Monthly Archives: September, 2016

ཉན་པ།: Listen ཕབ་ལེན། Download གཟའ་འཁོར་གཅིག་གི་གྲོས་ཚོགས་ལས་རིམ་བསྐྱར་ཞིབ། ༸གོང་ས་མཆོག་གི་ཡོ་རོབ་ཁུལ་གྱི་མཛད་འཕྲིན་ཁག་ཕྱོགས་སྒྲིག Sunday 25/09/2016 Review on ongoing TPiE Session and Dalai Lama’s Europe Trip

ཉན་པ།: Listen ཕབ་ལེན། Download ཤར་གླིང་བསྟན་འཛིན་ཟླ་སྒྲོན་ལགས་བཀའ་བློན་དུ་བདམས་ཐོན་བྱུང་མ་སོང་། དེ་རིང་གྲོས་ཚོགས་ནང་དང་བླངས་དཔྱ་དངུལ་ལག་དེབ་ཐོག་གྲོས་བསྡུར་ལྷུག་པོ་གནང་སོང་། རྒྱ་གཞུང་ནས་བོད་མི་ཆབ་སྲིད་བཙོན་པ་གཉིས་སླར་ཡང་འཛིན་བཟུང་བྱས་འདུག བོད་ནང་གི་ཆུ་མཛོད་རྐྱེན་པས་ཨེ་ཤེ་ཡའི་བདེ་འཇགས་ལ་ཉེན་ཁ་ཡོད་པ་གསུངས་འདུག ཨིན་ཊོ་ནེ་ཤིཡར་ བོད་ཀྱི་ཆོས་བརྒྱུད་ཁག་གི་ཆེ་མཐོའི་སྐུ་ཚབ་ཚོགས་ཆུང་ཞིག་གཟིགས་སྐོར་གནང་བཞིན་པ། Saturday 24/09/2016 Dhardon Sharling fails to garner required votes in TPiE Finance Kalon face heated questions on Green Book issue Two Tibetans including well-known writer, detained just after release from prison International seminar on Damming Crisis in Tibet held in Delhi Tibetan religious delegation visits Indonesia

དེ་རིང་ཟླ་ ༩ ཚེས་ ༢༤ ཉིན་གྲོས་ཚོགས་ཀྱི་ལས་ཉིན་ལྔ་པའི་ཐོག་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་གིས་དཔལ་འབྱོར་ལས་ཁུངས་ཀྱི་ལོ་གཅིག་གི་ལས་བསྡོམས་སྙིང་བསྡུས་འགོད་འབུལ་ཞུས་པ་དང་ཆབས་ཅིག སྤྱི་འཐུས་རྣམ་པས་བཙན་བྱོལ་བོད་མིའི་རང་དབང་གཅེས་འཛིན་དང་བླང་དཔྱ་དངུལ་ལག་དེབ་དང་འབྲེལ་བའི་གནད་དོན་ཐོག་གླེང་སློང་ཤུགས་ཆེ་གནང་པ་མ་ཟད། ཁག་ཅིག་གིས་དཔྱ་དངུལ་ལག་དེབ་མེད་པའི་བོད་མི་ཚོར་གུ་ཡངས་ལྡན་པའི་སྒོ་ནས་ལག་དེབ་དེ་གནང་སྐྱོང་ཡོང་བར་སྒྲིག་འཛུགས་ནས་དམིགས་བསལ་དགོངས་པ་ཆེ་བཞེས་གནང་དགོས་སྐོར་དགོངས་ཚུལ་ཕུལ་མཁན་མང་དག་ཞིག་བྱུང་ཡོད། སྐབས་དེར་བཀའ་བློན་མཆོག་གིས་བོད་མི་སུ་འདྲ་ཞིག་ལ་བཙན་བྱོལ་བོད་མིའི་རང་དབང་གཅེས་འཛིན་དང་བླང་དཔྱ་དངུལ་ལག་དེབ་ཕུལ་བར་ཐོག་མར་ས་གནས་རང་བདེན་ཚོགས་ཆུང་བརྒྱུད་དཔལ་འབྱོར་ལས་ཁུངས་སུ་སྙན་ཞུ་གནང་དགོས་པ་དང་། དེར་འབྲེལ་ཚན་པས་རྒྱབ་ལྗོངས་ཡིག་ཆ་དང་ཆ་རྐྱེན་སོགས་ལྡན་མིན་ཞིབ་འཇུག་གནང་མཐར་ཕུལ་སྲོལ་ཡོད་པ་མ་ཟད། ཁྱད་པར་དུ་དགུང་ལོ་ ༦༠ ཡན་གྱི་བོད་མི་ཚོར་དམིགས་བསལ་ཆག་ཡང་བཏང་པའི་ཐོག་ནས་ཆ་རྐྱེན་ཁག་ཅིག་ཚང་མིན་ལ་མ་ལྟོས་པར་ཕུལ་གྱི་ཡོད་པ་ལུང་འདྲེན་གྱིས་ས་གནས་སོ་སོའི་རང་བདེན་ཚོགས་ཆུང་དང་ས་གནས་འགོ་འཛིན་རྣམ་པས་དེར་དགོངས་བཞེས་གང་ཆེ་གནང་དགོས་གལ་ཡིན་པར་ལམ་སྟོན་གནང་སོང་། ཡང་གྲོས་ཚོགས་ཀྱི་ལས་རིམ་དེའི་ཐོག་སྤྱི་འཐུས་ཤིག་གིས་བཙན་བྱོལ་བོད་མིའི་རང་དབང་གཅེས་འཛིན་དང་བླང་དཔྱ་དངུལ་ལག་དེབ་འབུལ་ཕྱོགས་སྐོར་དང་འབྲེལ་གསུངས་པར་ལས་རིམ་དེ་དེང་དུས་འཛམ་གླིང་དང་མཐུན་པའི་དྲ་རྒྱ་བརྒྱུད་ནས་ཐད་གཏོང་གིས་ཕུལ་ཕྱོགས་ཐད་ལ་དཔལ་འབྱོར་ལས་ཁུངས་ནས་ཐབས་ལམ་གསར་པ་འཚོལ་ཞིབ་གནང་མིན་བཀའ་འདྲི་ཞུས་པར་བཀའ་བློན་མཆོག་གིས་དཔལ་འབྱོར་ལས་ཁུངས་ནས་ད་ལྟའི་ཆར་ཨ་རི་ Portland དང་ཁེ་ན་ཊ་གཉིས་ནང་དྲ་རྒྱ་བརྒྱུད་དཔྱ་དངུལ་བསྡུས་ཐབས་ཚོད་ལྟ་ཞིག་གནང་མུས་ཡིན་པ་གསུངས་སོང་། དཔལ་འབྱོར་བཀའ་བློན་མཆོག་གིས་དཔྱ་དངུལ་ལག་དེབ་ནོར་བཅོས་བྱེད་ཕྱོགས་སྐོར་དང་འབྲེལ། དཔྱ་དངུལ་ལག་དེབ་དེ་ཚད་ལྡན་ཞིག་ཡོང་བར་ནོར་བཅོས་ཐེངས་གཉིས་ལས་གནང་ཆོག་གི་མེད་པ་བསྐྱར་ནན་གནང་སོང་། དེ་རྗེས་སྤྱི་འཐུས་ཤིག་གིས་བོད་མི་དང་གཉེན་སྒྲིག་ཟིན་པའི་ཕྱི་རྒྱལ་ཡུལ་མི་ཚོས་དཔྱ་དངུལ་ལག་དེབ་བསྐྱར་བཟོ་གནང་ཕྱོགས་སྐོར་བཀའ་འདྲི་ཞུས་པར་དེ་གྲོས་ཚོགས་ཀྱི་གཏན་ལ་ཕབ་པའི་བཅའ་ཁྲིམས་རིན་པོ་ཆེ་ནང་གསལ་ཆ་རྐྱེན་དང་འབྲེལ་བ་ཆགས་ཀྱི་ཡོད་སྟབས། དེ་གྲོས་ཚོགས་ནས་གཏན་འབེབས་མ་གནང་པར་དཀའ་ངལ་དེ་སེལ་ཐབས་མེད་སྐོར་གསུངས་སོང་། རྩ་བའི་དཔལ་འབྱོར་ལས་ཁུངས་ནས་དང་བླང་དཔྱ་དངུལ་ལག་དེབ་གསར་བཟོ་གནང་འགོ་བཙུགས་པ་ནས་འདི་ལོའི་ཕྱི་ཟླ་༣ཚེས་༣༡གི་དུས་ཡུན་བར་ཁྱོན་དཔྱ་དངུལ་ལག་དེབ་༡༤༩༠༧༣བཟོས་འགྲེམས་ཞུས་ཡོད་པ་གསུངས་སོང་། གཞན་ཡང་བོད་མིའི་ཁྱད་ལས་དང་བླང་ཞབས་ཞུའི་འཕེལ་རིམ་དང་བོད་མིའི་ཡར་ཐོན་ཚོང་ལས་རམ་འདེགས་ལས་དོན་བཅས་ཀྱི་ཐད་ལ་དྲི་བ་འདྲ་མིན་ཁག་ཅིག་ཕུལ་ཡོད་པ་རེད།    

 དེ་རིང་ཟླ་ ༩ ཚེས་ ༢༤ ཉིན་གྲོས་ཚོགས་ཀྱི་ལས་ཉིན་ལྔ་པའི་སྔ་ཐོག་སྤྱི་ཟུར་ཤར་གླིང་བསྟན་འཛིན་ཟླ་སྒྲོན་ལགས་བཀའ་བློན་དུ་འོས་འདེམས་གནང་སྐབས་དགོས་ངེས་འོས་གྲངས་ ༢༡ མ་ཐོབ་པས་བཀའ་བློན་དུ་བདམས་ཐོན་བྱུང་མ་སོང་། དེ་ཡང་སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་ཤར་གླིང་བསྟན་འཛིན་ཟླ་སྒྲོན་ལགས་སླར་རང་གི་བཀའ་བློན་འོས་མིག་ཏུ་བཏོན་རྗེས་སྤྱི་འཐུས་གཉིས་ཀྱིས་འགག་པ་གནང་རྐྱེན། ངོ་ཡོད་སྤྱི་འཐུས་ ༤༣ ནས་གསང་བའི་འོས་འཕེན་སོང་བ་དང་། སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་འོས་ཐོབ་གསལ་བསྒྲགས་གནང་སྐབས་བཀའ་བློན་གྱི་འོས་མིག་དེ་ཉིད་བཀའ་བློན་དུ་འོས་པ་གཟིགས་ནས་རྒྱབ་སྐྱོར་གནང་མཁན་ ༡༤ དང་དགག་བྱ་གནང་མཁན་ ༢༧ རྩིས་མེད་སོང་བའི་གྲངས་ ༢ བཅས་བྱུང་སྟབས་ངོ་ཡོད་སྤྱི་འཐུས་ལས་དགོས་ངེས་འོས་གྲངས་མ་ཚང་སྟབས་བཀའ་བློན་དུ་བདམས་ཐོན་བྱུང་མེད་པ་གསལ་བསྒྲགས་གནང་ཡོད་པ་རེད། རྩ་བའི་སྲིད་སྐྱོང་མཆོག་ནས་ཤར་གླིང་བསྟན་འཛིན་ཟླ་སྒྲོན་ལགས་གྲོས་ཚོགས་སྐབས་སྔ་མའི་ཐོག་བཀའ་བློན་དུ་མིང་འདོན་གནང་ཡོད་ནའང། ལོ་ངོ་ ༣༥ ཧྲིལ་པོ་མ་སོན་རྐྱེན་ལོ་ནའི་ཆ་ནས་བཀའ་བློན་གྱི་འོས་ཆོས་མ་ཚང་པས་ཉིན་གཅིག་རྗེས་བཀའ་བློན་ནས་ཕྱིར་འཐེན་གནང་ཡོད་པ་རེད། སྲིད་སྐྱོང་བློ་བཟང་སེང་གེ་མཆོག་གིས་དེ་རིང་ཁོང་བཀའ་བློན་གྱི་འོས་ཆོས་ཚང་པའི་ཐོག་སླར་ཡང་བཀའ་བློན་གྱི་འོས་མིག་ཏུ་བསྣམས་ཕེབས་པ་ཡོད་ཀྱང་།  གྲོས་ཚོགས་འཐུས་མི་གཉིས་ནས་འགག་པ་བྱུང་རྗེས་སྲིད་སྐྱོང་མཆོག་གིས་གསལ་བཤད་གནང་སྐབས་ཤར་གླིང་བསྟན་འཛིན་ཟླ་སྒྲོན་ལགས་ནས་བཀའ་བློན་གཞན་ལྟར་སྲིད་སྐྱོང་མཆོག་གིས་སྔོན་འགྲོའི་ཆ་རྐྱེན་གཉིས་ཁས་ལེན་གནང་པ་ཞིག་ཆགས་ཡོད་སྟབས་སྤྱི་འཐུས་རྣམ་པས་རྒྱབ་སྐྱོར་ཚད་མཐོ་པོ་གནང་སྐྱོང་ཡོང་བའི་རེ་འདུན་ཞུས་ཡོད། སྤྱི་ཟུར་ཤར་གླིང་བསྟན་འཛིན་ཟླ་སྒྲོན་ལགས་ནས་དེ་རིང་བཀའ་བློན་འོས་འདེམས་ཀྱི་གསལ་བསྒྲགས་གྲུབ་རྗེས་གསར་འགོད་པའི་བཅར་འདྲི་དང་ལེན་གནང་སྐབས་ཁོང་གིས་རེ་བ་གནང་བ་ལྟར་མང་མོས་ཀྱི་རྒྱབ་སྐྱོར་ཐོབ་མེད་ནའང་། དེ་ནི་གྲོས་ཚོགས་དང་མང་གཙོའི་འགྲོ་ལུགས་ཤིག་ལ་ངོས་འཛིན་གནང་གི་ཡོད་པ་གསུངས་སོང་།

རྒྱ་ནག་གཞུང་གིས་ཉེ་ཆར་ཟླ་ ༨ ཚེས་ ༡༣ དང་ཟླ་ ༩ ཚེས་ ༡༦ ཉིན་སོ་སོར་བཙོན་གྲོལ་བཏང་བའི་བོད་མི་ཆབ་སྲིད་བཙོན་པ་བསམ་གྲུབ་ལགས་དང་རྩོམ་པ་པོ་གངས་སྐྱེས་སྒྲུབ་པ་སྐྱབས་གཉིས་སླར་འཛིན་བཟུང་བྱས་འདུག དེ་རིང་ཟླ་ ༩ ཚེས་ ༢༤ བོད་ནང་གི་གནས་ཚུལ་འབྱོར་བར་གཞིགས་ན། ཉེ་ཆར་ཟླ་འདིའི་ཚེས་ ༡༦ ཉིན་རྒྱ་གཞུང་གི་བཙོན་ཁང་ནང་ལོ་ལྔ་དང་ཕྱེད་ཀའི་བཙོན་འཇུག་མྱངས་པའི་བོད་མི་ཆབ་སྲིད་བཙོན་པ་གངས་སྐྱེས་སྒྲུབ་པ་སྐྱབས་ལགས་བཙོན་གྲོལ་བཏང་ཡོད་ཀྱང། ཕྱི་ཉིན་ཚེས་ ༡༧ ཉིན་སྔ་དྲོ་ཚོུད་ ༡༠ ཐོག་སླར་འཛིན་བཟུང་བྱས་འདུག དེ་བཞིན་ལོ་ལྔའི་རིང་བཙོན་འཇུག་ཁྲིམས་ཆད་མྱངས་པའི་བོད་མི་བསམ་གྲུབ་ལགས་ཉེ་སྔོན་ཟླ་ ༨ ཚེས་ ༡༣ ཉིན་བཙོན་གྲོལ་བཏང་ནས་ཟླ་བ་གཅིག་ཙམ་ལས་ཕྱིན་མེད་ཀྱང་། ཁོང་ཡང་ཚེས་ ༡༨ ཉིན་གུང་ཚོུད་ ༢།༠༠ སྟེང་སླར་འཛིན་བཟུང་བྱས་ཡོད་འདུག ད་ལྟའི་ཆར་ཁོང་གཉིས་སླར་འཛིན་བཟུང་བྱེད་དོན་གང་ཡིན་གསལ་ཁ་ཐོབ་མེད་པ་དང་ཁོང་གཉིས་ཉེ་སྔོན་གློད་གྲོལ་བཏང་སྐབས་ས་གནས་སོ་སོའི་བོད་མི་མང་ཚོགས་ཀྱིས་ཕེབས་བསུ་ཟབ་རྒྱས་ཞུས་ཡོད་འདུག སུད་སེར་བཅའ་བཞུགས་བ་ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་ཀྱིས་འདི་གར་གནས་ཚུལ་ངོ་སྤྲོད་གནང་དོན། བོད་མི་ཆབ་སྲིད་བཙོན་པ་གཉིས་པོ་རྒྱ་གཞུང་གིས་དབྱེ་བའི་བོད་དཀར་མཛེས་རང་སྐྱོང་ཁུལ་གསེར་རྟ་རྫོང་ནས་ཡིན་པ་དང། སྒྲུབ་པ་སྐྱབས་ལགས་གློད་གྲོལ་བཏང་བའི་རྗེས་སུ་ཁོང་ལ་ས་གནས་བོད་མི་རྣམས་ནས་དགའ་བསུ་ཞུས་པའི་འདྲ་པར་ཁག་ཅིང་ཕྱིར་འགྱར་བྱུང་བའི་ནང་ཟླ་བ་སྔོན་མའི་ནང་བཙོན་གྲོལ་ཐོབ་པའི་བོད་མི་བསམ་གྲུབ་ལགས་ཀྱང་ཕྱག་ལ་མཇལ་དར་བསྣམ་ནས་དགའ་བསུ་ཞུ་བའི་ཁོངས་སུ་ཡོད་པ་མངོན་གསལ་བྱུང་འདུག་ཅེས་གསུངས་སོང་། རྩ་བའི་གངས་སྐྱེས་སྒྲུབ་པ་སྐྱབས་སམ་སྨྱུག་མིང་ལ་གངས་མེ་སྟག་ལགས་དེ་སྔོན་ཕྱི་ལོ་ ༢༠༡༢ ལོའི་ཟླ་ ༢ པའི་ནང་འཛིན་བཟུང་བྱས་འདུག་པ་དང་། དེ་བཞིན་བསམ་གྲུབ་ལགས་ཀྱང་ལོ་དེའི་ཟླ་ ༦ པའི་ནང་འཛིན་བྱས་ཡོད་པ་དང། དེ་རྗེས་ ༢༠༡༣ ལོར་ཁོང་གཉིས་ཀར་དམར་ཆུང་ངོ་རྒོལ་ཚོགས་པའི་ཚོགས་མི་ཡིན་པ་དང། བོད་དོན་ལས་འགུལ་སྤེལ་བའི་ཉེས་མིང་འོག་ཁྲིམས་ཐག་བཅད་པའི་ཁྲོད་སྒྲུབ་པ་སྐྱབས་ལགས་ལ་ལོ་ལྔ་དང་ཕྱེད་ཀ་དང། བསམ་གྲུབ་ལགས་ལ་ལོ་ལྔའི་རིང་བཙོན་འཇུག་གི་ཁྲིམས་ཆད་ཕོག་འདུག སྐབས་དེར་བོད་མི་གསུམ་ལ་ཡང་ཉེས་མིང་དེའི་འོག་ལོ་ ༢ ནས་ ༣ བར་གྱི་དུས་བཀག་བཙོན་འཇུག་ཁྲིམས་ཐག་བཅད་ཡོད་པ་རེད། གངས་སྐྱེད་སྒྲུབ་པ་སྐྱབས་ལགས་ནས་དེ་སྔོན་ཕྱི་ལོ་ ༢༠༠༨ ལོ་བོད་ནང་ས་བྱི་ཞི་རྒོལ་ཆེན་མོ་དང་འབྲེལ་བའི་ས་བྱི་ཁྲག་བྲིས་དམར་པོ་དང་། དེ་རིང་གི་མིག་ཆུ་ཞེས་པའི་ཕྱག་དེབ་སོགས་ལྗགས་རྩོམ་གནང་མྱོང་ཡོད་པ་རེད་འདུག

http://www.youtube.com/watch?v=89SqEJBqyZw