Tibetan Royal Year of 2151 | Year of the Wood Dragon

བོད་རང་དབང་ཚོགས་པས་སི་ཁོ་ཊི་ལན་ཌི་གཞུང་ཕྱོགས་ནས་རྒྱ་ནག་གི་ཁུང་ཙི་སློབ་གླིང་དང་འབྲེལ་བ་མི་གནང་བའི་ཞུ་འབོད་གནང་བ།

Tibetan News Headlines

  • ཆེས་མཐོའི་ཁྲིམས་ཞིབ་པའི་འོས་ཆོས་དང་འབྲེལ་བའི་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཟགས་སོང་།
  • བཅའ་ཁྲིམས་ནང་བོད་ཀྱི་རྒྱལ་དར་ལ་གུས་བརྩི་དགོས་པ་དང་གང་བྱུང་བེད་སྤྱོད་གཏང་མི་ཆོག་པ་འཁོད་དགོས་པའི་ཞུ་སྐུལ།
  • བོད་མིའི་ཆབ་སྲིད་བརྩོན་པ་གྲྭ་ཆོས་དབྱིངས་མཁས་གྲུབ་ལགས་འཕྲལ་མར་གློད་བཀྲོལ་དགོས་པ་གསུངས་འདུག
  • བསོད་ནམས་དབང་ཕྱུག་ལགས་ཀྱི་ཉིན་གྲངས་ ༢༡ གི་ཟས་བཅད་ལས་འགུལ་རེ་ཞིག་མཇུག་སྒྲིལ།
  • གློག་བརྙན་ནང་རིག་གནས་གསར་རྗེས་སྐོར་བསྟན་པར་རྒྱ་ནག་རྒྱལ་གཅེས་པ་རྣམས་ཀྱིས་སྐྱོན་བརྗོད།
  • ཨ་རིའི་གཞུང་གིས་རྒྱ་རིགས་བདུན་ལ་ལོ་བཅུ་བཞིའི་རིང་དྲ་ལམ་གཏོར་རྒོལ་གྱི་ལས་འགུལ་སྤེལ་བའི་ཉེས་འཛུགས།

Wednesday 27/03/2024

  • Charter amendment concerning appoinment of Justice Commissioners fails to obtain a majority
  • Petitioner urges MPs to propose bill to safeguard dignity of Tibetan national flag
  • US Amb. for religious freedom urges China to release prisoner of conscience Choeying Khedrub
  • Sonam Wangchuk ends 21-day fast, pledges to continue fight for Ladakh’s rights
  • Netflix’s ‘3 Body Problem’ showing ‘brutal Cultural Revolution’ draws fire in China
  • US indicts 7 Chinese nationals for cyber espionage

དབྱིན་ཡུལ་ནང་བརྟེན་གཞི་བྱས་པའི་བོད་རང་དབང་ཚོགས་པས་བསྒྲགས་གཏམ་ཞིག་སྤེལ་བའི་ནང་སི་ཁོ་ཊི་ལན་ཌིའི་གཞུང་ནས་རྒྱ་ནག་གི་ཁུང་ཙི་སློབ་གླིང་དང་མཉམ་དུ་མུ་མཐུད་འབྲེལ་ལམ་བྱེད་བཞིན་པ་མ་ཟད། སླར་ཡང་ཡུལ་དེའི་ནང་རྒྱ་ནག་གི་ཁུང་ཙི་སློབ་གླིང་ཉི་ཤུ་རྩ་གཅིག་ལྷག་གསར་རྒྱག་བྱ་རྒྱུའི་འདུན་པ་དང་ལས་འཆར་ཁག་སྐྱོན་བརྗོད་ནན་པོ་ཞུས་འདུག
ཟླ་ ༧ ཕྱི་ཚེས་ ༢༦ ཉིན་སི་ཁོ་ཊི་ལན་ཌིའི་བློན་ཆེན་ལྕམ་སྐུ་ Nicola Sturgeon ལགས་ནས་རྒྱ་ནག་ནང་ཚོང་དང་། དཔལ་འབྱོར་། ཤེས་ཡོན་དང་ དེ་བཞིན་རིག་གཞུང་བརྗེ་རེས་སོགས་ཀྱི་གནད་དོན་ཐད་འཚམས་གཟིགས་གནང་བཞིན་པའི་ཁྲོད་། རྒྱ་ནག་ནང་ཡོད་པའི་སི་ཁོ་ཊི་ལན་ཌེའི་ཚོང་པ་དང་སློབ་ཕྲུག་རྣམས་ལ་རྒྱ་ནག་གི་ཁུང་ཙི་སློབ་གླིང་ལ་ཆེ་བསྟོད་དང་སྦྲགས། སློབ་གླིང་དེ་དག་རྒྱུད་སི་ཁོ་ཊི་ལན་ཌིའི་སློབ་ཕྲུག་དང་མི་དམངས་རྣམས་ལ་ལས་གནས་ཀྱི་གོ་སྐབས་དང་དཔལ་འབྱོར་སོགས་ཀྱི་ཁེ་ཕན་ཆེན་པོ་ཡོད་ལུགས་བརྗོད་པ་དང། ཁུང་ཙི་སློབ་གླིང་དང་འབྲེལ་བ་བཞག་ཐོག་སི་ཁོ་ཊི་ལན་ཌི་ནང་ཡོད་པའི་གཞི་རིམ་སློབ་གྲྭ་ཁག་ཉི་ཤུ་རྩ་གཅིག་གི་ནང་རྒྱ་ནག་གི་སྐད་ཡིག་དང་རིག་གཞུང་སོགས་སློབ་ཁྲིད་བྱ་རྒྱུའི་འདུན་པ་ཆེན་པོ་ཡོད་པ་གསུངས་འདུག_84501962_sturgeon བོད་རང་དབང་ཚོགས་པའི་གསར་འགོད་འགན་འཛིན་སྐུ་ཞབས་ Alistair Currie ལགས་ནས་བསྒྲགས་གཏམ་ཞིག་སྤེལ་བའི་ནང་སི་ཁོ་ཊི་ལན་ཌི་དང་རྒྱ་ནག་གི་མི་སེར་དབར་འབྲེལ་བ་ཇི་མང་དུ་འགྲོ་བཞིན་པ་ནི་བཟང་ཕྱོགས་ཀྱི་རྣམ་པ་ཞིག་ཡིན་མོད། འོན་ཀྱང་རྒྱ་ནག་གི་ཁུང་ཙི་སློབ་གླིང་དང་མཉམ་དུ་སི་ཁོ་ཊི་ལན་ཌིའི་གཞུང་ཕྱོགས་ནས་མུ་མཐུད་འབྲེལ་བ་དམ་ཟབ་བྱེད་མཞིན་པར་སེམས་འཚབ་ཆེན་པོ་ཡོད་སྐོར་གསུངས་པ་དང། རྒྱ་ནག་གི་ཁུང་ཙི་སློབ་གླིང་དེ་དག་གིས་སི་ཁོ་ཊི་ལན་ཌི་ནང་རྒྱ་ནག་གི་སྐད་ཡིག་དང་རིག་གཞུང་ཁག་དར་སྤེལ་བྱེད་པ་དང་མཉམ་དུ་རིམ་བཞིན་སི་ཁོ་ཊི་ལན་ཌིའི་སློབ་ཕྲུག་དང་མི་དམངས་ཀྱི་སྨྲ་བརྗོད་རང་དབང་སོགས་ལ་དོ་ཕོག་ཤུགས་ཆེ་ཡོང་ངེས་ཡིན་པའི་ཉེན་བརྡ་བཏང་འདུག་པ་མ་ཟད། རྒྱ་གཞུང་གིས་མང་ཚོགས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་རྩིས་མེད་ཀྱི་ཐོག་ནས་རྡོག་རོལ་གཏོང་མཁན་ཞིག་ཡིན་སྟབས། སི་ཁོ་ཊི་ལན་ཌིའི་གཞུང་ཕྱོགས་ནས་ཀྱང་རྒྱ་ནག་གི་གཡོ་སྒྱུའི་རང་བཞིན་ལྡན་པའི་སྲིད་བྱུས་དང་ལས་འཆར་ཁག་ལ་དང་ལེན་ནམ་ཡང་གནང་རྒྱུ་མེད་པ་རེད་ཅེས་ཞུ་འབོད་གནང་འདུག དེ་མཚུངས་དེ་རིང་ཨ་རི་ནང་ཡོད་པའི་ EPoch Times གསར་ཤོག་ཐོག་ཐོན་པའི་གནས་ཚུལ་ལ་གཞིགས་ན། ཨུ་རུ་སུའི་ནང་གི་ཁྲིམས་རྩོད་པ་ཞིག་གིས་རྒྱལ་ཁབ་དེའི་གྲོང་ཁྱེར་ Blagoveshchensk ནང་རྟེན་གཞི་བྱས་པའི་ Blagoveshchensk State Pedagogical གཙུག་ལག་སློབ་གྲྭ་ཆེན་མོའི་ནང་རྒྱ་ནག་གི་ཁུང་ཙི་སློབ་གླིང་སྒོ་བརྒྱབ་དགོས་པ་དང་། དེ་བཞིན་སློབ་གླིང་དེ་དང་འབྲེལ་བ་ཡོད་སློབ་གཞི་དང་དགེ་རྒན་ཁག་ཕྱིར་འབུད་བྱ་དགོས་པའི་ཁྲིམས་གཏུགས་བྱས་འདུག

འབྲེལ་ཡོད་གསར་གནས།

གསར་གནས།