ཁ་སང་ཨ་རིའི་ནིའུ་ཡོག་གྲོང་ཁྱེར་དུ་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མགོན་པོ་དོན་གྲུབ་ལགས་ཆེད་བཅར་ཐོག་ཉིན་གྲངས་གསུམ་རིང་བྱང་ཨ་རིའི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༢༠ པ་འཚོགས་བཞིན་ཡོད་པ་རེད།
ཐེངས་འདིའི་འགན་འཛིན་ལྷན་ཚོགས་ཐོག་བྱང་ཨ་རིའི་ས་གནས་ཁག་ ༧ གྱི་ཚོགས་བཅར་བ་ཁྱོན་ ༢༣ ཙམ་མཉམ་ཞུགས་གནང་ཡོད་པ་དང་། འགན་ལྷན་ཐོག་༸གོང་ས་མཆོག་གི་༸སྐུ་ཕྱྭ་དང་བོད་ཀྱི་འཐབ་རྩོད་དང་འབྲེལ་ནས་གཞོན་སྐྱེས་ཁྲོད་ནས་ཆ་ཤས་ལེན་ཕྱོགས། ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་དབུས་པའི་བོད་ཀྱི་ཆབ་སྲིད་བཙོན་པ་རྣམས་ཀྱི་གནས་སྟངས། དེ་བཞིན་བོད་ཀྱི་ཐུན་མིན་ཆོས་དང་རིག་གཞུང་བཅས་པ་ཉམས་པ་སོར་ཆུད་དང་མི་ཉམས་གོང་འཕེལ་སླད་ཧུར་བསྐྱེད་གནང་རྒྱུ། ལས་བསྡོམས་སྙན་སྒྲོན་སོགས་ཁྱོན་དོན་ཚན་བརྒྱད་ཐོག་གྲོས་བསྡུར་གནང་བཞིན་ཡོད་པ་རེད།