ད་ལྟའི་ཆར་ཡོ་རོབ་རྒྱལ་ཁབ་སེ་པན་འདི་རྒྱ་ནག་ཝུ་ཧན་ནས་ཐོག་མར་མཆེད་པའི་ཏོག་དབྱིབས་ནད་ཡམས་ཁྱབ་བརྡལ་ཤུགས་ཆེ་ཤོས་ཕོག་ཡུལ་འཛམ་གླིང་ནང་གི་རྒྱལ་ཁབ་ཨང་གཉིས་པར་གྱུར་ཡོད་ཅིང་། ཡུལ་འདིའི་ནང་ད་ཆ་ནད་ཡམས་ཕོག་པའི་ནད་པའི་གྲངས་འབོར་ཆིག་འབུམ་བདུན་ཁྲི་ལྷག་དང་འདས་གྲོངས་སུ་ཕྱིན་པ་ཆིག་ཁྲི་བརྒྱད་སྟོང་ལྷག་ཟིན་ཡོད་པ་རེད།
རླུང་འཕྲིན་ཁང་གི་གསར་འགོད་པས་ནད་ཡམས་ཁྱབ་གདལ་གྱི་ཛ་དྲག་གནས་སུ་གྱུར་བའི་དུས་སྐབས་འདིར་སེ་པན་ཁུལ་དུ་གནས་སྡོད་བོད་མི་ཚོའི་གནས་སྟངས་སྐོར་ས་གནས་བོད་རིགས་ཚོགས་པའི་རྒྱུན་ལས་མིག་དམར་ཚེ་རིང་ལགས་སུ་བཅར་འདྲི་ཞུས་ཡོད།
