ལྕམ་སྐུ་ Uzra Zeya ལགས་ཨ་རི་གཞུང་གི་མང་གཙོ་དང་འགྲོ་བ་མིའི་ཐོབ་ཐང་གི་དྲུང་ལས་ལ་བསྐོ་གཞག་གནང་འདུག

ཨ་རིའི་ཆབ་སྲིད་ཚོགས་པ་ཐུན་མོང་ལས་གྲུབ་པའི་གྲོས་ཚོགས་གོང་མ་དང་འོག་མའི་འཐུས་མི་ ༦༠ ལྷག་གིས་ཨ་རིའི་སྲིད་འཛིན་སྐུ་ཞབས་ Joe Biden མཆོག་གིས་དབུ་ཁྲིད་པའི་ཨ་རི་སྲིད་གཞུང་གིས་བོད་ཀྱི་གནད་དོན་གལ་འགངས་ཆེ་ཤོས་སུ་བརྩིས་ཏེ་ངེས་པར་དུ་བོད་དོན་དམིགས་བསལ་འབྲེལ་མཐུད་པའི་ངོས་ནས་གནང་དགོས་པའི་ལས་དོན་སྐོར་དོན་ཚན་བཅུ་ཅན་གྱི་ཞུ་ཡིག་ཞིག་ཕུལ་འདུགགཞི་རྩའི་འདི་ལོའི་ཕྱི་ཟླ་ ༧ ནང་ལ་སྲིད་འཛིན་སྐུ་ཞབས་ Joe Biden མཆོག་གིས་དེ་སྔ་ Obama སྲིད་གཞུང་སྐབས་ཨ་རིའི་སྤྱི་དམངས་བདེ་འཇགས་དང་མང་གཙོ། འགྲོ་བ་མིའི་ཐོབ་ཐང་བཅས་ཀྱི་དྲུང་ཆེའི་ལས་རོགས་གནང་མྱོང་ཡོད་པ་ལྕམ་ Uzra Zeya ལགས་སླར་ཚན་པ་དེའི་དྲུང་ལས་སུ་བསྐོ་གཞག་གནང་ཡོད་པ་དང་རྣམ་ཀུན་ཡིན་ན་ལས་སྣེ་དེའི་ཐོག་ཕེབས་མཁན་རྣམས་ཨ་རིའི་བོད་དོན་དམིགས་བསལ་འབྲེལ་མཐུད་པའི་ཐུགས་འགན་བཞེས་མཁན་ཡང་ཆགས་ཀྱི་ཡོད་པ་རེད། འོན་ཀྱང་ད་ལྟའི་ཆར་སྐུ་ཞབས་བྷ་ཌན་མཆོག་གིས་ལྕམ་ Uzra Zeya ལགས་ནས་བོད་དོན་དམིགས་བསལ་འབྲེལ་མཐུད་པའི་ཐུགས་འགན་བཞེས་རྒྱུའི་སྐོར་ཡོངས་གྲགས་གང་ཡང་གསུངས་མེད་ཀྱང་། ལས་དོན་གྱི་ངོ་བོའི་ཐོག་ནས་ཨ་རིའི་གྲོས་ཚོགས་འཐུས་མི་མང་དག་ཅིག་གིས་རིང་མིན་ལྕམ་ Uzra Zeya ལགས་ཀྱིས་བོད་དོན་དམིགས་བསལ་འབྲེལ་མཐུད་པའི་ཐུགས་འགན་བཞེས་རྒྱུར་ཚོད་དཔག་གནང་བཞིན་པ་ཡོད་པ་ལྟར།...

ཨ་རིའི་གྲོས་ཚོགས་གོང་མས་ཟླ་བ་འདིའི་ཚེས་ ༡༣ ཉིན་ལྕམ་སྐུ་ Uzra Zeya ལགས་འོས་གྲངས་ ༧༣ ཐོབ་པའི་ཐོག་ནས་ཨ་རིའི་ཕྱི་སྲིད་ལས་ཁུངས་ཀྱི་ཁྱབ་ཁོངས་སྤྱི་དམངས་བདེ་འཇགས་དང་མང་གཙོ་འགྲོ་བ་མིའི་ཐོབ་ཐང་སྡེ་ཚན་གྱི་དྲུང་ལས་་ལ་བསྐོ་གཞག་གནང་འདུག ལས་སྣེ་འདིའི་ཐོག་ལ་ཕེབས་མཁན་རྣམས་རྣམ་ཀུན་བོད་གནད་དང་འབྲེལ་ནས་བོད་དོན་དམིགས་བསལ་འབྲེལ་མཐུད་པའི་ཐུགས་འགན་ཡང་བཞེས་སྲོལ་ཡོད་པ་ལྟར། རྒྱལ་སྤྱིའི་བོད་དོན་ལས་འགུལ་ཁང་གི་ངོས་ནས་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Blinken མཆོག་གིས་གང་མགྱོགས་ལྕམ་སྐུ་ Zeya ལགས་བོད་དོན་དམིགས་བསལ་འབྲེལ་མཐུད་པར་དངོས་སུ་བསྐོ་གཞག་གནང་སྟེ་གནད་ཆེའི་ཕྱག་ལས་དེ་དབུ་འཛུགས་ཐུབ་པའི་རེ་བ་ཡོད་སྐོར་གསུངས་འདུག རྩ་བའི་རྒྱ་གར་དང་ཨ་རིའི་མི་སེར་འདྲེས་མ་ཡིན་པའི་ལྕམ་སྐུ་ Uzra Zeya ལགས་ནི་ཨ་རིའི་སྲིད་འཛིན་སྐབས་མི་འདྲ་བ་ལྔ་དང་། གླིང་ཕྲན་བཞིའི་ནང་ཁྱོན་ཞབས་ལོ་ ༢༨ རིང་ཕྱི་སྲིད་ཀྱི་ཐུགས་འགན་འདྲ་མིན་བཞེས་མྱོང་ཡོད་པ་དང་དེ་བཞིན་ཨ་ར་བིག་དང་ཕ་རན་སི། སི་པེ་ནིཤ་བཅས་ཀྱི་སྐད་གདངས་བདེ་པོ་ཡོད་པ་རེད། ཁོང་གིས་ཨ་རི་གཞུང་གི་སྤྱི་དམངས་བདེ་འཇགས་དང་མང་གཙོའི་འགྲོ་བ་མིའི་ཐོབ་ཐང་གི་དྲུང་ཆེ་ལས་ཚབ་གནང་མྱོང་ཡོད་པ་མ་ཟད་ལས་གནས་དེའི་ཁྲོད་ཁོང་གིས་འཛམ་གླིང་མཉམ་འབྲེལ་རྒྱལ་ཚོགས་དང་ཨ་རིའི་གཞུང་གི་སྐུ་ཚབ་གནང་སྟེ་རྒྱ་ནག་དང་ཨི་ཇིབ་ཊ། བྷ་རན་སོགས་དང་ལྷན་དི་འགྲོ་བ་མིའི་ཐོབ་ཐང་དང་འབྲེལ་བའི་གྲོས་མོལ་ལྷན་ཚོགས་རིམ་ཁག་སྣེ་འཁྲིད་གནང་མྱོང་ཡོད་པ་རེད། དེ་བཞིན་ཁོང་གིས་རྒྱ་ནག་གི་གྲོ་ཁྱེར་ Kunming...