Tibetan Royal Year of 2151 | Year of the Wood Dragon

༸གོང་ས་མཆོག་ཆིབས་བསྒྱུར་མཛད་མ་ཐུབ་པའི་རྐྱེན་གྱིས་རྡོར་གདན་གྱི་ཚོང་གཉེར་བ་ཚོར་གྱོང་གུད་ཕོག་ཉེན།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

འདི་ལོ་རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ཏོག་དབྱིབས་གཉན་རིམས་རྐྱེན་གྱིས་འཛམ་གླིང་ཁྱོན་ཡོངས་སུ་མི་རྒྱུ་གཉིས་ཀར་ངལ་བ་ཆེས་ཆེར་འཕྲད་བཞིན་པའི་ཁྲོད་འདིར་རྒྱ་གར་གྱིས་གཙོས་པའི་རྒྱལ་ཁབ་ཕལ་མོ་ཆེར་ཐེམ་སྤང་གི་བཀའ་རྒྱ་རིམ་པ་གནང་ཡོད་པ་མ་ཟད། དེང་སྐབས་རྒྱ་གར་ནང་དུའང་གཉན་རིམས་ཁྱབ་གདལ་ཆེས་ཆེར་འགྲོ་བཞིན་པའི་ཁྲོད་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་མང་དག་ཅིག་ཕྱིར་འཐེན་གནང་ཡོད་པ་ལྟར། རྒྱ་གར་བྷི་ཧཱར་མངའ་སྡེའི་གྷ་ཡ་རྫོང་དུ་ཆགས་པའི་གནས་མཆོག་རྡོ་རྗེ་གདན་གྱི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོས་བློ་འཚབ་ཆེན་པོ་གནང་བཞིན་ཡོད་པ་རེད་འདུག དེའང་  Times of India ཞེས་རྒྱ་གར་གྱི་དུས་བབ་གསར་ཁང་གིས་གནས་མཆོག་རྡོ་རྗེ་གདན་ནས་སྤེལ་བའི་གནས་ཚུལ་ནང་གསལ་ལྟར་ན། ས་གནས་དེའི་ནང་རྣམ་ཀུན་ཕྱི་ཟླ་ ༡༢ ནས་ཕྱི་ཟླ་ ༢ བར་བོད་བརྒྱུད་ནང་བསྟན་གྱི་རིས་མེད་ཀྱི་ཆོས་སྡེ་ཁག་གིས་ཆོས་ཕྱོགས་དང་འབྲེལ་བའི་གནང་སྒོ་མང་དག་ཅིག་གནང་གི་ཡོད་པ་མ་ཟད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཀྱང་ཉེ་བའི་ལོ་ཤས་ནས་ཧ་ལམ་ལོ་ལྟར་འཆར་ཁུལ་དེའི་ནང་ཕྱི་ནང་གི་དད་ལྡན་སྟོང་ཁྲག་མང་པོར་བཀའ་ཆོས་དང་བཀའ་སློབ་ཀྱི་མཛད་འཆར་ཁག་བསྐྱང་སྲོལ་ཡོད་ཀྱང་། འདི་ལོ་ཏོག་དབྱིབས་གཉན་རིམས་རྐྱེན་གྱིས་མགོན་པོ་༸གང་ཉིད་མཆོག་གི་ཆིབས་བསྒྱུར་མཛད་རྒྱུའི་དུས་ཚོད་དེའང་ངེས་མེད་བར་ཕྱིར་བཤོལ་མཛད་པར་མ་ཟད། བཀའ་བརྒྱུད་སྨོན་ལམ་ཆེན་པོ་དང་རྒྱལ་ཡོངས་སྔ་འགྱུར་རྙིང་མའི་སྨོན་ལམ་ཆེན་མོ་གཉིས་ཀྱང་ཕར་འགྱང་གནང་སྲིད་སྟབས་ས་གནས་ཀྱི་ཚོང་གཉེར་བ་ཚོས་མངའ་སྡེའི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོར་ཚོང་བབས་ཀྱི་དུས་ཡུན་རིང་གྱོང་གུད་ཆེན་པོ་ཕོག་ཉེན་ཡོད་པར་བློ་འཚབ་ཆེན་པོ་གནང་གི་ཡོད་པ་བཀོད་འདུགརྩ་བའི་དེ་སྔའི་མཛད་འཆར་ལ་གཞིགས་ན། འདི་ལོའི་ལོ་མཇུག་ཏུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གནས་མཆོག་རྡོར་གནད་དུ་ཉིན་གྲངས་ལྔའི་རིང་༸རྒྱལ་སྲས་ཆེན་པོ་ཐོགས་མེད་བཟང་པོས་མཛད་པའི་བྱང་ཆུབ་ལག་ལེན་སོ་བདུན་མའི་བཀའ་ཆོས་བསྩལ་གཏན་ཁེལ་ཡོད་ཀྱང་། མཛད་རིམ་དེ་རེ་ཞིག་དུས་ཚོད་ངེས་མེད་བར་དུ་ཕྱིར་བཤོལ་གནང་ཡོད་པ་དང་། གནད་དོན་དེ་དང་འབྲེལ་བྱང་ཆུབ་ཆེན་པོའི་མཆོད་རྟེན་དོ་དམ་ཚོགས་པའི་དྲུང་ཆེ་སྣང་མཛེས་རྡོ་རྗེ་ལགས་ཀྱིས་ཀྱང་ད་བར་ཁོང་ལ་༸གོང་ས་༸སྐྱབས་མགོན་ཆེན་པོ་མཆོག་གི་ཆིབས་བསྒྱུར་སྐོར་བཀའ་སྩོལ་གང་ཡང་ཕེབས་མ་སོང་ཞེས་གསུངས་འདུགའོན་ཀྱང་མངའ་སྡེའི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོས་ The Light of Buddha Dhamma Foundation འམ་སངས་རྒྱས་ཆོས་ཀྱི་འོད་སྣང་ཚོགས་པ་ཞེས་པས་ལོ་ལྟར་གོ་སྒྲིག་གནང་བཞིན་པ་སྡེ་སྣོད་གསུམ་གྱི་མཆོད་དབྱངས་ཀྱི་གནང་སྒོ་ཁག་གནང་སྲིད་པར་ཐུགས་རེ་གནང་བཞིན་ཡོད་པ་རེད་འདུག གཞི་རྩའི་མཛད་འཆར་ལྟར་ན་༸གོང་ས་མཆོག་ནས་དྲ་ཐོག་བརྒྱུད་སང་ཕྱི་ཚེས་ ༩ ཉིན་གྱི་སྔ་དྲོ་ཆུ་ཚོད་ ༩ ནས་ ༡༠ བར་དྲ་ལམ་བརྒྱུད་ཨེ་མོ་རི་གཙུག་ལག་སློབ་གཉེར་ཁང་ Emory University གི་ནང་ཚན་རྟོག་དཔྱོད་རིག་པ་དང་བྱམས་བརྩེ་ལ་བརྟེན་པའི་བཟང་སྤྱོད་ཀྱི་བསྟི་གནས་ཞེས་པའི་ཚོགས་པས་ཇི་ལྟར་གསོལ་བ་བཏབ་པ་ལྟར། Rob and Melani Walton Foundation ཞེས་པའི་དགེ་རྩ་ཚོགས་པའི་ལྕམ་ Melani Walton ལགས་དང་། CNN གྱི་སྨན་རྫས་སྐོར་གྱི་གསར་འགོད་པ་གཙོ་གྲས་ Sanjay Gupta ལགས་གཉིས་དང་ལྷན་དུ་འགྲོ་བ་མིའི་འཚོ་རྟེན་དུ་བྱམས་བརྩེའི་དགོས་མཁོ་ཞེས་པའི་བརྗོད་གཞིའི་ཐོག་བགྲོ་གླེང་མཛད་རྒྱུ་དང་། ཕྱི་ཚེས་ ༡༠ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་དྲ་ལམ་བརྒྱུད་སྔ་དྲོ་ཆུ་ཚོད་ ༩ ནས་ ༡༠ བར་དུ་༸རྗེ་ཙོང་ཁ་པ་ཆེན་པོས་མཛད་པའི་རྟེན་འབྲེལ་བསྟོད་པ་དང་ལམ་རིམ་བསྡུས་དོན་གྱི་བཀའ་ཆོས་བཀའ་དྲིན་སྩལ་རྒྱུ་མ་ཟད། ཕྱི་ཚེས་ ༡༥ ཉིན་ཀོ་རི་ཡའི་དད་ལྡན་ཚོས་ཇི་ལྟར་གསོལ་འདེབས་ཞུས་པ་བཞིན་དྲྭ་ལམ་བརྒྱུད་ཤེས་ཡོན་ཐོག་ལམ་སྟོན་བཀའ་སྩལ་དང་འདི་བཞིན་ཕྱི་ཟླ་ ༡ ཚེས་ ༥ ནས་ ༧ བར་ཤེས་རབ་སྙིང་པོའི་བཀའ་ཆོས་བསྩལ་གཏན་ཁེལ་ཡོད་པ་རེད།

འབྲེལ་ཡོད་གསར་གནས།

གསར་གནས།