Monthly Archives: December, 2020

ཉན་པ།: Listen ཕབ་ལེན། Download འཇར་མན་གཞུང་གི་སྙན་ཐོའི་ནང་བོད་དང་ཤིན་ཅང་ནང་གི་གནས་བབ་ཛ་དྲག་ཡིན་པ་གསལ་འདོན། ཧོང་ཀོང་གི་མང་གཙོ་དོན་གཉེར་བ་གསུམ་ལ་ཁྲིམས་ཐག་བཅད་པ། བཞུགས་སྒར་དུ་དམིགས་བསལ་དགོས་མཁོ་ཅན་གྱི་ཉིན་མོ་སྲུང་བརྩི། འབའ་བ་སྐལ་བཟང་རྒྱལ་མཚན་ལགས་ཐེ་ཝན་སྐུ་ཚབ་དོན་གཅོད་དུ་བསྐོ་གཞག འཕྲོད་བསྟེན་ཤེས་བྱ་ངོ་སྤྲོད། གཉན་ནད་རེག་དུག་གི་སྔོན་འགོག་སྐོར། Thursday 03/12/2020 Situation in Tibet and Xinjiang ‘particularly critical’: Germany rights report Hong Kong trio jailed for protests, rights groups express concern Tibetans mark day of disability with call for greater inclusion Bawa Kelsang Gyaltsen appointed new Representative of OoT, Taipei Health and Wellness: HIV/AIDS

འཇར་མན་གཞུང་གིས་འདི་ལོའི་འགྲོ་བ་མིའི་ཐོབ་ཐང་གི་སྙན་ཐོ་བཅུ་བཞི་བ་དེ་འདོན་སྤེལ་བྱས་པའི་ནང་། རྒྱ་ནག་གི་དབང་བསྒྱུར་འོག་ཏུ། བོད་དང་ཤིན་ཅང་ནང་གི་འགྲོ་བ་མིའི་ཐོབ་ཐང་གི་གནས་བབ་ཧ་ཅང་ཛ་དྲག་གི་ངོ་བོར་གནས་ཡོད་པར་མངོན་གསལ་གནང་བ་དང་འབྲེལ། དྲག་གནོན་དང་མྱུལ་ཞིབ་ཀྱིས་མི་མང་བཀག་སྐྱིལ་ཡང་གཞི་རྒྱ་ཆེ་རུ་བཏང་ཡོད་ལུགས་དམིགས་བཀར་གྱིས་གསལ་འདོན་གནང་འདུགའཇར་མན་གྱི་ Business Daily གསར་ཁང་གིས་སྤེལ་བའི་གནས་ཚུལ་ནང་། གཞི་རྩའི་འཇར་མན་གཞུང་གིས་འདས་པའི་ལོ་མང་ནས་རྒྱ་ནག་དང་འབྲེལ་བའི་ཕྱི་འབྲེལ་གྱི་སྲིད་བྱུས་ལ་གཟབ་གཟབ་གནང་བཞིན་ཡོད་པ་མ་ཟད། རྒྱ་ནག་ལ་ཕོག་ཐུག་བཏང་བ་ཡིན་ན་འཇར་མན་གྱི་བཟོ་ལས་ཀྱི་ཁྲོམ་རར་དོ་ཕོག་འགྲོ་ངེས་ཡིན་པར་དགོངས་བཞིན་ཡོད་ནའང་། ཐེངས་འདིར་འཇར་མན་གྱིས་རྒྱ་ནག་དང་འབྲེལ་བའི་ཕྱི་འབྲེལ་གྱི་གནས་བབ་དེའི་ཁ་ཕྱོགས་བསྒྱུར་བའི་ཐོག   འགྲོ་བ་མིའི་ཐོབ་ཐང་གི་སྙན་ཐོ་ཆེད་འདོན་གྱིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབ་ཛ་དྲག་ཡིན་པར་མངོན་གསལ་གྱིས། རྒྱ་ནག་གི་བྱེད་བབ་དེར་སྐྱོན་བརྗོད་དྲག་པོ་གནང་འདུག ཐེངས་འདིའི་སྙན་ཐོའི་ནང་དུ། རྒྱ་ནག་གི་ནང་དུ་སྤྱི་མང་གི་ཐོབ་ཐང་ཆེས་ཇེ་ཞན་དུ་འགྱུར་བཞིན་པར་མངོན་གསལ་གྱིས།  ད་ཆ་རྒྱ་ནག་གི་ནང་དུ་ཆབ་སྲིད་དང་འབྲེལ་བའི་སྨྲ་བརྗོད་རང་དབང་དང་གསར་འགོད་རང་དབང་། དེ་བཞིན་ཆོས་ལུགས་དང་ཚན་རིག་སོགས་ཀྱི་རང་དབང་ལ་བཀག་སྡོམ་ཆེས་ཆེར་བྱེད་པ་མ་ཟད། འགྲོ་བ་མིའི་ཐོབ་ཐང་དང་འབྲེལ་བའི་ཞི་རྒོལ་ནང་ཞུགས་མཁན་རྣམས་དུས་ཡུན་རིང་པོ་བཙོན་འཇུག་བྱེད་བཞིན་པ་སོགས་ལུང་འདྲེན་གྱིས། རྒྱ་ནག་གི་ནང་དུ་ཁྲིམས་ལུགས་ལ་རྩིས་མེད་ཀྱི་ཐོག་ནས་དམར་ཤོག་སྲིད་གཞུང་ནི་མི་མང་ལ་བཤུ་གཞོག་བྱེད་སྤྱད་ཀྱི་ལག་ཆ་ལྟ་བུར་འགྱུར་བཞིན་ཡོད་སྐོར་ཡོངས་གྲགས་གནང་འདུག གཞན་ཡང་སྙན་ཐོའི་ནང་།  བོད་དང་ཤིན་ཅང་གི་ནང་དུ་ངལ་རྩོལ་བསྒྱུར་བཀོལ་ཤུགས་ཆེར་བྱེད་བཞིན་པ་མ་ཟད། མི་མང་གི་སྐྱེ་སྒོ་ཡང་ཚད་བཀག་བཟོས་ཏེ་སྟངས་འཛིན་བྱེད་ཀྱི་ཡོད་ལུགས་ངོ་སྤྲོད་ཀྱིས། འཇར་མན་གྱིས་ཞིབ་འཇུག་བྱས་པ་ལྟར་ན། དེ་ལྟ་བུའི་དྲག་གནོན་གྱི་སྲིད་བྱུས་དེ་ནི་རྒྱ་ནག་ནང་གི་གྲངས་ཉུང་མི་རིགས་རྣམས་ཀྱི་རིག་གཞུང་དང་ཆོས་ལུགས་རྣམས་རྒྱ་བསྒྱུར་བྱེད་རྒྱུར་དམིགས་ཡོད་པ་ཞིག་ཡིན་སྐོར་གསལ་འདོན་གྱིས། ཤིན་ཅང་གི་གཙོ་བྱས་པའི་གྲངས་ཉུང་མི་རིགས་རྣམས་ཀྱིས་རྒྱ་ནག་གིས་རྩ་འཛུགས་བྱས་པའི་སྲིད་གཞུང་གི་རིག་གཞུང་ལྟ་གྲུབ་དེར་བརྩི་སྲུང་བྱེད་དགོས་བ་ཞིག་བཟོས་ཡོད་སྐོར་ཕྱིར་བསྒྲགས་གནང་འདུགགཞན་ཡང་རྒྱ་ནག་གིས་དུས་རྒྱུན་ནས་འཇིགས་སྐུལ་རིང་ལུགས་པར་གདོང་ལེན་གྱི་མིང་ཐོག་ནས་ཤིན་ཅང་ཁུལ་དུ་དེང་རབས་འཕྲུལ་ལས་ཀྱི་ཁྱད་ཆས་ལྡན་པའི་གསང་བའི་མྱུལ་ཞིབ་ཀྱི་ལྟ་སྲུང་ལག་བསྟར་བྱེད་བཞིན་ཡོད་སྐོར་དང་སྦྲགས་ནས། ཕྱི་ཕྱོགས་སུ་སུ་ཡོད་པའི་ཡུ་གུར་བཙན་བྱོལ་བ་རྣམས་ཀྱིས་རྒྱ་ནག་གིས་ཡུ་གུར་གྱི་རིག་གཞུང་རྩ་གཏོར་གཏོང་གི་ཡོད་པར་སྐྱོན་བརྗོད་ཀྱིས། རྒྱལ་སྤྱིའི་སྤྱི་ཚོགས་ཀྱིས་ཤིན་ཅང་གི་ནང་དུ་ཞིབ་འཇུག་བྱེད་དགོས་བའི་ཞུ་སྐུལ་གནང་བཞིན་པར་འཁོད་འདུག ཕྱོགས་མཚུངས་སྙན་ཐོ་དེའི་ནང་དུ། བོད་དང་ཤིན་ཅང་ཙམ་མ་ཡིན་པར། རྒྱ་ནག་གིས་ཧོང་ཀོང་གི་ཁུལ་དུ་བདེ་འཇགས་ཀྱི་ཁྲིམས་གཞི་ལག་བསྟར་བྱེད་ཕྱོགས་ལ་ཡང་བློ་འཚབ་ཡོད་པར་བརྗོད་དེ། ད་ཆ་རྒྱ་ནག་གི་དབང་འཛིན་གསར་བའི་ལམ་ལུགས་ཀྱི་ནང་དུ། ཧོང་ཀོང་གི་སྤྱི་མང་གི་རང་དབང་བརླགས་བཞིན་པ་མ་ཟད། ཕྱོགས་འགལ་གྱི་ཆབ་སྲིད་ཚོགས་པ་དང་རང་དབང་ལྡན་པའི་གསར་ལམ་ཁག་ལ་བཙན་དབང་གི་ཤུགས་རྐྱེན་ཆེན་པོ་ཐེབས་བཞིན་ཡོད་སྐོར་མངོན་གསལ་གནང་འདུག སྙན་ཐོ་དེ་ཕྱི་ལོ་ཐོན་པ་དང་། འཇར་མན་ནང་གི་ CDU ཞེས་པའི་འགྲོ་བ་མིའི་ཐོབ་དང་འབྲེལ་བའི་ཆབ་སྲིད་ཚོགས་པའི་ཆེད་མཁས་བ་སྐུ་ཞབས Michael Brand ལགས་ཀྱིས་ཐེངས་འདིའི་འཇར་མན་གྱི་ཕྱི་སྲིད་ལས་དོན་ཚན་པས་སྙན་ཐོ་དེ་འདོན་སྤེལ་གནང་བར་བསྔགས་བརྗོད་གནང་སྟེ། རྒྱ་ནག་གི་སྲིད་དབང་སྒེར་གཅོད་ཀྱི་བཙན་རྒྱལ་དེ་ནི་ད་ཆ་རྒྱལ་སྤྱིའི་སྤྱི་ཚོགས་ཀྱི་བརྟན་བརླིང་ལ་ཉེན་ཁ་ཞིག་ཆགས་ཡོད་སྐོར་མངོན་གསལ་གྱིས། ཡུ་རབ་རྒྱལ་ཚོགས་ཀྱིས་ཨ་རིའི་སྲིད་འཛིན་ཇཱོ་བྷ་ཊན་(Joe Biden) དང་ལྷན་དུ་མཉམ་ལས་ཀྱིས། རྒྱ་ནག་གི་སྲིད་དབང་སྒེར་གཅོད་ཀྱི་ལམ་ལུགས་ལ་ཁ་གཏད་གཅོག་དགོས་བའི་གོམ་སྟབས་གསར་བ་ཞིག་ལག་བསྟར་བྱེད་དགོས་བར་སྐུལ་མ་གནང་འདུག གཞི་རྩའི་ཟླ་བ་སྔོན་མའི་ཕྱི་ཚེས་ ༡༨ ཉིན་འཇར་མན་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་གྱི་ཉན་ཞིབ་ལས་རིམ་ཞིག་ཚོགས་པའི་ཐོག རྒྱལ་སྤྱི་བོད་དོན་ལས་འགུལ་ཁང་གི་ འཇར་མན་སྡེ་ཚན་གྱི་ངེས་སྟོན་པ་སྐུ་ཞབས་ Kai Muller ལགས་ཀྱིས་མཉམ་ཞུགས་གནང་སྟེ། རྒྱ་གཞུང་གིས་བོད་དེ་རྒྱ་སྡེར་བསྒྱུར་ཐབས་ཀྱིས་བོད་ཀྱི་ཆོས་དང་རིག་གཞུང་རྩ་མེད་གཏོང་བཞིན་པ་དང་། བོད་མིའི་ཆོས་དད་རང་དབང་རྩིས་མེད་རྡོག་རོལ་དང་། བོད་མི་རྣམས་གང་བྱུང་འཛིན་བཟུང་བཀང་ཉར་བྱེད་བཞིན་པ་སོགས་དང་འབྲེལ་ནས། བོད་ནང་གི་གནས་བབ་ཛ་དྲག་ཆགས་ཡོད་སྐོར་གསུངས་ཡོད་པ་རེད།

དེ་ཡང་ཁ་སང་ཧོང་ཀོང་ཁྲིམས་ཁང་གིས་མང་གཙོའི་ན་གཞོན་ལས་འགུལ་བ་གྲགས་ཅན་ Joshua Wong ལགས་ཀྱིས་ཕྱི་ལོ་༢༠༡༩ ལོར་སྲིད་གཞུང་ལ་རྒོལ་ལན་སློག་པའི་ཉེས་མིང་གི་འོག་ཁོང་ལ་ལོ་གཅིག་དང་ཟླ་བ་གཅིག་དང་ཕྱེད་ཀའི་ཁྲིམས་ཐག་བཅད་པ་དང་། དེ་བཞིན་ཁོང་གི་ལས་རོགས། ན་གཞོན་བུད་མེད་ Agnes Chow དང་ Ivan Lam ལགས་གཉིས་ཀྱིས་ཀྱང་ཧོང་ཀོང་བདེ་འཇགས་ཀྱི་ཁྲིམས་གཞི་གཏན་འབེབས་ཀྱི་སྐབས་སུ་མི་མང་ལ་སྐུལ་སློང་གིས་གཞུང་རྒོལ་གྱི་ལས་འགུལ་སྤེལ་བར་བསྙད་ནས་ཟླ་བ་བདུན་ནས་ཟླ་བ་བཅུའི་བར་ཁྲིམས་ཐག་བཅད་འདུག

དེ་རིང་ཟླ་ ༡༢ ཚེས་ ༣ ཉིན་མོ་ནི་རྒྱལ་སྤྱིའི་དམིགས་བསལ་དགོས་མཁོ་ཅན་གྱི་ཉིན་མོ་ཡིན་པ་དང་བསྟུན་བཞུགས་སྒར་དུ་རྟེན་གཞི་བྱས་པའི་ Tibetan ability Center ཞེས་བོད་མིའི་ནུས་གསོ་བསྟི་གནས་ཁང་གིས་ཡོངས་སྒྲིལ་ཤེས་ཡོན་དང་དབང་ཤེས་ཞན་པའི་གནས་བབ་ཐོག་གོ་རྟོགས་སོགས་ཀྱི་ལས་གཞི་སྤེལ་ཏེ་ཉིན་མོ་དེ་སྲུང་བརྩི་ཞུས་སོང་། འདི་ལོའི་མཉམ་འབྲེལ་རྒྱལ་ཚོགས་ཀྱི་རྒྱལ་སྤྱིའི་དམིགས་བསལ་དགོས་མཁོ་ཅན་གྱི་ཉིན་མོའི་འབོད་ཚིག་དེ་ནི་ Building Back Better: toward a disability-inclusive, accessible and sustainable post COVID-19 World ཞེས་ད་ལྟའི་ཏོག་དབྱིབས་གཉན་རིམས་ཀྱི་དཀའ་ཚེགས་ཀྱི་དུས་སྐབས་འདིར་དམིགས་བསལ་དགོས་མཁོ་ཅན་རྣམས་ལ་ཛ་དྲག་གི་དགོས་ངེས་ལ་ཡ་ལན་གནང་རྒྱུ་དང་ལྷག་པར་དུ་སྤྱི་ཚོགས་ནང་ཁོང་ཚོར་དམིགས་བསལ་གྱི་དོ་སྣང་གནང་གལ་ཆགས་ཡོད་སྐོར་དེ་ཡིན་རེད། ཉིན་མོ་འདི་དང་བསྟུན་བོད་མིའི་ནུས་གསོའི་བསྟི་གནས་ཁང་གིས་སྔ་དྲོའི་རིང་དྷ་སར་གནས་བཞུགས་དམིགས་བསལ་དགོས་མཁོ་ཅན་ཚོའི་ཕ་མ་དང་སྤུན་ཉེ་འབྲེལ་ལ་དེ་རིང་གི་ཉིན་མོ་ངོ་སྤྲོད་གནང་བ་དང་། ཁོང་ཚོར་གདུང་སེམས་མཉམ་བསྐྱེད་དང་སེམས་གསོ་མཚོན་ཕྱིར་ཕྲུ་གུའི་ཤེས་ཡོན་དང་འཕྲོད་བསྟེན་ལ་དོ་ཕོག་མ་འགྲོ་བར་སྨན་སླད་ཅ་དངོས་དང་དངུལ་འབོར་གནང་འདུག དེ་བཞིན་ཉིན་རྒྱབ་ངོ་དེབ་བརྒྱུད་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཡོངས་སྒྲིལ་ཤེས་ཡོན་ཐད་སློབ་སྟོན་པ་བསྟན་འཛིན་དཔལ་སྒྲོན་ལགས་དང་ཅོན་ཏཱ་རའི་བོད་ཁྱིམ་གྱི་དམིགས་བསལ་དགོས་མཁོ་ཅན་ཚོའི་དགེ་རྒན་འཆི་མེད་རྡོ་རྗེ་ལགས་གདན་ཞུས་ཀྱིས་ཡོངས་སྒྲིལ་ཤེས་ཡོན་དང་དབང་ཤེས་ཞན་པའི་གནས་བབ་ཐོག་གོ་རྟོགས་ཀྱི་ལས་གཞི་སྤེལ་ཡོད་པ་རེད།རླུང་འཕྲིན་ཁང་ནས་བོད་མིའི་ནུས་གསོ་བསྟི་གནས་ཁང་གི་འགན་འཛིན་བདེ་ལེགས་དབང་མོ་ལགས་སུ་བཀའ་འདྲི་ཁག་ཅིག་ཞུས་སྐབས་ཁོང་གིས་ད་ལན་ཏོག་དབྱིབས་གཉན་རིམས་རྐྱེན་པས་སྤྱི་ཚོགས་ནང་དམིགས་བསལ་དགོས་མཁོ་ཅན་ཚོར་ངལ་བ་འཕར་མ་འཕྲད་ཡོད་སྟབས་ཚོགས་པའི་ངོས་ནས་དེ་རིང་གི་ཉིན་མོར་ཕ་མ་ཚོར་གདུང་སེམས་མཉམ་བསྐྱེད་མཚོན་ཕྱིར་དང་མང་ཚོགས་ནང་དམིགས་བསལ་དགོས་མཁོ་ཅན་ཐད་གོ་རྟོགས་ཞན་རྐྱེན་དྲྭ་ཐོག་བརྒྱུད་གོ་རྟོགས་ཀྱི་ལས་གཞི་སྤེལ་ཡོད་པར་འགྲེལ་བརྗོད་གནང་སོང་། ཁོང་གིས་ད་དུང་སྤྱིར་བོད་པའི་སྤྱི་ཚོགས་འདི་བྱམས་བརྩེ་ལྡན་པའི་སྤྱི་ཚོགས་ཤིག་ཡིན་ཀྱང་། ད་དུང་མང་ཚོགས་ནས་དམིགས་བསལ་དགོས་མཁོ་ཅན་ཚོར་མཐུན་རྐྱེན་སོགས་གནང་ན་རང་སྐྱ་འཕེར་བ་ཞིག་ཡོང་ངེས་ཡིན་པར་དེ་ཙམ་ཐུགས་བསམ་བཞེས་ཀྱི་མེད་སྟབས། སྤྱི་ཚོགས་ཁྱོན་ཡོངས་ནས་དེའི་ཐད་གོ་རྟོགས་གོང་མཐོར་དང་དེ་བཞིན་དམིགས་བསལ་དགོས་མཁོ་ཅན་ཚོར་གཟིགས་ཕྱོགས་ལ་འགྱུར་ལྡོག་གནང་དགོས་གལ་ཡིན་པ་གསུངས་ཡོད། གཞི་རྩའི་བཙན་བྱོལ་བོད་མིའི་སྤྱི་ཚོགས་ནང་དམིགས་བསལ་དགོས་མཁོ་ཅན་གྱི་གྲངས་ཐོ་དེ་ ༡༠༠༠ ཙམ་ཞིག་ཆགས་ཀྱི་འདུག་པ་དང་དེའི་ཁྲོད་ཁག་ཅིག་ལ་བོད་མིའི་སྒྲིག་འཛུགས་གཙོས་ཚོགས་པ་སྐྱིད་སྡུག་ནས་འཚོ་སྣོན་དང་གཟིགས་རྟོག་སོགས་གནང་གི་ཡོད་པ་རེད། ད་རེས་ཀྱི་ཉིན་མོ་དང་འབྲེལ་ནས་རླུང་འཕྲིན་ཁང་གིས་ལེ་ཚན་རྒྱས་པ་ཞིག་རེས་གཟའ་ཉི་མར་རྒྱང་བསྲིངས་ཞུ་རྒྱུ་ཡིན་པས་དེ་དོན་གསན་གཟིགས་གནང་རྒྱུ་མ་བསྙེལ་པ་ཞུ།

དབུས་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༩ པའི་ ༡ དགོངས་དོན་བཞིན་ཨོ་སི་ཀྲོ་ལི་ཡའི་སྐུ་ཚབ་དོན་གཅོད་ལས་ཁུངས་ཀྱི་རྒྱ་རིགས་འབྲེལ་མཐུད་པ་སྤྱི་ཟུར་འབའ་བ་སྐལ་བཟང་རྒྱལ་མཚན་ལགས་ཐེ་ཝན་སྐུ་ཚབ་དོན་གཅོད་དུ་བསྐོ་གཞག་གནང་འདུགདེ་རིང་དབུས་བོད་མིའི་སྒྲིག་འཛུགས་ཀྱི་ཁྱབ་ཁོངས་བཀའ་དྲུང་ཡིག་ཚང་གིས་གསལ་བསྒྲགས་ཤིག་སྤེལ་བར་ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༩ (༡) གི་དགོངས་དོན་ཏེ། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་སྩལ་རྒྱུ་ཞེས་གསལ་བ་ལྟར་ཨོ་སི་ཀྲོ་ལི་ཡའི་སྐུ་ཚབ་དོན་གཅོད་ལས་ཁུངས་ཀྱི་རྒྱ་རིགས་འབྲེལ་མཐུད་པ་སྤྱི་ཟུར་འབའ་བ་སྐལ་བཟང་རྒྱལ་མཚན་ལགས་ཐེ་ཝན་སྐུ་ཚབ་དོན་གཅོད་དུ་བསྐོ་གཞག་གནང་འདུག་པ་དང་། ཁོང་ནས་ཕྱི་ལོ་ ༢༠༢༡ ལོའི་ཕྱི་ཟླ་ ༡ ཚེས་ ༤ ནས་སྐུ་ཚབ་དོན་གཅོད་ཀྱི་ཕྱག་ལས་དངོས་སུ་དབུ་འཛུགས་གནང་རྒྱུ་རེད་འདུག གཞི་རྩའི་འབའ་བ་སྐལ་བཟང་རྒྱལ་མཚན་ལགས་ནི་བོད་མི་མང་སྤྱི་འཐུས་ཟུར་པ་དང་སྐབས་བཅོ་ལྔ་པཔའི་བཀའ་ཤག་གི་ལས་ཡུན་ནང་ཨོ་སི་ཀྲོ་ལི་ཡའི་སྐུ་ཚབ་དོན་གཅོད་ལས་ཁུངས་ཀྱི་རྒྱ་རིགས་འབྲེལ་མཐུད་པའི་འགན་བཞེས་པ་མ་ཟད། ཉེ་བའི་འཆར་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མིར་བསྐོ་བཞག་གནང་ཡོད་པ་རེད།

ཉན་པ།: Listen ཕབ་ལེན། Download རྒྱ་ནག་ནང་ཨོ་རྩེད་འགྲན་ཚོགས་འཚོགས་རྒྱུར་དགག་གཞག་གནང་བ། རྒྱལ་སྤྱིའི་བཟོ་ཚོང་ཁང་ཁག་གིས་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་ནུས་མེད་བཟོ་རྒྱུར་དམིགས་པ། རྒྱ་གར་གྱིས་སླར་ཡར་རྒྱ་ནག་གི་བརྒྱུད་གཅིག་ལམ་གཅིག་གི་ལས་གཞིར་རྒྱབ་སྐྱོར་གནང་མི་འདུག ཚེ་རིང་དབང་རྒྱལ་ལགས་དམ་པའི་ཕྱག་དེབ་ Another Place ཞེས་པའི་སྐོར་བཅར་འདྲི། བཀའ་སློབ་ལས་རིམ། ༸གོང་ས་མཆོག་ནས་དམིགས་བསལ་ཚོགས་ཆེན་ཐེངས་གསུམ་པར་སྩལ་བའི་བཀའ་སློབ། Wednesday 02/12/2020 HRW urges IOC not to consider Chinese Olympic bid until concerns addressed Nike and Coca-Cola lobby against Xinjiang forced labor bill India refuses to support China’s Belt and Road project at SCO meet Another Place: a novel by late Editor Tsering Wangyal FEATURE: Dalai Lama’s address during 3rd Tibetan Special Meet

རྒྱ་ནག་ནང་གི་གྲོང་ཁྱེར་ཁྲིན་ཏུའུ་དང་ཁྲོང་ཆེན་གཉིས་ཀྱི་ནང་དུ་ཕྱི་ལོ་ ༢༠༣༢ ལོའི་རྒྱལ་སྤྱིའི་ཨོ་རྩེད་འགྲན་ཚོགས་དང་དང་དབང་བོ་སྐྱོན་ཅན་གྱི་རྩེད་འགྲན་གཉིས་འཚོགས་འཆར་གྱི་གནད་དོན་ཕྱི་ལ་ཐོན་མ་ཐག་རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཁང་གིས་དགག་གཞག་གནང་སྟེ་རྒྱ་ནག་ནག་གི་འགྲོ་བ་མིའི་ཐོབ་ཐང་གི་གནས་བབ་ཡར་རྒྱས་མ་བཏང་བར་དུ་རྒྱ་ནག་ཏུ་རྩེད་འགྲན་དེ་འཚོགས་རྒྱུའི་གོ་སྐབས་སྤྲོད་རྒྱུ་མེད་པར་སྐྱོན་བརྗོད་གནང་འདུག

Nike དང་ Coca-Cola བཟོ་ཚོང་ཁང་གིས་དངུལ་གྱི་འགྲོ་གྲོན་ཤུས་ཆེར་བཏང་ནས་ཡུ་གུར་མི་རིགས་དང་འབྲེལ་བའི་ Uyghur Forced Labor Prevention Act འམ་ཡུ་གུར་ངལ་རྩོལ་འགོག་ཐབས་ཀྱི་ཁྲིམས་འཆར་ནུས་མེད་བཟོ་རྒྱུར་དམིགས་བཞིན་ཡོད་པ་རེད་འདུག

ཉན་པ།: Listen ཕབ་ལེན། Download བཙན་བྱོལ་ནང་གི་རང་དབང་ཞེས་པའི་ཕྱག་དེབ་ཨ་སམ་སྐད་ཡིག་ཐོག་ཕབ་བསྒྱུར། བསྟན་འཛིན་དོན་གྲུབ་ལགས་ Aligarh ནས་མུ་མཐུད་གོམ་བགྲོད་གནང་བ། ཡར་ཀླུང་གཙང་པོར་ཆུ་མཛོད་གསར་རྒྱག་གིས་བོད་ཀྱི་ཁོར་ཡུག་ལ་གནོད་སྐྱོན། རྒྱ་ནག་གིས་གཉན་རིམས་གནས་ཚུལ་སྦས་གསང་དང་འཐུས་ཤོར་བཏང་བ་ར་འཕྲོད། རྒྱ་ནག་གིས་ཨོ་གླིང་ལ་ཉེས་འཛུགས་ཀྱིས་པར་རྫུན་སྤེལ་བར་དགོངས་སེལ་ཞུ་དགོས། Tuesday 01/12/2020 Assamese version of Dalai Lama’s ‘Freedom in Exile’ released Dharamsala to Nathula Tibetan peace marcher reaches Aligarh China’s ‘super’ dam on Brahmaputra poses threat to Tibet’s ecology Leaked documents reveal China's mishandling of the early stages of Covid19 Australia demands apology from China over fake war crime tweet