ARCHIVE
Monthly Archives: October, 2020
རེས་གཟའ་པ་སངས། ༢༠༢༠།༡༠།༢༣
vot.org -
ཉན་པ།: Listen
ཕབ་ལེན། Download
བོད་མི་ཞིང་འབྲོག་མང་ཚོགས་ངལ་རྩོལ་བསྒྱུར་བཀོད་སྤེལ་པར་ཞིབ་འཇུག་དགོས་པའི་གྲོས་འཆར།
ཧོང་ཀོང་གི་ལས་འགུལ་བ་བཅིུས་གློད་བཀྲོལ་དགོས་པའི་ལས་འགུལ་སྤེལ་བ།
བོད་མིའི་ཟ་ཁང་དང་ཚོང་ཁང་གི་མཚན་བྱང་བོད་བསྒྱུར་གྱི་ལས་གཞི་དབུ་འཛུགས།
བླ་རུང་སྒར་གྱི་གྲྭ་བཙུན་ཚོར་བཞུགས་ཚོགས་༧ པའི་སྐོར་སློབ་སྦྱོང་བྱེད་དགོས་པའི་བཀོད་ཁྱབ།
བཙན་བྱོལ་བོད་མིའི་གནས་སྟངས་ངོ་སྤྲོད། ཡོངས་གླིང་བྱམས་བརྩེའི་གནས་ཁང་།
Friday 23/10/2020
New Tibet resolution introduced, calls for investigation into military style forced labor in Tibet
Tibet activists demand immediate release of 12 HK youths
Sign boards in Tibetan: Student body works towards saving Tibetan language
Monks and nuns of Larung Gar monastery instructed to study 7th Tibet Work Forum
DIASPORA: Yongling Karuna Shelter
བོད་མི་ཞིང་འབྲོག་མང་ཚོགས་ངལ་རྩོལ་བསྒྱུར་བཀོད་སྤེལ་བཞིན་པར་ཞིབ་འཇུག་དགོས་པའི་གྲོས་ཆོད་ཆེད་འདོན།
vot.org -
ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ Josh Hawley ལགས་ཀྱིས་རྒྱ་ནག་གཞུང་གིས་བོད་མི་ཞིང་འབྲོག་མང་ཚོགས་རྣམས་ངལ་རྩོལ་བསྒྱུར་བཀོད་ཁང་ནང་བཙན་ཁྲིད་དང་བོད་མི་མང་ཚོགས་ཀྱི་ཆོས་དད་རང་དབང་རྡོག་རོལ་གཏོང་བཞིན་པའི་སྲིད་བྱུས་མང་དག་སྤེལ་བའི་བྱ་སྤྱོད་དག་ལ་སྐྱོན་བརྗོད་ཀྱིས་ཨ་རིའི་བཟོ་ཚོང་ཁང་ནས་བོད་མི་ངལ་རྩོལ་བ་སོགས་བེད་སྤྱོད་བྱེད་མཁན་གྱི་ཚོང་ལས་ཁང་དང་འབྲེལ་ཐག་གཅོད་དགོས་པའི་གྲོས་ཆོད་ཆེད་འདོན་གནང་འདུག ཁ་སང་སྐུ་ཞབས་ Josh Hawley ལགས་ཀྱིས་གྲོས་ཚོགས་ནང་བོད་ནང་གི་དགོན་སྡེ་ཁག་གཏོར་བཤིག་དང་བོད་མིའི་ཆོས་དད་རང་དབང་རྡོག་རོལ་བཏང་བར་མ་ཟད་བོད་དེ་རྒྱ་ནག་ཅན་དུ་བཟོ་བར་སྲིད་བྱུས་སྣ་མང་སྤེལ་གྱི་ཡོད་པའི་གནད་དོན་སོགས་འགྲེལ་བརྗོད་གནང་བ་དང་། ཁོང་གིས་ད་ལན་གྲོད་ཆོད་གྲོས་འཆར་བརྒྱུད་རྒྱ་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཐད་ཐེ་བྱུས་བྱེད་ཐབས་ལ་སྐྱོན་བརྗོད་དང་མགོན་པོ་༸གང་ཉིད་མཆོག་གི་༸སྐུའི་ཡང་སྲིད་འདེམས་སྒྲུག་གནང་རྒྱུའི་བདག་དབང་དེ་བོད་མི་ཁོ་ནར་ཡོད་པ་གསུངས་འདུག
དེ་བཞིན་གྲོས་ཆོད་གྲོས་ཆོད་ནང་རྒྱ་གཞུང་གིས་བོད་མི་ཞིང་འབྲོག་མང་ཚོགས་ཕོན་ཆེར་དམག་གི་རང་བཞིན་ལྡན་པའི་སྦྱོང་བརྡར་ལྟེ་གནས་ཁང་དུ་བཙན་ཁྲིད་ཀྱིས་ངལ་རྩོལ་བསྒྱུར་བཀོད་ཁང་དང་། རྒྱ་ནག་གི་བཟོ་གྲྭ་ཆེ་ཁག་ལ་འོར་འདྲེན་བྱས་ཡོད་པར་བརྟེན་གནད་དོན་དེའི་ཐོག་ངེས་པར་དུ་ཞིབ་འཇུག་གནང་དགོས་པ་གསུངས་འདུག ད་དུང་ཨ་རིའི་བཟོ་ཚོང་ཁང་ནས་ཚོང་འབྲེལ་ཁྲོད་བོད་མི་གཙོས་ངལ་རྩོལ་བ་གཞན་བེད་སྤྱོད་བྱེད་བཞིན་ཡོད་མེད་ཀྱི་གནད་དོན་ཐད་ཞིབ་འཇུག་དང་། ཨ་རི་གཞུང་ནས་བོད་རྒྱ་གྲོས་མོལ་ལ་རྒྱབ་སྐྱོར་ནན་པོ་གནང་དགོས་པ་དང་ལྷག་པར་དུ་རྒྱལ་ཁབ་གཞན་ལ་རྒྱ་གཞུང་གི་བྱེད་ཕྱོགས་དག་ལ་སྐྱོན་བརྗོད་གནང་དགོས་པའི་སྐུལ་མ་གནང་དགོས་པ་གསུངས་འདུག
སྐུ་ཞབས་ Hawley ལགས་ཀྱིས་གྲོས་ཆོད་ཆེད་འདོན་དང་འབྲེལ་ཏེ་རྒྱ་གཞུང་གིས་བོད་ནང་དུ་ཡོད་པའི་བོད་མི་རྣམས་ནས་རང་ཉིད་ཀྱི་ཆོས་ཕྱོགས་ཀྱི་གནང་སྒོ་ཁག་གནང་བར་ཉེས་ཆད་ཆེད་འགེལ་གྱིས་བྲན་གཡོག་བཀོལ་སྤྱོད་ཐོག་ངལ་རྩོལ་ལ་བཙན་ཁྲིད་བྱེད་བཞིན་ཡོད་པ་དང་ད་ལན་རྒྱ་གཞུང་གི་བྱེད་བབ་དེ་ནི་རྒྱ་ནག་རང་གི་ལྟ་གྲུབ་དེ་དག་གང་ཟག་གཞན་ལ་དབང་ཤེད་ཀྱི་ཐོག་ནས་བཙན་བཀའ་གཏང་ཕྱིར་སྲིད་བྱུས་ཇི་ལྟར་འཛིན་པའི་དཔེ་མཚོན་གསར་ཤོས་ཤིག་ཆགས་ཀྱི་ཡོད་སྟབས། ཨ་རིའི་ཚོང་ལས་ཁང་ནས་དེ་འབྲེལ་རྒྱ་ནག་གི་བཟོ་ལས་ཁང་དང་ངན་པ་ལག་སྦྲེལ་མཚམས་འཇོག་དང་། རྒྱ་གཞུང་ནས་བྱ་སྤྱོད་དེའི་རིགས་འགན་ཁུར་བཅུག་དགོས་ཞེས་གསུངས་འདུག
སྐུ་ཞབས་ Hawley ལགས་ཀྱིས་བོད་དོན་གྲོས་ཆོད་འདོན་སྤེལ་གནང་བར་བོད་མི་དང་བོད་དོན་རྒྱབ་སྐྱོར་བ་རྣམས་ནས་དགའ་བསུ་ཞུས་འདུག་པ་མ་ཟད། བོད་མི་མང་སྤྱི་འཐུས་དང་བོད་རང་བཙན་སློབ་ཕྲུག་ཚོགས་པའི་འགན་འཛིན་རྡོ་རྗེ་ཚེ་བརྟན་ལགས་ཀྱིས་ཞི་ཅིན་ཕིང་གི་འགོ་ཁྲིད་འོག་རྒྱ་གཞུང་གིས་བོད་འདི་རྒྱ་ནག་རང་བཞིན་ཅན་བཟོ་ཐབས་ཀྱི་སྲིད་བྱུས་ལག་བསྟར་གྱིས་བོད་མིའི་ངོ་བོ་རྩ་བརླག་གཏོང་རྒྱུར་དམིགས་འབེན་བཟུང་ཡོད་ཀྱང་། བོད་མི་རྣམས་ནས་ད་བར་དྲག་གནོན་གྱི་སྲིད་བྱུས་ལ་ལྟོས་མེད་མུ་མཐུད་བོད་དོན་འཐབ་རྩོད་གནང་བཞིན་ཡོད་སྟབས་ད་ཆ་རྒྱལ་སྤྱིའི་གཞུང་དང་ཚོགས་སྡེ་ཁག་ནས་བོད་ཀྱི་གནད་དོན་ལ་རྒྱབ་སྐྱོར་སྔར་ལྷག་གནང་དགོས་པའི་དུས་ལ་བབ་ཡོད་པ་མ་ཟད། རྒྱལ་ཁབ་གཞན་ནས་ཀྱང་ད་ལན་སྐུ་ཞབས་ Hawley ལགས་ཀྱིས་བོད་མིར་རྒྱབ་སྐྱོར་སླད་བོད་དོན་གྲོས་ཆོད་གྲོས་འཆར་ཆེད་འདོན་གནང་བ་ལྟར་དེ་མཚུངས་ཀྱིས་གྲོས་ཆོད་གཏན་འབེབས་གནང་དགོས་པ་དང་ཆབས་ཅིག རྒྱ་ནག་དང་མཉམ་དུ་ངན་པ་ལག་སྦྲེལ་བྱེད་མཁན་གྱི་བཟོ་ཚོང་ཁང་རྣམས་ལ་ངེས་པར་དུ་འགན་ཁུར་བཅུག་དགོས་པའི་གཞེན་སྐུལ་གནང་འདུག
གཞི་རྩའི་ད་རེས་གྲོས་ཆོད་འདོན་སྤེལ་གནང་མཁན་ཁོངས་སུ་གྲོས་ཚོགས་གོང་མའི་འཐུས་མི་སྐུ་ཞབས་ Thom Tillis ལགས་དང་། Ted Cruz ལགས། Marsha Blackburn ལགས། Tim Scott ལགས། Mike Braun ལགས། Todd Young ལགས། དེ་བཞིན་Kelly Loeffler ལགས། Bill Cassidy ལགས། Martha McSally ལགས། James Lankford ལགས་བཅས་ཡོད་པ་རེད།
ཧོང་ཀོང་གི་ལས་འགུལ་བ་བཅིུས་གློད་བཀྲོལ་དགོས་པའི་ལས་འགུལ་སྤེལ་བ།
vot.org -
བོད་རང་བཙན་སློབ་ཕྲུག་ཚོགས་པས་རྒྱ་ནག་གཞུང་གིས་འདི་ལོའི་ཕྱི་ཟླ་ ༨ ཚེས་ ༢༣ ཉིན་ཧོང་ཀོང་ནས་བྲོས་བྱོལ་དུ་ཕེབས་པའི་ཁུལ་དེའི་ལས་འགུལ་བ་ ༡༢ འཛིན་བཟུང་གིས་ད་བར་རྒྱ་ནག་སྐམ་སའི་ནང་བཀག་སྐྱིལ་བྱེད་བཞིན་པའི་གནད་དོན་ལ་སྐྱོན་བརྗོད་ཤུགས་ཆེ་གནང་བ་དང་འབྲེལ། ཁོང་རྣམ་པ་འཕྲལ་དུ་གློད་བཀྲོལ་དགོས་པའི་ཞུ་གཏུག་གི་ལས་འགུལ་སྤེལ་སོང་།དེ་རིང་སྔ་དྲོ་ཆུ་ཚོད་ ༡༡ ཐོག་མེག་ལོཊ་གྷན་ཇའི་བཞི་མདོའི་སྲང་ལམ་དུ་བཞུགས་སྒར་དུ་རྟེན་གཞི་བྱས་པའི་བོད་རང་བཙན་སློབ་ཕྲུག་ཚོགས་པས་གོ་སྒྲིག་གནང་སྟེ་འདི་ལོའི་ཕྱི་ཟླ་ ༨ པའི་ནང་རང་ལོ་ ༡༦ ནས་ ༣༠ བར་གྱི་ཧོང་ཀོང་གི་ལས་འགུལ་བ་ ༡༢ ཧོང་ཀོང་ནས་བྲོས་བྱོལ་དུ་ཕེབས་སྐབས་རྒྱ་ནག་གཞུང་གིས་འཛིན་བཟུང་གིས་ད་བར་རྒྱ་ནག་སྐམ་སའི་ནང་བཀག་སྐྱིལ་བྱེད་བཞིན་པར་ངོ་རྒོལ་གྱི་ལས་འགུལ་སྤེལ་བ་དང་སྦྲགས། བོད་རང་བཙན་སློབ་ཕྲུག་ཚོགས་པའི་ངེས་སྟོན་པ་རིག་འཛིན་ཆོས་སྒྲོན་ལགས་ཀྱིས་ཧོང་ཀོང་གི་ལས་འགུལ་བ་བཅིུས་དང་ལྷན་དུ་ཡོད་ཅེས་གསུངས་པར་མ་ཟད། རྒྱ་གཞུང་གིས་འཛིན་བཟུང་བྱས་པའི་ཧོང་ཀོང་གི་ལས་འགུལ་བ་བཅིུས་འཕྲལ་དུ་གློད་བཀྲོལ་དགོས་པ་གསུངས་སོང་།རིག་འཛིན་ཆོས་སྒྲོན་ལགས་ཀྱིས་ད་དུང་རྒྱ་ནག་དམར་ཤོག་གཞུང་དང་ཧོང་ཀོང་གི་གཞུང་འཛིན་པ་གཉིས་ངལ་པ་ལག་སྦྲེལ་གྱི་སྒོ་ནས་ཧོང་ཀོང་གི་ལས་འགུལ་བ་དེ་དག་འཛིན་བཟུང་བྱས་པའི་གནས་སྟངས་ཤིག་ཆགས་ཡོད་པར་ངོ་སྤྲོད་གནང་བ་དང་། དོན་རྐྱེན་དེའི་ཁྲོད་བློ་འཚབ་གནང་དོན་ནི་རྒྱ་ནག་གཞུང་གིས་འཛིན་བཟུང་བྱས་པའི་ལས་འགུལ་བ་བཅིུས་དེའི་ཁྲོད་ལོ་ན་ཆུང་ཤོས་དེ་ལོ་ངོ་ ༡༦ ལ་སོན་པའི་གཞོན་སྐྱེས་ཤིག་ཆགས་ཀྱི་ཡོད་སྟབས། བོད་རང་བཙན་སློབ་ཕྲུག་གིས་ཁོང་རྣམ་པར་གདུང་སེམས་མཉམ་བསྐྱེད་གནང་རྒྱུ་ཁོ་ན་ཙམ་མིན་པར་ཁོང་རྣམ་པའི་མཉམ་དུ་ཡོད་པ་མཚོན་ཕྱིར་ལས་འགུལ་དེ་ལྟར་སྤེལ་སྐོར་གསུངས་སོང་།གཞི་རྩའི་ཉེ་ལམ་ཧོང་ཀོང་གི་ལས་འགུལ་བ་ ༡༢ འཛིན་བཟུང་བྱས་པའི་གནད་དོན་དང་འབྲེལ་ནས་ཨོ་སི་ཊོ་ལི་ཡ་དང་ཁེ་ན་ཌ། ཨ་རི། མེཀ་སི་ཀོ། བྷར་ཛིལ། ཌེན་མག ནོར་ཝེ། སུད་ཌེན། ཨོ་སི་ཀྲི་ཡ། དེ་བཞིན་ཉི་ཧོང་སོགས་ཀྱི་བོད་དོན་རྒྱབ་སྐྱོར་ཚོགས་པ་དང་བོད་རིགས་ཚོགས་པ་བརྒྱ་སྐྱོར་ཞིག་གིས་མཚན་རྟགས་བཀོད་པའི་སྒོ་ནས་མཉམ་རུབ་ཀྱི་ཞུ་གཏུག་ལས་འགུལ་ཞིག་སྤེལ་ཡོད་པ་རེད། སྐབས་དེར་རྒྱལ་སྤྱིའི་བོད་དོན་རྒྱབ་སྐྱོར་འབྲེལ་མཐུད་ཁང་གིས་རྒྱ་གཞུང་གིས་ཁོང་རྣམ་པ་འཕྲལ་དུ་གློད་བཀྲོལ་དགོས་པའི་དགོས་འདུན་ཆེད་འདོན་གནང་བ་དང་སྦྲགས། རྒྱལ་སྤྱིའི་ཚོགས་སྡེ་ཁག་ནས་རྒྱ་ནག་གཞུང་ལ་གནད་དོན་དེའི་ཐོག་གནོན་ཤུགས་འཕར་མ་སྤྲོད་དགོས་པ་དང་དོན་དམ་གྱི་ལག་བསྟར་གྱི་ཐོག་ནས་ཧོང་ཀོང་མང་ཚོགས་ཀྱི་ཞི་བའི་འཐབ་རྩོད་ལ་རྒྱབ་སྐྱོར་གྱི་རྣམ་མངོན་གསལ་གནང་དགོས་པའི་འབོད་སྐུལ་ཞུས་ཡོད་པ་རེད།
རེས་གཟའ་ཕུར་བུ། ༢༠༢༠།༡༠།༢༢
vot.org -
ཉན་པ།: Listen
ཕབ་ལེན། Download
བོད་ཀྱི་ཆབ་སྲིད་བཙོན་ཟུར་སྟག་སྣ་འཇིགས་མེད་བཟང་པོ་ལགས་ཀྱི་སྐུ་ཕུང་ཞུགས་འབུལ།
གཟའ་འཁོར་འདིར་བོད་མི་ཏོག་ནད་ཅན་གྱ་གཅིག་དང་གཉིས་འདས་གྲོངས།
ཨ་རིའི་ནང་གི་རྒྱའི་གསར་ཁང་དྲུག་ཕྱི་རྒྱལ་ཀྱི་གཞུང་ཚབ་ལས་ཁང་དུ་ངོས་འཛིན།
རྒྱ་ནག་གཞུང་གིས་ཡུ་གུར་མི་རིགས་སྡེབ་གསོད་བྱེད་ཀྱི་ཡོད་པ་མངོན་གསལ།
སྨན་གྱི་ཚུད་རྒྱུགས་ཁྲོད་གྲུབ་འབྲས་རྩེར་སོན་གྱི་བོད་རིགས་སློབ་མ་གཉིས།
Thursday 22/10/2020
Funeral service for Tibet’s longest serving political prisoner held today
81 Covid cases, 2 dead this week: CTA urges caution in schools
U.S. designates six more Chinese media firms as foreign missions
Canadian Parliament Subcommittee recognizes China’s persecution of Uyghurs as genocide
Tibetan students cracking the NEET: Interview
བོད་ཀྱི་ཆབ་སྲིད་བཙོན་ཟུར་སྟག་སྣ་འཇིགས་མེད་བཟང་པོ་ལགས་ཀྱི་སྐུ་ཕུང་ཞུགས་འབུལ།
vot.org -
རྒྱ་ནག་གི་བཙོན་ཁང་ནང་དུ་བཙོན་འཇུག་ཀྱི་དུས་ཡུན་རིང་ཤོས་བཞུགས་མྱོང་མཁན་བོད་ཀྱི་ཆབ་སྲིད་བཙོན་ཟུར་དང་རྒྱལ་གཅེས་པ་དམ་པ་སྟག་སྣ་འཇིགས་མེད་བཟང་པོ་ལགས་ཀྱི་སྐུ་ཕུང་དེ་རིང་སྔ་དྲོ་སུད་སིའི་ས་གནས་Winterthur ལ་ཞུགས་འབུལ་གནང་ཡོད་པ་རེད།ཟླ་བ་འདིའི་ཕྱི་ཚེས་ ༡༧ ཉིན་གྱི་སྔ་དྲོ་ཆུ་ཚོད་ ༨ ཙམ་ལ་བོད་ཀྱི་ཆབ་སྲིད་བཙོན་ཟུར་སྟག་སྣ་འཇིགས་བཟང་པོ་ལགས་དགུང་ལོ་ ༩༡ ཐོག་སུད་སིའི་ས་གནས་ Turbenthal ཡོད་པའི་རྒས་གསོ་ཁང་དུ་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་དང་། དེ་རིང་སྔ་དྲོ་རྒྱལ་གཅེས་པ་དམ་པོ་ཁོང་གི་སྐུ་ཕུང་ཞུགས་འབུལ་གནང་ཐོག་རི་དགོན་ཆོས་འཁོར་གླིང་གི་མཁན་རིན་པོ་ཆེs་དབུས་པའི་དགེ་འདུན་པ་རྣམ་པ་གཙོ་བཞུགས་ཐོག སུད་སི་སྐུ་ཚབ་དོན་གཅོད་འཆི་མེད་རིན་འཛིན་ལགས་དང་ཡོ་རོབ་བོད་མི་མང་སྤྱི་འཐུས་ཟམ་མདོ་བྱམས་པ་ཚེ་རིང་ལགས་དང་སྤྱི་འཐུས་བཀྲས་མཐོང་དབང་པོ་ལགས། སུད་སི་དང་ལིག་ཏེན་སིཊཡན་བོད་མི་མང་གི་ཚོགས་གཙོ་རྒྱུན་ལས་རྣམ་པ། དེ་བཞིན་ཡོ་རོབ་གཞོན་ནུ་མཐུན་ཚོགས་དང་ས་གནས་བེུད་ལྷན་ཚོགས། སུད་བོད་མཛའ་འབྲེལ་ཚོགས་པ་བཅས་ཀྱི་སྐུ་ཚབ་རྣམས། ས་གནས་སུ་ཡོད་པའི་བོད་ཀྱི་ཆབ་སྲིད་བཙོན་ཟུར་དང་སེར་སྐྱ་མང་ཚོགས་སོགས་ལྷན་འཛོམས་ཀྱིས་མར་ཆོད་འབུལ་དང་ཞི་ཞིང་འདུལ་བའི་བསྔོ་སྨོན་གསུང་འདོན་གནང་ཡོད་པ་རེད། སྐབས་དེར་སུད་སི་སྐུ་ཚབ་དོན་གཅོད་འཆེ་མེད་རིན་འཛིན་ལགས་དང་རྒྱལ་གཅེས་སྟག་སྣ་འཇིགས་མེད་བཟང་པོ་ལགས་དམ་དེ་ཉིད་དང་ལྷན་དུ་དེ་སྔ་རྒྱའི་གཞུང་བཙོན་ཁང་ནང་བཙོན་འཇུག་མྱངས་མྱོང་ཡོད་པ་སུད་སིར་གནས་བཞུགས་ཆབ་སྲིད་བཙོན་ཟུར་བསོད་ནམས་རྡོ་རྗེ་ལགས་ཀྱིས་རྒྱལ་གཅེས་པ་དམ་པ་ཁོང་གིས་ད་བར་བོད་བསྟན་སྲིད་མི་རིགས་དང་བཅས་པའི་སླད་དུ་སྐུ་ལས་བསྐྱོན་པའི་མཛད་རྗེས་ལ་དྲན་གསོ་དང་བློས་བཏང་ལ་ཆེ་བསྟོད་ཀྱི་གསུང་བཤད་གནང་བར་མ་ཟད། དེ་བཞིན་སེར་སྐྱ་མང་ཚོགས་ནས་རིམ་པས་བོད་ཀྱི་རྒྱལ་ཁབ་ཆེན་པོའི་རྒྱལ་དར་འཐུམ་པའི་རྒྱལ་གཅེས་པ་དམ་པ་དེ་ཉིད་ཀྱི་སྐུ་ཕུང་ཐོག་མྱ་ངན་གུས་འདུད་ཀྱི་མཇལ་དར་སྒྲོན་ཏེ་དམ་པ་ཁོང་ལ་མཐའ་མའི་ཞལ་གྱེས་ཞུས་ཡོད་པ་རེད།རྩ་བའི་སྟག་སྣ་འཇིགས་མེད་བཟང་པོ་ལགས་དམ་པ་དེ་ཉིད་ནི་ཕྱི་ལོ་ ༡༩༢༩ ནང་ལྷ་སའི་ནུབ་ཕྱོགས་ཆུ་ཤུལ་རྫོང་ཁོངས་རྟ་དཀར་གཞིས་སུ་སྐུ་འཁྲུངས་ཤིང་། ཕྱི་ལོ་ཁོང་ནས་ ༡༩༦༤ ལོར་ཀུན་གཟིགས་༸པཎ་ཆེན་རིན་པོ་ཆེ་མཆོག་ལ་རྒྱ་མིས་སྐྱོན་བརྗོད་བྱས་པའི་ལས་འགུལ་མོས་མཐུན་མ་བྱས་སྟབས་༸པཎ་ཆེན་རིན་པོ་ཆེའི་ཕྱོགས་གཏོགས་སུ་ངོས་འཛིན་ཏེ་ཕྱི་ལོ་ ༡༩༦༥ ལོར་ཐོག་མར་གྲྭ་བཞི་བཙོན་ཁང་དང་། དེ་ནས་གསང་ཡིབ་བཙོན་ཁང་དུ་བསྐྱལ་བས་བཙོན་འཇུག་ལོ་གསུམ་བྱས། སླར་ཕྱི་ལོ་ ༡༩༧༠ ལོར་གསར་བརྗེའི་ངོ་ལོག་པར་རྒྱབ་སྐྱོར་བྱེད་མཁན་གྱི་ཉེས་མིང་འོག་འཛིན་བཟུང་གིས་དུས་བཀག་བཙོན་འཇུག་ལོ་བཅུ་ལ་བྱས་པ་དང་། དེ་ནས་ཕྱི་ལོ་ ༡༩༨༣ ལོར་ལྷ་སར་བོད་རང་བཙན་གྱི་སྦྱར་ཡིག་སྦྱར་བར་བརྟེན་ཡང་བསྐྱར་ཐེངས་གསུམ་པ་འཛིན་བཟུང་བྱུང་སྟེ་དུས་བཀག་བཙོན་འཇུག་ལོ་བཅོ་ལྔ་བཟོས་པར་མ་ཟད་གྲྭ་བཞི་བཙོན་ཁང་དུ་བཙོན་འཇུག་ཁྲོད་བོད་རང་བཙན་གྱི་སྐད་འབོད་བྱས་པའི་རྐྱེན་གྱིས་བཙོན་འཇུག་ཉེས་ཆད་ལོ་ལྔ་སྤར་བ་སོགས་ཀྱི་འཛིན་བཟུང་རིམ་པའི་ཁྲོད་དུ་ཁོང་མི་ལོ་ཧྲིལ་པོ་ ༣༧ ལྷག་ལ་རྒྱ་ནག་གི་བཙོན་ཁང་དུ་བཞུགས་མྱོང་ཡོད་པ་རེད། ཕྱི་ལོ་ ༢༠༠༢ ལོར་སྨན་བཅོས་སླད་ཨ་རིར་ཕེབས་ཐུབ་པ་བྱུང་བ་དང་རྗེས་སུ་རིམ་པས་སུད་སིར་གནས་སྤོས་གནང་སྟེ་གནས་བཞུགས་གནང་ཡོད་པ་རེད། ཕྱི་ཟླ་ ༡༠ ཚེས་ ༡༧ ཉིན་གྱི་སྔ་དྲོ་ཆུ་ཚོད་ ༨ ཙམ་ལ་སྟག་སྣ་འཇིགས་མེད་བཟང་པོ་ལགས་དམ་པ་ཁོང་དགུང་ལོ་ ༩༡ ཐོག་སུད་སིའི་ས་གནས་ Turbenthal ཞེས་པའི་རྒས་གསོ་ཁང་དུ་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་རེད།
ཨ་རི་ནང་གི་རྒྱའི་གསར་ཁང་དྲུག་ལ་ཕྱིའི་རྒྱལ་ཁབ་ཀྱི་གཞུང་ཚབ་ལས་ཁང་དང་གཅིག་མཚུངས་ངོས་འཛིན་གནང་གི་ཡོད་པ།
vot.org -
ཁ་སང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Mike Pompeo མཆོག་གིས་གསར་འགོད་ལྷན་ཚོགས་ཐོག་ཨ་རི་ནང་རྒྱ་ནག་གི་གསར་ཁང་དྲུག་གི་མིང་ཐེར་འདོན་གནང་སྟེ་དེ་དག་ནི་ཕྱིའི་རྒྱལ་ཁབ་ཀྱི་གཞུང་ཚབ་ལས་ཁང་དང་གཅིག་མཚུངས་ལ་ངོས་འཛིན་གནང་གི་ཡོད་པ་གསུངས་འདུགཁ་སང་ Reuters གསར་ཁང་གིས་གནས་ཚུལ་སྤེལ་བར་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Pompeo མཆོག་གིས་ཨ་རི་ནང་ཡོད་པའི་རྒྱ་ནག་གི་གསར་ཁང་ Social Sciences in China Press གསར་ཁང་དང་ the Beijing Review དེ་བཞིན་ the Economic Daily དང་ Yicai Global དེ་མཚུངས་ Jiefang Daily དང་ the Xinmin Evening News བཅས་གསར་ཁང་དྲུག་གི་མིང་ཐེར་འདོན་གནང་ནས་དེ་དག་ནི་ཕྱིའི་རྒྱལ་ཁབ་ཀྱི་གཞུང་ཚབ་ལས་ཁང་དང་གཅིག་མཚུངས་ ལ་ངོས་འཛིན་གནང་གི་ཡོད་སྐོར་གསུངས་པ་དང་འབྲེལ། ཉེ་བའི་རེས་གཟའ་པ་སངས་ཉིན་ཡོ་རོབ་སྤྱི་མཐུན་རྒྱལ་ཁབ་དང་ལྷན་དུ་རྒྱ་ནག་དང་འབྲེལ་བའི་གྲོས་མོལ་གནང་རྒྱུ་དང་རེས་གཟའ་ཉི་མ་ནས་རྒྱ་གར་གཙོས་ཤྲི་ལངྒ་དང་ Maldives དེ་བཞིན་ཨིན་ཌོ་ནེ་ཤ་ཡ་བཅས་སུ་འཚམས་གཟིགས་ཕེབས་རྒྱུ་མ་ཟད་སྐབས་དེར་རང་དབང་ཅན་གྱི་རྒྱལ་ཁབ་དེ་དག་དང་མཉམ་དུ་རྒྱ་ནག་ལ་གདོང་ལེན་གནང་ཕྱོགས་ཀྱི་བཀའ་བསྡུར་གནང་རྒྱུ་ཡིན་པ་གསུངས་འདུག
སྐབས་དེར་ཕྱི་སྲིད་དྲུང་ཆེ་མཆོག་གིས་རྒྱ་ནག་གི་གསར་ཁང་དྲུག་གི་མིང་ཆེད་འདོན་གནང་དོན་ནི་གསར་འགྱུར་སྤེལ་ཕྱོགས་ཐད་ལ་དམ་བསྒྲགས་གནང་ཆེད་དུ་མིན་པར་ཨ་རིའི་མི་སེར་གྱིས་ཨ་རི་ནང་དུ་རང་དབང་གི་སྒོ་ནས་གསར་འགྱུར་སྤེལ་བ་དང་རྒྱ་ནག་གཞུང་གིས་རྫུན་གཏམ་དྲིལ་བསྒྲགས་བྱས་པའི་ཕྱོགས་གཉིས་ཀྱི་ཁྱད་པར་དབྱེ་ཐུབ་རྒྱུ་དང་། རྒྱ་ནག་གཞུང་གིས་ཨ་རི་ནང་ཐེ་བྱུས་བྱ་རྒྱུ་མང་དྲག་པར་གདོང་ལེན་གནང་རྒྱུར་དམིགས་པ་ཞིག་ཡིན་པར་གསུངས་འདུགའོན་ཀྱང་རྒྱ་ནག་གཞུང་གིས་གཉེར་བའི་ Global Times ཚགས་ཤོག་ལས་ཁང་གི་སྤྱི་ཁྱབ་རྩོམ་སྒྲིག་པ་ HU ཟེར་བས་ཨ་རིའི་ཕྱི་སྲིད་དྲུང་ཆེ་མཆོག་གི་གསུང་བབ་ལ་རྒོལ་ལེན་དང་སྦྲགས། ཨ་རི་གཞུང་གིས་རྒྱ་ནག་གཞུང་ལ་ལྡང་ཟུག་ཧ་ཅང་མང་དྲག་པས་རྒྱ་ནག་གཞུང་གིས་དེར་རྒོལ་ལེན་སློག་ངེས་ཡིན་སྐོར་བརྗོད་པ་དང་འབྲེལ། རྒྱ་ནག་གི་གསར་ཁང་ཁག་ལ་ དུས་ནམ་ཞིག་གི་བར་དུ་དཀའ་ངལ་འཕྲད་པ་དེ་ལྟར་རྒྱ་གཞུང་གིས་རྒྱ་ནག་ཏུ་ཡོད་པའི་ཨ་རིའི་གསར་ཁང་ཁག་ལ་དེ་མཚུངས་ངལ་བ་འཕྲད་བཅུག་གི་རེད་ཅེས་བརྗོད་འདུག
རྩ་བའི་ཨ་རིའི་སྲིད་གཞུང་གིས་རྒྱ་གཞུང་ལ་གདོང་ལེན་གནང་ཕྱོགས་དང་འབྲེལ་ནས་ད་བར་ཨ་རིར་ཡོད་པའི་རྒྱ་ནག་གཞུང་གིས་གཉེར་བཞིན་པ་དང་རྒྱ་ནག་གཞུང་གི་འཁྱོག་བཤད་དྲིལ་བསྒྲགས་བྱེད་མཁན་གྱི་གསར་ཁང་ཁག་ ༡༥ ཙམ་གྱི་མིང་ཐེར་འདོན་གནང་སྟེ་དམར་ཤོག་ཚོགས་པའི་དྲིལ་བསྒྲགས་ལས་དོན་སྤེལ་མཁན་ཡིན་པར་ངོས་འཛིན་གནང་ཡོད་པརེད།
བོད་མི་ ༨༡ ལ་ཏོག་དབྱིབས་གཉན་རིམས་ཕོག་པ་དང་བོད་མི་ ༢ འདས་གྲོངས།
vot.org -
གཟའ་འཁོར་འདིའི་ནང་བཙན་བྱོལ་བོད་མིའི་འདུ་སྡོད་ཁྲོད་ཏོག་དབྱིབས་གཉན་རིམས་ཕོག་པ་བོད་མི་ ༨༡ དང་ ༢ འདས་གྲོངས་སུ་གྱུར་འདུགདེ་རིང་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༣༠ སྤེལ་སྐབས་ཚོགས་ཆུང་གི་གསར་འགོད་འབྲེལ་མཐུད་པ་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདིའི་ནང་རྒྱ་གར་དང་བལ་ཡུལ་གཉིས་ཀྱི་བོད་མིའི་འདུ་སྡོད་ས་ཁུལ་ཁག་ཏུ་བོད་མི་ ༨༡ ལ་ཏོག་དབྱིབས་གཉན་རིམས་ཕོག་ཡོད་པ་དང་དེའི་ཁོངས་ནས་རྒྱ་གར་ནས་བོད་མི་ ༧༣ དང་བལ་ཡུལ་ཁུལ་ནས་ ༨ དང་། ནད་ཡམས་དེའི་རྐྱེན་གྱིས་ལྷོ་ཕྱོགས་མོན་གྷོ་འདོད་རྒུ་གླིང་ནས་སྐྱེས་པ་རང་ལོ་ ༥༠ དང་བལ་ཡུལ་ནས་སྐྱེས་པ་རང་ལོ་ ༧༦ སོན་པ་བཅས་བོད་མི་གཉིས་འདས་གྲོངས་སུ་གྱུར་འདུག
སྨན་པ་ཚེ་རིང་མཚམས་གཅོད་ལགས་ཀྱིས་ད་ལྟའི་ཆར་རྒྱ་གར་དབུས་གཞུང་གིས་ལམ་སྟོན་བཞིན་སློབ་གྲྭ་ཁག་རིམ་པས་འཚོགས་གཏན་ཁེལ་ཡོད་སྟབས་འཕྲོད་བསྟེན་ལས་ཁུངས་ནས་འབྲེལ་ཡོད་ཚན་པ་སོ་སོར་ལམ་སྟོན་ཁག་ཞུས་ཡོད་པ་དང་། གལ་ཏེ་སློབ་གྲྭ་ཁག་སླར་འཚོགས་ཚེ་ངེས་པར་དུ་སྔོན་འགོག་གི་ཐབས་ལམ་རྣམས་ལག་བསྟར་དགོས་གལ་དང་། གཙོ་བོ་སློབ་གྲྭའི་འཛིན་སྐྱོང་དང་དགེ་ལས་སློབ་ཕྲུག་དང་འབྲེལ་ཡོད་ནང་མི་ཡོངས་ནས་བདེ་འཇགས་ཐོག་དགོངས་བཞེས་གནང་དགོས་གལ་ཡིན་སྐོར་གཞེན་སྐུལ་གནང་སོང་། ཁོང་གིས་ཏོག་དབྱིབས་གཉན་རིམས་དྲག་སྐྱེད་དུ་སོང་བ་རྣམས་ནས་ངེས་པར་དུ་བསྐྱར་ལོག་མ་ཡོང་བར་སྔོན་འགོག་ཐབས་ལམ་མུ་མཐུད་གནང་དགོས་པ་དང་ཟས་སྤྱོད་གཉིས་ཚད་ལྡན་བསྟེན་དགོས་སྐོར་སོགས་ལམ་སྟོན་གནང་ཡོད།གསར་འགོད་ལྷན་ཚོགས་ཐོག་བདེ་ལེགས་སྨན་ཁང་གི་སྨན་པ་བསྟན་འཛིན་བཙོན་འགྲུས་ལགས་ཀྱིས་ད་ཆ་ས་གནས་སོ་སོའི་གནས་སྟངས་ལ་གཞིགས་པའི་སློབ་གྲྭ་ཁག་རིམ་པའི་འཚོགས་འཆར་ཡོད་སྟབས། སྔར་བཞིན་སྔོན་འགོག་གི་གནང་སྒོ་ཁག་འཐུས་ཚང་གནང་དགོས་པར་མ་ཟད། སློབ་གྲྭར་འབྲེལ་གཏུག་རྩད་གཅོད་ཀྱི་རུ་ཁག་ཆེད་འཛུགས་གནང་དགོས་སྐོར་གསུངས་སོང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་འཕར་བྱམས་པ་ཕུན་ཚོགས་ལགས་ཀྱིས་མང་ཚོགས་ནས་ཏོག་དབྱིབས་གཉན་རིམས་ཁྱབ་གདལ་གྱི་དུས་ཚིགས་ཙམ་མིན་པར་རྒྱུན་ལྡན་ནས་འཕྲོད་བསྟེན་ཐད་ཐུགས་སྣང་དགོས་པའི་དྲན་སྐུལ་སོགས་གནང་ཡོད།
ད་བར་རྒྱ་བལ་འབྲུག་གསུམ་གྱི་བཙན་བྱོལ་བོད་མིའི་ཁྲོད་བོད་མི་ ༧༨༠ ལྷག་ལ་ཏོག་དབྱིབས་གཉན་རིམས་ཕོག་ཡོད་པ་དང་དེའི་ཁོངས་ནས་ ༣༧༥ ལྷག་དྲག་སྐྱེད་དང་དེ་མིན་མི་ ༢༡ འདས་གྲོངས། ད་ ཆར་ནད་ཀྱིས་མནར་བཞིན་པ་ ༣༨༨ ཆགས་ཀྱི་ཡོད་པ་རེད། བཙན་བྱོལ་བོད་མིའི་སྤྱི་ཚོགས་ཁྲོད་ཏོག་དབྱིབས་གཉན་རིམས་ཕོག་མཁན་གྱི་གྲངས་འབོར་མང་ཤོས་ཡོད་པའི་གཞིས་སྒར་ནི་མོན་གྷོ་འདོད་རྒུ་གླིང་གཞིས་སྒར་ཆགས་ཀྱི་ཡོད་སྟབས་རླུང་འཕྲིན་ཁང་ནས་ཁུལ་དེའི་ས་གནས་འགོ་འཛིན་ལྷག་པ་ཚེ་རིང་ལགས་སུ་ད་ལྟའི་གནས་སྟངས་ཇི་ཆགས་ཐད་བཀའ་འདྲི་ཞུས་ཡོད།
རྒྱ་ནག་གཞུང་གིས་ཡུ་གུར་མི་རིགས་སྡེབ་གསོད་བྱེད་ཀྱི་ཡོད་པ་མངོན་གསལ།
vot.org -
ཁེ་ན་ཌའི་གྲོས་ཚོགས་འོག་མའི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་ཆུང་གིས་Xinjiang རང་སྐྱོང་ས་ཁུལ་ནང་གི་ཡུ་གུར་དང་གཞན་ཁ་ཆེའི་མང་ཚོགས་ཀྱི་འགྲོ་བ་མིའི་ཐོབ་ཐང་གི་གནས་སྟངས་ཐོག་ཉན་ཞིབ་རིམ་པ་གནང་བའི་སྙན་ཐོ་དང་སྦྲགས་གསར་འགོད་བསྒྲགས་གཏམ་ཞིག་སྤེལ་བའི་ནང་དུ། རྒྱ་ནག་གཞུང་གི་Xinjiang ནང་དུ་ཡུ་གུར་མི་རིགས་སྡེབ་གསོད་བྱེད་ཀྱི་ཡོད་པར་ངོས་འཛིན་དང་འབྲེལ། ཁེ་ན་ཌ་གཞུང་གི་ངོས་ནས་ཤིན་ཅང་ནང་དུ་མི་རིགས་སྡེབ་གསོད་གྱི་བྱ་སྤྱོད་སྤེལ་མཁན་རྒྱ་ནག་གི་དཔོན་རིགས་རྣམས་ལ་ཉེས་ཆེད་འགེལ་དགོས་པ་གསུངས་འདུག
སྨན་གྱི་ཚུད་རྒྱུགས་ཁྲོད་གྲུབ་འབྲས་རྩེར་སོན་གྱི་བོད་རིགས་སློབ་མ་གཉིས།
vot.org -
ཕྱི་ལོ་ ༢༠༢༠ ལོའི་ Neet འམ་རྒྱ་གར་རྒྱལ་ཡོངས་སྨན་པའི་ཚུད་རྒྱུགས་ཀྱི་གྲུབ་འབྲས་གསལ་བསྒྲགས་གནང་དོན་བཞིན་། བཙན་བློལ་བོད་མིའི་སྤྱི་ཚོགས་ཁྲོད་ཐེངས་དང་པོར་ཚུད་རྒྱུགས་དེའི་ནང་སེ་ལ་ཀུ་བོད་ཁྱིམ་གྱི་སློབ་ཟུར་བསྟན་འཛིན་ཡེ་ཤེས་ལགས་ཀྱིས་བརྒྱ་ཆ་ ༧༢༠ ནས་ ༥༤༡ དང་། མ་སུ་རི་བོད་ཁྱིམ་ནས་འདི་ལོའི་སྲིད་སྐྱོང་སློབ་ཡོན་བཞེས་མཁན་ཀུན་དགའ་ལེགས་བྱུང་ལགས་ཀྱིས་བརྒྱ་ཆ་ ༥༠༣ ལོན་ཡོད་པ་ལྟར། འདི་ག་རླུང་འཕྲིན་ཁང་གིས་ཁོང་རྣམ་གཉིས་ལ་རང་ཉིད་ཀྱི་མྱོང་ཚོར་དང་འབྲེལ་ནས་སློབ་སྦྱོང་གནང་ཕྱོགས་ཀྱི་ཐད་ལ་ཞལ་པར་བརྒྱུད་བཀའ་འདྲི་ཞུས་ཡོད།