Monthly Archives: September, 2021

ཉན་པ།: Listen ཕབ་ལེན། Download རྫ་དབོན་པོ་ཁུལ་དུ་སླར་ཡང་བོད་མི་ ༥༣ ཙམ་འཛིན་བཟུང་། རིན་ཆེན་སྐྱིད་ལགས་གཙོ་གྱུར་བོད་མི་ཆབ་སྲིད་བཙོན་པ་རྣམས་གློད་བཀྲོལ་དགོས་པ། རྒྱ་གར་རྒྱལ་ཡོངས་སུ་འཛིན་རིམ་བཅུ་པ་དང་བཅིུས་གཉིས་ཀྱི་ཡིག་རྒྱུགས་གཏོང་ཕྱོགས་ལ་འགྱུར་བ། རྒྱ་གཞུང་གིས་ཁྲན་ཏུའུ་ནང་གི་ཨ་རིའི་ཚོང་ལས་སྡེ་ཚོགས་སྒོ་བརྒྱབ་པ། Wednesday 01/09/2021 Another 53 Tibetans arrested from restive Dza Wonpo town Tibet activists in London mark Day for the Disappeared, hold vigil for Rinchen Kyi CBSE announces decision to conduct 2022 Class 10, 12 board exams in new pattern China shuts American Chamber Of Commerce in Chengdu

རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན། དཀར་མཛེས་བོད་རིགས་རང་སྐྱོང་ཁུལ། སེར་ཤུལ་རྫོང་རྫ་སྨད་དབོན་པོ་ཁུལ་ནས་སླར་ཡང་བོད་མི་ ༥༣ སྐོར་ཞིག་འཛིན་བཟུང་བྱས་པ་དང་ས་གནས་སུ་དམ་དྲག་ཤུགས་ཆེ་བྱེད་བཞིན་ཡོད་པ་རེད་འདུག རྫ་སྨད་དབོན་པོ་སྡེ་བ་ཁུལ་དུ་ཉེ་ཆར་ཕྱི་ཚེས་ ༢༢ ནས་ ༢༥ བར་༸གོང་ས་མཆོག་གི་༸སྐུ་པར་བདག་ཉར་གནང་བའི་གནད་དོན་གཙོ་གྱུར་ཕྱི་ཕྱོགས་ལ་འབྲེལ་བ་གནང་བ་སོགས་ཀྱི་ཉེས་འཛུགས་འོག་བོད་མི་ ༦༠ ཙམ་ཞིག་འཛིན་བཟུང་བྱས་པ་མ་ཟད། ཕྱི་ཟླ་ ༨ ཚེས་ ༢༥ ནས་དབོན་པོ་སྡེ་བའི་རུ་ཁག་རེ་རེ་ནང་གི་བོད་པའི་ཁྱིམ་ཚང་ཡོངས་རྫོག་ལ་བསྔོགས་བཤེར་གྱི་བྱ་འགུལ་སྤེལ་བཞིན་ཡོད་པ་ཤེས་རྟོགས་བྱུང་ཡོད། དེ་རིང་རླུང་འཕྲིན་ཁང་ལ་འབྲེལ་ཡོད་ཅིག་གིས་གནས་ཚུལ་མཁོ་སྤྲོད་གནང་བར་ཕྱི་ཟླ་ ༨ ཚེས་ ༢༥ ནས་ ༢༩ བར་རྫ་སྨད་དབོན་པོ་ཁུལ་དུ་སླར་ཡང་བོད་མི་ ༥༣ ཙམ་འཛིན་བཟུང་བྱས་ཡོད་པ་དང་དེའང་གཙོ་བོ་༸གོང་ས་མཆོག་གི་༸སྐུ་པར་གཅེས་ཉར་དང་ཞལ་པར་ནང་དུ་ཆབ་སྲིད་དང་འབྲེལ་བའི་བཀའ་མོལ་འདྲ་མིན་གནང་བ་སོགས་ཀྱི་ཉེས་འཛུགས་འོག་འཛིན་བཟུང་བྱས་ཏེ་སེར་ཤུལ་རྫོང་ཐོག་ཏུ་བཀག་ཉར་བྱས་འདུག ཕྱི་ཚེས་ ༢༢ ནས་བཟུང་སྟེ་ཁ་སང་བར་དུ་རྒྱ་གཞུང་གིས་རྫ་སྨད་དབོན་པོ་སྡེ་བ་ནས་ཁྱོན་བོད་མི་ ༡༡༣ ཙམ་འཛིན་བཟུང་བྱས་པའི་ཁོངས་ནས་ཁ་སང་ཚེས་ ༣༡ ཉིན་མི་སྐྱ་ ༢ དང་བེུད་ ༡ དགེ་འདུན་པ་ ༡ བཅས་ཁྱོན་མི་ ༤ གློད་བཀྲོལ་བཏང་ཡོད་ཀྱང་གཞན་རྣམས་ཟླ་བ་གཅིག་ཙམ་རིང་བཀག་ཉར་བྱེད་ཀྱི་ཡོད་པ་རེད་འདུག དེ་བཞིན་ཁ་སང་ནས་བཟུང་སྟེ་དབོན་པོ་དགོན་པའི་ལོ་ན་ ༡༨ ཡན་གྱི་དགེ་འདུན་པ་ ༢༠ རེ་ཉིན་ལྟར་རྫ་སྨད་སྲིད་གཞུང་གི་ལས་ཁུངས་སུ་ཆེད་འབོད་ཀྱིས་འདྲི་རྩད་བྱས་ཏེ་རང་ཉིད་ཀྱི་ངོས་ནས་ནག་ཉེས་བསགས་མེད་པ་དང་ཕྱི་ཕྱོགས་སུ་འབྲེལ་བ་གནང་མྱོང་མེད་པ། ཞལ་པར་ཐོག་ཆབ་སྲིད་དང་འབྲེལ་བའི་བཀའ་མོལ་གནང་མྱོང་མེད་པར་དག་སེལ་གནང་དགོས་པ་དང་། དགེ་འདུན་པ་ཚོར་དེ་མཚུངས་ཀྱིས་འདྲི་རྩད་ནན་པོ་བྱེད་ཀྱི་ཡོད་པ་རེད་འདུག རྒྱ་ནག་གཞུང་གིས་རྫ་སྨད་དབོན་པོ་དགོན་གྲོང་གཉིས་གཅིག་པོ་མིན་པར་སེར་ཤུལ་རྫོང་ཁོངས་ཀྱི་སྡེ་བ་དང་དགོན་པ་ཡོངས་ལ་དམ་དྲག་ཆེན་པོ་བྱེད་བཞིན་པ་མ་ཟད། མི་མང་པོ་ཞིག་འཛིན་བཟུང་བྱེད་བཞིན་ཡོད་པ་དེ་ལྟར་ཡང་ད་ལྟའི་ཆར་མང་ཚོགས་ཇི་ཙམ་འཛིན་བཟུང་བྱས་དང་བྱེད་མུས་སོགས་ཀྱི་གནས་ཚུལ་ཁ་གསལ་ཤེས་རྟོགས་ཐུབ་ཀྱི་མི་འདུགརྩ་བའི་དེ་སྔ་ཕྱི་ལོ་ ༢༠༡༩ ལོར་རྫ་སྨད་དབོན་པོ་ཁུལ་དུ་དགེ་འདུན་པ་ཁག་ཅིག་གིས་བོད་དོན་ཡིག་ཆ་གཏོར་འགྲེམས་བྱས་པ་དང་། མི་སྐྱ་ཡོན་ཏན་ལགས་དང་ལྷ་རྒྱལ་ལམ་ཆོས་རྒྱལ་ལགས་གཉིས་ཀྱིས་སྲིད་གཞུང་གི་སྒོ་ཁར་ཕྱིན་ནས་བོད་དོན་ངོ་རྒོལ་གནང་བའི་རྐྱེན་གྱིས་ཁོང་རྣམས་འཛིན་བཟུང་བྱས་ཡོད་པ་མ་ཟད། སྔར་ལོར་རྒྱ་གཞུང་གིས་དབོན་པོ་ཡུལ་ཚོའི་ནས་འཛིན་བཟུང་བྱས་པའི་དགེ་འདུན་པ་བསྟན་འཛིན་ཉི་མ་ལགས་བཀག་ཉར་འོག་གཅར་རྡུང་ཚད་མེད་བཏང་སྟེ་དམར་གསོད་བཏང་བའི་གནས་ཚུལ་ཡང་ཤེས་རྟོགས་བྱུང་ཡོད་པ་ལྟར། དེའི་རྐྱེན་གྱིས་འདི་ལོའི་ཕྱི་ཟླ་ ༣ ནང་རྒྱ་གཞུང་གི་དྲག་ཆས་དམག་མི་བསླེབས་ནས་དམ་དྲག་བྱས་པ་དང་། ད་ལྟ་བོད་མི་ ༦༠ སྐོར་ཞིག་འཛིན་བཟུང་བྱས་ཡོད་པའི་གནས་ཚུལ་བྱུང་ཡོད། རྒྱ་གཞུང་གིས་རྫ་དབོན་པོས་གཙོས་པའི་བོད་ཀྱི་ས་ཁུལ་ཁག་ཏུ་འབྲོག་པ་གཞིས་སྤོར་གྱི་སྲིད་བྱུས་འོག་བོད་མིའི་འཚོ་བའི་གནས་སྟངས་དང་ཐུན་མོང་མ་ཡིན་པའི་རིག་གཞུང་རྩ་བརླག་འགྲོ་བཞིན་པ་དང་། ༸གོང་ས་མཆོག་གི་༸སྐུ་པར་ཉར་ཚགས་ལ་དམ་དྲག བོད་མི་རྣམས་ལ་བཙན་དབང་གིས་རྒྱ་ནག་གཞུང་ལ་དགའ་མོས་དང་༸གོང་ས་མཆོག་ལ་མཚན་སྨད་ཞུ་བཅུག་པ་སོགས་ལ་བརྟེན་ནས་བོད་མིས་ངོ་རྒོལ་གྱི་རྣམ་པ་དེ་ལྟར་ཆེད་བཏོན་གནང་བ་ཞིག་ཆགས་ཀྱི་འདུག