Monthly Archives: October, 2020

ཉན་པ།: Listen ཕབ་ལེན། Download ངའི་སྲིད་སྐྱོང་། བཀའ་ཟུར་འབྲོང་ཆུང་དངོས་གྲུབ་ལགས་དང་གླེང་མོལ། Saturday 31/10/2020 My Sikyong: Ngodup Dongchung and his Vision

ཉན་པ།: Listen ཕབ་ལེན། Download བོད་འབྲི་རུ་རྫོང་དུ་འགྲོ་བ་མིའི་ཐོབ་ཐང་རྡོག་རོལ་གྱི་གནས་སྟངས་ཛ་དྲག་ཏུ་འགྱུར་བཞིན་པའི་བསྒྲགས་གཏམ། འཕགས་བོད་ས་མཚམས་བར་སྦག་སྦག་སྐོར་བསྐྱོད་ཀྱི་ལས་འགུལ་དབུ་འཛུགས། གཞིས་བཞུགས་བོད་མིར་དམིགས་པའི་ངག་མེད་ཀྱི་མགྲིན་ཚབ་ཅེས་པའི་དྲྭ་རྒྱ་དབུ་འབྱེད། ཨེ་ཤེ་ཡའི་བཀའ་བརྒྱུད་སྨོན་ལམ་དབུ་འཛུགས། རྒྱལ་སྤྱིའི་བོད་ཀྱི་གློག་བརྙན་དུས་སྟོན་ཐེངས་དགུ་བ་བཞུགས་སྒར་དུ་དྲྭ་ཐོག་ནས་ཚོགས་པ། Friday 30/10/2020 Tibetan singer sentenced to 6 years in prison, concern over deteriorating situation in Driru Dehradun Mayor flags off Tibet motorcycle rally to Uttarkashi-Gangotri Tibetan youth group launches voice for the voiceless campaign, felicitates 2010 Tibetan language protest 2020 Asia Kagyu Monlam goes online 9th edition of Dharamsala International Film Festival begins online

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་གཙོ་བྱས་པའི་གཞོན་ནུ་དང་བུད་མེད་སོགས་ཀྱི་གཞུང་འབྲེལ་མིན་པའི་ཚོགས་པ་དྲུག་གི་མཉམ་འབྲེལ་གྱི་ཐོག་ནས།  ཁམས་འབྲི་རུ་རྫོང་དུ་བོད་ཀྱི་གླུ་བ་ཞིག་ལ་ལོ་དྲུག་གི་བཙོན་འཇུག་ཁྲིམས་ཐག་བཅད་པའི་གནས་ཚུལ་ཡོང་གྲགས་དང་འབྲེལ། རྒྱ་གཞུང་གིས་བོད་ནང་དུ་འཆར་གཞི་དང་དམིགས་ཡུལ་ལྡན་པའི་ཐོག་ནས་ཡུལ་མིའི་ཚེ་སྲོག་ལ་རྒོལ་བའི་ནག་ཉེས་ཚབས་ཆེན་བཟོ་བཞིན་ཡོད་པར་སྐྱོན་བརྗོད་གནང་སོང་།དེའང་དེ་རིང་སྔ་དྲོ་ཚོུད་བཅུ་པའི་ཐོག བཞུགས་སྒར་ནོར་བུ་གསོལ་གྲོན་ཁང་གི་ཚོགས་ཁང་ནང་དུ། གཞུང་འབྲེལ་མིན་པའི་ཚོགས་པ་དེ་དག་མཉམ་འབྲེལ་ཐོག་ནས་བོད་རྒྱ་དབྱིན་ཧིན་གྱི་སྐད་ཡིག་བཞིའི་ཐོག་ནས་ཡོངས་ཁྱབ་གསར་འགོད་བསྒྲགས་གཏམ་སྤེལ་ཡོད་པ་དང་། བསྒྲགས་གཏམ་གྱི་ནང་དུ་རྒྱ་གཞུང་གིས་བོད་ཀྱི་གཞོན་སྐྱེས་གླུ་བ་ལྷུན་འགྲུབ་གྲགས་པ་ལགས་ཀྱིས་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་སྲིད་གཞུང་གི་དྲག་གནོན་སྲིད་ཇུས་ཁག་ལ་སྐྱོན་བརྗོད་ཀྱིས་ཞྭ་མོ་ནག་པོ་ཞེས་པའི་གླུ་གཞས་དེ་བླངས་བར་ཁ་གཡར་ནས་སྔར་ལོའི་ཟླ་བ་ལྔ་བའི་ནང་འཛིན་བཟུང་བཀག་སྐྱིལ་བྱས་ཏེ་འདི་ལོའི་ཟླ་བ་དྲུག་པའི་ནང་ཁོང་ལ་ལོ་དྲུག་གི་ཁྲིམས་ཐག་བཅད་ཡོད་པར་མ་ཟད། ཁོང་ལོ་གཅིག་གི་རིང་ལ་བཀག་སྐྱིལ་བྱས་པའི་སྐབས་སུ་ཁོང་ལ་ཁྲིམས་ཀྱི་འགྲོ་ལུགས་གཞིར་བཞག་གི་ཁྲིམས་རྩོད་པ་གླ་བཅུག་མེད་ཁར་དྲང་བདེན་གྱི་ཁྲིམས་ཞིབ་ཐོབ་ཐང་སྤྲད་མེད་པར་མངོན་གསལ་གནང་འདུག རྩ་བའི་ད་ལྟའི་ཆར་ཁམས་འབྲི་རུ་ནང་དུ་མང་ཚོགས་ཀྱི་འགྲོ་བ་མིའི་ཐོབ་ཐང་གི་གནས་བབ་ཇེ་ཞན་ཇེ་སྡུག་ཏུ་འགྲོ་བཞིན་པའི་གནས་ཚུལ་དང་སྦྲགས་ནས།    ཁ་སང་འདི་རླུང་འཕྲིན་ཁང་གིས་གསར་འགྱུར་བཏང་ཟིན་པ་ལྟར།  འབྲི་རུ་རྫོང་གི་བྱིས་པ་གསུམ་གྱི་ཨ་མ་ལྷ་མོ་ལགས་ལ་རྒྱ་ནག་གིས་བཙོན་ཁང་དུ་གཅར་རྡུང་ཤུགས་དྲག་བཏང་བའི་རྐྱེན་གྱིས་ཁོང་འདི་ལོའི་ཟླ་བ་བརྒྱད་པའི་ནང་འདས་གྲོངས་སུ་གྱུར་བ་དང་། ཁོང་གི་སྤུན་མཆེད་བསྟན་འཛིན་ཐར་པ་ལགས་ཀྱང་གང་བྱུང་བཀག་བསྐྱིལ་གྱིས་ད་ལྟའི་ཆར་རྒྱ་ནག་གི་བཙོན་ཁང་དུ་ལྷག་ཡོད་པ་སོགས་ཀྱི་གནས་ཚུལ་ཕྱི་གྱར་བྱུང་ཡོད་པ་རེད། དེ་རིང་གི་གསར་འགོད་ལྷན་ཚོགས་ཐོག བོད་ཀྱི་བུད་མེད་ལྷན་ཚོགས་ཀྱི་ཚོགས་གཞོན་སྐལ་བཟང་གཡུ་སྒྲོན་ལགས་ཀྱིས་ལྷུན་འགྲུབ་གྲགས་པ་དང་བསྟན་འཛིན་ཐར་བ་གཉིས་ཀྱིས་མཚོན་པའི་ཁྲིམས་འགལ་གྱི་ཐོག་ནས་གང་བྱུང་འཛིན་བཟུང་དང་བཀག་ཉར་བྱས་པའི་བོད་མི་རྣམས་མྱུར་དུ་གློད་གྲོལ་གཏོང་དགོས་བ་དང་། ལྷོ་མོའི་འདས་རྐྱེན་དང་འབྲི་རུ་རྫོང་གི་ཡུལ་མིའི་ཐོབ་ཐང་རྡོག་རོལ་བཏང་ནས་ཡུལ་མིའི་ཚེ་སྲོག་ལ་རྒོལ་བའི་ནག་ཉེས་ཚབས་ཆེན་བཟོས་པའི་གནད་དོན་ཐད་ལ་རང་དབང་གི་ཐོག་ནས་ཞིབ་འཇུག་མཐིལ་ཕྱིན་གནང་འཇུག་དགོས་བ་སོགས་ཀྱི་དགོས་འདུན་དོན་ཚན་ལྔ་ཅན་ཞིག་ཕྱིར་བསྒྲགས་གནང་བ་མ་ཟད།  རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཐད་ཀྱི་ཆེས་མཐོའི་ལས་འཛིན་ལྷན་ཚོགས་ཀྱིས་བོད་ཁུལ་གྱི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་གྱི་གནས་བབ་དེར་རྟོག་ཞིབ་དགོས་ལུགས་ཀྱི་འབོད་སྐུལ་ཞུས་སོང་།དེ་དང་འབྲེལ་ནས། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས།   གཞི་རྩའི་བོད་ནང་གི་དངོས་ཡོད་ཀྱི་གནས་སྟངས་དེ་ཕྱི་ལ་བསྒྲགས་རྒྱུ་གལ་ཆེན་པོ་ཡིན་ནའང་། ཕྱོགས་གཞན་ཞིག་ནས་བོད་ནང་ཕྱི་ལོག་ཏུ་གནས་ཚུལ་མཁོ་སྤྲོད་བྱེད་སྐབས་གཞིས་ལུས་བོད་མི་རྣམས་ཀྱི་ཚེ་སྲོག་གཏའ་མར་འཇོག་གི་ཡོད་པ་དེར་ཡང་བསམ་གཞིགས་བྱེད་དགོས་བ་ཞིག་ཡིན་སྐོར་གསུངས་བ་དང་འབྲེལ།   ད་ཆ་བོད་ནང་ནས་ཕྱི་ཕྱོགས་སུ་གནས་ཚུལ་མཁོ་སྤྲོད་བྱེད་རྒྱུ་དེ་ཆེས་ཉེན་ཁ་ཆེ་ཤོས་ཤིག་ཏུ་གྱུར་ཡོད་པར་འགྲེལ་བརྗོད་གནང་སོང་། མ་ཟད་སྐབས་དེར། རྒྱ་ནག་གི་བཙོན་ཁང་གི་ནང་དུ་གཅར་རྡུང་དྲག་པོའི་འོག་རྐྱེན་འདས་སུ་ཕྱིན་པའི་བོད་མི་ལྷ་མོ་ལགས་ཀྱི་སྤུན་མཆེད། བཀྲ་ཤིས་དོན་འགྲུབ་ལགས་ཀྱིས་ཁམས་འབྲི་རུ་ཙམ་མིན་པར་བོད་ས་ཡོངས་སུ་རྒྱ་ནག་གི་བཙན་འཛུལ་གྱི་འོག་ཏུ་དཀའ་ངལ་ཆེན་པོ་འཕྲད་བཞིན་ཡོད་སྟབས། ཕྱི་ཕྱོགས་ཀྱི་བོད་མི་ཡོངས་ཀྱིས་བསྟན་འཛིན་ཐར་བ་ལགས་ཀྱི་གཙོ་བྱས་པའི་རྒྱ་ནག་གི་བཙོན་ཁང་གི་ནང་དུ་ཡོད་པའི་ཆབ་སྲིད་བཙོན་པ་རྣམས་གསོན་པོར་གནས་ཐབས་ལ་ཤུགས་སྣོན་རྒྱག་རོགས་ཞེས་འབོད་སྐུལ་ཞུས་སོང་། གཞི་རྩའི་སྤྱི་ལོ་ ༢༠༡༣ ལོ་ནས་བཟུང་། འབྲི་རུ་རྫོང་སྲིད་གཞུང་གི་དབང་འཛིན་དཔོན་རིགས་ཚོས་ཁུལ་དེར་དྲག་གནོན་གྱི་སྒྲིག་སྲོལ་དང་བཀོད་ཁྱབ་རིམ་པ་བཏང་པ་མ་ཟད། བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་ཝུའུ་ཡང་ཅེ་ཟེར་བས། འབྲི་རུ་རྫོང་གི་བརྟན་ལྷིང་རྒྱུན་ཁྱོངས་ཡོང་ཐབས་སུ་མུ་མཐུད་དུ་ལྟ་རྟོག་མྱུལ་ཞིབ་དང་སྟངས་འཛིན་དོ་དམ་ཤུགས་ཆེར་གཏོང་དགོས་ལུགས་བཤད་མྱོང་ཡོད་པ་དང་།  དེ་རིང་རྡ་སའི་གཞུང་འབྲེལ་མིན་པའི་ཚོགས་པ་དེ་དག་གི་བསྒྲགས་གཏམ་ནང་གསལ་ལྟར་ན། ད་ལྟའི་བར་དུ། འདས་པའི་ལོ་ངོ་འདི་དག་རིང་རྒྱལ་ས་ལྷ་སའི་ཉེ་འགྲམ་གྱི་ཆུ་ཤུར་བཙོན་ཁང་དུ་འབྲི་རུ་རྫོང་གཅིག་པུའི་བོད་མི་༦༠༠ ལྷག་འཛིན་བཟུང་བཙོན་འཇུག་བྱས་ཡོད་པ་རེད་འདུག

ཉེ་ལམ་རྒྱ་དཀར་ནག་གཉིས་དབར་ས་མཚམས་ཀྱི་གནད་དོན་དང་འབྲེལ་རྩོད་རྙོག་ཤུགས་ཆེར་བྱུང་སྟེ་རྒྱ་གར་གཞུང་མང་གཉིས་ཀྱིས་བོད་ཀྱི་གནད་དོན་ལ་ཐུགས་ཁུར་ཆེ་བཞེས་གནང་དང་གནང་མུས་ཁྲོད། དེ་རིང་ Dehradhun བདེ་སྐྱིད་གླིང་ས་གནས་གཞོན་ནུ་དང་ Dehradhun ཧིན་བོད་མཛའ་འབྲེལ་ཚོགས་པ་གཉིས་མཉམ་འབྲེལ་ཐོག་ནས་ Dehradhun ནས་ Gangotri Nelong དུ་ཆགས་པའི་འཕགས་བོད་ས་མཚམས་བར་སྦག་སྦག་སྐོར་བསྐྱོད་ཀྱི་ལས་འགུལ་ཞིག་དབུ་འཛུགས་གནང་འདུགཉིན་གྲངས་བཞིའི་རིང་གི་སྦག་སྦག་སྐོར་བསྐྱོད་གྱི་ལས་འགུལ་དེ་བརྒྱུད་གཙོ་བོ་འཕགས་བོད་ས་མཚམས་ཀྱི་རྩོད་རྙོག་ཁྲོད་འདས་གྲོངས་སུ་སོང་བའི་རྒྱ་གར་གྱི་དམག་མི་དང་བོད་མི་དྭངས་ཞབས་པ་ཚོར་གདུང་སེམས་མཉམ་སྐྱེད་ཞུ་རྒྱུ་མ་ཟད། རྒྱ་གར་གཞུང་མང་གཉིས་ལ་བོད་ཀྱི་གནད་དོན་ཐོག་མུ་མཐུད་ཐུགས་ཁུར་ཡོང་བའི་འབོད་སྐུལ་དང་། ལྷག་པར་རྒྱ་ནག་གིས་བཟོས་པའི་དངོས་ཟོག་ཉོ་ཚོང་དང་བེད་སྤྱོད་བྱེད་རྒྱུ་མཚམས་འཇོག་དགོས་པའི་འབོད་སྐུལ་ཞུ་བཞིན་འདུགཐེངས་འདིའི་སྐོར་བསྐྱོད་ཀྱི་ལས་འགུལ་དེའི་ཐོག་བདེ་སྐྱིད་ས་གནས་རྒྱུན་ལས་ ༡༥ དང་ས་གནས་ཧིན་བོད་མཛའ་འབྲེལ་ཚོགས་པའི་འཐུས་མི་ ༡༠ བཅས་ཁྱོན་ལས་འགུལ་བ་ ༢༥་ཡིས་མཉམ་ཞུགས་གནང་ཡོད་པ་དང་། དེ་རིང་སྔ་དྲོ་ཚོུད་ ༨ པའི་ཐོག་ལས་འགུལ་བ་རྣམས་ཀྱིས་རང་ཉིད་ཀྱི་སྦག་སྦག་ཐོག་འཕགས་བོད་གཉིས་ཀྱི་རྒྱལ་དར་དང་གཞོན་ནུའི་དར་ཆ་སྒྲེང་འཛུགས་དང་འབྲེལ། བདེ་སྐྱིད་གླིང་གཞིས་ཆགས་སུ་མཛད་སྒོ་སྟབས་བདེ་ཞིག་གི་ཐོག་ནས་ཐོན་ཏེ། ལས་འགུལ་དངོས་དེ་རྡེ་ར་རྡུན་གྲོང་ཁྱེར་སྤྱི་ཁྱབ་མཆོག་གིས་དབུ་འབྱེད་ཐོག་ནས་འགོ་འཛུགས་གནང་འདུག དེ་རིང་ཉིན་དང་པོར་སྦག་སྦག་ལས་འགུལ་བ་རྣམས་ཀྱིས་ས་སྐྱ་དགོན་པ་དང་། མ་སུ་རི་བརྒྱུད་ Uttarkashi བར་བསྐྱོད་རྒྱུ་དང་། སང་ཉིན་ Gangotri དང་རིམ་པས་ནེ་ལོང་བཅས་སུ་བསྐྱོད་འཆར་འདུག

རྒྱ་ནག་གཞུང་གིས་བཙན་གནོན་འོག་རང་སྲོག་བློས་གཏོང་གནང་མཁན་དང་།  བོད་སྤྱི་པའི་བདེ་རྩའི་སླད་བོད་མི་རྣམས་ཀྱིས་རྒྱ་གཞུང་གི་སྲིད་ཇུས་ལ་འཚེ་མེད་ཞི་བའི་ཐོག་ནས་གདོང་ལེན་བྱས་པའི་བྱ་བ་རྣམས་ལ་རྗེས་སུ་ཡི་རངས་དང་གདུང་སེམས་མཉམ་སྐྱེད་ཀྱི་ངོ་བོ་མཚོན་ཆེད་ཆོལ་གསུམ་བོད་རིགས་ན་གཞོན་བསམ་མཐུན་ཁག་ཅིག་གིས་Voice for Voiceless  འམ་ངག་མེད་ཀྱི་མགྲིན་ཚབ་ཞེས་པའི་ལས་འགུལ་དབུ་འཛུགས་གནང་སོང་།

ཉན་པ།: Listen ཕབ་ལེན། Download འབྲི་རུ་རྫོང་དུ་བོད་མི་གཉིས་འཛིན་བཟུང་བྱས་ཏེ་གཅིག་གཅར་རྡུང་གིས་འདས་གྲོངས་སུ་ཕྱིན་འདུག མོན་གྷོ་ནང་གཉན་རིམས་ཕོག་མཁན་རིམ་པར་བྱུང་བར་བོད་མི་རྣམས་ཀྱིས་ཞལ་འདེབས་བསྡུ་རུབ། Times square དབུས་སུ་༸གོང་ས་མཆོག་གི་བཀའ་སློབ་འཁོད་པའི་ Floyd ཞེས་པའི་བྱང་བུ་བཤམ་སྟོན། སུད་སིའི་སྐྱབས་བཅོལ་བོད་མིར་ཞིབ་འཇུག་བྱེད་མཁན་འབྲེལ་ཡོད་ལས་ཁུངས་ཀྱི་ལས་དོན་ལ་སྐྱོན་བརྗོད། Thursday 29/10/2020 Tibetan woman dies in custody, cousin in jail for sending money abroad Exile Tibetans extend support to Mundgod amidst Covid breakout Floyd billboard with Dalai Lama quote goes up in Times Square Swiss immigration office slammed for incompetence in assessing Tibetan asylum applications

དེ་རིང་འདི་གར་ཁམས་འབྲི་རུ་ནས་ཡིན་པའི་རྒྱ་གར་གྱི་གནས་སྡོད་བོད་མི་ཞིག་གིས་འདིར་ཁུངས་ལྡན་གྱི་གནས་ཚུལ་མཁོ་སྤྲོད་བྱས་པ་ལྟར་ན།  འབྲི་རུ་རྫོང་། ཆགས་རྩེ་ཤང་ནས་འདི་ལོའི་ཟླ་བ་དྲུག་པའི་ནང་སྐྱེས་བ་བསྟན་འཛིན་ཐར་པ་དང་བུད་མེད་ལྷ་མོ་ཟེར་བ་གཉིས་ཕྱི་ལོག་ཏུ་སྒོར་མོ་སྐུར་ཡོད་པའི་ཉེས་མིང་འོག་འཛིན་བཟུང་བྱས་ཡོད་པ་དང་། སྐྱེས་བ་དེ་ད་ཆ་བཙོན་ཁང་དུ་ཡོད་པ་དང་། བུད་མེད་ལྷ་མོ་ལགས་རྒྱ་ནག་གིས་བཙོན་ཁང་དུ་གཅར་རྡུང་བཏང་བའི་རྐྱེན་གྱིས་འདས་གྲོངས་སུ་ཕྱིན་འདུག

འདས་ལོའི་ཟླ་མཇུག་ཙམ་ནས་ཁྱབ་གདལ་བྱུང་བའི་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་རྐྱེན་གྱིས་འཛམ་གླིང་སྤྱིའི་མང་ཚོགས་ཀྱི་འགྲོ་འདུག་སྤྱོད་གསུམ་ལ་སྐུ་ངལ་དུ་མ་འཕྲད་ཡོད་པ་དང་།  དེའི་ཁྲོད་བཙན་བྱོལ་བོད་མིའི་སྤྱི་ཚོགས་ཁྲོད་དུའང་གཉན་རིམས་ཕོག་མཁན་གྱི་གྲངས་ཐོ་དེ་བཞིན་ཉིན་རེར་འཕར་བཞིན་པའི་གནས་སྟངས་སུ་གྱུར་འདུག  ལྷག་པར་དུ་བོད་མིའི་འདུས་སྡོད་ཁྲོད་མོན་གྷོ་འདོད་རྒུ་གླིང་ལྟ་བུ་ནི་ད་ཆ་ཏོག་དབྱིབས་གཉན་རིམས་ཕོག་མཁན་གྱི་གྲངས་ཐོ་མང་ཤོས་ཤིག་ཆགས་ཡོད་པ་དང་ཆབས་ཅིག   ནད་ཡམས་ཀྱི་གནས་སྟངས་དེའི་ཁྲོད་ནད་པར་ཞབས་འདེགས་ཞུ་བའི་ཐད་མི་ཆ་དང་།   དེ་བཞིན་ནད་པར་མཐུན་རྐྱེན་སོགས་ཀྱི་ཆ་ནས་དཀའ་ངལ་མི་ཉུང་བ་འཕྲད་སྟབས།   དཀའ་ངལ་དེ་དག་སེལ་ཐབས་སུ་སྤྱི་ཚོགས་དྲ་ལམ་སོགས་བརྒྱུད་བོད་མི་རྣམས་ནས་ཞལ་འདེབས་བསྡུ་རུབ་སོགས་ཀྱིས་ཁོང་རྣམ་པར་རོགས་འདེགས་གནང་བཞིན་འདུག 

ཨ་རིའི་ནིའུ་ཡོག་གྲོང་ཁྱེར་ནང་གི་གྲགས་ཆེ་བའི་ས་ཚུགས་ Times Square ཞེས་པའི་དབུས་སུ། Be kind whenever possible, it’s always possible ཞེས་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་དུས་ནམ་བྱུང་ལ་བྱམས་བརྩེ་ཉམས་ལེན་དགོས་པའི་བཀའ་སློབ་གསུང་གི་བདུད་བརྩི་བསྩལ་བ་གཞི་རྩར་བཟུང་བའི་ཐོག འདི་ལོའི་ཕྱི་ཟླ་ ༥ པའི་ནང་ཉེན་རྟོག་པས་སྐེ་བཙུར་ཏེ་དམར་གསོད་བཏང་བའི་སྐུ་ཞབས་ George Floyd འདས་བོ་དེ་ཉིད་ཀྱི་རི་མོ་ཞིག་བཤམ་སྟོན་གནང་འདུག