མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
- Advertisement -
TAG
རྡོར་གདན་དུ་འཇིགས་བྱེད་དཔའ་གཅིག་གི་བཀའ་དབང་བསྩལ་བ།
༸གོང་ས་མཆོག
རྡོར་གདན་དུ་འཇིགས་བྱེད་དཔའ་གཅིག་གི་བཀའ་དབང་བསྩལ་བ།
vot.org
-
26/12/2018
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་འདི་ག་གནས་མཆོག་རྡོ་རྗེ་གདན་དུ་ཕྱི་ནང་གི་དད་ལྡན་ཆོས་ཞུ་བ་མི་གྲངས་བཞི་ཁྲི་ཙམ་འདུ་འཛོམས་བྱུང་ཡོད་པ་དེ་དག་ལ་འཇིགས་བྱེད་དཔའ་གཅིག་གི་བཀའ་དབང་བཀྲིན་བསྩལ་ཡོད་པ་རེད།དེ་རིང་ཟླ་ ༡༢ ཚེས་ ༢༦ ཉིན་སྔ་དྲོ་ཚོུད་ ༧༌༣༠ སྟེང་མགོན་པོ་༸གང་ཉིད་མཆོག་གནས་མཆོག་རྡོ་རྗེ་གདན་གྱི་བོད་དགོན་དགའ་ལྡན་འཕེལ་རྒྱས་གླིང་རྣམ་རྒྱལ་གྲྭ་ཚང་གི་གཟིམ་ཆུང་ནས་དུས་འཁོར་དབང་ཆེན་གྱི་ཆོས་རར་ཆིབས་བསྒྱུར་དང་འབྲེལ་ཐོག་མར་བཀའ་དབང་སྒྲུབ་བཞག་མཛད་ཡོད་པ་དང་། ཚོུད་ ༩ ཙམ་ལ་སྒྲུབ་བཞག་ལེགས་པར་གྲུབ་བསྟུན་ཐའི་དང་དབྱིན་ཇིའི་ཆོས་དད་པ་ཁག་གཅིག་ནས་ཤེས་རབ་སྙིང་པོ་གསུང་འདོན་གནང་ཡོད།༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་དབང་གི་སྟ་གོན་མ་གནང་གོང་དུ་ནང་པ་སངས་རྒྱས་པའི་ཆོས་འདི་ཟབ་མོ་རྟེན་འབྱུང་གི་ལྟ་བ་གཞིར་བཞག་པའི་ད་ལྟའི་དུས་རབས་དང་མཐུན་པ་ཞིག་ཡིན་པ་མ་ཟད། གཞི་མ་དེའི་ཐོག་ནས་རྒྱུན་དུ་ང་ཚོས་སྨོན་ལམ་ཚུན་ཆད་ནས་འགྲོ་བ་རིགས་དྲུག་གི་སེམས་ཅན་ཐམས་ཅད་རང་ཉིད་ཀྱི་མ་ལྟར་གཉེན་དུ་བལྟས་ནས་རྒྱུན་དུ་སེམས་བཟང་པོ་བྱེད་དགོས་པར་ལམ་སྟོན་བསྩལ་ཡོད། ༸གོང་ས་མཆོག་གིས་གསང་སྔགས་རྡོ་རྗེ་ཐེག་པའི་ཆོས་ནི་བསོད་ནམས་ཀྱི་རྒྱབ་རྟེན་ཡོད་པའི་གང་ཟག་དགོས་མཚན་དང་མདོ་ཕྱོགས་ཀྱི་ཆོས་དེ་དག་གང་ཟག་སྤྱི་མཚན་ཡིན་སྐོར་སོགས་བཀའ་བསྩལ་ཏེ་གསང་སྔགས་ཀྱི་གོ་དོན་སྙིང་པོ་ཡང་ངོ་སྤྲོད་མཛད་ཡོད།གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་རེས་གནས་མཆོག་རྡོ་རྗེ་གདན་གྱི་ཆོས་འབྲེལ་ཁག་ཁ་ཉིན་རེས་གཟའ་ཟླ་བ་ནས་དབུ་འཛུགས་མཛད་ཡོད་པ་དང་། མགོན་པོ་༸གང་ཉིད་མཆོག་ནས་ལག་ལེན་སོ་བདུན་མའི་བཀའ་ཁྲིད་དང་གདན་ས་བཀྲིས་ལྷུན་པོ་ནས་གསོལ་འདེབས་ཞུས་པའི་ཚད་མ་རྣམ་འགྲེལ་བཅས་ཀྱི་འཕྲོ་སྐྱོང་བཀྲིན་བསྩལ་བ་དང་འབྲེལ། དེ་རིང་འཇིགས་བྱེད་དཔའ་གཅིག་བཅས་ཀྱི་བཀའ་དབང་ལེགས་གྲུབ་མཛད་ཡོད་པ་རེད།གནངས་ཉིན་སླར་༸གོང་ས་མཆོག་ནས་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་བསྩལ་རྒྱུ་ཡིན་པ་ལྟར། ཆོས་སྐོར་དེ་ལ་དམིགས་བརྩེ་མའི་བསྙེན་པའི་དམ་བཅའ་དགོས་པས་དམ་བཅའ་མི་ནུས་པ་དང་། ཐུན་མོང་ལམ་སྦྱོང་ལ་གོམས་འདྲིས་མེད་རིགས་རྣམས་ཆོས་གྲལ་དུ་མི་ཕེབས་པའི་ཆོས་བརྡ་བསྐྱངས་ཡོད་པ་རེད།
Latest news
Monday 29/04/2024
29/04/2024
བོད་རྒྱ་འབྲེལ་མོལ་གྱི་གནད་དོན་དེ་༸གོང་ས་མཆོག་སྐུ་སྒེར་གྱི་གནད་དོན་མ་ཡིན་པར་བོད་མི་ས་དྲུག་གི་གནད་དོན་ཡིན་པ།
29/04/2024
སྲིད་སྐྱོང་མཆོག་སུད་སི་ནང་གཞུང་འབྲེལ་ཕྱོགས་ཕེབས་གནང་བཞིན་པ།
29/04/2024
རྒྱ་ནག་གི་གནོན་ཤུགས་འོག་དབྱིན་ཡུལ་གྲོས་ཚོགས་འཐུས་མི་ཞིག་ཨ་ཕི་རི་ཀའི་རྒྱལ་ཁབ་ཅིག་ནས་ཕྱིར་འབུད།
29/04/2024
བོད་རྒྱལ་ཡོངས་མང་གཙོ་ཚོགས་པའི་འགན་འཛིན་ལྷན་ཚོགས།
29/04/2024
- Advertisement -