Yearly Archives: 2018

དེ་རིང་ཟླ་ ༡༢ ཚེས་ ༢༦ རེས་གཟའ་ལྷག་པའི་ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་བླ་གཟའ་དང་སྟབས་བསྟུན་ཏཱ་ལའི་བླ་མའི་དགེ་རྩ་ནས་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་༸ཞབས་པད་ཡུན་རིང་དུ་བརྟན་པ་དང་བོད་ཀྱི་བདེན་མཐའ་མྱུར་དུ་གསལ་རྒྱུ་སོགས་ལ་དམིགས་ཏེ་གནས་མཆོག་རྡོ་རྗེ་གདན་གྱི་དུས་འཁོར་ཐང་ཆེན་གྱི་གསུང་ཆོས་ར་བའི་རྒྱབ་ངོས་སུ་ས་གནས་འདིར་ཡོད་པའི་ངན་སློང་ཉམ་ཐག་ཆིག་སྟོང་ལྷག་ལ་ཞལ་ལག་དང་མ་དངུལ་ཧིན་སྒོར་ ༢༠༠ ནས་ ༥༠༠ བར་ཟས་ནོར་གཉིས་ཀྱི་སྦྱིན་པ་གནང་ཡོད་པ་རེད། གཞི་རྩའི་༸དཔལ་ལྡན་དགའ་ལྡན་ཕོ་བྲང་གིས་དེ་སྔ་ནས་མགོན་པོ་༸གང་ཉིད་མཆོག་རྒྱ་གར་གྱི་གནས་མཆོག་རྡོ་རྗེ་གདན་དུ་བཞུགས་ཞག་མཛད་པའི་རིང་རེས་གཟའ་ལྷག་པ་འཆར་ཅན་རྒྱ་གར་གྱི་ཡུལ་མི་གཙོ་གྱུར་ངན་སློང་རྣམས་ལ་ཟས་ནོར་གྱི་སྦྱིན་པ་གནང་གི་ཡོད་པ་རེད།

ཉན་པ།: Listen ཕབ་ལེན། Download རྡོར་གདན་དུ་འཇིགས་བྱེད་དཔའ་གཅིག་གི་བཀའ་དབང་བསྩལ་བ། ཀཿཐོག་དགེ་རྩེ་རིན་པོ་ཆེ་མཆོག་གི་སྐུ་གདུང་ཞུགས་འབུལ། ཏཱ་ལའི་བླ་མའི་དགེ་རྩས་དབུལ་ཕོངས་ལ་ཟས་ནོར་སྦྱིན་པ། བོད་མི་ཡི་ཤུའི་ཆོས་པ་གཞོན་སྐྱེས་ཁྲོད་ཆོས་དད་ཉམས་བཞིན་པ། Wang Quanzhang ཡི་ཁྲིམས་གཤེར་དང་འབྲེལ་ལས་འགུལ་བ་གཉིས་བཀག་བསྐྱིལ། རྒྱ་དཀར་ནག་གཉིས་ཀྱི་མཐའ་མཚམས་སུ་ཟམ་ཆེན་དབུ་འབྱེད། Wednesday 26/12/2018 Dalai Lama confers Yamantaka Empowerment in Bodh Gaya Late Kathok Getse Rinpoche’s cremation rites held in Nepal Alms for beggars on Dalai Lama’s soul day Crisis of faith: Tibetan Catholics face modernity in China village Prominent Chinese rights lawyer’s trial begins, two supporters arrested India's longest road-rail bridge opened near China border

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་འདི་ག་གནས་མཆོག་རྡོ་རྗེ་གདན་དུ་ཕྱི་ནང་གི་དད་ལྡན་ཆོས་ཞུ་བ་མི་གྲངས་བཞི་ཁྲི་ཙམ་འདུ་འཛོམས་བྱུང་ཡོད་པ་དེ་དག་ལ་འཇིགས་བྱེད་དཔའ་གཅིག་གི་བཀའ་དབང་བཀྲིན་བསྩལ་ཡོད་པ་རེད།དེ་རིང་ཟླ་ ༡༢ ཚེས་ ༢༦ ཉིན་སྔ་དྲོ་ཚོུད་ ༧༌༣༠ སྟེང་མགོན་པོ་༸གང་ཉིད་མཆོག་གནས་མཆོག་རྡོ་རྗེ་གདན་གྱི་བོད་དགོན་དགའ་ལྡན་འཕེལ་རྒྱས་གླིང་རྣམ་རྒྱལ་གྲྭ་ཚང་གི་གཟིམ་ཆུང་ནས་དུས་འཁོར་དབང་ཆེན་གྱི་ཆོས་རར་ཆིབས་བསྒྱུར་དང་འབྲེལ་ཐོག་མར་བཀའ་དབང་སྒྲུབ་བཞག་མཛད་ཡོད་པ་དང་། ཚོུད་ ༩ ཙམ་ལ་སྒྲུབ་བཞག་ལེགས་པར་གྲུབ་བསྟུན་ཐའི་དང་དབྱིན་ཇིའི་ཆོས་དད་པ་ཁག་གཅིག་ནས་ཤེས་རབ་སྙིང་པོ་གསུང་འདོན་གནང་ཡོད།༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་དབང་གི་སྟ་གོན་མ་གནང་གོང་དུ་ནང་པ་སངས་རྒྱས་པའི་ཆོས་འདི་ཟབ་མོ་རྟེན་འབྱུང་གི་ལྟ་བ་གཞིར་བཞག་པའི་ད་ལྟའི་དུས་རབས་དང་མཐུན་པ་ཞིག་ཡིན་པ་མ་ཟད། གཞི་མ་དེའི་ཐོག་ནས་རྒྱུན་དུ་ང་ཚོས་སྨོན་ལམ་ཚུན་ཆད་ནས་འགྲོ་བ་རིགས་དྲུག་གི་སེམས་ཅན་ཐམས་ཅད་རང་ཉིད་ཀྱི་མ་ལྟར་གཉེན་དུ་བལྟས་ནས་རྒྱུན་དུ་སེམས་བཟང་པོ་བྱེད་དགོས་པར་ལམ་སྟོན་བསྩལ་ཡོད། ༸གོང་ས་མཆོག་གིས་གསང་སྔགས་རྡོ་རྗེ་ཐེག་པའི་ཆོས་ནི་བསོད་ནམས་ཀྱི་རྒྱབ་རྟེན་ཡོད་པའི་གང་ཟག་དགོས་མཚན་དང་མདོ་ཕྱོགས་ཀྱི་ཆོས་དེ་དག་གང་ཟག་སྤྱི་མཚན་ཡིན་སྐོར་སོགས་བཀའ་བསྩལ་ཏེ་གསང་སྔགས་ཀྱི་གོ་དོན་སྙིང་པོ་ཡང་ངོ་སྤྲོད་མཛད་ཡོད།གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་རེས་གནས་མཆོག་རྡོ་རྗེ་གདན་གྱི་ཆོས་འབྲེལ་ཁག་ཁ་ཉིན་རེས་གཟའ་ཟླ་བ་ནས་དབུ་འཛུགས་མཛད་ཡོད་པ་དང་། མགོན་པོ་༸གང་ཉིད་མཆོག་ནས་ལག་ལེན་སོ་བདུན་མའི་བཀའ་ཁྲིད་དང་གདན་ས་བཀྲིས་ལྷུན་པོ་ནས་གསོལ་འདེབས་ཞུས་པའི་ཚད་མ་རྣམ་འགྲེལ་བཅས་ཀྱི་འཕྲོ་སྐྱོང་བཀྲིན་བསྩལ་བ་དང་འབྲེལ། དེ་རིང་འཇིགས་བྱེད་དཔའ་གཅིག་བཅས་ཀྱི་བཀའ་དབང་ལེགས་གྲུབ་མཛད་ཡོད་པ་རེད།གནངས་ཉིན་སླར་༸གོང་ས་མཆོག་ནས་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་བསྩལ་རྒྱུ་ཡིན་པ་ལྟར། ཆོས་སྐོར་དེ་ལ་དམིགས་བརྩེ་མའི་བསྙེན་པའི་དམ་བཅའ་དགོས་པས་དམ་བཅའ་མི་ནུས་པ་དང་། ཐུན་མོང་ལམ་སྦྱོང་ལ་གོམས་འདྲིས་མེད་རིགས་རྣམས་ཆོས་གྲལ་དུ་མི་ཕེབས་པའི་ཆོས་བརྡ་བསྐྱངས་ཡོད་པ་རེད།

ཟླ་བ་སྔོན་མའི་ཕྱི་ཚེས་ ༡༩ ཉིན་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་དགུང་ལོ་ ༦༤ ཐོག་བལ་ཡུལ་གྱི་གནས་མཆོག་ཡང་ལེ་ཤོད་གྱི་ཉེ་འདབས་སུ་གློ་བུར་དུ་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་ཡོད་པ་ལྟར། ཁ་སང་བོད་ཟླ་༡༡ ཚེས་ ༡༨ དང་ཕྱི་ཟླ་ ༡༢ ཚེས་ ༢༥ ཉིན་གཟའ་སྐར་འཕྲོད་སྦྱོར་ཕུན་ཚོགས་དང་སྟབས་བསྟུན་རིན་པོ་ཆེ་དམ་པ་དེ་ཉིད་ནས་དེ་སྔ་ཟླ་བ་དགུ་ཙམ་རིང་སྐུ་མཚམས་བཞུགས་གནས་བལ་ཡུལ་ཡང་ལེ་ཤོད་ཀྱི་བདུད་འཇོམས་རྣམ་གྲོལ་ཆོས་གླིང་རི་ཁྲོད་དུ་སྐུ་གདུང་ཞུགས་འབུལ་གནང་འདུག ཆེད་དུ་བཅར་བའི་རྙིང་མའི་ཆོས་བརྒྱུད་ཀྱི་མ་དགོན་ཆེ་ཁག་དྲུག་ལས་མ་དགོན་བཞི་ནས་ཕེབས་པའི་༸སྐྱབས་རྗེ་ཀཿཐོག་སི་ཏུ་རིན་པོ་ཆེ་མཆོག་དང་༸སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་མཆོག ༸སྐྱབས་རྗེ་མཁན་སྤྲུལ་གྱང་ཁང་རིན་པོ་ཆེ་མཆོག ཞེ་ཆེན་མཆོག་སྤྲུལ་ཨ་འཛོམ་རྒྱལ་སྲས་རིན་པོ་ཆེ་མཆོག་གིས་གཙོས་པའི་མ་དགོན་གཞན་གཉིས་ཀྱི་འཐུས་ཚབ། རིས་མེད་ཆོས་བརྒྱུད་ཁག་གི་སྐུ་ཚབ་དང་དགེ་འདུན་གྱི་སྡེ། བོད་མིའི་སྒྲིག་འཛུགས་ཀྱི་སྐུ་ཚབ། དེ་བཞིན་བོད་ཕྱི་ནང་གཉིས་ནས་ཕེབས་པའི་དད་ལྡན་མང་ཚོགས་ཁྱོན་ ༣༠༠ ལྷག་ཙམ་འདུ་འཛོམས་ཀྱིས་ཕྱག་ལ་མཇལ་དར་བསྣམས་པ་དང་། དེ་བཞིན་དུང་རྒྱ་གླིང་གིས་སྔོན་བསུས་ཏེ་བལ་ཡུལ་སྔ་འགྱུར་ཨ་འཛོམས་ཀ་ཐོག་དགོན་ནས་ཡང་ལེ་ཤོད་ཀྱི་བདུད་འཇོམས་རྣམ་གྲོལ་ཆོས་གླིང་རི་ཁྲོད་དུ་སྐུ་གདུང་གདན་འདྲེན་གཟབ་རྒྱས་ཞུས་ཡོད་པ་རེད།སྐབས་དེར་ཤར་ཕྱོགས་སུ་༸སྐྱབས་རྗེ་ཀཿཐོག་སི་ཏུ་རིན་པོ་ཆེ་མཆོག་དབུ་བཞུགས་ཐོག་ཆོ་ག་ཀློང་གསལ་རྡོར་སེམས་ཀྱི་ཆོ་ག་དང་། ལྷོ་ཕྱོགས་སུ་༸སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་དབུ་བཞུགས་ཐོག་སྨིན་གླིང་རྡོར་སེམས་ཀྱི་ཆོ་ག ནུབ་ཕྱོགས་སུ་དཔལ་ཡུལ་༸སྐྱབས་རྗེ་མཁན་སྤྲུལ་གྱང་ཁང་རིན་པོ་ཆེ་མཆོག་དབུ་བཞུགས་ཐོག་གནམ་ཆོས་བདེ་ཆེན་ཞིང་སྒྲུབ་བམ་འོད་ཆོ་ག དེ་བཞིན་བྱང་ཕྱོགས་སུ་ཞེ་ཆེན་མཆོག་སྤྲུལ་ཨ་འཛོམ་རྒྱལ་སྲས་རིན་པོ་ཆེ་མཆོག་དབུ་བཞུགས་ཐོག་སྨིན་གླིང་རྡོར་སེམས་ཀྱི་ཆོ་ག་བཅས་གསུང་འདོན་གནང་ཡོད་པ་རེད།རྩ་བའི་སྔ་འགྱུར་རྙིང་མའི་དབུ་འཛིན་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་ཤར་རྒྱལ་བ་ཀཿཐོག་དགོན་དུ་ཕྱི་ལོ་ ༡༩༨༠ ལོར་ཁྲི་འདོན་གནང་ཡོད་པ་དང་། ཕྱི་ལོ་ ༡༩༩༧ ལོར་འཕགས་ཡུལ་དུ་ཕེབས་འབྱོར་གྱིས་འདི་ལོའི་ཕྱི་ཟླ་ ༡ ཚེས་ ༢༦ ཉིན་གནས་མཆོག་རྡོ་རྗེ་གདན་དུ་ཚོགས་པའི་སྔ་འགྱུར་རྙིང་མའི་སྨོན་ལམ་ཆེན་མོའི་སྐབས་༸གོང་མཆོག་ནས་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པར་བསྐོ་གཞག་གིས་ཁྲི་འདོན་མཛད་ཡོད་མ་ཟད། ཕྱི་ཟླ་ ༡༡ ཚེས་ ༢༨ ཉིན་༸གོང་ས་མཆོག་གིས་བསྩལ་བའི་ཡོངས་ཁྱབ་གསུང་འཕྲིན་ནང་། ངོས་རང་དགེ་རྩེ་རིན་པོ་ཆེ་མཆོག་དང་སེམས་ཐག་ཉེ་བའི་ནང་ཚགས་སུ་གྱུར་ཞིང་། ངས་ཁོང་ལ་ཀུ་རེ་དང་སྦྲགས་གཟིམ་འགག་བླ་མ་ཞེས་འབོད་ཀྱི་ཡོད་ཅེས་བཀའ་གནང་བ་དང་འབྲེལ། རིན་པོ་ཆེ་མཆོག་སྐུ་འཚོ་བཞུགས་སྐབས་བསྟན་པ་སྤྱིའི་དོན་དུ་ཀ་ཀོར་གང་ཡང་མེད་པར་ངོས་ཀྱིས་རེ་འབོད་གལ་ཆེན་སོགས་ལ་རྒྱག་གཅིག་མཆོངས་གཅིག་གནང་མཁན་ཞིག་ཡོད་ཅེས་བཀའ་བསྩལ་བ་སྦྲགས། སྐབས་དེར་མགོན་པོ་༸གང་ཉིད་མཆོག་ནས་རིན་པོ་ཆེའི་ཡང་སྲིད་མྱུར་དུ་འབྱོན་པའི་ཐུགས་སྨོན་གསོལ་འདེབས་ཤིག་ཀྱང་མཛད་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཆོས་ཞུ་བ་ཚོར་དགེ་བསྙེན་དང་བྱང་སེམས་སྡོམ་པ་འབོག་ཆོག་གནང་བ། ༸སྐུའི་ཡང་སྲིད་ཐོག་བཀའ་བསྡུར་གྱི་རྒྱུད་རིམ་གང་ཡང་འགོ་བཙུགས་མེད་ཅེས་བཀའ་གནང་འདུག བོད་ཀྱི་བེུད་ལྷན་ཚོགས་ཀྱིས་རྒྱ་གར་ས་གནས་ ༡༤ ནང་བོད་དོན་སྐོར་བསྐྱོད་གནང་འདུག ཐེ་ཝན་ནང་པིར་ཡིག་འགྲེམས་སྟོན་བརྒྱུད་ནང་ཆོས་ངོ་སྤྲོད། གཞས་ཀྱི་ལས་རིམ། བོད་ཀྱི་ཟློས་གར་ཚོགས་པའི་ཕྱི་ལོ་ ༢༠༡༨ ལོའི་དབྱར་སྐྱིད་ལས་བཀྲིས་དུས་བཟང་ཞེས་པའི་གླུ་གཞས། Tuesday 25/12/2018 Dalai Lama bestows Bodhisattva vows to thousands of devotees in Bodh Gaya Dialogue process for reincarnation had not even started: Dalai Lama TWA’s appeal to Indian leaders’ campaign covers 14 cities Introducing Buddhism through art in Taiwan Song FEATURE: ‘Tashi Duesang’ from TIPA’s latest Yarkyi

ཆོས་ཞུ་བ་ཁྲི་ཚོ་ལྷག་ལ་དགེ་བསྙེན་དང་བྱང་སེམས་སྡོམ་པ་འབོགས་པར་མཛད་པ།

ཟླ་བ་འདིའི་རེས་གཟའ་ཉི་མའི་ཉིན་རྒྱ་གར་གྱི་གསར་ཁང་ཞིག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་༸སྐུའི་ཡང་སྲིད་དང་འབྲེལ་ནས་བཅར་འདྲི་ཁག་གཅིག་ཞུས་པར་ད་ལྟའི་ཆར་༸སྐུའི་ཡང་སྲིད་ཀྱི་གནད་དོན་ཐོག་བཀའ་བསྡུར་གྱི་བརྒྱུད་རིམ་གང་ཡང་དབུ་འཛུགས་གནང་མེད་སྐོར་བཀའ་ལན་མཛད་པ་དང་འབྲེལ། མགོན་པོ་༸གང་ཉིད་མཆོག་ནམ་ཞིག་༸སྐུ་ཚེ་མ་ཟིན་པའི་གནས་སུ་གྱུར་རྗེས་རྒྱལ་སྤྱིའི་ལྷན་ཚོགས་ཤིག་གི་ཐོག་ནས་གནད་དོན་དེར་ཐག་གཅོད་དགོས་ཀྱི་རེད་ཅེས་བཀའ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་དེང་སྐབས་གནས་མཆོག་རྡོ་རྗེ་གདན་དུ་༸སྐུ་བཞུགས་གནང་མུས་དང་བསྟུན། རྒྱ་གར་གྱི་ Hindustan Times གསར་ཁང་གིས་ཚེས་ ༢༣ ཉིན་མགོན་པོ་༸གང་ཉིད་མཆོག་ལ་༸སྐུའི་ཡང་སྲིད་ཀྱི་གནད་དོན་དང། བོད་རྒྱའི་འབྲེལ་ལམ། ༸དཔལ་རྒྱལ་དབང་ཀརྨ་པ་མཆོག་གི་གནས་བབས་ལ་སོགས་པའི་གནད་དོན་འདྲ་མིན་ཐོག་དམིགས་བསལ་བཅར་འདྲི་ཞུས་འདུག སྐབས་དེར་༸གོང་ས་མཆོག་ནས་༸སྐུའི་ཡང་སྲིད་ཀྱི་གནད་དོན་སྐོར་བཀའ་བསྩལ་བར་གནད་དོན་དེའི་ཐོག་དངོས་སུ་བཀའ་བསྡུར་སོགས་ཀྱི་བརྒྱུད་རིམ་གང་ཡང་དབུ་འཛུགས་གནང་མེད་པ་དང་། སྤྱིར་ཏཱ་ལའི་བླ་མའི་སྒྲིག་འཛུགས་འདི་མུ་མཐུད་གནས་དང་མི་གནས་ཞེས་པ་དེ་བོད་མི་མང་ཚོགས་ནས་ཐག་གཅོད་བྱེད་དགོས་པའི་གནད་དོན་ཞིག་ཡིན་པ་མ་ཟད། ༸རྒྱལ་བ་སྐུ་འཕྲེང་རིམ་འབྱོན་གྱི་བརྒྱུད་རིམ་དང་སོག་ཡུལ་གཉིས་དབར་ཐུན་མོང་མ་ཡིན་པའི་འབྲེལ་བ་ཞིག་ཡོད་སྟབས། གནད་དོན་དེའི་ཐོག་སོག་པོ་རྣམས་ཀྱང་མཉམ་ཞུགས་དགོས་པ་རེད། ཧི་མཱ་ལ་ཡའི་རི་རྒྱུད་གཙོ་གྱུར་ནང་པའི་རྒྱལ་ཁབ་གཞན་ཁག་ཀྱང་མཉམ་ཞུགས་ཡོད་པའི་རྒྱལ་སྤྱིའི་ལྷན་ཚོགས་ཤིག་གི་ཐོག་ནས་གནད་དོན་དེར་ཐག་གཅོད་དགོས་ཀྱི་རེད་ཅེས་བཀའ་བསྩལ་ཡོད་པ་རེད། གསར་འགོད་པས་སྐབས་དེར་བོད་ནང་གི་བོད་མི་ཚོས་གནད་དོན་དེའི་ཐོག་མཉམ་ཞུགས་གནང་ཕྱོགས་སྐོར་བཀའ་འདྲི་ཞུས་པར་དེ་ནི་རང་དབང་ལྡན་པའི་རྒྱལ་ཁབ་ཤིག་མ་གཏོགས་རང་དབང་བྲལ་བའི་བོད་ནང་ནས་ཐག་གཅོད་ཐུབ་པ་ཞིག་མ་རེད་ཅེས་བཀའ་བསྩལ་འདུག གསར་ཁང་དེས་༸གོང་ས་མཆོག་ལ་རྒྱ་ནག་ཏུ་གནས་མཇལ་ལ་ཕེབས་རྒྱུའི་ཐུགས་རེ་ཡོད་དམ་ཞེས་བཀའ་འདྲི་ཞུས་པར་རྒྱ་ནག་རིི་བོ་རྩེ་ལྔ་དེ་༸རྒྱལ་དབང་སྐུ་ཕྲེང་ ༡༣ པའི་བཞུགས་གནས་ཡིན་སྟབས་༸གང་ཉིད་མཆོག་གིས་ཕྱི་ལོ་ ༡༩༥༤ ལོ་ནས་རྒྱ་ནག་སྲིད་གཞུང་ལ་གནས་དེར་ཕེབས་འདོད་ཡོད་པར་བཀའ་གནང་ཡོད་ཀྱང་།  རྒྱ་ནག་གིས་ལམ་ཁ་མེད་པར་བརྗོད་སྟབས་ཕེབས་ཐུབ་མེད་སྐོར་བཀའ་བསྩལ་བ་དང་སྦྲགས། གང་ལྟར་སྔོན་བོད་ཀྱི་བླ་ཆེན་ཞིག་གིས་རྒྱ་གར་རྡོར་གདན་དུ་ཕེབས་འདོད་ཆེན་པོ་ཡོད་ནའང་། ཁོང་གི་དགེ་ཕྲུག་གིས་རྡོ་གདན་ངོ་མ་དེ་སེམས་ནང་ན་ཡོད་པར་བརྗོད་ཡོད་པ་ལྟ་བུ་རེད། ལོ་རྒྱུས་ཀྱི་ཐོག་ནས་བརྗོད་ན་རྒྱ་ནག་རི་བོ་རྩེ་ལྔ་དེ་ཤེས་རབ་ཀྱི་ལྷ་ཡི་བཞུགས་གནས་ཡིན་པས་༸གང་ཉིད་མཆོག་དངོས་སུ་གནས་དེར་ཕེབས་མ་ཐུབ་ཀྱང་། ཤེས་རབ་ཀྱི་ལྷ་དེ་༸གང་ཉིད་མཆོག་གི་ཀླད་པའི་ནང་ཡོད་པ་མ་ཟད། ཧ་ཅང་གི་རྣམ་རིག་བཀྲ་བོ་ཡོད་པར་བཀའ་ལན་མཛད་ཡོད་པ་རེད། དེ་བཞིན་བོད་རྒྱ་གཉིས་དབར་གྱི་འབྲེལ་མོལ་སྐོར་དང་འབྲེལ་༸གོང་ས་མཆོག་གིས་གསར་ཁང་དེར་ཕྱི་ལོ ༢༠༡༠ ལོ་ནས་བཟུང་བོད་རྒྱ་གཉིས་ཀྱི་གཞུང་འབྲེལ་གྱི་གྲོས་མོལ་དེ་མཚམས་ཆད་ཡོད་པར་བརྟེན། ད་ཆ་རྒྱ་ནག་ནང་གི་རྒས་ཡོལ་ཞུས་ཟིན་པའི་དཔོན་རིགས་དང་ཚོང་པ་དེ་འདྲ་བརྒྱུད་ནས་འབྲེལ་བ་གནང་བཞིན་ཡོད་པ་དང། མི་སྣ་དེ་དག་ཁ་ཤས་རྒྱ་ནག་གཞུང་གི་འགོ་ཁྲིད་དང་ལྷན་དུ་འབྲེལ་བ་ཡོད་མཁན་ཡིན་སྐོར་བཀའ་བསྩལ་བ་དང་ཆབས་ཅིག ༸གང་ཉིད་མཆོག་གིས་ཕྱི་ལོ་ ༡༩༧༤ ནས་བཟུང་བོད་རང་བཙན་དོར་ཏེ་དབུ་མའི་ལམ་གྱི་སྲིད་བྱུས་བརྒྱུད་ནས་རྒྱ་ནག་གིས་ས་བགོས་བྱས་ཡོད་པའི་བོད་རང་སྐྱོང་ལྗོངས་དང་མདོ་སྟོད་སྨད་ཀུན་ཏུ་བོད་ཀྱི་རིག་གཞུང་དང་སྐད་ཡིག ཆོས་ལུགས། ཁོར་ཡུག་སོགས་ལ་སྲུང་སྐྱོབ་བྱེད་རྒྱུའི་རང་སྐྱོང་གི་གནས་བབས་ཤིག་ལ་ཐུགས་རེ་གནང་བཞིན་ཡོད་པ་ལྟར།  བོད་རིགས་ཚོ་རྒྱ་ནག་དང་ལྷན་དུ་བསྡད་ན་དཔལ་འབྱོར་གྱི་ཁེ་ཕན་ཡོད་པར་དགོངས་བཞིན་ཡོད་སྐོར་སོགས་བཀའ་བསྩལ་འདུག གསར་ཁང་དེས་ཐེངས་འདིའི་བཅར་འདྲིའི་ལས་རིམ་ཁྲོད་༸དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་གནས་བབས་སྐོར་བཀའ་འདྲི་ཞུས་པར་༸གང་ཉིད་མཆོག་གིས་༸དཔལ་རྒྱལ་བ་ཀརྨ་པ་མཆོག་ཕལ་ཆེར་ཕྱིར་རྒྱ་གར་ལ་ཕེབས་མདོག་ཁ་པོ་རེད་ཅེས་བཀའ་བསྩལ་བ་དེ་ལྟར་ཡང་། རྩ་བའི་གནད་དོན་དེ་༸དཔལ་རྒྱལ་བ་ཀརྨ་པ་མཆོག་དང་རྒྱ་གར་གཞུང་གཉིས་དབར་གྱི་དོན་དག་ཅིག་ཡིན་སྟབས། མགོན་པོ་༸གང་ཉིད་མཆོག་ནས་དེའི་ཐོག་ཐེ་བྱུས་གནང་ཐབས་མེད་པ་དང་། རྒྱ་གར་གྱི་ཕྱི་སྲིད་ལས་ཁུངས་ལའང་དེ་ལྟར་བཀའ་བསྩལ་ཡོད་སྐོར་བཀའ་ལན་མཛད་འདུག དེ་བཞིན་གསར་ཁང་དེས་༸གོང་ས་མཆོག་ཨ་རིར་ཆིབས་བསྒྱུར་གནང་རྩིས་ཡོད་དམ་ཞེས་བཀའ་འདྲི་ཞུས་པར་༸སྐུ་གཟུགས་གནས་བབས་ཀྱི་ཆ་ནས་ཨ་རི་ལྟ་བུའི་ས་ཐག་རིང་པོར་ཕེབས་ཐུབ་ཐབས་མེད་པ་དང།  ༸གང་ཉིད་མཆོག་སྔོན་ཆད་ཨ་རིར་སྨན་བཅོས་ཀྱི་ཆེད་དུ་ཕེབས་བཞིན་ཡོད་པ་ལྟར་རྒྱ་གར་གྱི་སྨན་པ་ཞིག་གིས་༸གང་ཉིད་མཆོག་ལ་འབྲས་སྐྲན་གྱི་ནད་གཞི་ཡོད་པར་ངོས་འཛིན་གནང་ཡང་ད་ཆ་ནད་གཞི་དེ་ཡོངས་སུ་དྲག་སྐྱེལ་ཐུབ་ཡོད་སྐོར་བཀའ་བསྩལ་བ་མ་ཟད། དགུང་གྲངས་ ༨༤ ལ་ཕེབས་པའི་སྐྱེ་བོ་ཞིག་ལ་དཔག་པའི་༸སྐུའི་འཕྲོད་བཞེས་ད་ཆ་ཡག་ཐག་ཆོད་ཡིན་པ་དང། ༸གང་ཉིད་མཆོག་ནས་བཞུགས་སྒར་དུ་༸སྐུ་བཞུགས་མཛད་རིང་སྔ་དྲོ་འཆར་ཅན་ཞབས་ཐང་ལ་ཕེབས་ཀྱི་ཡོད་པ་མ་ཟད། ད་ཆ་གནས་མཆོག་རྡོ་རྗེ་གདན་དུའང་ཉིན་ལྟར་ཞབས་ཐང་གིས་དགོན་པའི་གོམ་པ་ ༦༠༠ ཙམ་ཕེབས་གནང་གི་ཡོད་པར་བཀའ་བསྩལ་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྡོར་གདན་དུ་བཀའ་ཆོས་དབུ་འཛུགས། ལྷ་སར་བོད་ཡིག་གི་ཡིག་ཆ་པར་སློག་རྒྱག་མི་ཆོག་པ། བོད་ཀྱི་གཞོན་ནུའི་འགོ་ཁྲིད་ཟབ་སྦྱོང་ཐེངས་ ༡༨ དབུ་འཛུགས། རྒྱ་ནག་གི་ཕྱི་སྲིད་བློན་ཆེན་ལ་ངོ་རྒོལ། གཞིས་ཀ་རྩེར་ས་ཡོམ་གོད་ཆག བསྟན་འཛིན་ཡོན་ཏན་ལགས་སུ་བོད་ཀྱི་མཛངས་མའི་དབུ་རྒྱན་ཐོབ་པ། Monday 24/12/2018 Dalai Lama begins teaching in Bodh Gaya Printing of Tibetan language documents restricted in Lhasa TYC holds 18th youth leadership training: Dharamsala Tibet activists detained for protesting against Wang Yi Earth Quake in Shigatse, Tibet Lone contestant Tenzin Yonten crowned Miss Tibet 2018

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ག་གནས་མཆོག་རྡོ་རྗེ་གདན་དུ་ཉིན་གྲངས་དྲུག་རིང་ཆོས་འབྲེལ་ཁག་གཅིག་བཀྲིན་བསྩལ་རྒྱུའི་མཛད་འཆར་ཡོད་པ་ལྟར། དེ་རིང་སྔ་དྲོ་པཱ་ལི་དང་། ལེགས་སྦྱར།   རྒྱ་སྐད་བཅས་ཀྱི་ཐོག་བཀྲ་ཤིས་པའི་མདོ་གསུང་པ་དང་སྦྲགས་བཀའ་ཆོས་དངོས་གཞི་དབུ་འཛུགས་བཀྲིན་བསྐྱངས་ཡོད་པ་རེད།དེ་རིང་ཟླ་ ༡༢ ཚེས་ ༢༤ ཉིན་རྒྱ་གར་རྡོ་རྗེ་གདན་གྱི་དུས་འཁོར་དབང་ཆེན་གྱི་གསུང་ཆོས་ར་བ་ནས་ཆོས་འབྲེལ་དངོས་གཞི་དབུ་འཛུག་མ་གནང་གོང་༸གོང་ས་༸སྐྱབས་མགོན་ཆེན་པོ་མཆོག་གིས་ཐོག་མར་སྟོན་པ་སངས་རྒྱས་བཅོམ་ལྡན་འདས་མངོན་པར་རྫོགས་པ་སངས་རྒྱས་པའི་གནས་མཆོག་ཁྱད་པར་ཅན་འདིར་ས་ཕྱོགས་གང་ས་ནས་འདུ་འཛོམས་བྱུང་བའི་ཆོས་ཞུ་བ་རྣམས་ལ་ཤིན་ཏུ་ནས་སྐལ་བཟང་ཡིན་སྐོར་སོགས་བཀའ་བསྩལ་ཏེ་ནང་ཆོས་ཀྱི་སྤྱི་བཤད་ངོ་སྤྲོད་ཚུལ་དུ་ནང་པ་སངས་རྒྱས་པའི་ཆོས་འདི་སྨོན་ལམ་གསུང་འདོན་གནང་བ་ཙམ་ཞིག་མིན་པར་ཆོས་ལུགས་གཞན་དང་མི་འདྲ་བར་དམིགས་བསལ་གྱི་ཁྱད་ཆོས་ལྡན་པ་ཞིག་ཡིན་པ་དང་། ལྷག་དོན་སྟོན་པ་བཅོམ་ལྡན་འདས་ནི་ཐབས་དང་ཤེས་རབ་ཀྱི་ཉམས་མྱོང་ལ་བརྟེན་ནས་རྟོགས་པའི་ཡོན་ཏན་ལྡན་ཐོག་གཞན་དོན་མཛད་ཐུབ་མཁན་གྱི་བླང་དོར་གྱི་ཆོས་སྟོན་ཡོད་པ་སོགས་ལམ་སྟོན་བཀྲིན་བསྩལ་ཡོད།༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་ཞུ་བ་ཚོར་སྟོན་པའི་ཆོས་འཁོར་གྱི་རིམ་པ་ཁག་ངོ་སྤྲོད་བཀྲིན་བསྩལ་བ་མ་ཟད། ད་རེས་ཀྱི་ཆོས་འབྲེལ་དེའི་སྐབས་དབང་དང་རྗེས་གནང་སོགས་ཞུས་ནས་སྟོང་ཉིད་དང་བྱང་ཆུབ་སེམས་བསྒོམ་དགོས་གལ་ཡིན་པ་དང་ཁྱད་པར་དུ་ཆོས་ཞུ་བ་ཚོས་ཉིན་རེའི་འཚོ་བའི་ཁྲོད་དུ་དེ་ལྟར་ཡོང་བར་དམ་འཇོག་གནང་གནད་ཡིན་པ་སོགས་ལམ་སྟོན་མཛད་ཡོད་པ་རེད།༸གོང་ས་མཆོག་གིས་རྡོ་རྗེ་གདན་གྱི་དུས་འཁོར་དབང་ཆེན་གྱི་གསུང་ཆོས་ར་བ་ནས་བཀའ་ཆོས་དེ་དག་བསྩལ་གྲུབ་རྗེས་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་བཀའ་ཁྲིད་དང་། ཕྱི་ལོ་ ༢༠༡༥ ལོར་གདན་ས་བཀྲ་ཤིས་ལྷུན་པོ་རུ་གནང་བའི་ཚད་མ་རྣམ་འགྲེལ་གྱི་བཀའ་ཁྲིད་༼མཁན་ཆེན་ཀུན་དགའ་དབང་ཕྱུག་གིས་མཆན་འགྲེལ་བཏབ་པའི་རྣམ་རྩ་༽འཕྲོ་སྐྱོང་བཀའ་དྲིན་བསྩལ་ཡོད་པ་རེད།