Monthly Archives: April, 2021

ཉན་པ།: Listen ཕབ་ལེན། Download བཙན་བྱོལ་བོད་མིའི་འོས་བསྡུ་ཆེན་མོ། ཆོས་བརྒྱུད་ཁག་གི་སྤྱི་འཐུས་གསར་པ་བཞེངས་མཁན་དངོས་གཞིའི་འོས་མི་ཁག་ཅིག་དང་བགྲོ་གླེང་། Tuesday 06/04/2021 #TibetElection2021: Panel discussion with first time parliamentary candidates from Kagyud and Sakya schools of Tibetan Buddhism

ཕྱི་ལོ་ ༢༠༠༨ སྟེ་ས་བྱི་ལོའི་ཞི་རྒོལ་སྐབས་རྒྱ་ནག་གིས་བོད་མདོ་སྨད་རྔ་བ་ཨ་མཆོག་མཚན་ཉིད་དགོན་གྱི་དགེ་འདུན་པ་ཁག་ཅིག་འཛིན་བཟུང་བྱས་པའི་ཁོངས་ནས། མི་ལོ་བཅུ་གསུམ་ལྷག་གི་ཁྲིམས་ཐག་བཅད་པའི་གྲྭ་ཀླུ་སྒྲུབ་ཡེ་ཤེས་ལགས་དང་ཀླུ་སྒྲུབ་ཕུན་ཚོགས་གཉིས་འདི་ལོའི་ཟླ་བ་གསུམ་པའི་ཚེས་ ༡༩ དང་༢༠ ཉིན་གློད་གྲོལ་གྱིས་གྲྭ་ཀླུ་སྒྲུབ་ལགས་དངོས་སུ་རང་དགོན་དུ་ཕེབས་ཐུབ་པ་བྱུང་འདུག བཞུགས་སྒར་དུ་གནས་སྡོད་བྱེད་མཁན་གྱི་ཨ་མཆོག་མཚན་ཉིད་དགོན་གྱི་ཡུལ་མི་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། གྲྭ་ཀླུ་སྒྲུབ་ཡེ་ཤེས་ལགས་ཕྱིར་མཚན་ཉིད་དགོན་གྲོང་དུ་འབྱོར་ནས་གྲྭ་མང་གིས་ལོག་ཕེབས་ཀྱི་མཇལ་དར་སྒྲོན་གྱི་ཡོད་པའི་པར་ཞིག་དང་བཅས་གནས་ཚུལ་མཁོ་མཁོ་སྤྲོད་གནང་བ་དང་ལྷན་དུ། ད་ལྟའི་ཆར་གྲྭ་ཀླུ་སྒྲུབ་ཕུན་ཚོགས་ལགས་གློད་གྲོལ་ཐོབ་ཡོད་པ་ཙམ་ལས། གང་དུ་བཞུགས་ཡོད་པ་སོགས་ཀྱི་གནས་ཚུལ་གསལ་བོར་ཤེས་རྟོགས་བྱུང་མེད་པར་ངོ་སྤྲོད་གནང་སོང་། གཞན་ཡང་ཁོང་གིས་ད་ལྟའི་ཆར་བོད་ཕྱི་ནང་གཉིས་སུ་དམ་དྲག་གི་རྐྱེན་གྱིས་གནས་ཚུལ་ཆ་ཚང་རྒྱུས་ལོན་བྱེད་ཐབས་བྲལ་བར་བརྟེན། ད་ལྟའི་ཁོང་གཉིས་ཀྱི་གཟུགས་གཞིའི་གནས་བབ་སོགས་ཀྱི་ཐད་ནས་གནས་སྐབས་སུ་སྐད་ཆ་གང་ཡང་ཤེས་ཐབས་བྲལ་ནའང་། རིམ་པའི་གནས་ཚུལ་ཞིབ་རྒྱས་ཕྱི་ལ་ཐོན་པར་རེ་བ་ཡོད་པར་ངོ་སྤྲོད་གནང་སོང་། གཞི་རྩའི་ས་བྱིའི་ལོའི་ཞི་རྒོལ་གྱི་སྐབས་སུ། ཨ་མཆོག་མཚན་ཉིད་དགོན་དུ་དགེ་འདུན་ཁག་ཅིག་གི་སྣེ་ཁྲིད་ཀྱི་ཐོག་ནས། སྐྱ་སེར་ཕོ་མོ་མང་པོ་འདུ་འཛོམས་ཀྱིས་དགོན་པའི་ཉེ་འཁྲིས་ཀྱི་ས་གནས་མི་དམངས་སྲིད་གཞུང་གི་ཐོག་ཁའི་རྒྱ་ནག་གི་དར་དམར་མར་ཕབ་སྟེ་བོད་ཀྱི་གངས་སེང་གི་རྒྱལ་དར་བསྒྲེངས་འཛུགས་གནང་སྟེ། བོད་ནང་འགྲོ་བ་མིའི་ཐོབ་ཐང་དགོས་པ། ༸གོང་ས་མཆོག་བོད་ནང་གདན་འདྲེན་ཞུ་དགོས་པ། དེ་བཞིན་༸པཎ་ཆེན་ཆུང་སྲིད་རིན་པོ་ཆེ་མྱུར་དུ་ཀློད་གྲོལ་དགོས་པ་སོགས་ཀྱི་སྐད་འབོད་འོག་རྒྱ་ནག་གིས་བོད་ནང་འཛིན་པའི་དྲག་གནོན་སྲིད་ཇུས་ལ་ཞི་བའི་ངོ་རྒོལ་གནང་ཡོད་པ་དང་། ཕྱི་ཟླ་ ༣ པའི་ཚེས་ ༡༨ ཉིན་ནས་རྒྱ་ནག་གི་དྲག་ཆས་སྤྲས་པའི་དམག་མི་འབོར་ཆེན་གྱིས་ཨ་མཆོག་མཚན་ཉིད་དགོན་པའི་བྱེད་སྒོ་ཡོངས་དང་དགེ་འདུན་པ་ཡོངས་ཀྱི་འགྲོ་སྐྱོད་རང་དབང་ལ་བཀག་སྡོམ་གྱིས་དགེ་འདུན་པ་ཁག་ཅིག་འཛིན་བཟུང་བྱས་པའི་ཁྲོད་དུ་གྲྭ་ཀླུ་སྒྲུབ་ཡེ་ཤེས་དང་ཀླུ་སྒྲུབ་ཕུན་ཚོགས་གཉིས་ལ་མི་ལོ་ཧྲིལ་བོ་༡༣ ལྷག་གི་བཙོན་ཐག་བཅད་ཡོད་པ་དང་། སྐབས་དེར་འཛིན་བཟུང་བྱས་པའི་དགེ་འདུན་པ་ཁག་ཅིག་རྗེས་སུ་ག་ལེར་གློད་གྲོལ་བཏང་ཡོད་པ་རེད་འདུག བཞུགས་སྒར་དུ་རྟེན་གཞི་བྱས་པའི་ཀརྟི་བྱིས་བ་གྲྭ་ཚང་གིས་འདོན་སྤེལ་བྱས་པའི་མི་ཐོག་གསུམ་གྱི་རྨ་ཁ་ཞེས་པའི་དཔེ་དེབ་ཀྱི་ནང་དུ་གྲྭ་ཀླུ་སྒྲུབ་ཡེ་ཤིས་དང་ཀླུ་སྒྲུབ་ཕུན་ཚོགས་གཉིས་ཀྱི་ལོ་རྒྱུས་འཁོད་པའི་ནང་དུ། རྔ་བ་མཚན་ཉིད་དགོན་གྱི་དགེ་འདུན་པ་ཁག་ཅིག་རྒྱ་ནག་གིས་འཛིན་བཟུང་བྱས་ཏེ་ཟླ་བ་དྲུག་ལྷག་ལ་མི་སྤྱོད་ལས་འདས་པའི་གཅར་རྡུང་བྱས་མཐར། རྔ་བ་ཁུལ་རྐ་ཁོག་རྫོང་གི་ཨ་མཆོག་ཕྱུགས་ལས་ཀྱི་ཞལ་དཀར་ཚང་གི་ཨ་མཆོག་མཚན་ཉིད་དགོན་གྱི་གྲྭ་ཀླུ་སྒྲུབ་ཕུན་ཚོགས། རང་ལོ་ ༢༣ ཡིན་པ་ཡིན་པ་ཁོངས་ལ་ཁྲིམས་ཐག་ལོ་ ༡༣ བཅད་པ་དང་། ཁོང་ནི་ཨ་མཆོག་མཚན་ཉིད་དགོན་གྱི་འཛིན་གྲྭ་ཞིག་གི་སྐྱོར་དཔོན་ཡིན་པ་དང་། སྨྲ་སེང་བཞད་སྒྲ་ཞེས་པའི་དུས་དེབ་ཀྱི་རྩོམ་སྒྲིག་པ་ཡིན་པར་འཁོད་ཡོད་པ་དང་། རྐ་ཁོག་ཨ་མཆོག་མའི་ཚེ་རིང་བཀྲ་ཤིས་ཚང་གི་བུ་ཀླུ་སྒྲུབ་ཡེ་ཤེས་ལགས་ནི་སྐབས་དེར་དགུང་ལོ་ ༣༣ ཡིན་པ་ཁོང་ལ་བཙོན་ཐག་ ༡༣ དང་ཟླ་བ་ ༦ ལྷག་གི་ཁྲིམས་ཐག་བཅད་ཡོད་པར་གསལ་བོར་འཁོད་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་སྣེ་ཁྲིད་པའི་བཀའ་ཤག་སྐབས་ ༡༥ པའི་ལས་ཡུན་རྫོགས་ལ་ཉེ་བ་དང་བསྟུན། སྲིད་སྐྱོང་མཆོག་གིས་ཟླ་བ་འདིའི་ཚེས་ ༣ ནས་རྒྱ་གར་ལྷོ་ཕྱོགས་ཀྱི་བོད་མིའི་གཞི་ཆགས་ཁག་ལ་སྐོར་བསྐྱོད་དང་སྦྲགས་མི་མང་རྣམས་ལ་ཐུགས་རྗེ་ལེགས་འབུལ་ཞུ་བཞིན་པ་ལྟར། ཁོང་ཐོག་མར་ཀོ་ལེ་གྷལ་དོན་ལྡན་གླིང་དང་དེའི་རྗེས་ཧུན་སུར་རབ་རྒྱས་གླིང་བཅས་སུ་ཆེད་ཕེབས་ཀྱིས་བོད་མི་གང་མང་ཐུག་འཕྲད་གནང་ནས་གཏམ་བཤད་གནང་ཡོད་པ་མ་ཟད། ཁ་སང་སྔ་དྲོ་ཕྱག་ཚོད་  ༡༡  ཙམ་ལ་སྦེལ་ཀོབ་གཞིས་ཆགས་སུ་ཕེབས་འབྱོར་གྱིས་གཞུང་དང་གཞུང་འབྲེལ་མིན་པའི་ཚོགས་པ་ཁག་དང་ས་གནས་ཀྱི་ལྷ་མོ་ཚོགས་པས་སྣེ་ལེན་གཟབ་རྒྱས་ཞུས་སོང་།སྲིད་སྐྱོང་མཆོག་གིས་ཐོག་མར་བོད་ཁྱིམ་དང་སམ་བྷོ་ཊའི་སློབ་ཕྲུག་རྣམས་ལ་གསུང་བཤད་གནང་བ་མ་ཟད། ཉིན་རྒྱབ་དགོན་སྡེ་ཁག་ལ་གནས་གཟིགས་དང་ཕྱི་དྲོ་ཕྱག་ཚོད་༦ པའི་ཐོག་སེ་ར་བླ་སྤྱིའི་མདུན་ཐང་དུ་དགེ་འདུན་པ་རྣམས་ལ། མང་ཚོགས་ཀྱིས་ཁོང་ལ་ཆབ་སྲིད་ཀྱི་འགན་བསྐུར་བ་བཞིན། ཁོང་གིས་ཞབས་འདེགས་གང་ཐུབ་ཞུས་པའི་ལས་དོན་ཆེ་ཁག་སྙན་གསེང་དང་། ལྷག་པར་ཁོང་གིས་སྲིད་སྐྱོང་གནང་བའི་དུས་ཡུན་ཁྲོད་ཤེས་ཡོན་དང་དཔལ་འབྱོར། གཞིས་ཆགས་ཡར་རྒྱས་བཅས་གང་ཅིའི་ཐད་ལ་འཕེལ་རྒྱས་ཆེན་པོ་ཕྱིན་ཡོད་པར་བསྒྲགས་སོང་། སྲིད་སྐྱོང་མཆོག་གིས་སྐབས་དེར་། ཕྱི་ལོ་ ༢༠༢༠ ལོའི་ལོ་མཇུག་ཏུ་ཨ་རིའི་སྲིད་འཛིན་མཆོག་གིས་མཚན་རྟགས་བཀོད་པ་དང་འབྲེལ་ཡུལ་དེའི་ཁྲིམས་སུ་བཅས་པའི་ཨ་རིའི་གཞུང་གི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་གྱི་སྔ་རྗེས་ཀྱི་བརྒྱུད་རིམ་ངོ་སྤྲོད་གནང་བ་དང་འབྲེལ། དེ་སྔ་ང་ནི་བོད་མི་གཅིག་པོས་ངོས་འཛིན་གནང་བའི་སྲིད་སྐྱོང་ཞིག་ཡིན་ནའང་། ཨ་རིས་ཁྲིམས་གཞི་དེ་གཏན་འབེབས་གནང་བ་ནས་བཟུང་སྟེ་ང་ནི་ཨ་རི་གཞུང་ནས་ངོས་འཛིན་གནང་བའི་སྲིད་སྐྱོང་ཞིག་ཆགས་ཡོད་ཅེས་གསུངས་བ་དང་ཆབས་ཅིག    མ་འོངས་པར་ཁོང་གི་ལས་ཡུན་ཚང་བའི་རྗེས་སུ་སྲིད་སྐྱོང་གསར་པ་སུ་ཕེབས་ཀྱང་ཕྱག་ལས་གནང་བར་སྟབས་བདེ་པོ་བཟོས་ཡོད་སྐོར་གསུང་སོང་།མ་ཟད་ཉེ་བའི་རྒྱལ་སྤྱིའི་ཆབ་སྲིད་ཀྱི་འགྱུར་ལྡོག་སྐོར་ལ་གསུང་བཤད་གནང་བ་དང་འབྲེལ་ད་སྐབས་རྒྱ་གར་དང་ཞི་བདེ་རྒྱ་མཚོའི་ཐབས་བྱུས་ནང་བོད་ཀྱི་གནད་དོན་དེ་ ཚུད་ཐུབ་ཡོད་སྐོར་འགྲེལ་བརྗོད་གནང་སོང་། སྲིད་སྐྱོང་མཆོག་གིས་ད་དུང་དེ་རིང་རྒྱལ་བའི་ཕོ་བྲང་ཁུལ་དུ་སྦེལ་ཀོབ་གཞིས་ཆགས་གསར་རྙིང་གཉིས་ཀྱི་མང་ཚོགས་ལ་གཏམ་བཤད་གནང་ཡོད་པ་དང་། སྦེལ་ཀོབ་ཀྱི་གཏམ་བཤད་ཀྱི་རྗེས་སུ་མོན་གྷོ་འདོད་རྒུ་གླིང་ལ་ཕེབས་ཀྱི་ཡོད་པ་རེད།

ཉན་པ།: Listen ཕབ་ལེན། Download བོད་བཞུགས་རྩོམ་པ་པོ་སྒོ་ཤེས་རབ་རྒྱ་མཚོ་ལགས་རྒྱ་ནག་གིས་འཛིན་བཟུང་། ༸གོང་ས་མཆོག་གིས་ཐེ་ཝན་ལ་ཐུགས་གསོའི་གསུང་འཕྲིན་སྩལ་བ། སྲིད་སྐྱོང་མཆོག་གིས་རྒྱ་གར་གྱི་ཁྱིམ་མཚེས་རྒྱལ་ཁབ་བདུན་གྱི་སྙན་ཐོ་དབུ་འབྱེད། རྒྱ་རིགས་ཤེས་ལྡན་མི་སྣ་དང་ལྷན་བོད་རྒྱ་གྲོས་མོལ་སྐོར་བགྲོ་གླེང་། རྒྱ་ནག་ལ་སྐྱོན་བརྗོད་བྱེད་མཁན་རྣམས་ལ་འཇིགས་སྐུལ་བྱེད་བཞིན་པ་མངོན་གསལ། རྒྱལ་སྤྱིའི་ཆབ་སྲིད་འགྱུར་ལྡོག་ཁྲོད་བོད་དོན་གོ་སྐབས་འཛིན་དགོས་བར་གསུངས་འདུག དམིགས་བསལ་ལེ་ཚན། སྲིད་སྐྱོང་སྟག་བྲག་སྐབས་བོད་ཀྱི་ཆབ་སྲིད་གནས་བབ། Monday 05/04/2021 Tibetan writer arrested by China, whereabouts unknown Dalai Lama condoles Taiwan Government and people Sikyong inaugurates human rights report of 7 neighboring countries of India Online North America Sino-Tibet Dialogue: 62 years of His Holiness the Dalai Lama in Exile China’s critics facing threats, retaliation for activism in Canada Tibetans urged to seize opportunity amidst changing global political scenario FEATURE: Situation of Tibet in the time of Sikyong Tadak

བོད་ཨ་མདོ་རྔ་བ་ནས་ཡིན་པའི་རྩོམ་པ་པོ་གྲགས་ཅན་སྒོ་ཤེས་རབ་རྒྱ་མཚོ་ལགས་འདི་ལོའི་ཕྱི་ཟླ་དང་པོའི་ནང་རྒྱ་ནག་གསང་བའི་ལས་ཁུངས་ཀྱི་མི་སྣས་འཛིན་བཟུང་བྱས་པའི་རྗེས་གར་སོང་ཆ་མེད་དུ་གྱུར་འདུགདེ་ཡང་ཨ་རི་རླུང་འཕྲིན་ཁང་གི་བོད་སྐད་སྡེ་ཚན་གྱིས་གནས་ཚུལ་སྤེལ་བར་གཞིགས་ན།རྩོམ་པ་པོ་སྒོ་ཤེས་རབ་ལགས་ད་ལོའི་ཕྱི་ཟླ་དང་པོའི་ནང་རྒྱ་ནག་གི་གྲོང་ཁྱེར་ཁྲིན་ཏུ་རུ་བོད་ལྗོངས་ལྷ་ས་གྲོང་ཁྱེར་གྱི་གསང་བའི་ལས་ཁུངས་ཀྱི་མི་སྣས་འཛིན་བཟུང་བྱས་ཡོད་སྐོར་ངོ་སྤྲོད་གནང་འདུག་པ་མ་ཟད། ཁོང་འཛིན་བཟུང་བྱས་པའི་རྗེས་སུ་ཁོང་གང་དུ་བཀག་ཉར་བྱས་ཡོད་མིན་དང་། ཁོང་གི་གནས་སྟངས་ཅི་འདྲ་ཡོད་མིན་སོགས་ཀྱི་གནས་ཚུལ་ཤེས་རྟོགས་མི་ཐུབ་པར་གར་སོང་ཆ་མེད་དུ་གྱུར་ཡོད་པ་སོགས་མིང་བརྗོད་འདོད་མེད་པའི་བོད་མི་ཞིག་གི་གནས་ཚུལ་མཁོ་སྤྲོད་གནང་འདུག ཁོང་གིས་ད་དུང་རྩོམ་པ་པོ་སྒོ་ཤེས་རབ་རྒྱ་མཚོ་ལགས་རྒྱུ་མཚན་ཅི་ཞིག་ལ་བརྟེན་ནས་འཛིན་བཟུང་བྱས་པ་ཤེས་ཐུབ་ཀྱི་མེད་པའི་ཁར་རྒྱ་ནག་གཞུང་གིས་རྩོམ་པ་པོ་སྒོ་ཤེས་རབ་རྒྱ་མཚོ་ལགས་ཀྱི་ནང་མི་དང་ཉེ་འབྲེལ་རྣམས་ལ་གནས་ཚུལ་དེ་གསང་རྒྱ་བྱ་དགོས་པ་དང་།ཅི་སྟེ་རྒྱ་གཞུང་གི་བཙན་བཀའ་ལ་བརྩི་འཇོག་མ་བྱས་ཚེ་ཁྲིམས་འགལ་ཡིན་པར་འཇིགས་སྐུལ་བྱས་ཡོད་པ་རེད་འདུག རྩ་བའི་སྒོ་ཤེས་རབ་རྒྱ་མཚོ་ལགས་ནི་བོད་ཨ་མདོ་རྔ་བ་ནས་འཁྲུངས་ཤིང་།རྔ་པ་ཀིརྟི་དགོན་ཆེན་ནས་ནང་པའི་གཞུང་ཆེན་ཁག་ལ་སློབ་སྦྱོང་གནང།དེ་རྗེས་རྒྱ་གར་དང་བལ་ཡུལ།རྒྱ་ནག་སོགས་ཀྱིས་མཚོན་པའི་ཨེ་ཤེ་ཡའི་རྒྱལ་ཁབ་མང་པོར་འགྲུལ་བཞུད་གནང་ནས་ཉམས་ཞིབ་གནང་། ཕྱི་ལོ་༡༩༩༨ལོར་རྔ་པ་ཀིརྟི་དགོན་ཆེན་གྱི་གཙོས་རྔ་པ་ཁུལ་གྱི་དགོན་ཁག་བཞི་བཅུ་ལྷག་ལ་རྒྱ་ནག་གཞུང་གིས་རྒྱལ་གཅེས་ཆོས་གཅེས་ཞེས་པའི་གཏིང་ནག་གི་སྲིད་བྱུས་སྤེལ་སྐབས་ཞི་རྒོལ་དང་སྦྱར་ཡིག་སྣ་ཚོགས་ཤེིག་འགྲེམས་སྤེལ་གནང་བའི་རྐྱེན་གྱིས་ལོ་ངོ་ཧྲིལ་པོ་བཞི་ལྷག་ལ་རྒྱ་ནག་གིས་བཙོན་འཇུག་བྱས། དེ་རྗེས་སླར་ཡང་ཉིས་སྟོང་བརྒྱད་ལོར་བོད་ཁམས་ཡོངས་སུ་ས་བྱི་ཞི་རྒོལ་ཆེན་མོ་བྱུང་སྐབས་ལྷ་ས་ནས་ཨ་མདོ་རྔ་བའི་དགེ་འདུན་པ་ཚོས་སྣེ་ཁྲིད་བྱས་ནས་ཞི་རྒོལ་གནང་སྟབས། རྒྱ་གཞུང་གིས་འཛིན་བཟུང་བྱས་ཏེ་ལོ་ངོ་གཅིག་གི་རིང་ལ་བཙོན་འཇུག་ཏུ་བཞུགས་དགོས་བྱུང་འདུག     ཉིས་སྟོང་དགུའི་ལོར་ཁོང་གིས་བརྩམས་པའི་ཕྱག་དེབ་ང་ཚོ་སད་རན་ཞེས་པ་ལ་བོད་ཁམས་ཡོངས་ནས་མཚན་སྙན་ཆེན་པོ་ཐོབ་ཡོད་པ་མ་ཟད།ཁོང་གི་བརྩམས་ཆོས་རྒྱུན་ཤེས་དང་ལམ། དཔྱད་འཚོལ་དང་ལྟ་ཚུལ། རང་ལམ་རང་འཚོལ། བླང་དོར་ལྟ་ཚུལ། སྐྱེས་ཆེན་གྱི་བཞུད་ལམ་སོགས་དེབ་གྲངས་བརྒྱད་ལྷག་པར་སྐྲུན་གནང་པ་མ་ཟད། ཁོང་གིས་དཔེ་ཁྲིད་གནང་བའི་དབུ་མ་འཇུག་པ་དང་། གཏམ་རྒྱུད་གསེར་ཐང་། ས་སྐྱ་ལེགས་བཤད་སོགས་ལ་ཡང་ཉན་མཁན་ཁྲི་སྟོང་མང་པོ་བྱུང་ཡོད་པ་རེད།

གཟའ་འཁོར་སྔོན་མའི་རེས་གཟའ་པ་སངས་ཉིན་ཐེ་ཝན་གྱི་གྲོང་ཁྱེར་ Hualien ནང་མེ་འཁོར་བརྡབ་སྐྱོན་བྱུང་སྟེ་འགྲུལ་བཞུད་པ་མང་དག་ཅིག་རྐྱེན་འདས་སུ་གྱུར་བའི་ཡོད་སྐྱོའི་གནས་ཚུལ་བྱུང་བ་དང་སྦྲགས། བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐེ་ཝན་གཞུང་མང་གཉིས་ལ་ཐུགས་གསོའི་གསུང་འཕྲིན་བསྩལ་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་གིས་ཐེ་ཝན་གྱི་སྲིད་འཛིན་ལྕམ་སྐུ་ Tsai Ing-wen གྱི་མཚན་ཐོག་ལ། Hualien གྲོང་ཁྱེར་ནང་མེ་འཁོར་བརྡབ་སྐྱོན་བྱུང་ནས་མང་ཚོགས་ཀྱི་ཚེ་སྲོག་ཤོར་བར་ཐུགས་ཕམ་ཡོད་པ་དང་སྦྲགས། ཐེ་ཝན་མང་ཚོགས་རྣམས་ནི་ ༸མགོན་པོ་༸གང་ཉིད་མཆོག་གི་ཐུགས་མཉེས་བོ་གནང་ས་ཞིག་དང་ཡང་སྒོས་རྐྱེན་ངན་འདིའི་རིགས་བྱུང་མཚམས་སུ་རྐྱེན་ངན་དེ་ང་ཚོ་ཚང་མའི་ཐོག་ཏུ་ཡོང་བ་ལྟར་ཚོར་བ་ཡོང་གི་ཡོད་པས། ཐེ་ཝན་གྱི་སྲིད་འཛིན་གཙོས་པའི་གོད་ཆགས་དེའི་འོག་རྐྱེན་འདས་སུ་གྱུར་མཁན་རྣམས་ཀྱི་ནང་མི་སོགས་ལ་ཐུགས་གསོ་སྩལ་འདུག གཞན་ཡང་ཐེ་ཝན་བོད་བརྒྱུད་ནང་བསྟན་ཞིབ་འཇུག་ཚོགས་པའི་ངོས་ནས་གནས་ཚུལ་དེ་བྱུང་མ་ཐག འཕྲལ་དུ་མེ་འཁོར་བརྡབ་སྐྱོན་ཁྲོད་འདས་གྲོངས་སོང་བར་བསྔོ་སྨོན་དང་རྨས་སྐྱོན་བྱུང་བ་རྣམས་མྱུར་དུ་དྲག་སྐྱེད་སླད་ས་གནས་ཧོ་ལན་དུ་གསོལ་འདེབས་བསྔོ་སྨོན་ཆེད་ཕེབས་འདུག་པ་དང་། སྐབས་དེར་ལྕམ་སྐུ་ཚ་ཡི་ཨིང་ཝིན་ནས་ཁོང་རྣམ་པར་ཐུགས་རྗེ་ཆེ་ཞུས་ཡོད་པ་དེ་གའི་ངོ་དེབ་ནང་འཁོད་འདུགགཞི་རྩའི་བརྒྱུད་ལམ་ཁག་གིས་གནས་ཚུལ་ལ་གཞིགས་ན། ཉེ་ལམ་ཐེ་པི་ནས་ Taitung གྲོང་ཁྱེར་དུ་བསྐྱོད་མཁན་གྱི་ Taiwan Express མེ་འཁོར་དེ་དོས་སྐྱེལ་རླངས་འཁོར་ཞིག་དང་རྡུང་ཁ་བརྒྱབ་ནས། མེ་འཁོར་ནང་འགྲུལ་བཞུད་པ་ ༤༩༠ ཙམ་ཡོད་པའི་ཁྲོད། མེ་འཁོར་གྱི་ཁ་ལོ་བ་གཙོས་པའི་མི་གྲངས་ ༥༠ ཙམ་རྐྱེན་འདས་སུ་གྱུར་ཡོད་པ་དང་། དེ་བཞིན་མི་གྲངས་ ༦༠ ཙམ་ཞིག་ Hualien གྲོང་ཁྱེར་གྱི་སྨན་ཁང་ཁག་ནང་སྨན་བཅོས་གནང་བཞིན་ཡོད་པར་འཁོད་འདུག རྩ་བའི་ཐེ་ཝན་ནང་དེ་སྔ་ཕྱི་ལོ་ ༡༩༤༨ ལོར་མེ་འཁོར་གྱི་དོན་རྐྱེན་ཚབས་ཆེན་ཞིག་བྱུང་ནས་མི་གྲངས་ ༦༤ ཙམ་ཞིག་འདས་གྲོངས་སུ་གྱུར་ཡོད་པའི་འཕྲོར་ད་ཐེངས་ཀྱི་མེ་འཁོར་དོན་རྐྱེན་དེ་ལོ་ངོ་བཅུ་ཕྲག་བདུན་ནང་གི་ཛ་དྲག་གི་དུས་བབ་ཅིག་ཆགས་འདུག

ཉན་པ།: Listen ཕབ་ལེན། Download ༢༠༢༡ ལོའི་སྲིད་སྐྱོང་འོས་མི་སྤེན་པ་ཚེ་རིང་ལགས་དང་ལྷན་དུ་བགྲོ་གླེང་། Sunday 04/04/2021 Townhall Meet with Sikyong Candidate Penpa Tsering.

ཉན་པ།: Listen ཕབ་ལེན། Download ༢༠༢༡ ལོའི་སྲིད་སྐྱོང་འོས་མི་དབུ་དཀར་ཚང་སྐལ་བཟང་རྡོ་རྗེ་ལགས་དང་ལྷན་དུ་བགྲོ་གླེང་། Saturday 03/04/2021 Townhall Meet with Sikyong Candidate Kelsang Dorjee Aukatsang.

ཉན་པ།: Listen ཕབ་ལེན། Download ༸གོང་ས་མཆོག་གིས་གོ་ལ་གཅིག་གྱུར་གྱི་སློབ་གསོ་སྤྲོད་དགོས་པར་བཀའ་སྩལ་བ། རྒྱ་ནག་གི་བློན་ཆེན་སྐོར་སྐྱོད་ལ་ངོ་རྒོལ་གྱིས་ Budapest གྲོང་ཁྱེར་ཚོགས་ཁང་དུ་བོད་ཀྱི་རྒྱལ་དར་སྒྲེང་འཛུགས། ཉི་ཧོང་གི་གཞུང་འཛིན་ཚོགས་པའི་སྤྱི་ཁྱབ་ལས་ཁུངས་སུ་བོད་ནང་གི་ཛ་དྲག་གནས་སྟངས་གླེང་བ། རྒྱ་གར་གཞུང་གིས་རང་ལོ་ ༤༥ ནས་ ༥༩ བར་གྱི་གང་ཟག་ཚོར་སྔོན་ཁབ་བརྒྱབ་རྒྱུ་དབུ་འཛུགས།། བཙན་བྱོལ་བོད་མིའི་གནས་སྟངས་ངོ་སྤྲོད། ཆོས་གྲཊ་དང་རིགས་བཟང་གཉིས་ཀྱི་མཛེས་བཟོ་དང་སྐྲ་བཟོའི་མདུན་ལམ། Friday 02/04/2021 Dalai Lama speaks on Morals and Ethics to individuals and organizations from Baltic States Budapest Deputy Mayor raises Tibet Flag at town hall to protest Chinese Minister’s visit Japan Representative speaks on Tibet at Japan’s ruling party headquarters Tibetans urged to maintain social distance as nationwide vaccine drive for 45 and above begins DIASPORA FEATURE: Tibetan youth working in Indian beauty salon