Tibetan Royal Year of 2151 | Year of the Wood Dragon

༸རྒྱལ་དབང་ཀརྨ་པ་མཆོག་གང་མགྱོགས་རྒྱ་གར་དུ་ཕྱིར་ཕེབས་རྒྱུའི་རེ་བ་ཡོད་པ།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

རྒྱ་གར་བྱང་ཤར་འབྲས་ལྗོངས་མངའ་སྡེའི་ཆོས་རིག་བློན་ཆེན་མཆོག་ནས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་ཕྱི་རྒྱལ་དུ་ཆེད་གཏོང་གིས་༸རྒྱལ་དབང་ཀརྨ་པ་རིན་པོ་ཆེ་མཆོག་གང་མགྱོགས་རྒྱ་གར་དུ་གདན་ཞུ་ཕུལ་རྒྱུའི་གནད་དོན་ཐོག་བཀའ་མོལ་ཞུ་རྒྱུ་རེད་འདུག
རྒྱ་གར་གྱི་ The Hindu གསར་ཁང་གིས་གནས་ཚུལ་སྤེལ་བར་ཁ་ཉིན་ཚེས་ ༡༤ ཉིན་འབྲས་ལྗོངས་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Prem Singh Tamnag མཆོག་གིས་གསར་འགོད་ལྷན་ཚོགས་ཤིག་གནང་སྟེ་༸དཔལ་༸རྒྱལ་དབང་ཀརྨ་པ་རིན་པོ་ཆེ་མཆོག་གང་མགྱོགས་རྒྱ་གར་ལ་ཆིབས་བསྒྱུར་བསྐྱང་ཐུབ་པའི་རེ་བ་ཡོད་སྐོར་གསུངས་པ་དང་འབྲེལ་ཏེ་སྤྱི་ཁྱབ་བློན་ཆེན་མཆོག་གིས་སྲིད་བློན་མོ་དྷི་མཆོག་ལ་མཇལ་འཕྲད་ཀྱིས་ང་ཚོས་རེ་སྐུལ་ཞུས་པ་ལྟར་༸རྒྱལ་དབང་ཀརྨ་པ་མཆོག་གང་མགྱོགས་འབྲས་ལྗོངས་སུ་ཕེབས་པར་བཟང་ཕྱོགས་ཀྱི་བཀའ་ལན་གནང་བྱུང་ཞེས་དང་དེའི་ཆེད་རིང་མིན་འབྲས་ལྗོངས་མངའ་སྡེའི་ཆོས་རིག་བློན་ཆེན་བསོད་ནམས་བླ་མ་ལགས་ནས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་ཕྱི་རྒྱལ་དུ་༸རྒྱལ་དབང་ཀརྨ་པ་མཆོག་དང་ལྷན་དེ་འབྲེལ་བཀའ་མོལ་ཞུ་བར་ཆེད་གཏོང་བྱ་རྒྱུའི་ཐག་གཅོད་གནང་ཡོད་ཅེས་གསུངས་འདུག༸དཔལ་༸རྒྱལ་དབང་ཀརྨ་པ་སྐུ་ཕྲེང་ ༡༧ ཨོ་རྒྱན་འཕྲིན་ལས་རྡོ་རྗེ་མཆོག་ཕྱི་ལོ་ ༢༠༡༧ ལོར་ནུབ་ཕྱོགས་ཡུལ་གྲུ་ཁག་ཏུ་ཆིབས་བསྒྱུར་མཛད་རྗེས་རྒྱ་གར་དུ་ཕྱིར་ཕེབས་གནང་མེད་ཅིང་། ཨ་རིར་བཞུགས་གནང་བའི་ཁྲོད་  Dominica རྒྱལ་ཁབ་ཀྱི་མི་སེར་བཞེས་ཏེ་ཉེ་ལམ་ New Jersy ནང་དུ་བཞུགས་བཞིན་ཡོད་པའི་གནས་ཚུལ་ཐོན་ཡོད།གཞི་རྩའི་༸དཔལ་༧རྒྱལ་དབང་ཀརྨ་པ་མཆོག་བོད་ཆབ་མདོ་ལྷ་ཐོག་གི་འབྲོག་ཁྱིམ་ཞིག་ཏུ་སྐུ་འཁྲུངས་ཞིང་། ཕྱི་ལོ་ ༡༩༩༩ ལོར་དགུང་ལོ་ ༡༤ བཞེས་སྐབས་རྒྱ་གར་ནང་བཙན་བྱོལ་དུ་ཕེབས་རྗེས་བཞུགས་སྒར་དྷ་རམ་ས་ལའི་ཉེ་འཁྲིས་༸དཔལ་ལྡན་རྒྱུད་སྟོད་དགོན་དུ་ཡུན་རིང་བཞུགས་ཡོད་ཀྱང་ཕྱི་ལོ་ ༢༠༡༧ ལོར་བྱང་ཨ་རིའི་ནང་དུ་ཕེབས་རྗེས་རྒྱ་གར་ལ་ཕྱིར་ཆིབས་བསྒྱུར་མཛད་ཐུབ་མེད་པ་རེད།དེ་རྗེས་རིན་པོ་ཆེ་མཆོག་གིས་ཕྱི་ལོ་ ༢༠༡༨ ལོར་རྒྱ་གར་དུ་ཕྱིར་ཕེབས་ཐུབ་ཕྱིར་རྒྱ་གར་གཞུང་དང་འབྲེལ་བ་མུ་མཐུད་གནང་ཡོད་ཀྱང་རིན་པོ་ཆེ་མཆོག་ནས་ Dominica རྒྱལ་ཁབ་ཀྱི་མི་སེར་བཞེས་ཡོད་པར་བརྟེན་རྒྱ་གར་གཞུང་ནས་གནང་བའི་ IC ལག་དེབ་སེར་པོ་དེ་རང་བཞིན་གྱིས་ནུས་མེད་ཆགས་པ་དང་འབྲེལ། ཨ་རིའི་ས་གནས་ New York ནང་རྟེན་གཞི་བྱས་པའི་རྒྱ་གར་གཞུང་ཚབ་ཁང་ལ་འཕྲལ་མར་འབྲེལ་བ་གནང་ཡོད་ཀྱང་གནད་དོན་དེ་འབྲེལ་ལྡི་ལིར་རྟེན་གཞི་བྱས་པའི་དབུས་ལས་ཁུངས་ལ་འབྲེལ་བ་གནང་དགོས་སྐོར་ལམ་སྟོན་ཕུལ་བ་ལས་ངེས་གཏན་ཁེལ་བའི་ཐག་གཅོད་གནང་མེད་རྐྱེན་ད་བར་རྒྱ་གར་དུ་ཕེབས་ཐུབ་མེད་པའི་གནས་སྟངས་བྱུང་ཡོད་པ་རེད།

འབྲེལ་ཡོད་གསར་གནས།

གསར་གནས།