བསྟན་འཛིན་བརྩོན་འགྲུས་

རྩོམ་པ་པོ་དང་བོད་རང་བཙན་ལས་འགུལ་བ་བསྟན་འཛིན་བརྩོན་འགྲུས་ལགས་ཟླ་ ༤ ཚེས་ ༢ ཉིན་ཡོ་རོབ་སུད་སི་རྒྱལ་ཁབ་ནས་འགོ་འཛུགས་ཀྱིས་ཡོ་རོབ་ནང་གི་རྒྱལ་ཁབ་མི་ཉུང་བ་ཞིག་ཏུ་བོད་དོན་གཏམ་བཤད་ཀྱི་སྐོར་སྐྱོད་ལས་འགུལ་སྤེལ་བཞིན་ཡོད་པ་དང་། ཁ་ཉིན་ཕྱི་ཚེས་ ༡༨ ཉིན་ཁོང་སུད་སི་དང་། ཌེན་མག སུད་ཌེན་བཅས་ཀྱི་ནང་གཏམ་བཤད་ཀྱི་ལས་རིམ་ཁག་གྲུབ་ནས་ནོར་ཝེ་རྒྱལ་ས་ཨོས་ལོ་ (Oslo) ནང་དུ་འབྱོར་མཚམས་ས་གནས་བོད་མི་རྣམས་དང་ཐུག་འཕྲད་དང་ལྷག་པར་དུ་ཁ་ཉིན་དང་དེ་རིང་བཅས་སུ་ནོར་ཝེ་རྒྱལ་ཁབ་ཀྱི་ཁོར་ཡུག་བློན་ཆེན་ཟུར་པ་སྐུ་ཞབས་ Ola Elvestuen ལགས་དང་འཛུགས་སྐྲུན་བློན་ཆེན་ཟུར་པ་སྐུ་ཞབས་ Dag Inge Ulstein ལགས། བདེ་སྲུང་དང་ཕྱི་འབྲེལ་བློན་ཆེན་ཟུར་པ་ལྕམ་ Ine Eriksen Soereide ལགས་བཅས་དང་མཇལ་འཕྲད་ཞུས་ཏེ་བོད་དོན་སྐོར་གླེང་སློང་དང་། རྒྱལ་ས་ཨོས་ལོ་ནང་ཡོད་པའི་ The House...

དེ་རིང་རྩོམ་པ་པོ་དང་བོད་རང་བཙན་ལས་འགུལ་བ་བསྟན་འཛིན་བརྩོན་འགྲུས་ལགས་ཀྱིས་ལ་དྭགས་ཀྱི་རྒྱལ་ས་གླེ་ནས་ཧི་མཱ་ལ་ཡའི་རྒྱལ་རྒྱུད་ཀྱི་ས་ཁུལ་ཁག་བརྒྱུད་དེ་རྒྱ་གར་བྱང་ཤར་ཨ་རུ་ནཱ་ཅལ་བར་ཁྱོན་ཟླ་བ་གསུམ་རིང་བོད་དོན་དྲིལ་བསྒྲགས་ཀྱི་སྐོར་སྐྱོད་ལས་འགུལ་དབུ་འཛུགས་གནང་འདུགལས་འགུལ་དེ་ནི་ཧི་མཱ་ལ་ཡའི་རྒྱལ་རྒྱུད་ནང་མང་ཚོགས་རྣམས་ལ་ལོ་ངོ་སྟོང་ཕྲག་ལྷག་གི་གོང་ནས་འབྲེལ་ལམ་ཡོད་པའི་བོད་ཀྱི་ཐུན་མིན་ཆོས་རིག་དང་སྐད་ཡིག་སོགས་ཀྱི་སྐོར་ལ་གོ་རྟོགས་སྤེལ་ཆེད་ཡིན་པ་དང་། ལས་འགུལ་དེའི་ཁྲོད་ཧིན་སྐད་ཐོག་འཁྲབ་སྟོན་ཞུས་པའི་༸གོང་ས་སྐྱབས་མགོན་ཆེན་པོ་མཆོག་བོད་ནས་རྒྱ་གར་དུ་བཙན་བྱོལ་ལ་ཕེབས་པའི་༸སྐུ་ཚེའི་མཛད་རྣམ་གྱི་གློག་བརྙན་ཞིག་ཀྱང་གཟིགས་འབུལ་ཞུ་རྒྱུ་རེད་འདུག

བོད་རང་བཙན་འཐབ་རྩོད་པ་དང་རྩོམ་པ་པོ་བསྟན་འཛིན་བརྩོན་འགྲུས་ལགས་ཀྱིས་བོད་ལོ་གསར་ཚེས་ ༡ སྟེ་ཟླ་ ༢ ཚེས་ ༡༢ ཉིན་བཞུགས་སྒར་དྷརྨ་ས་ལ་ནས་དབུ་འཛུགས་ཀྱིས་རྒྱལ་ས་ལྡི་ལི་བར་བོད་དོན་གོམ་བགྲོད་དང་སྦྲགས་རྒྱ་གར་གཞུང་ནས་རྒྱ་ནག་གཅིག་གི་སྲིད་བྱུས་ལ་ངོས་ལེན་གནང་བཞིན་པ་དེར་བསྒྱུར་བཅོས་གནང་དགོས་པའི་དགོས་འདུན་དང་བོད་མི་མང་ཚོགས་རྣམས་ནས་ས་གནས་ཡུལ་མི་དང་འབྲེལ་ཡོད་དབུ་ཁྲིད་རྣམས་ལ་རྒྱ་གར་འདི་བོད་དང་ས་འབྲེལ་ཡིན་པ་ལས་རྒྱ་ནག་དང་ས་འབྲེལ་མིན་པ་སོགས་ཀྱི་དྲིལ་བསྒྲགས་དང་ཞུ་གཏུག་ལས་འགུལ་སྤེལ་དགོས་པའི་རེ་སྐུལ་གནང་བཞིན་ཡོད་པ་རེད།དེ་རིང་བསྟན་འཛིན་བརྩོན་འགྲུས་ལགས་གོམ་བགྲོད་གནང་སྟེ་ཉིན་གྲངས་ ༡༡ སོང་མཚམས་འདིར་རླུང་འཕྲིན་ཁང་གིས་འདས་པའི་ཉིན་གྲངས་དེ་དག་ཁྲོད་བོད་མི་མང་ཚོགས་ཀྱི་ངོས་ནས་ལས་འགུལ་དེར་མཉམ་ཞུགས་དང་ལྷག་པར་དུ་ས་གནས་ས་ཐོག་ཏུ་རྒྱ་གར་ཡུལ་མི་ཚོའི་ངོས་ནས་གཟིགས་ཕྱོགས་གང་འདྲ་ཡོད་མེད་སོགས་དང་འབྲེལ་བའི་བཅར་འདྲི་ཁག་ཅིག་ཞུས་པར་ཐེངས་འདིའི་ལས་འགུལ་གྱི་དམིགས་ཡུལ་གཙོ་བོ་དེ་བོད་དོན་དྲིལ་བསྒྲགས་ཙམ་མ་ཡིན་པར་རྒྱ་གར་གཞུང་གི་སྲིད་བྱུས་ལ་བསྒྱུར་བཅོས་གནང་རྒྱུ་དེ་ཡིན་བསྟབས། བོད་མི་མང་ཚོགས་རྣམས་ནས་ལས་འགུལ་འདིར་མཉམ་ཞུགས་གནང་རྒྱུ་ཆེས་གལ་ཆེན་པོ་ཆགས་ཀྱི་ཡོད་ཀྱང་། ད་ལྟའི་ཆར་བོད་མི་མང་ཚོགས་ཀྱི་ངོས་ནས་མཉམ་ཞུགས་གནང་ཕྱོགས་ལ་འདོད་པ་འཁེངས་པ་ཞིག་བྱུང་མ་སོང་ཞེས་གསུངས་པ་དང་ཆབས་ཅིག མང་ཚོགས་རྣམས་ཀྱིས་ལས་འགུལ་འདི་བསྟན་འཛིན་བརྩོན་འགྲུས་གང་ཟག་སྒེར་དང་འབྲེལ་བ་ཡོད་པའི་ལས་འགུལ་ཞིག་ལ་ངོས་འཛིན་མ་གནང་བར་བོད་རྒྱལ་ཁབ་དང་མི་རིགས་ཀྱི་ཁེ་ཕན་ཆེད་དུ་ཡིན་པར་དགོངས་པ་བཞེས་གནད་ཡིན་པའི་གཞེན་སྐུལ་གནང་སོང་།ས་གནས་རྒྱ་གར་གྱི་ཡུལ་མི་དང་འབྲེལ་ཡོད་དབུ་ཁྲིད་རྣམས་ལ་རྒྱ་གར་འདི་བོད་དང་ས་འབྲེལ་ཡིན་པ་ལས་རྒྱ་ནག་དང་ས་འབྲེལ་མིན་པའི་དྲིལ་བསྒྲགས་དང་ཞུ་གཏུག་སོགས་གནང་རྒྱུ་དེ་ཆགས་ཀྱི་ཡོད་པ་དང་འབྲེལ་ནས་ཁ་ཉིན་རེས་གཟའ་སྤེན་པའི་ཉིན་རྒྱ་གར་དང་རྒྱ་ནག་གི་དམག་སྤྱིའི་དབར་གྲོས་མོལ་ཐེངས་བཅུ་པ་དེ་གནང་རྗེས་བོད་དང་རྒྱ་གར་གཉིས་ཀྱི་ས་མཚམས་ས་ཁུལ་དུ་ཆགས་པའི་ལ་དྭགས་སྤང་གོང་མཚོའི་ཁུལ་གྱི་རྒྱ་དཀར་ནག་གཉིས་ཀྱི་དམག་དཔུང་རྣམས་ཕྱོགས་སོ་སོའི་ས་ཁོངས་སུ་ཕྱིར་བཤོལ་གནང་རྒྱུའི་ཐག་གཅོད་བྱུང་བ་དང་། རྒྱ་ནག་གཞུང་འབྲེལ་གྱི་བརྒྱུད་ལམ་ཐོག་སྔར་ལོ་སྤང་གོང་མཚོའི་ཁུལ་དུ་རྒྱ་དཀར་ནག་གཉིས་ཀྱི་དམག་མིའི་དབར་གདོང་ཐུག་ལག་འཛིང་སོགས་ཤོར་བའི་དོན་རྐྱེན་དེ་དག་རྒྱ་གར་གི་དམག་མིས་བཟོས་པ་ཞིག་ཡིན་སྐོར་བརྙན་ཐུང་ཕྱོགས་སྒྲིག་བྱས་པ་ཞིག་འདོན་སྤེལ་བྱས་པ་དང་སྐབས་དེའི་དོན་རྐྱེན་ཁྲོད་རྒྱ་ནག་གི་དམག་མི་ ༤༥ ཙམ་གྱི་ཚེ་སྲོག་ཤོར་ཡོད་པའི་གནས་ཚུལ་ཡོངས་ཁྱབ་བྱས་ཡོད་ཀྱང་། རྒྱ་ནག་གཞུང་གིས་གནད་དོན་དེ་དག་ད་བར་གསང་བ་བྱས་ནས་ཉེ་ཆར་སྐབས་དེར་རྒྱ་ནག་གི་དམག་མི་བཞིའི་ཚེ་སྲོག་ཤོར་སྐོར་བཤད་པའི་གནས་ཚུལ་ཐོན་ཡོད་པ་རེད།གཞི་རྩའི་བསྟན་འཛིན་བརྩོན་འགྲུས་ལགས་དེ་རིང་ Punjab མངའ་སྡེའི་ Bharatgarh ས་གནས་ནས་ཕེབས་ཏེ་དགོང་དྲོ་ Rupnagar ཞེས་པའི་ས་གནས་སུ་འབྱོར་གྱི་ཡོད་པར་མ་ཟད། རིམ་བཞིན་ Chandigarh...