རྒྱལ་ཚོགས་ཀྱི་མདུན་དུ་ངོ་རྒོལ་ལས་འགུལ་བརྒྱུད་བོད་རང་བཙན་ཉིན་མོ་སྲུང་བརྩི།

དེ་སྔ་ཕྱི་ལོ་ ༡༩༤༨ ལོར་འཛམ་གླིང་མཉམ་འབྲེལ་རྒྱལ་ཚོགས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཉིན་མོ་ཞེས་ཡོངས་གྲགས་གཏན་འབེབས་དང། འགྲོ་བ་མིའི་ཐོབ་ཐང་གནད་དོན་ཐོག་འཛམ་གླིང་ནང་གི་གཞུང་སྒེར་མང་ཚོགས་ནས་དོ་ཁུར་དང་དོ་སྣང་ཡོང་ཐབས་སུ། ལོ་ལྟར་ཕྱི་ཟླ་ ༡༢ ཚེས་ ༡༠ ཉིན་མོར་འགྲོ་བ་མིའི་ཐོབ་ཐང་དང་འབྲེལ་བའི་འབོད་ཚིག་བྱེ་བྲག་པ་ཆེད་སྒྲོག་གི་སྒོ་ནས་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་སྲུང་བརྩི་ཞུ་བཞིན་ཡོད་པ་དང། འདི་ལོའི་འགྲོ་བ་མིའི་ཐོབ་ཐང་ཉིན་མོའི་འབོད་ཚིག་ནི། འགྲོ་བ་མི་ཡོངས་ལ་ཆེ་མཐོང་དང་རང་དབང་། དྲང་བདེན་ཞེས་པ་དེ་ཆགས་ཡོད། འདི་ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་ཡོངས་གྲགས་གསལ་བསྒྲགས་སྤེལ་ནས་མི་ལོའི་ ༧༥ ཧྲིལ་པོ་འཁོར་བའི་དུས་ཚིགས་འདིར། སུད་སི་དང་ལིག་ཏེན་སིཊཡན་བོད་རིགས་མི་མང་གི་སྣི་ཁྲིད་འོག་བོད་མི་ཚོས་སུད་སི་གྲོང་ཁྱེར་ཇི་ནི་ཝ་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་མདུན་ཐང་དུ་འདུ་འཛོམས་ཀྱིས་བོད་ནང་རྒྱ་ནག་གཞུང་གིས་བོད་མིའི་འགྲོ་བ་མིའི་ཐོབ་རྡོག་རོལ་དང་མི་རིགས་རྩ་མེད་ཀྱི་སྲིད་བྱུས་ལག་བསྟར་བྱེད་བཞིན་ཡོད་པ་སོགས་ཀྱི་འབོད་སྒྲའི་འོག་ཞི་རྒོལ་གནང་ཡོད།སྐབས་དེར་ལས་འགུལ་ཐོག་འདུ་འཛོམས་བྱུང་བའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་ལས་ཁུངས་མདུན་ནས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་མདུན་ཐང་བར་ཕྱག་ཏུ་བོད་ཀྱི་རྒྱལ་དར་འཕྱར་ཞིང། བོད་ལ་རང་དབང་དགོས། བོད་ནང་འགྲོ་བ་མིའི་ཐོབ་ཐང་རྡོག་རོལ་མཚམས་འཇོག་དགོས། རྒྱལ་ཚོགས་གཉིད་གསོད་དགོས། བོད་ནང་མི་རིགས་ལྡེབ་གསོད་ཀྱི་སྲིད་བྱུས་ལག་བསྟར་མཚམས་འཇོག་དགོས་པ་སོགས་ཀྱི་ཤོག་བྱང་བསྣམས་ཏེ་ཞི་བའི་གོམ་བགྲོད་གནང་ཡོད།ཡོ་རོབ་བོད་མི་མང་སྤྱི་འཐུས་ཐུབ་བསྟན་རྒྱ་མཚོ་ལགས་དང་སུད་སི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་རྣམ་གཉིས་ཀྱིས་གཙོས་པའི་སུད་སི་དང་ལིག་ཏེན་སིཊཡན་བོད་རིགས་མི་མང་། སུད་བོད་མཐུན་ཚོགས། ས་གནས་བེུད། ཡོ་རོབ་བོད་རིགས་གཞོན་ནུ་མཐུན་ཚོགས་སོགས་ལས་འགུལ་ཐོག་མཉམ་ཞུགས་གནང་ཡོད།ས་གནས་ཀྱི་ཆོལ་ཁ་གསུམ་ཚོགས་པའི་ངོས་ནས་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་ལྷན་ཚོགས་ཀྱི་གཙོ་འཛིན་སྐུ་ཞབས་ Volker...

དེ་རིང་ཕྱི་ཚེས་ ༡༣ ཉིན་མོ་འདི་ནི་དེ་སྔ་༸རྒྱལ་མཆོག་སྐུ་ཕྲེང་ ༡༣ པ་ཐུབ་བསྟན་རྒྱ་མཚོ་མཆོག་གིས་བོད་རང་བཙན་གསལ་བསྒྲགས་བསྐྱངས་ནས་མི་ལོ་ ༡༠༩ འཁོར་བའི་དུས་ཚིགས་དང་བསྟུན། སུད་སི་གྲོང་ཁྱེར་ཇི་ཝའི་མཉམ་འབྲེལ་རྒྱལ་ཚོགས་ཀྱི་མདུན་ཐང་ཇི་ནི་ཝ་བོད་རིགས་ཚོགས་ཆུང་གི་སྣེ་ཁྲིད་འོག་ས་གནས་ཀྱི་བོད་མི་དང་བོད་དོན་རྒྱབ་སྐྱོར་བ་རྣམས་ནས་བོད་དེ་དུས་ནམ་ཡང་རྒྱ་ནག་གི་ཆ་ཤས་མིན། བོད་ཀྱི་ལོ་རྒྱུས་ལ་བསྐྱར་ཞིབ་ཀྱིས་རྒྱ་ནག་གཞུང་གིས་འཁྱོག་བཤད་ལ་གདོང་ལེན་ཞེས་པའི་འབོད་ཚོགས་འོག་རྒྱ་ནག་གཞུང་ལ་ངོ་རྒོལ་དང་རྒྱལ་སྤྱིའི་མང་ཚོགས་ལ་བོད་ཀྱི་དངོས་ཡོད་གནས་ཚུལ་གོ་རྟོགས་སྤེལ་བའི་ལས་འགུལ་སྤེལ་ཞིག་བརྒྱུད་ཉིན་མོ་དེ་སྲུང་རྩི་ཞུས་སོང་།ད་རེས་ཀྱི་ལས་འགུལ་ཐོག་སུད་སི་དང་ལིག་ཏིག་སིཌཡན་བོད་རིགས་མི་མང་ཚོགས་གཙོ་ཚོགས་གཞོན་དང་སུད་སི་སྐུ་ཚབ་དོན་གཅོད། དེ་བཞིན་ས་གནས་བོད་མི་ཁག་ཅིག་བཅས་འདུ་འཛོམས་གནང་ཡོད་པ་རེད།ལས་འགུལ་གོ་སྒྲིག་པའི་ངོས་ནས་གསར་འགོད་གསལ་བསྒྲགས་ཤིག་སྤེལ་སོང་བར་རྒྱ་ནག་གཞུང་གིས་བོད་ལ་དྲག་པོའི་བཙན་འཛུལ་གྱིས་བོད་ས་བཙན་བཟུང་བྱས་ནས་ད་བར་བོད་ནང་བོད་མིའི་འགྲོ་བ་མིའི་ཐོབ་ཐང་རྡོག་རོལ་དང། བོད་མི་ཐོག་སྡུག་རྩུབ་མནར་གཅོད་དང་དྲག་གནོན་སྲིད་བྱུས་ལག་བསྟར་བྱེད་བཞིན་ཡོད་པར་ལྟོས་མེད་རྒྱལ་སྤྱིའི་ཨོ་རྩལ་མཐུན་ཚོགས་ལྟ་བུས་རྒྱ་ནག་གི་འཁྱོག་བཤད་ལ་དྲིལ་བསྒྲགས་དངོས་བདེན་ལྟར་རྒྱ་ནག་ལ་དགུན་དུས་ཨོ་རྩལ་འགྲན་ཚོགས་ཀྱི་བདག་དབང་སྤྲད་པར་ངོ་རྒོལ་སྐྱོན་བརྗོད་གནང་བ་མ་ཟད། རྒྱལ་སྤྱིའི་གཞུང་སྒེར་ཚོགས་སྡེ་ཁག་ནས་རྒྱ་ནག་གཞུང་གིས་ད་བར་བོད་མིའི་ཐོག་སྡུབ་རྩུབ་ཅན་གྱི་སྲིད་བྱུས་སྤེལ་བའི་བྱ་ངན་རྣམས་འགན་ཁུར་བཅུག་དགོས་པའི་རེ་འདུན་ཞུས་འདུག