱེན། ངོ་ཡོད་སྤྱི་འཐུས་ ༤༣ ནས་གསང་བའི་འོས་འཕེན་སོང་བ་དང་། སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་འོས་ཐོབ་གསལ་བསྒྲགས་གནང་སྐབས་བཀའ་བློན་གྱི་འོས་མིག་དེ་ཉིད་བཀའ་བློན་དུ་འོས་པ་གཟིགས་ནས་རྒྱབ་སྐྱོར་གནང་མཁན་ ༡༤ དང་དགག་བྱ་གནངdadon་མཁན་ ༢༧ རྩིས་མེད་སོང་བའི་གྲངས་ ༢ བཅས་བྱུང་སྟབས་ངོ་ཡོད་སྤྱི་འཐུས་ལས་དགོས་ངེས་འོས་གྲངས་མ་ཚང་སྟབས་བཀའ་བློན་དུ་བདམས་ཐོན་བྱུང་མེད་པ་གསལ་བསྒྲགས་གནང་ཡོད་པ་རེད།

རྩ་བའི་སྲིད་སྐྱོང་མཆོག་ནས་ཤར་གླིང་བསྟན་འཛིན་ཟླ་སྒྲོན་ལགས་གྲོས་ཚོགས་སྐབས་སྔ་མའི་ཐོག་བཀའ་བློན་དུ་མིང་འདོན་གནང་ཡོད་ནའང། ལོ་ངོ་ ༣༥ ཧྲིལ་པོ་མ་སོན་རྐྱེན་ལོ་ནའི་ཆ་ནས་བཀའ་བློན་གྱི་འོས་ཆོས་མ་ཚང་པས་ཉིན་གཅིག་རྗེས་བཀའ་བློན་ནས་ཕྱིར་འཐེན་གནང་ཡོད་པ་རེད། སྲིད་སྐྱོང་བློ་བཟང་སེང་གེ་མཆོག་གིས་དེ་རིང་ཁོང་བཀའ་བློན་གྱི་འོས་ཆོས་ཚང་པའི་ཐོག་སླར་ཡང་བཀའ་བློན་གྱི་འོས་མིག་ཏུ་བསྣམས་ཕེབས་པ་ཡོད་ཀྱང་།  གྲོས་ཚོགས་འཐུས་མི་གཉིས་ནས་འགག་པ་བྱུང་རྗེས་སྲིད་སྐྱོང་མཆོག་གིས་གསལ་བཤད་གནང་སྐབས་ཤར་གླིང་བསྟན་འཛིན་ཟླ་སྒྲོན་ལགས་ནས་བཀའ་བློན་གཞན་ལྟར་སྲིད་སྐྱོང་མཆོག་གིས་སྔོན་འགྲོའི་ཆ་རྐྱེན་གཉིས་ཁས་ལེན་གནང་པ་ཞིག་ཆགས་ཡོད་སྟབས་སྤྱི་འཐུས་རྣམ་པས་རྒྱབ་སྐྱོར་ཚད་མཐོ་པོ་གནང་སྐྱོང་ཡོང་བའི་རེ་འདུན་ཞུས་ཡོད།

སྤྱི་ཟུར་ཤར་གླིང་བསྟན་འཛིན་ཟླ་སྒྲོན་ལགས་ནས་དེ་རིང་བཀའ་བློན་འོས་འདེམས་ཀྱི་གསལ་བསྒྲགས་གྲུབ་རྗེས་གསར་འགོད་པའི་བཅར་འདྲི་དང་ལེན་གནང་སྐབས་ཁོང་གིས་རེ་བ་གནང་བ་ལྟར་མང་མོས་ཀྱི་རྒྱབ་སྐྱོར་ཐོབ་མེད་ནའང་། དེ་ནི་གྲོས་ཚོགས་དང་མང་གཙོའི་འགྲོ་ལུགས་ཤིག་ལ་ངོས་འཛིན་གནང་གི་ཡོད་པ་གསུངས་སོང་།

འབྲེལ་ཡོད་གསར་གནས།

གསར་གནས།