Yearly Archives: 2018

ཕྱི་ཟླ་ ༡༢ ཚེས་ ༢༢ ཉིན་བོད་ནང་གི་འབྲེལ་ཡོད་བོད་མི་ཞིག་གིས་གནས་ཚུལ་མཁོ་སྤྲོད་གནང་བར་བོད་ཀྱི་རྒྱལ་ས་ལྷ་སའི་ཁུལ་དུ་དེང་སྐབས་རྒྱ་ཡིག་གི་ཡིག་ཆ་པར་སློག་གང་ནས་བྱེད་ཆོག་ཀྱང་། བོད་ཡིག་གི་ཡིག་པར་རྒྱག་ས་རག་གི་མེད་པ་རེད་འདུག དེའང་རྒྱ་མི་ཡིག་པར་རྒྱག་མཁན་ཚོས་བོད་ཡིག་གི་ཡིག་པར་གཏན་ནས་རྒྱག་གི་མེད་པའི་སྒང་ལ་རྒྱ་གཞུང་གི་འབྲེལ་ཡོད་གོང་རིམ་ནས་ཁོང་ཚོར་བོད་ཡིག་གི་ཡིག་པར་རྒྱག་མི་ཆོག་པའི་བཙན་བཀའ་འབྱོར་ཡོད་པ་རེད་འདུག པར་ཁང་དང་གློག་ཀླད་ཀྱི་ཡིག་དཔར་རྒྱག་མཁན། ཡིག་བཤུ་བྱེད་མཁན་བཅས་སྒེར་གཉེར་གྱི་ལས་རིགས་ཚང་མའི་ནང་བོད་ཡིག་གི་ལས་ཀ་བྱེད་མི་ཆོག་པ་བཟོས་ཡོད་པ་དང་། ཐ་ན་ཁང་པ་ཞིག་ཁང་གླ་གཏང་རྒྱུ་ཡོད་པའི་བརྡ་ཁྱབ་ཀྱང་བོད་ཡིག་ཐོག་བྲི་མི་ཆོག་པ་བཟོས་འདུག རྒྱལ་ཁབ་རྩ་ཁྲིམས་དང་གྲངས་ཉུང་མི་རིགས་ཀྱི་བཅའ་ཁྲིམས་ནང་བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་དང་མཐོང་ཆེན་བྱེད་དགོས་པ་འཁོད་ཡོད་ཀྱང་། དེ་ནི་རྩ་ཁྲིམས་དང་བཅའ་ཁྲིམས་སུ་ཡིག་ཐོག་འཁོད་པ་ཙམ་ལས་དོན་དངོས་ཐོག་བོད་ཡིག་དང་འབྲེལ་བའི་གོ་སྐབས་གཏན་ནས་སྤྲད་ཀྱི་མེད་པ་ནི་རྩ་ཁྲིམས་དང་ཡོངས་སུ་འགལ་ཡོད་སྐོར་གསུངས་སོང་། སྤྱིར་བོད་ནང་གི་ཤེས་ཡོན་ཅན་བརྒྱ་ལྷག་གིས་རྒྱ་ནག་གི་ཁྲིམས་ཁང་སོགས་ཀྱི་དྲྭ་ཚིགས་ཐོག་བོད་ཡིག་བཀོལ་སྤྱོད་བྱེད་ཀྱི་མེད་པ་དེས་སྲིད་གཞུང་དང་རྒྱལ་ཁབ་ཀྱི་གནས་ཚུལ་གཞི་རིམ་མི་མང་ནས་ཤེས་རྟོགས་ཐུབ་རྒྱུར་དཀའ་ངལ་འཕྲད་པ་མ་ཟད། རྒྱལ་ཁབ་ཀྱི་རྩ་ཁྲིམས་ནང་གྲངས་ཉུང་མི་རིགས་ཀྱི་སྐད་ཡིག་སྲུང་སྐྱོབ་ཀྱི་ཁྲིམས་ཡིག་དང་ཡོངས་སུ་དངོས་འགལ་ཡོད་པ་རེད་ཅེས་སེམས་ཚོར་ཆེན་པོས་བརྗོད་བཞིན་འདུག

ཉན་པ།: Listen ཕབ་ལེན། Download ཤེས་ཡོན་སྐོར་བསྐྱོད་ལ་ཕེབས་པའི་བོད་རིགས་ཁ་ཆེའི་རུ་ཁག་དང་གླེང་མོལ། Sunday 23/12/2018 In conversation with Tibetan Muslim from Srinagar

དེ་རིང་བོད་ཚེས་ ༡༥ ཉིན་སྔ་དྲོ་ཆུ་ཚོད་ ༩ མ་ཟིན་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་གྱི་བཞུགས་གནས་དགའ་ལྡན་འཕེལ་རྒྱས་གླིང་ནས་ཉེ་འཁྲིས་སུ་ཆགས་པའི་ Watpa Temple ཞེས་ཐེ་ལན་ཌི་ནང་པའི་དགོན་པར་གནས་གཟིགས་མཛད་པ་མ་ཟད། ཁུལ་དེར་ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དང་ཏཱ་ལའི་བླ་མ་དགེ་རྩ་ཚོགས་པ། དེ་བཞིན་ Watpa ཐེ་ལན་ཌི་དགོན་པ་བཅས་ཀྱིས་གོ་སྒྲིག་ཞུས་པའི་ནང་པའི་བཀའ་སྡེ་སྣོད་གསུམ་གྱི་རྒྱལ་སྤྱིའི་ལྷན་ཚོགས་ཐོག་དབུ་བཞུགས་མཛད་ཡོད། ལྷན་ཚོགས་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་གཙོས། ཐེ་ལན་ཌི་ནང་པའི་ཆོས་ཚོགས་ཀྱི་དབུ་ཁྲིད་ Phra Dhammabodhivited ལགས། Watpa ཐེ་ལན་ཌི་ནང་པོའི་དགོན་པའི་མཁན་པོ་ Phra Bhodhinandhamunee ལགས། དགོན་པའི་ཚོགས་གཙོ་ Piroon Shinawatra ལགས། དེ་བཞིན་བོད་པའི་དགེ་བཤེས་མཁས་པ་ཁག་གཅིག ཐེ་ལན་ཌིའི་ནང་པ་བཅས་ནས་ལྷན་ཞུགས་གནང་འདུག སྐབས་དེར་༸གོང་ས་མཆོག་གིས་སྟོན་པ་སངས་རྒྱས་བཅོམ་ལྡན་འདས་སྐུ་མྱ་ངན་ལས་འདས་པའི་རྗེས་སུ་ནང་པའི་ཁྲོད་ལ་ཕྱག་ལེན་མི་འདྲ་བ་གཙོ་བོ་བཞི་ཙམ་བྱུང་ཡོད་ཀྱང་། སངས་རྒྱས་པའི་ཆོས་དེ་ནི་གཙོ་བོ་ཐར་པའི་དོན་དུ་དམིགས་པ་ཞིག་ཡིན་སྟབས། སངས་རྒྱས་ཀྱི་བསྟན་པའི་གཞི་མ་དེ་འདུལ་བ་འཛིན་པ་རྣམས་རེད་ཅེས་བཀའ་བསྩལ་སོང་། མགོན་པོ་༸གང་ཉིད་མཆོག་ནས་ཐེངས་འདིའི་ལྷན་ཚོགས་ཐོག་ལ་འཕགས་པ་གནས་བརྟན་སྡེ་པ་དང་གཞི་ཐམས་ཅད་ཡོད་པ་སྨྲ་བའི་སྡེ་པའི་དབར་གཙོ་བོ་སྡེ་སྣོད་གསུམ་དང་འབྲེལ་བའི་ཕན་ཚུན་མཐུན་པའི་ཆ་གང་ཡོད་མེད་དང་།  ལྷག་པར་དུ་འདུལ་བ་དང་འབྲེལ་བའི་ཐོག་ནས་སྡོམ་པ་མ་འཐོབ་པ་ཐོབ་པར་བྱེད་པ་དང་། ཐོབ་པ་མི་ཉམས་པར་སྲུང་བར་བྱེད་ཚུལ་སོགས་ཀྱི་ཐད་གྲོས་བསྡུར་ཞིབ་ཚགས་པོ་གནང་ཐུབ་ན་དགེ་མཚན་ཆེན་པོ་ཡོད་པར་ལམ་སྟོན་སོགས་ཀྱང་མཛད་ཡོད། གཞན་ཡང་ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་ཐེ་ལན་ཌི་ནང་པའི་ཆོས་ཚོགས་ཀྱི་དབུ་ཁྲིད་དང་ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་དགེ་བཤེས་ངག་དབང་བསམ་གཏན་ལགས་སོགས་ནས་ནང་པའི་སྡེ་སྣོད་གསུམ་དང་འབྲེལ་ངོ་སྤྲོད་གསུང་བཤད་དང་སྦྲགས་ལྷན་ཚོགས་ཐོག་༸གོང་ས་མཚོག་༸སྐུ་དངོས་དབུ་བཞུགས་མཛད་པར་ཐུགས་རྗེ་ཆེ་སོགས་ཞུས་ཡོད། གཞི་རྩའི་ཐེངས་འདིའི་ནང་པའི་སྡེ་སྣོད་གསུམ་གྱི་རྒྱལ་སྤྱིའི་ལྷན་ཚོགས་དེ་དེ་རིང་དང་སང་ཉིན་བཅས་ཉིན་གྲངས་གཉིས་ཀྱི་རིང་ཚོགས་གནང་གི་ཡོད་པ་དང་། ལྷན་ཚོགས་ཐོག་ནང་ཆོས་ཉམས་ལེན་གནང་མཁན་འཕགས་པ་གནས་བརྟན་སྡེ་པ་དང་། གཞི་ཐམས་ཅད་ཡོད་པ་སྨྲ་བའི་སྡེ་པ་བཅས་ཀྱི་དགེ་འདུན་པ་རྣམ་པའི་དབར་ནང་པའི་སྡེ་སྣོད་གསུམ་སྟེ། འདུལ་བའི་སྡེ་སྣོད། མདོ་སྡེའི་སྡེ་སྣོད། མངོན་པའི་སྡེ་སྣོད་བཅས་ཀྱི་བརྗོད་བྱའི་ཐོག་ཕན་ཚུན་དབར་གྲོས་བསྡུར་སྦྱང་བཤད་གནང་གི་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་ནས་དེ་རིང་སྔ་དྲོ་ནང་པའི་སྡེ་སྣོད་གསུམ་གྱི་རྒྱལ་སྤྱིའི་ལྷན་ཚོགས་ཐོག་དབུ་བཞུགས་མ་མཛད་པའི་གོང་དུ་Watpa ཐེ་ལན་ཌི་དགོན་པར་གསར་རྒྱག་གནང་འཆར་ཡོད་པ་ Phra Bhodhinandhamunee སློབ་གཉེར་ཁང་གི་རྩིག་རྨང་འཇོག་གནང་བ་དང་རབ་གནས་བཅས་བཀའ་དྲིན་མཛད་ཡོད།

ཉན་པ།: Listen ཕབ་ལེན། Download ༸གོང་ས་མཆོག་གིས་པཱ་ལི་དང་བོད་བརྒྱུད་ནང་བསྟན་གྱི་སྡེ་སྣོད་གསུམ་གྱི་རྒྱལ་སྤྱིའི་ལྷན་ཚོགས་སུ་དབུ་བཞུགས། འཛིན་རིམ་བཅུ་པའི་སློབ་མ་སུམ་བརྒྱ་ལྷག་ལ་འགོ་ཁྲིད་ནུས་པ་སྐྱེད་སྲིད་ཀྱི་ཟབ་སྦྱོང་དབུ་འཛུགས། གཟའ་འཁོར་གཅིག་གི་གལ་ཆེའི་གསར་འགྱུར་བསྐྱར་ཞིབ། Saturday 22/12/2018 Dalai Lama leads International Tripitak seminar with Buddhist and Pali scholars Over 300 Tibetan students gather for annual leadership workshop Week review

ཉན་པ།: Listen ཕབ་ལེན། Download ༸གོང་ས་མཆོག་གི་གནས་མཆོག་རྡོ་རྗེ་གདན་གྱི་མཛད་འཆར་ལ་འགྱུར་བ་ཕྱིན་པ། ཨ་ཉ་སེང་སྒྲ་ལགས་གློད་བཀྲོལ་དགོས་པའི་འབོད་སྐུལ། རྒྱ་ནག་གི་ཕྱི་སྲིད་བློན་ཆེན་ལྡི་ལིར་མ་འབྱོར་བའི་སྔ་རོལ་དུ་ངོ་རྒོལ། བོད་རིགས་སློབ་མ་ལྔ་ཆ་གཅིག་ལ་གློ་ནད་ཀྱི་ཉེན་ཁ་ཡོད་པ་གསལ་འདོན། དམིགས་བསལ་ལས་རིམ། སློབ་ཕྲུག་རྣམས་ནས་དགུན་དུས་གུང་གསེང་ཇི་ལྟར་སྤྱོད་མིན། Friday 21/12/2018 Change in Dalai Lama’s teaching schedule in Bodh Gaya Tibetan rights group calls for release of Tibetan anti-corruption activist Tibet activists stage protest against Wang Yi’s India visit Nearly 1 In 5 Tibetan Schoolchildren Has TB Infection: Johns Hopkins Study DIASPORA FEATURE: Tibetan parents on winter holiday plan for their children

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གནས་མཆོག་རྡོ་རྗེ་གདན་དུ་ཆོས་འབྲེལ་བསྐྱང་རྒྱུའི་མཛད་འཆར་ཁག་ལ་དུས་ཚོད་ཀྱི་ཆ་ནས་སྔ་ཕྱི་འགྱུར་བ་ཕྱིན་པ་མ་གཏོགས་གཞུང་དང་ནང་དོན་སོགས་ལ་འགྱུར་བ་གང་ཡང་ཕྱིན་མེད་པ་རེད། དེའང་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་འགྱུར་བ་ཕྱིན་པར་གཞིགས་ན། ཟླ་ ༡༢ ཚེས་ ༢༤ ནས་ ༢༥ ཉིན་གཉིས་རིང་གི་ཞོགས་པར་༸གོང་ས་མཆོག་གིས་གནས་མཆོག་རྡོ་རྗེ་གདན་དུ་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་བཀའ་ཁྲིད་དང་། ཕྱི་ལོ་ ༢༠༡༥ ལོར་གདན་ས་བཀྲ་ཤིས་ལྷུན་པོར་་གནང་བའི་ཚད་མ་རྣམ་འགྲེལ་གྱི་བཀའ་ཁྲིད་༼མཁན་ཆེན་ཀུན་དགའ་དབང་ཕྱུག་གིས་མཆན་འགྲེལ་བཏབ་པའི་རྣམ་རྩ་༽ འཕྲོ་སྐྱོང་མཛད་རྒྱུ་དང་། ཚེས་ ༢༦ ཉིན་སྔ་དྲོར་༸གོང་ས་མཆོག་གིས་གནས་མཆོག་རྡོ་རྗེ་གདན་དུ་འཇིགས་བྱེད་དཔའ་གཅིག་གི་བཀའ་དབང་བཀའ་དྲིན་བསྩལ་རྒྱུ་ཡིན་པ་རེད། དེ་རྗེས་ཚེས་ ༢༨ ནས་ ༣༠ བར་དུ་༸གོང་ས་མཆོག་གིས་གནས་མཆོག་རྡོ་རྗེ་གདན་དུ་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་བསྩལ་རྒྱུའི་ཞལ་བཞེས་ཐོབ་ཡོད་ཀྱང་། ཆོས་སྐོར་འདི་ལ་དམིགས་བརྩེ་མའི་བསྙེན་པའི་དམ་བཅའ་དགོས་པར་བརྟེན་དམ་བཅའ་མི་ནུས་པ་དང་། ཐུན་མོང་ལམ་སྦྱོང་ལ་གོམས་འདྲིས་མེད་རིགས་རྣམས་ཆོས་གྲལ་དུ་མི་ཕེབས་པ་དེ་དོན་རང་དོན་རང་གཅེས་ཀྱིས་དགོངས་བཞེས་གནང་གལ་ཡིན་པ་རེད་འདུག ཚེས་ ༣༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གནས་མཆོག་རྡོ་རྗེ་གདན་དུ་བོད་མིའི་སྒྲིག་འཛུགས་དང་རྣམ་རྒྱལ་གྲྭ་ཚང་། ཤེལ་དཀར་ཆོས་སྡེ་མངའ་ཞབས་བཅས་ནས་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་ཡོད་པ་རེད། གཞི་རྩའི་བོད་མའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་ ༡༢ ཚེས་  ༡༦ ཉིན་གནས་མཆོག་རྡོ་རྗེ་གདན་དུ་༸ཞབས་སོར་བཀྲིན་བསྐྱངས་ཡོད་པ་དང་། ཆེས་ཐོག་མའི་མཛད་འཆར་ལྟར་ན་མགོན་པོ་༸གང་ཉིད་མཆོག་གནས་མཆོག་རྡོ་རྗེ་གདན་ནས་ཕྱི་ལོ་ ༢༠༡༩ ལོའི་ཕྱི་ཟླ་ ༡  ཚེས་ ༩ ཉིན་ཕྱིར་བཞུགས་སྒར་དུ་ཆིབས་ཞལ་བསྒྱུར་གནང་རྒྱུའི་མཛད་འཆར་ཐུགས་གཏན་ཁེལ་ཡོད་ཀྱང་། ཤེས་རྟོགས་བྱུང་བར་༸གོང་ས་མཆོག་ཕྱི་ཚེས་ ༢ ཉིན་གནས་ཕྱོགས་རྡོ་རྗེ་གདན་ནས་ཆིབས་ཞལ་བསྒྱུར་གནང་གི་ཡོད་པ་རེད། ༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་གསུང་འབུམ་ཕྱོགས་སྒྲིག་ཚན་པའི་འགན་འཛིན་ཡང་སྟེང་རིན་པོ་ཆེ་མཆོག་ལ་དེ་འབྲེལ་བཀའ་འདྲི་ཁག་ཅིག་ཞུས་ཡོད།

རྒྱ་གཞུང་གིས་མཚོ་སྔོན་ཞིང་ཆེན་མགོ་ལོག་དགའ་བདེ་རྫོང་རྐྱང་ཆད་ནས་ཡིན་པའི་ལྐོག་ཟ་རུལ་སུངས་ཐེར་འདོན་གནང་མཁན་གྱི་བོད་མི་ལས་འགུལ་བ་ཨ་ཉ་སེང་སྒྲ་ལགས་སྤྱི་ཚོགས་དཀྲུག་པའི་ཉེས་འཛུགས་འོག་བཀག་བསྐྱིལ་བྱས་པ་དང་སྦྲགས། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ཁོང་གིས་ལྐོག་ཟ་རུལ་སུངས་ཐེར་འདོན་གནང་བ་དེ་ནག་ཉེས་མིན་པས་ཁོང་དེ་འཕྲལ་མར་གློད་བཀྲོལ་དགོས་པ་གསུངས་སོང་། ཁ་སང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་འདོན་སྤེལ་གནང་བའི་སྙན་ཐོའི་ནང་འདི་ལོའི་ཟླ་ ༩ ཚེས ༤ ཉིན་དགའ་བདེ་རྫོང་སྤྱི་བདེ་མི་སྣས་ཁོང་སྤྱི་ཚོགས་དཀྲུག་རྐྱེན་བཟོས་པའི་ཉེས་འཛུགས་འོག་འཛིན་བཟུང་གྱིས་ཟི་ལིང་བརྒྱུད་གྲོ་ཚང་གི་ལྟ་སྲུང་ཁང་དུ་བཀག་ཉར་བྱས་ཡོད་པ་དང་། འདི་ལོའི་ཟླ་ ༡༡ ཚེས་ ༡༢ ནང་སྤེལ་བའི་སྤྱི་བདེ་ལས་ཁུངས་ཀྱི་གསལ་བསྒྲགས་ཐོག་ཨ་ཉ་སེང་སྒྲ་ལགས་ནས་སྤྱི་ཚོགས་དཀྲུག་པའི་གྱོད་དོན་དང་། ཉེས་ཅན་གཞན་ཡང་ཡོད་སྲིད་པའི་དོགས་གཞི་ལ་བརྟེན་ནས་བཀག་ཉར་གྱི་དུས་ཡུན་ཕྱི་ལོ་ ༢༠༡༩ ཟླ་ ༡ ཚེས ༡༢ བར་ཕྱིར་འགྱངས་བྱས་ཡོད་པ་བཀོད་འདུག གཞི་རྩའི་ལོ་ན་ ༤༧ ལ་སོན་པའི་ཨ་ཉ་སེང་སྒྲ་ལགས་ནས་སྔ་ལོ་ཕྱི་ལོ་ ༢༠༡༤ ལོར་ཁོང་དང་ལྷན་དུ་མི་བཅུ་གཙོ་གྱུར་ས་གནས་སྲིད་གཞུང་ལ་ལྐོག་ཟ་རུལ་སུངས་ཐེར་འདོན་དང་། མང་ཚོགས་དབུལ་ཕོངས་ཀྱི་དཀའ་སྡུག་གི་གནས་སྟངས་བཅས་གནད་དོན་ ༧ ལྷག་ཡོད་པའི་ཞུ་སྙན་ཞིག་ཕུལ་བ་དང་། དེའི་ནང་འབྲོག་མིའི་སྡོད་ཁང་འཛུགས་སྐྲུན་གྱི་རོགས་དངུལ་ཆད་པ་དང་། རྐྱང་ཆད་ཁུལ་དུ་འབྲོག་མི་གནས་སྤོས་ཟིན་པ་ཚོར་ཁང་པ་མེད་པའི་རྒྱུ་མཚན། འབྲོག་མིའི་སྡོད་ཁང་འཛུགས་སྐྲུན་གྱི་དངུལ་ཆད་པའི་གནད་དོན། རྫོང་འགྲིམ་གྲུལ་ལས་ཁུངས་ཀྱིས་རྐྱང་ཆའི་ཡུལ་མཚོའི་རུ་ཆེན་གོང་འོག་བར་གསུམ་སོགས་སུ་ཟམ་པ་འཛུགས་སྐྲུན་བྱས་ཡོད་མེད་ཀྱི་གནད་དོན་ཁག་ཆེད་བཀོད་གནང་ཡོད་པ་རེད། ཁོང་གི་ཁྲིམས་རྩོད་པ་ལིན་ཆི་ལེ་དང་བཟའ་ཟླ་དབྱངས་སྐྱིད་གཉིས་བཙོན་འཇུག་ཁང་དུ་ཐུག་འཕྲད་དུ་བཅར་ཀྱང་ས་གནས་སྤྱི་བདེ་མི་སྣས་ཐུག་འཕྲད་གནང་མ་བཅུག་པ་དང་།  ཟླ་ ༩ ཚེས་ ༢༢ ཉིན་དགའ་བདེ་རྫོང་སྤྱི་བདེ་ལས་ཁུངས་ཀྱི་ཆོག་མཆན་བརྒྱུད་ཁྲིམས་རྩོད་པ་ཨ་ཉ་སེང་སྒྲ་ལགས་དང་ཐུག་བཅུག་པ་དང་། སྐབས་དེར་སྤྱི་བདེ་མི་སྣས་ཁོང་ས་བབ་མཐོ་ས་ནས་དམའ་སར་བཀག་ཉར་བྱས་རྐྱེན་ས་ཆུ་མ་འཕྲོད་པས་གྲོད་ཁོག་ཤལ་ནས་ལུས་སྟོབས་ཧ་ཅང་ཞན་པོ་ཆགས་ཡོད་པ་རེད་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཆོ་མོ་ལགས་ཀྱིས་ཨ་ཉ་སེང་སྒྲ་ལགས་ནས་ས་གནས་སྲིད་གཞུང་གི་དབང་ཆ་ལོག་སྤྱོད་དང་ལྐོག་ཟ་རུལ་སུངས་ཐེར་འདོན་གནང་བ་དེ་ཁྲིམས་འགལ་ཡིན་ལུགས་ཀྱི་ནག་ཉེས་བཙུགས་པ་དེས་རྒྱ་གཞུང་གིས་ལྐོག་ཟ་རུལ་སུངས་གཙང་སེལ་གྱི་ལས་འགུལ་དེ་སྟོང་བཤད་ཡིན་པ་གསལ་སྟོན་གནང་སྐོར་གསུངས་ཡོད། འདི་ག་རླུང་འཕྲིན་ཁང་ནས་ལྟེ་གནས་ཁང་གི་ཉམས་ཞིབ་པ་པདྨ་རྒྱལ་ལགས་སུ་དེ་འབྲེལ་བཅར་འདྲི་ཞུས་པར་ཨ་ཉ་སེང་སྒྲ་ལགས་ཀྱིས་མི་མང་གི་བདེ་འཇགས་ལ་གཞིགས་ནས་ལྐོག་ཟ་རུལ་སུངས་ཐེར་འདོན་གནང་བ་དེ་ནག་ཉེས་མིན་པས་འཕྲལ་མར་གློད་བཀྲོལ་དགོས་པ་སོགས་གསུངས་སོང་།

བོད་རང་བཙན་སློབ་ཕྲུག་ཚོགས་པའི་ཚོགས་མི་ཁག་གཅིག་གིས་རྒྱ་ས་ལྡི་ལིར་རྒྱ་ནག་གི་ཕྱི་སྲིད་བློན་ཆེན་ Wang Yi མ་འབྱོར་བའི་ཚོུད་ཕྱེད་ཀའི་སྔ་རོལ་དུ་རྒྱ་མི་བོད་ནས་ཕྱིར་ཐོན་དགོས་པའི་ངོ་རྒོལ་གྱི་ལས་འགུལ་སྤེལ་འདུག དེའང་དེ་རིང་ཐོ་རངས་ཚོུད་དང་པོ་ཡོལ་ཙམ་ལ་བོད་རང་བཙན་སློབ་ཕྲུག་ཚོགས་པའི་རྒྱ་གར་རྒྱལ་ཡོངས་ཀྱི་འགན་འཛིན་བསྟན་འཛིན་ཚེ་ལྷ་ལགས་ཀྱིས་གཙོས་པའི་ཚོགས་མི་ཁག་གཅིག་གིས་རྒྱལ་ས་ལྡི་ལིའི་ཟམ་ཆེན་ཞིག་གི་ཐོག་ནས་རིང་ཚད་ཧྤེ་ཊི་བཅིུས་ལྷག་ཡོད་པའི་རྒྱ་མི་ད་ལྟ་རང་བོད་ནས་ཕར་རྒྱུགས་ཤིག་ཞེས་པའི་རས་བྱང་ཞིག་བཤམས་འདུག་པ་མ་ཟད། སྐབས་དེར་ཚོགས་པའི་ལས་འགུལ་འགན་འཛིན་རིག་འཛིན་ཆོས་སྒྲོན་ལགས་ཀྱིས་བརྙན་པར་བརྒྱུད་ཐེངས་འདིའི་ལས་འགུལ་ཐོག་ནས་རྒྱ་ནག་གི་ཕྱི་སྲིད་བློན་ཆེན་ Wang Yi  གཙོས་པའི་དཔོན་རིགས་ཁག་ལ་བོད་ནང་གི་བོད་མི་ཚོའི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པའི་གནད་དོན་དང་བོད་ནང་བོད་མི་ ༡༦༠ ལྷག་གིས་རང་ལུས་མེར་བསྲེགས་གནང་བ་སོགས་ཀྱི་འགན་ཡོངས་རྫོགས་ཁྱེར་དགོས་པའི་བརྡ་ལན་སྤྲོད་བཞིན་ཡོད་པ་གསུངས་འདུགཁོང་གིས་ད་དུང་རྒྱ་གར་གྱི་ཕྱི་སྲིད་བློན་ཆེན་ལྕམ་ Sushma Swaraj མཆོག་ལའང་གོ་སྐབས་དེ་དམ་འཛིན་གནང་ཐོག་ Wang Yi  དང་ལྷན་བོད་ཀྱི་གནད་དོན་ངེས་པར་དུ་གླེང་དགོས་པ་དང་། དེ་བཞིན་རྒྱ་དཀར་ནག་གཉིས་ཀྱི་མཛའ་འབྲེལ་དེའི་ཁྲོད་འགྲོ་བ་མིའི་ཐོབ་ཐང་གི་གནས་དོན་དེ་ནམ་ཡང་གློས་བཏང་གནང་རྒྱུ་མེད་པར་རེ་སྐུལ་ནན་པོ་ཞུས་འདུག གཞི་རྩའི་རྒྱ་ནག་གི་ཕྱི་སྲིད་བློན་ཆེན་  Wang Yi  དེ་རིང་ཚེས་ ༢༡ ཉིན་ཐོ་རངས་ཚོུད་ ༡༌༤༠ ཙམ་ལ་རྒྱལ་ས་ལྡི་ལིར་འབྱོར་ཡོད་པ་དང་། ཁོང་ནས་གཙོ་བོ་ཁུལ་དེའི་ནང་རྒྱ་གར་གྱི་ཕྱི་སྲིད་བློན་ཆེན་ལྕམ་སྐུ་ Sushma Swaraj མཆོག་དང་ལྷན་ཕྱོགས་གཉིས་དབར་གྱི་འཆར་ལོའི་འབྲེལ་ལམ་ཐོག་ཆེས་མཐོའི་ལྷན་ཚོགས་ཤིག་གནང་རྒྱུ་དང་། དེའང་འདི་ལོའི་ཟླ་ ༤ ཚེས་ ༢༧ དང་ ༢༨ བཅས་ཉིན་གཉིས་རིང་རྒྱ་ནག་གི་ Wuhan གྲོང་ཁྱེར་དུ་རྒྱ་གར་གྱི་སྲིད་བློན་མི་དཱི་དང་སྲིད་འཛིན་ཞི་ཅིང་ཕིང་གཉིས་དབར་ཕྱོགས་གཉིས་ཀྱི་འབྲེལ་ལམ་དམ་ཟབ་ཏུ་གཏང་རྒྱུ་གཙོ་གྱུར་རྒྱལ་སྤྱིའི་གནད་དོན་ཁག་གཅིག་གི་ཐོག་བསམ་ཚུལ་བརྗེ་ལེན་གྱི་ནང་མོལ་གྲོས་བསྡུར་གནང་ཡོད་པ་ལྟར། དེའི་མཇུག་སྐྱོང་ཚུལ་དུ་གནང་གི་ཡོད་པ་ཞིག་ཆགས་ཀྱི་འདུག ལས་རིམ་ལྟར་ན། ཕྱི་སྲིད་བློན་ཆེན་  Wang Yi ནས་ཐེངས་འདིའི་གཞུང་འབྲེལ་ཕྱོགས་བསྐྱོད་སྐབས་རྒྱ་གར་གྱི་སྲིད་འཛིན་མཆོག་དང་ལྷན་མཇལ་མོལ་གནང་རྒྱུ་མ་ཟད་དེ་བཞིན་ Aurangabad དང་ Mumbai གྲོང་ཁྱེར་བཅས་སུའང་བསྐྱོད་ཀྱི་ཡོདཔ་རེད།

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་་བོད་ནང་འདྲ་མཉམ་ཐོག་འགྲུལ་བསྐྱོད་ཀྱི་ཁྲིམས་འཆར་ལ་དགའ་བསུ། ༸གོང་ས་མཆོག་གིས་འབྲུག་གི་ཆོས་ཞུ་བ་ཁག་ཅིག་ལ་མཇལ་ཁ་བསྩལ་བ། རྒྱ་གཞུང་གིས་སླར་ཡང་བོད་ནང་གི་འགྲོ་བ་མིའི་ཐོབ་ཐང་རྡོག་རོལ་བཏང་བར་སྦས་གསང་བྱས་འདུག རྒྱུད་སྨད་གྲྭ་ཚང་དུ་བོད་ཀྱི་སྐད་ཡིག་དང་ནང་དོན་རིག་པའི་ཟབ་སྦྱོང་མཇུག་སྒྲིལ། འཕྲོད་བསྟེན་ལས་རིམ། གསོལ་ཇའི་དགེ་སྐྱོན། Thursday 20/12/2018 Tibet Reciprocal Access Bill becomes law, Sikyong welcomes historic legislation I have no regrets even if I die: Drukpa devotee after meeting Dalai Lama CTA rebukes China’s latest white paper on human rights Tibetan college students complete course in Tibetan language and Buddhist studies Health and Wellness: Dr. Rinzin Sangmo la on benefits and health risks of drinking tea