བོད་ཀྱི་ན་གཞོན་ཉམས་ཞིབ་པའི་ཚོགས་འདུ།

དེ་རིང་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་བརྒྱད་པ་ཚོགས་སོང་བ་དང་ཚོགས་འདུ་འདི་དེ་རིང་ནས་དབུ་འཛུགས་ཀྱིས་ཕྱི་ཚེས་ ༢༥ བར་འཚོགས་རྒྱུ་ཡིན་པ་རེད།དེ་རིང་སྔ་དྲོ་ཚོུད་ ༩༌༣༠ ཐོག་ཚོགས་འདུའི་དབུ་འབྱེད་མཛད་སྒོར་སྐུ་མགྲོན་གཙོ་བོ་ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གི་འགན་འཛིན་འཇུ་བསྟན་སྐྱོང་ལགས་དང་དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་ཀྱིས་གཙོས་པའི་ཉམས་ཞིབ་ཀྱིས་དཔྱད་རྩོམ་འབུལ་ལམ་ཞུ་མཁན་ན་གཞོན་ཉེར་བཞི་དང་ཟུར་ཉན་པ་ཁག་གཅིག་མཉམ་ཞུགས་གནང་ཡོད། གཞི་རྩའི་བོད་ཀྱི་ན་གཞོན་ཚོགས་འདུར་མི་གྲངས་ ༥༤ ནས་སྙན་ཞུ་ཕུལ་འདུག་པ་དང་དཔྱད་རྩོམ་གྱི་སྙིང་དོན་གཞིར་བཞག་གིས་མི་གྲངས་ ༣༠  ལ་གོ་སྐབས་གནང་ཡོད་ཀྱང་དེའི་ཁྲོད་ནས་མི་གྲངས་ ༦ ཕྱིར་འཐེན་གནང་རྐྱེན་མི་གྲངས་ ༢༤ ནས་ཚོགས་བཅར་ཞུས་འདུག ཉིན་གྲངས་གསུམ་གྱི་ཚོགས་འདུ་ཐོག་ཕྱི་ལོ་ ༡༩༤༥ ལོར་བོད་ཀྱི་འཐུས་མི་རྒྱ་ནག་ཏུ་ཕེབས་དོན་སྐོར་ལ་དཔྱད་པ་དང་རྒྱ་གཞུང་གི་བོད་ནང་ཚད་མཐོའི་འཕྲུལ་རིགས་ཀྱི་ཚོད་འཛིན། བོད་བཙན་པོའི་སྐབས་ཀྱི་ཡིག་ཐོག་རྒྱུ་ཆའི་དུས་ཚིགས་ལ་དཔྱད་པ། ཞང་ཞུང་ཤེས་རིག་ལས་ཇུ་ཐིག་ཅེས་པའི་ཐ་སྙད་ལ་དཔྱད་པ། རྫས་གྲུབ་འདོད་ཚུལ་ལ་དཔྱད་པ། བོད་ནང་གི་གཏེར་ཁ་སྔོག་འདོན་དང་འབྲེལ་བའི་དཔྱད་ཞིབ། གསོ་རིག་གི་ལྟ་ཚུལ་ཐོག་ནས་ཁོར་ཡུག་ཉམས་རྒུད་སོགས་ཀྱི་བརྗོད་གཞིར་བགྲོ་གླེང་གནང་རྒྱུ་རེད་འདུགགསར་འགོད་པས་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་ཀུན་དགའ་རྒྱལ་མཚན་ལགས་སུ་ཚོགས་འདུ་དང་འབྲེལ་བའི་བཅར་འདྲི་ཁག་ཅིག་ཞུས་པར་ཁོང་གིས་བོད་ཀྱི་སྲིད་བྱུས་ཉམས་ཞིབ་ཁང་ཐོག་མར་དབུ་བརྙེས་པ་ནས་བཟུང་སྟེ་བསམ་བློའི་བང་མཛོད་དང་ཤེས་ལྡན་པའི་བསྟི་གནས་བསྐྲུན་རྒྱུའི་དམིགས་ཡུལ་ངེས་ཅན་གཉིས་ཡོད་པ་དང་། ལྷག་པར་ད་རེས་ཚོགས་འདུའི་ཐོག་ཉམས་ཞིབ་པ་ཚོའི་དཔྱད་རྩོམ་རྣམས་སྲིད་བྱུས་ཉམས་ཞིབ་ཁང་གི་དུས་དེབ་ཐོག་འདོན་སྤེལ་གྱིས་རྒྱལ་སྤྱིའི་སྡིངས་ཆར་སྙོབས་ཐབས་གནང་གི་ཡོད་སྐོར་སོགས་གསུངས་སོང་།  དབུ་འབྱེད་མཛད་སྒོའི་དམིགས་བསལ་སྐུ་མགྲོན་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་ཀྱིས་ཉམས་ཞིབ་པ་ཚོས་བོད་ཀྱི་ལོ་རྒྱུས་དང་ཆོས་རིག...

དེ་རིང་སྔ་དྲོ་ཕྱག་ཚོད་དགུ་དང་ཕྱེད་ཀའི་ཐོག  བོད་མིའི་སྒྲིག་འཛུགས་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་གི་འོག་ཉིན་གསུམ་རིང་གི་བོད་ཀྱི་ན་གཞོན་ཉམས་ཞིབ་ཚོགས་འདུ་ཐེངས་བདུན་པ་དེ་དྲ་ཐོག་ནས་དབུ་འཛུགས་གནང་སོང་།ཉིན་གསུམ་གྱི་ན་གཞོན་ཉམས་ཞིབ་ཀྱི་ཚོགས་འདུའི་ཉིན་དང་པོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གི་གཙོ་བྱས་པའི་སྲིད་བྱུས་ཉམས་ཞིབ་ཁང་གི་འགན་འཛིན་དང་། དེ་བཞིན་ཐེངས་འདིར་ཚོགས་ཐོག་ནས་ཉམས་ཞིབ་ཀྱི་གཏམ་བཤད་གནང་མཁན་གྱི་ཚོགས་མི་སོ་གསུམ་ལྷག་གིས་མཉམ་ཞུགས་ཀྱིས་ལོ་རྒྱུས་ཁྲོད་ཀྱི་གནད་དོན་བྱེ་བྲག་པར་ཞིབ་འཇུག་དང་སྤྱི་ཚོགས་དཔྱད་བརྗོད་སོགས་ཀྱི་བརྗོད་གཞི་སྣ་མང་ཐོག་དངོས་སུ་ཉམས་ཞིབ་ཀྱི་གྲུབ་དོན་སྒྲོག་སྦྱང་བྱེད་འགོ་ཚུགས་སོང་།ཚོགས་འདུ་དབུ་འབྱེད་ཀྱི་མཛད་སྒོའི་ཐོག་འགན་འཛིན་ཟླ་བ་ཚེ་རིང་ལགས་ཀྱིས་གཏམ་བཤད་གནང་བའི་ནང་དུ། མི་རིགས་གང་དང་གང་ཡིན་རུང་སོ་སོའི་སྐྱེ་ཁོངས་དང་ལོ་རྒྱུས་མ་ཤེས་ཚེ་ནགས་ཁྲོད་ཀྱི་མཇུག་མ་མེད་པའི་སྤྲེའུ་ལྟ་བུ་ཡིན་ལུགས་ཀྱི་བཤད་རྒྱུན་ཡོད་པར་ལུང་འདྲེན་གྱིས། རྒྱ་ནག་གིས་བོད་ས་བཙན་འཛུལ་བྱས་པ་དེ་ཡང་ལོ་རྒྱུས་ཐོག་བོད་དེ་རྒྱ་ནག་གི་ཆ་ཤས་ཤིག་ཡིན་ལུགས་སྒྲིབ་ཀྱི་ཡོད་པ་ལྟར། རྒྱ་ནག་གི་མི་ཉིས་སྟོང་ལྷག་གིས་ཆེད་དུ་དུས་རྒྱུན་ནས་བོད་རིག་པའི་ཆེད་མཁས་བ་སྐོང་འགུག་གིས་བོད་དོན་དང་བོད་ཀྱི་ལོ་རྒྱུས་ཀྱི་སྐོར་ལ་ཞིབ་འཇུག་གནང་མུས་ཡིན་སྟབས། བོད་མི་ན་གཞོན་མཁས་དབང་རྣམས་ཀྱིས་ལོ་རྒྱུས་ལ་ཞིབ་འཇུག་བྱས་པའི་ཐོག་ནས་གྲུབ་དོན་སྤྱི་ཚོགས་ལ་ངོ་སྤྲོད་བྱེད་དགོས་བ་དེ་གལ་ཆེན་པོ་ཡིན་པའི་གཏམ་བཤད་གནང་སོང་།དེ་བཞིན་དེ་རིང་ཉམས་ཞིབ་ཚོགས་འདུ་དབུ་འབྱེད་ཀྱི་མཛད་སྒོའི་སྐུ་མགྲོན་གཙོ་བོ། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་བོད་ཀྱི་ལོ་རྒྱུས་ལ་སློབ་སྦྱོང་གིས་མ་འོངས་ཁ་ཕྱོགས་འཚོལ་སྒྲུབ་བྱེད་རྒྱུ་དང་། དེ་བཞིན་ན་གཞོན་ཉམས་ཞིབ་རྣམས་ཀྱིས་སོ་སོའི་ཆེད་ལས་ཙམ་མིན་པར་བོད་མིའི་སྒྲིག་འཛུགས་ཀྱི་བཅའ་ཁྲིམས་རིན་པོ་ཆེ་ཡི་མཚོན་པའི་ཁྲིམས་སྒྲིག་ཁག་ལ་ལྟ་ཀློག་བྱེད་རྒྱུ་གལ་ཆེན་ཡིན་པའི་གནད་དོན་གཉིས་ཀྱི་སྒང་ནས་གཏམ་བཤད་གནང་སྟེ། ད་ལྟའི་ཆར་རྒྱ་ནག་གི་ལྟ་རྟོག་ནན་པོའི་ཁྲོད་བཙན་བྱོལ་དུ་འབྱོར་མཁན་ཆེས་ཉུང་དུ་ཕྱིན་ཡོད་པའི་གནས་བབ་དང་འབྲེལ་ནས་བོད་ཕྱི་ནང་གཉིས་ཀྱི་འབྲེལ་ལམ་ལ་སེམས་འཚབ་ཡོད་པར་འགྲེལ་བརྗོད་དང་སྦྲགས། བོད་ཀྱི་ན་གཞོན་ཉམས་ཞིབ་པ་རྣམས་ཀྱིས་དེང་དུས་ཀྱི་ཉམས་ཞིབ་ཀྱི་ཐབས་ལམ་བེད་སྤྱད་དེ་རྒྱ་ནག་གི་དབང་བསྒྱུར་འོག་གི་བོད་ནང་གི་དངོས་ཡོད་ཀྱི་གནས་སྟངས་ལ་རྒྱུས་ལོན་གནང་བའི་ཐོག་ནས་བོད་མིའི་རྩ་དོན་རྩོད་སྒྲུབ་ལ་རོགས་འདེགས་གནང་སྟེ་རྒྱལ་སྤྱིའི་སྤྱི་ཚོགས་ཁྲོད་བོད་མིའི་ཆོས་དང་རིག་གཞུང་དང་ཆབ་སྲིད་ཀྱི་གནས་བབ་སོགས་ཀྱི་ཐད་ནས་ངོ་སྤྲོད་གནང་གལ་ཡིན་པར་གསུངས་སོང་། དེ་བཞིན་དེ་རིང་གི་ཉམས་ཞིབ་ཀྱི་ཚོགས་འདུའི་ཁྲོད་ཉམས་ཞུགས་གནང་མཁན་གྱི་ཁྲོད་དུ་ཚོགས་ཞུགས་པ་མང་ཆེ་བར་འབུམ་རམས་པའི་ཕྱག་འཁྱེར་ཡོད་མཁན་དང་། ཁག་ཅིག་གིས་ད་དུང་འབུམ་རམས་པའི་སློབ་སྦྱོང་གནང་མུས་ཡིན་པ་ཆགས་ཡོད་སྟབས། སྲིད་སྐྱོང་མཆོག་དང་འགན་འཛིན་ཟླ་བ་ཚེ་རིང་ལགས་གཉིས་ཀྱིས་ན་གཞོན་ཉམས་ཞིབ་ཀྱི་ཚོགས་འདུ་དེ་ལོ་རེ་ནས་ལོ་རེ་བཞིན་ཚོགས་ཞུགས་ཀྱི་སྤུས་ཀ་ཇེ་ལེགས་དང་ཉམས་ཞིབ་ཀྱི་བརྗོད་གཞི་སྣ་འཛོམང་རང་བཞིན་དུ་འགྱུར་བཞིན་པར་བསྔགས་བརྗོད་གནང་སོང་།དེ་རིང་གི་ཉམས་ཞུབ་པའི་ཚོགས་ཞུགས་པ་རྣམས་ཀྱི་གཏམ་བཤད་འགོ་འཛུགས་མ་ཞུས་གོང་དུ། ཨ་རིའི་གྲོང་ཁྱེར་ཁ་ལེ་ཕོ་ནེ་ཡའི་གཙུག་ལག་སློབ་ཆེན་གྱི་སློབ་དཔོན་ཟུར་བ་མཁས་དབང་ངག་དབང་ཕུན་ཚོགས་ལགས་ཀྱིས་བོད་རིག་པའི་སློབ་སྦྱོང་འགོ་འཛུགས་གནང་སྟངས་ཀྱི་སྐོར་ནས་གཏམ་བཤད་གནང་སྟེ། དང་ཐོག་རྒྱལ་སྤྱིའི་བོད་རིགས་པའི་ཞིབ་འཇུག་ཚོགས་འདུའི་སྐབས་སུ་བོད་ཀྱི་ཆོས་རིག་དང་འབྲེལ་བའི་གཏམ་བཤད་གནང་མཁན་མང་ཆེ་བ་ཕྱི་ལོག་གི་མཁས་དབང་དེ་འདྲ་ཆགས་ཡོད་པར་འགྲེལ་བརྗོད་ཀྱིས་ད་ཆ་བོད་མི་ཞིབ་འཇུག་པ་མང་དུ་ཐོན་པ་བཞིན་པ་དེ་གལ་ཆེན་པོ་ཡིན་པ་དང་། བོད་ཀྱི་ཆོས་རིག་ཀྱི་སྐོར་ནས་ཉམས་ཞིབ་བྱེད་སྐབས་བོད་མི་རྣམས་ཀྱིས་ཉམས་ཞིབ་མཐིལ་ཕྱིན་པ་བྱེད་ཐུབ་སྐོར་དང་འབྲེལ་ནས་ད་ཆ་འབུམ་རམས་པ་ཐོན་མཁན་མང་པོ་བྱུང་བཞིན་པ་དེ་བཙན་བྱོལ་ནང་གི་ལེགས་སྐྱེས་དང་འགྱུར་འགྲོས་ཆེ་ཤོས་ཤིག་ཡིན་པར་གསུངས་སོང་།གཞི་རྩའི་བོད་ཀྱི་ན་གཞོན་ཉམས་ཞིབ་ཀྱི་ཚོགས་འདུ་དེ་ལོ་ལྟར་སྲིད་བྱུས་ཉམས་ཞིབ་ཁང་གི་གོ་སྒྲིག་གི་འོག་ཉམས་ཞིབ་པ་རྣམས་དངོས་སུ་སྐོང་འཚོགས་གནང་གི་ཡོད་ཀྱང་། རྒྱ་ནག་ནས་མཆེད་པའི་ཏོག་དབྱིབས་རིམས་ནད་ཀྱི་རྐྱེན་གྱིས་སྔར་ལོ་ནས་དྲ་ཐོག་ནས་ཚོགས་ཞུགས་གནང་འགོ་ཚུགས་ཤིང་། འདི་ལོའི་ཉིན་གསུམ་གྱི་ཚོགས་འདུའི་ཐོག་ས་གནས་འདྲ་མིན་ནས་བོད་ཀྱི་ཉམས་ཞིབ་པ་སོ་གསུམ་གྱིས་ཉམས་ཞུགས་ཀྱིས། བོད་ཀྱི་རྒྱལ་རབས་ལོ་རྒྱུས་དང་སྤྱི་ཚོགས་དཔྱད་བརྗོད། དེ་བཞིན་བོད་ཀྱི་སྙན་ངག་དང་དམངས་ཁྲོད་ཀྱི་ལ་གཞས་སོགས་ཀྱི་་བརྗོད་གཞི་སྣ་མང་ཞིག་གི་ཐོག་ཉམས་ཞིབ་གྲུབ་དོན་སྒྲོག་སྦྱང་བྱ་རྒྱུ་རེད་འདུག  དེ་རིང་གི་ཉམས་ཞིབ་པའི་གཏམ་བཤད་གནང་མཁན་ཐོག་མ་དེ། ཝཱཎ་གཙུག་ལག་སློབ་གཉེར་ཁང་གི་ལོ་རྒྱུས་དགེ་རྒན། འབུམ་རམས་པ་གཙང་སྨྱོན་འཇམ་དབྱངས་དོན་འགྲུབ་ལགས་ཀྱིས་རྒྱ་ནག་གི་ཆིང་གོང་མ་ཆན་ལུང་སྐབས་ཀྱི་མཛད་ཆེན་བཅུ་ཡི་ཡ་གྱལ་ཆུ་ཆེན་དམག་འཁྲུག་སྔ་ཕྱི་གཉིས་ཀྱི་སྐོར་ནས་འགོ་འཛུགས་གནང་སོང་།

དེ་རིང་ཕྱི་ཟླ་ ༡༡ པའི་ཚེས་ ༩ ཉིན་ནས་་བཟུང་། ཟླ་འདིའི་ཚེས་༡༢ བོར་བོད་མིའི་སྒྲིག་འཛུགས་ཀྱི་སྲིད་བྱུས་ཉམས་ཞིབ་ཁང་གིས་སྤྱི་ལོ་ ༢༠༡༥ ནས་བཟུང་གོ་སྒྲིག་ཞུ་བཞིན་པའི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་དྲུག་པ་དེ་དྲྭ་རྒྱ་བརྒྱུད་ནས་དབུ་འཛུགས་གནང་སོང་།

བཞུགས་སྒར་དུ་རྟེན་གཞི་བྱས་པའི་བོད་ཀྱི་སྲིད་བྱུས་ཉམས་ཞིབ་ཁང་དང་ལྷོ་ཕྱོགས་བྷེང་ལོར་རྟེན་གཞི་བྱས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་གཉིས་ཀྱིས་གོ་སྒྲིག་བྱས་པའི་རྒྱ་ནག་གིས་བོད་ས་བཙན་བཟུང་བྱས་ནས་མི་ལོ་དྲུག་ཅུ་འཁོར་་དང་བཙན་བྱོལ་ནང་གི་གནད་དོན་ཐད་དཔྱད་པ་ཞེས་པའི་བརྗོད་གཞིའི་འོག་བོད་ཀྱི་ན་གཞོན་ཉམས་ཞིབ་ཀྱི་ཚོགས་འདུ་ཐེངས་ལྔ་བ་དེ་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་བསྐོང་ཚོགས་གནང་འདུག ཟླ་བ་འདིའི་ཚེས་ ༡ ནས་ ༣ བར་ཚོགས་པའི་བོད་ཀྱི་གཞོན་ཉམས་ཞིབ་པའི་ཚོགས་ཐོག་ཏུ་སྐུ་མགྲོན་གཙོ་བོ་སེར་སྨད་གྲྭ་ཚང་གི་མཁན་རིན་པོ་ཆེ་དགེ་བཤེས་བཀྲ་ཤིས་ཚེ་རིང་ལགས་དང་། དམིགས་བསལ་སྐུ་མགྲོན་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་བསོད་ནམས་རྒྱལ་མཚན་ལགས་གཉིས་དབུ་བཞུགས་ཐོག་བོད་ཀྱི་ན་གཞོན་ཞིབ་འཇུག་པ་བཞི་བཅུ་ལྷག་གིས་རང་རང་གི་ཆེད་རྩོམ་སྒྲོག་སྦྱང་ཞུས་ཏེ་དྲི་བ་དྲིས་ལན་གྱི་ལམ་ནས་བགྲོ་གླེང་ལྷུག་པོ་གནང་འདུག   ཚོགས་འདུའི་ཐོག་བོད་ནང་གྱི་གནད་དོན་དང་འབྲེལ་ནས་འགོ་ཁྲིད་དང་བོད་ནང་གྱི་འཛིན་སྐྱོང་།  བོད་ནང་འཛུགས་སྐྲུན་ཡར་རྒྱས་དང་དེའི་མཇུག་འབྲས་ཀྱི་དོ་ཕོག བོད་ཀྱི་ཁོར་ཡུག དེ་བཞིན་རིག་གཞུང་དང་སྐད་ཡིག་སོགས་ཀྱི་གནས་བབ་ཐོག་བགྲོ་གླེང་གནང་ཡོད་པ་དང་། བཙན་བྱོལ་དུ་བོད་མིའི་སྒྲིག་འཛུགས་དང་འཛིན་སྐྱོང་། རིག་གཞུང་དང་ཤེས་ཡོན། དཔལ་འབྱོར་དང་སྤྱི་ཚོགས་སྲ་བརྟན་སོགས་ཀྱི་ཐོག་ལ་བགྲོ་གླེང་གནང་ཡོད་པ་རེད།   ཏཱ་ལའི་བླ་མ་མཐོ་སློབ་ཀྱི་སློབ་སྤྱི་བུ་མོ་ཚེ་རིང་ལགས་སུ་ཚོགས་འདུའི་གྲུབ་ཆ་དང་འབྲེལ་ཏེ་བཀའ་འདྲི་ཞུས་པར་ཐེངས་འདིའི་ཚོགས་ཐོག་ཤེས་ཡོན་ལྟེ་གནས་མི་འདྲ་བ་བཅོ་ལྔ་དང་དེ་བཞིན་ས་གནས་ཁག་བརྒྱད་ནས་འཐུས་ཚབ་ཀྱི་ཞིབ་འཇུག་པ་མཉམ་ཞུགས་བྱས་ཡོད་པ་མ་ཟད། ཉམས་ཞིབ་ཀྱི་བརྒྱུད་རིམ་ཁག་ཀྱང་དེ་སྔ་ལས་ཡག་པོ་བྱུང་ཡོད་པར་ངོ་སྤྲོད་གནང་སོང་བ་དང་། མང་ཆེ་བས་གནའ་དེང་ཟུང་འབྲེལ་གྱི་ཞིབ་འཇུག་གི་ཐབས་ལམ་སྤྱད་ནས་རྒྱུ་ཆ་འཚོལ་བསྡུ་གནང་ཡོད་པ་དང་། ལ་ལས་སྲོལ་རྒྱུན་གྱི་དཔྱད་ཐབས་ཁོ་ནར་བརྟེན་ནས་ཞིབ་འཇུག་གནང་ཡོད་སྐོར་གསུངས་ཡོད། དེ་བཞིན་བུ་མོ་ཚེ་རིང་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་དང་ཏཱ་ལའི་བླ་མ་མཐོ་རིམ་སློབ་གཉེར་ཁང་གཉིས་དབར་ལ་ཐེངས་འདིའི་ཚོགས་འདུ་བརྒྱུད་ནས་གན་ཡིག་ཅིག་ཀྱང་བཞག་སྟེ་མ་འོངས་པར་ལོ་རེ་རེ་ནང་མཐོ་སློབ་ཁང་གི་སློབ་མ་གཉིས་རེ་སྲིད་བྱུས་ཉམས་ཞིབ་ཁང་དུ་ཉམས་གསོག་གི་གོ་སྐབས་གནང་རྒྱུ་ཡིན་པ་ལྟར། སྲིད་བྱུས་ཉམས་ཞིབ་ཁང་གི་ཞིབ་འཇུག་པ་རྣམས་ཀྱང་མཐོ་སློབ་ཏུ་ཕེབས་ཏེ་གཏམ་བཤད་སོགས་གནང་རྒྱུ་གལ་ཆེར་ངོས་འཛིན་གནང་ཐོག་ཕྱོགས་གཉིས་ནས་ཟུང་འབྲེལ་གྱིས་སྤྱི་ཚོགས་ལ་ཕན་པའི་ཕྱག་ལས་གནང་རྒྱུ་ཡིན་པ་གསུངས་སོང་། རྩ་བའི་བོད་ཀྱི་ན་གཞོན་ཉམས་པའི་ཚོགས་འདུ་དེ་ནི་ཕྱི་ལོ་ ༢༠༡༥ ལོ་ནས་འགོ་ཚུགས་པ་ལྟར།  འདས་བའི་ཚོགས་འདུ་བཞི་དེ་བཞུགས་སྒར་ངྷ་སར་འཚོགས་ཡོད་པ་དང་། ཐེངས་འདིའི་ཚོགས་ཐེངས་ལྔ་པ་རྒྱ་གར་ལྷོ་ཕྱོགས་བྷེང་ལོར་བསྐོང་འཚོགས་གནང་བ་དང་། ཚོགས་འདུ་དེ་ནི་བོད་ཀྱི་སྲིད་བྱུས་ཉམས་ཞིབ་ཁང་གིས་བོད་ཀྱི་ན་གཞོན་ཉམས་ཞིབ་པ་རྣམས་ལ་རོགས་རམ་དང་གསོ་སྐྱོང་གནང་རྒྱུའི་ལས་འཆར་གལ་ཆེན་ཞིག་ཏུ་བརྩི་བཞིན་ཡོད་པ་རེད།

བཞུགས་སྒར་དུ་འཚོགས་བཞིན་པའི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་གསུམ་པའི་ཐོག་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གིས་བོན་ཐོག་དགོངས་པ་ཆེ་བཞེས་གནང་པར་བརྟེན་དེང་གི་སྤྱི་ཚོགས་ཁྲོད་བོན་པོ་ཐོག་ལྟ་སྟངས་ལ་འགྱུར་བ་ཕྱིན་ཡོད་པ་དང་། བོན་ཆོས་དང་རིག་གཞུང་ལ་དོ་སྣང་དང་སློབ་སྦྱོང་བྱེད་ས་ཞིག་ཆགས་ཡོད་པ་གསུངས་སོང། བོད་མིའི་སྒྲིག་འཛུགས་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་ཟླ་བ་འདིའི་ཚེས་ ༡༦ ཉིན་ནས་འགོ་འཛུགས་ཀྱིས་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་གསུམ་དེ་འཚོགས་བཞིན་ཡོད་པ་དང། དེ་རིང་ཉིན་མཐའ་མའི་སྔ་དྲོ་ཚོགས་དུས་སྐབས་བོད་ཀྱི་ཆོས་དང་སློབ་གསོ་ཞེས་པའི་གླེང་བརྗོད་ཁྲོད་འབུམ་རམས་པའི་སློབ་མ་ཁྲི་གཡུང་དྲུང་ལགས་ཀྱིས་༸རྒྱལ་བ་མཆོག་སྐུ་ཕྲེང་བཅུ་བཞི་པས་བོན་ཆོས་ཐོག་དགོངས་པ་བཞེས་ཕྱོགས་ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བ་དྲིས་ལན་གནང་སོང། སྐབས་དེར་ཁོང་གིས་༸རྒྱལ་དབང་སྐུ་ཕྲེང་གསུམ་པ་དང་ལྔ་པ། དེ་བཞིན་སྐུ་ཕྲེང་བཅུ་གསུམ་པ་བཅས་སྐུ་ཕྲེང་གོང་མ་ཁག་ནས་བོན་ལ་གཟིགས་ཕྱོགས་ཇི་ཡོད་དང་སྐབས་དེར་བོད་དུ་ཡོད་པའི་བོན་གྱི་དགོན་སྡེ་ཁག་བདག་སྐྱོང་མཛད་པའི་ལོ་རྒྱུས་རྒྱབ་ལྗོངས་སོགས་ངོ་སྤྲོད་སྤྱི་དང་སྒོས་༸རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་དང་བོན་དབར་ཐོག་མར་འབྲེལ་བ་བྱུང་རིམ་དང། སྤྱི་འཐུས་ལྷན་ཚོགས་སུ་ཐོག་མར་གཡུང་དྲུང་བོན་གྱི་ཞབས་སྟེགས་གསོལ་བསྩལ་དང། བོན་གྱི་བླ་ཆེན་ཁག་ལ་གཟིགས་ཕྱོགས། དེ་བཞིན་བོན་པོ་དེ་བོད་ཀྱི་ས་སྐྱེས་རྡོ་སྐྱེས་དང་ཕ་མེས་ཡང་མེས་ཀྱི་ཆོས་བརྒྱུད་ཅིག་ཡིན་པ་བཅས་ཀྱི་བཀའ་སློབ་རིམ་པ་གནང་བར་བརྟེན་དེང་གི་སྤྱི་ཚོགས་ཁྲོད་བོན་ཐོག་མང་ཚོགས་ཀྱི་ལྟ་སྟངས་ལ་འགྱུར་བ་ཕྱིན་ཡོད་པ་མ་ཟད། བོན་ཆོས་དང་དེའི་རིག་གཞུང་ལ་དོ་སྣང་གནང་ཐོག་སློབ་སྦྱོང་དང་ཉམས་ཞིབ་བྱེད་ས་ཞིག་ཆགས་ཀྱང་ཡོད་པ་སོགས་གསུངས་ཡོད་པ་རེད། སྨན་རི་དགོན་གྱི་འབུམ་རམས་པའི་སློབ་མ་ཁྲི་གཡུང་དྲུང་ལགས་ནས་གཏམ་བཤད་ཀྱི་ལས་རིམ་གནང་བསྒྲུབས་རྗེས་ཟུར་དུ་ཁོང་གི་དཔྱད་རྩོམ་དང་འབྲེལ་བའི་བཅར་འདྲི་ཁག་ཅིག་ཞུས་ཡོད། རྩ་བའི་བོད་ཀྱི་ཆོས་དང་སློབ་གསོ་ཞེས་པའི་གླེང་བརྗོད་ཐོག་སྔ་དྲོ་ཚོགས་དུས་སྐབས་སུ་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་དང་བོད་ཀྱི་མ་འོངས་མདུན་ལམ་དང། བོད་ཕྱི་ནང་གི་སློབ་གསོའི་གནས་རིམ་བརྡ་ཆད་བཅས་སྐོར་ལ་གཏན་བཤད་དང་བགྲོ་གླེང་ཡང་གནང་ཡོད་པ་རེད།