Monthly Archives: November, 2022

ཉན་པ།: Listen ཕབ་ལེན། Download དགེ་བཤེས་བསོད་ནམས་རྒྱ་མཚོ་ལགས་ལ་ལོ་གཉིས་ཀྱི་ཁྲིམས་གཅོད་ཀྱིས་བཙོན་འཇུག་བྱས་འདུག ༸གོང་ས་མཆོག་ལ་ཤི་བཱ་ཨཱནྣད་ཞི་བདེའི་གཟེངས་རྟགས་འབུལ་བཞེས་གནང་བ། གཉན་རིམས་ཀླད་ཀོར་གྱི་སྲིད་བྱུས་དོན་འཁྱོལ་སླད་མང་ཚོགས་སྟོང་ཕྲག་མང་པོ་ཟུར་བཀག་ཏུ་བཞག་པ། ཨ་ཆེན་གངས་རྒྱབ་ཀྱི་གནས་སྟངས་ཇི་ཆགས་ཐོག་བསྐྱར་ཞིབ་དགོས་པའི་ཞུ་སྐུལ། འཇར་མི་ནིའི་སྲིད་བློན་མཆོག་གིས་རྒྱ་ནག་ནང་འགྲོ་བ་མིའི་ཐོབ་ཐང་སྐོར་གླེང་ཙམ་གནང་བ། བཙན་བྱོལ་བོད་མིའི་གནས་སྟངས་ངོ་སྤྲོད། བསྟན་འཛིན་འཕྲིན་ལས་ལགས་དང་བློ་གྲོས་དགེ་ལས་ལགས་གཉིས་ཀྱི་སོ་ནམ་འདེབས་ལས་སྐོར། Friday 04/11/2022 China sentences influential Tibetan monk to two years in prison for alleged donation to Dalai Lama Dalai Lama conferred with Sivananda Peace Award for promoting peace and non violence China’s pursuit of ‘Zero-Covid’ policy sent tens of thousands into mass ‘isolation’ facilities Tibet rights group calls for review of Tibetan nature reserve German PM Scholz arrives in Beijing, presses China on Ukraine and Minority rights Tenzin Thinley and Lodoe Gelek’s : Winner of CTA’s Best Farmer Award

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་༸སྐྱབས་རྗེ་ཀིརྟི་རིན་པོ་ཆེ་བཅས་ལ་སྐྱབས་བསྔོ་ཞུ་རྟེན་ཆེད་དུ་ཕྱི་རྒྱལ་དུ་སྒོར་བསྐུར་བའི་ཉེས་མིང་འོག་རྔ་བ་ཀིརྟི་དགོན་གྱི་དགེ་བཤེས་བསོད་ནམས་རྒྱ་མཚོ་ལགས་ལོ་ཡུན་གཉིས་རིང་ཁྲིམས་གཅོད་བཙོན་འཇུག་བྱས་འདུགམཚན་བརྗོད་འདོད་མེད་པའི་བོད་མི་ཞིག་གིས་ཁུངས་ལྡན་གནས་ཚུལ་ངོ་སྤྲོད་གནང་བར་འདི་ལོའི་ཕྱི་ཟླ་ ༧ ནང་དགེ་བཤེས་བསོད་ནམས་རྒྱ་མཚོ་ལགས་ཀྱིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་༸སྐྱབས་རྗེ་ཀིརྟི་རིན་པོ་ཆེ་བཅས་ལ་སྐྱབས་བསྔོ་ཞུ་རྟེན་ཕྱི་རྒྱལ་དུ་སྒོར་བསྐུར་བའི་ཉེས་མིང་འོག་ལོ་ཡུན་གཉིས་རིང་ཁྲིམས་གཅོད་བཙོན་འཇུག་བྱས་པའི་གནས་ཚུལ་སྤྱི་ཚོགས་ནང་ཡོངས་གྲགས་བྱུང་བ་ཙམ་ལས་ཁོང་དང་འབྲེལ་བའི་ཞིབ་ཕྲའི་གནས་ཚུལ་གསལ་རྟོགས་ཐུབ་མེད་པ་སོགས་གསུངས་སོང་། དེ་བཞིན་ཁོང་གིས་དགེ་བཤེས་བསོད་ནམས་རྒྱ་མཚོ་ལགས་དང་ལྷན་དུ་དགེ་འདུན་པ་གཞན་ཞིག་ཀྱང་འཛིན་བཟུང་བྱས་ཡོད་སྐོར་གསུངས་པར་མ་ཟད་ད་སྐབས་ངལ་འཕྲད་རྐྱེན་གྱིས་རྗེས་སུ་དེ་འབྲེལ་ཁ་གསལ་བཟོ་རྒྱུ་ཡིན་ཞེས་གསུངས་ཡོད།དགེ་བཤེས་བསོད་ནམས་རྒྱ་མཚོ་ལགས་ནི། རྔ་བ་ཀིརྟི་དགོན་གྱི་ལྷ་སྡེ་འགབ་མ་ནས་ཡིན་པ་ཚེ་རིང་ལགས་ཀྱི་བུ་ཡིན་ཞིང་། སྐུ་ན་ཕྲ་མོའི་དུས་ནས་རྔ་ཡུལ་ཀིརྟི་དགོན་དགེ་ལྡན་ལེགས་བཤད་གླིང་གི་ཆོས་སྒོར་ཞུགས་ཏེ་དགེ་བའི་བཤེས་གཉེན་ཆེན་མོ་ཨ་ཁུ་བློ་བསྟན་སོགས་བསྟེན་ནས་གཞུང་ཆེན་བཀའ་པོད་ལྔར་ཐོས་བསམ་སློབ་གཉེར་རིམ་པ་གནང་མཐར་རྔ་བ་ཀིརྟི་དགོན་ནས་དགེ་བཤེས་མཚན་བཏགས་བཞེས་ཡོད་པ་དང་། རྔ་ཡུལ་ཀིརྟི་དགོན་གྱི་དགེ་བསྐོས་དང་ཆོས་ལུགས་དོ་དམ་ཨུ་ཡོན་ལྷན་ཁང་གི་འགན་འཛིན་གཞོན་པའི་ལས་འགན་སོགས་བཞེས་མྱོང་ཡོད་འདུག ཁོང་གིས་དགོན་པའི་ལས་འགན་སྔ་ཕྱི་བཞེས་པའི་རིང་རྫོང་དང་དགོན་པའི་དབར་ཆབ་སྲིད་ཀྱི་གནད་དོན་དང་འབྲེལ་ངལ་བ་ཁག་གཅིག་འཕྲད་འདུག་ཀྱང་། གནད་དོན་དེ་དག་གདོང་ལེན་གྱིས་གྲྭ་མང་ལ་དཀའ་ངལ་མི་འཕྲད་པའི་ཐབས་ལམ་སྣ་ཚོགས་གནང་འདུག རྩ་བའི་ཁོང་དེ་སྔ་ཕྱི་ལོ་ ༢༠༢༡ ཟླ་ ༤ ཚེས་ ༣ ཉིན་ཙམ་ལ་ཁོང་སི་ཁྲོན་ཞིང་ཆེན་ཁྲི་འདུ་རུ་གུང་སེང་ལ་བཞུགས་པའི་སྐབས་ཉེན་རྟོག་པས་འཛིན་བཟུང་བྱས་མྱོང་འདུག་པ་དང་། ཁོང་གི་སྲིང་མོ་རྒན་པ་ཚེ་རིང་ལྷ་མོ་ལགས་ལ་ནག་ཉེས་ཁ་གསལ་གང་ཡང་མེད་པའི་འོག་འཛིན་བཟུང་བྱས་ནས་ལོ་གཅིག་ལྷག་སོང་ཡོད་པ་དེ་ལྟར་ནའང་། ཁོད་གི་གཟུགས་གཞིའི་གནས་སྟངས་དང་བཙོན་འཇུག་ཁྲིམས་གཅོད་སོགས་ཀྱི་གནས་ཚུལ་ཁ་གསལ་ཤེས་རྟོགས་ཐུབ་ཀྱི་མི་འདུག

ཕྱི་ཟླ་ ༡༡ ཚེས་ ༡ ཉིན་ Sivananda འཛམ་གླིང་ཞི་བདེ་ཚོགས་པས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཞི་བདེ་དང་འཚེ་མེད་པའི་ཀུན་སློང་གོང་འཕེལ་སླད་དམིགས་བསལ་གྱི་མཛད་འཁུར་བཞེས་བཞིན་པར་ཆེ་བསྟོད་ཞུས་ཏེ་ཞི་བདེའི་གཟེངས་རྟགས་ཤིག་འབུལ་བཞེས་མཛད་འདུགལྷོ་ཨ་ཕི་རི་ཀར་རྟེན་གཞི་བྱས་པའི་ Sivananda World Peace Foundation ཞེས་འཛམ་གླིང་ཞི་བདེ་ཚོགས་པས་འདི་ལོའི་ Sivananda ཞི་བདེའི་གཟེངས་རྟགས་དེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འབུལ་བཞེས་མཛད་གཏན་ཁེལ་བ་ལྟར་ཟླ་བ་འདིའི་ཚེས་ ༡ ཉིན་ཚོགས་པའི་འགན་འཛིན་སྐུ་ཞབས་ Ishwar Ramlutchman Macheka Zulu ལགས་བཞུགས་སྒར་དྷརྨ་སཱ་ལྰའི་༸རྒྱལ་བའི་ཕོ་བྲང་དུ་ཆེད་བཅར་གྱིས་མགོན་པོ་༸གང་ཉིད་མཆོག་གིས་འཚེ་མེད་ཞི་བ་དང་ཞི་བདེ། འགྲོ་བ་མི་གཅིག་གྱུར་གྱི་འདུ་ཤེས་གོང་འཕེལ་ཡོང་ཐབས་ཀྱི་རླབས་ཆེན་མཛད་འཁུར་བཞེས་བཞིན་པར་ཆེ་བསྟོད་ཞུས་པ་དང་སྦྲགས་ཏེ་༸གོང་ས་མཆོག་ལ་ ༢༠༢༢ ལོའི་ཤི་བཱ་ཨཱནྣད་ཞི་བདེའི་གཟེངས་རྟགས་ཤིག་འབུལ་ལམ་ཞུས་འདུག སྐབས་དེར་ཚོགས་པའི་འགན་འཛིན་སྐུ་ཞབས་ Ishwar Ramlutchman ལགས་ཀྱིས་ཁོང་གི་ཚོགས་པས་༸གོང་ས་མཆོག་ལ་ཐེངས་འདིའི་ཞི་བདེའི་གཟེངས་རྟགས་འབུལ་བཞེས་མཛད་རྒྱུའི་གོ་སྐབས་བྱུང་བར་དགའ་ཚོར་ཆེན་པོ་བྱུང་ཞེས་དང་གཟེངས་རྟགས་འདིས་གཙོ་བོ་ཞི་བདེ་དང་བྱམས་སྙིང་རྗེ་མཚོན་གྱི་ཡོད་པ་གསུངས་འདུགSivananda ཞི་བདེའི་གཟེངས་རྟགས་དེ་དེ་སྔ་ལྷོ་ཨ་ཕི་རི་ཀའི་སྲིད་འཛིན་དམ་པ་སྐུ་ཞབས་ Nelson Mandela མཆོག་དང་ཁོང་གི་སྐུ་ཟླ་ལྕམ་ Madikizela Mandela མཆོག་རྣམ་གཉིས་གཙོས་ཨ་ཕི་རི་ཀའི་རྒྱལ་སྲས་སོགས་སྙན་གྲགས་ཆེ་བའི་དབུ་ཁྲིད་ཁག་གཅིག་ལ་འབུལ་བཞེས་གནང་མྱོང་ཡོད་པ་རེད། རྩ་བའི་ Sivananda World Peace Foundation ཞེས་པའི་ཞི་བདེའི་ཚོགས་པ་དེས་ད་བར་ཨ་ཕི་རི་ཀའི་གྲོང་གདལ་ཁྱོན་ཡོངས་ཀྱི་གྲངས་ཉུང་མི་རིགས་དབར་འབྲེལ་བ་དམ་ཟབ་ཡོང་སླད་ཞི་བདེ་དང་འབྲེལ་བའི་ཕྱག་ལས་མང་དག་ཅིག་གནང་ཡོད། ༸སྐུ་པར་བདག་དབང་༸དཔལ་ལྡན་དགའ་ལྡན་ཕོ་བྲང་ཡིག་ཚང་།

ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་དེ་སྔ་ཕྱི་ལོ་ ༢༠༡༧ ལོར་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་ས་ཁུལ་ཁོངས་སུ་བཅུག་པའི་བོད་ཀྱི་ཨ་ཆེན་གངས་རྒྱབ་ཀྱི་གནས་བབ་ཐོག་བསྐྱར་ཞིབ་དགོས་པའི་ཞུ་སྐུལ་གནང་འདུགའདི་ལོའི་ཟླ་ ༡༠ ནང་ World Heritage Watch ཞེས་འཛམ་གླིང་དངོས་མིན་རིག་གནས་ཤུལ་བཞག་སྲུང་སྐྱོབ་གནང་མཁན་གྱི་གཞུང་འབྲེལ་མ་ཡིན་པའི་ཚོགས་པས་ཕྱི་ལོ་ ༢༠༢༢ ལོའི་འཛམ་གླིང་དངོས་མིན་རིག་གནས་ཤུལ་བཞག་ལྟ་ཞིབ་ཅེས་པའི་རྒྱལ་སྤྱིའི་དངོས་མིན་དངོས་མིན་རིག་གནས་ཤུལ་བཞག་ལ་ཉམས་ཞིབ་ཀྱི་སྙན་ཐོ་ཞིག་འདོན་སྤེལ་གནང་ཡོད་པ་ལྟར། སྙན་ཐོ་ནང་རྒྱལ་སྤྱིའི་བོད་དོན་ལས་འགུལ་ཁང་གིས་བོད་ཀྱི་རང་བྱུང་སྲུང་སྐྱོབ་ས་ཁུལ་ལ་དཔྱད་ཞིབ་གྲུབ་དོན་ཁག་གཅིག་བཀོད་ཡོད་པར་མ་ཟད་མཉམ་འབྲེལ་རྒྱལ་ཚོགས་ཀྱི་ཤེས་ཡོན་དང་ཚན་རིག རིག་གཞུང་སྡེ་ཚན་གྱི་རང་བྱུང་སྲུང་སྐྱོབ་དང་འབྲེལ་བའི་དུས་བཀག་བསྐྱར་ཞིབ་ཀྱི་སྙན་ཐོ་འགོད་འབུལ་གྱི་ཁྲོད་རྒྱ་གཞུང་ལ་ཕྱི་ལོ་ ༢༠༢༤ བར་དུ་བོད་ཀྱི་ཨ་ཆེན་གངས་རྒྱབ་ཀྱི་གནས་བབ་ཐད་ལན་འདེབས་སྙན་ཐོ་ཕུལ་དགོས་ཀྱི་མེད་པར་མངོན་གསལ་གནང་འདུག རྒྱལ་སྤྱིའི་བོད་དོན་ལས་འགུལ་ཁང་གིས་སྙན་ཐོར་བོད་ཀྱི་མཚོ་སྔོན་ཞིང་ཆེན་ཁོངས་ཀྱི་སྤྱི་ལེ་གྲུ་བཞི་མ་ཁྲི་དྲུག་ལྷག་ཡོད་པའི་ཨ་ཆེན་གངས་རྒྱབ་ཀྱི་ས་ཁུལ་དེ་ཕྱི་ལོ་ ༢༠༡༧ ལོར་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་ས་ཁུལ་ཁོངས་སུ་བཅུག་པ་ནས་བཟུང་སྟེ་དེའི་གནས་བབ་ལ་བསྐྱར་ཞིབ་གཅིག་ཀྱང་གནང་མེད་པར་འགྲེལ་བརྗོད་དང་སྦྲགས་ཏེ། རྒྱལ་ཚོགས་ཀྱི་ UNESCO སྡེ་ཚན་གྱི་ལས་བྱེད་གཙོས་རྒྱལ་སྤྱིའི་རང་བྱུང་སྲུང་སྐྱོབ་ཁྱད་ལས་སློབ་སྟོན་པ་རྣམས་ལ་ཡོང་རྒྱུའི་རྒྱལ་ཚོགས་ཀྱི་དུས་བཀག་བསྐྱར་ཞིབ་ནང་ཨ་ཆེན་གངས་རྒྱབ་ཀྱི་ས་ཁུལ་དེ་རྒྱ་ནག་རྒྱལ་ཁབ་ཀྱི་སྤྱི་གླིང་དང་བོད་ཀྱི་སྲིད་བྱུས་གཉིས་ལ་ཆེས་གལ་ཆེན་ཆགས་ཀྱི་ཡོད་པ་གཙོས་ས་ཁུལ་དེར་ IUCN ཞེས་རང་བྱུང་སྲུང་སྐྱོབ་ཀྱི་རྒྱལ་སྤྱིའི་མཐུན་ཚོགས་ཀྱི་རྟོག་ཞིབ་ཇི་གནང་གསལ་དགོས་པར་མ་ཟད། དེ་བདག་གཅེས་ཀྱི་བདག་དབང་ཁྲོད་བོད་མིའི་ཐུན་མིན་ཆོས་རིག་དང་གོམས་སྲོལ་བཅས་པ་ཚུད་དགོས་པར་ནན་སྐུལ་གནང་འདུགདེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གིས་རང་བྱུང་སྲུང་སྐྱོབ་ཀྱི་རྒྱལ་སྤྱིའི་མཐུན་ཚོགས་ཀྱིས་འདོན་སྤེལ་གནང་བའི་ ༢༠༡༧ ལོའི་སློབ་སྟོན་སྙན་ཐོ་ལྟར་བྱས་ན་ཨ་ཆེན་གངས་རྒྱབ་དེ་མེས་པོ་མང་པོའི་སྐྱེལ་ཡུལ་དང་ལོ་རྒྱུས་ལ་གྲགས་པའི་ས་ཁུལ་གལ་ཆེན་ཞིག་ཆགས་ཀྱི་ཡོད་པ་དང་ལྷག་དོན་ཚོགས་པ་དེ་ཉིད་ཀྱིས་ཨ་ཆེན་གངས་རྒྱབ་ཐོག་དཔྱད་ཞིབ་གནང་བའི་ ༢༠༢༠ ལོའི་དངོས་མིན་རིག་གནས་ཤུལ་བཞག་གི་གྲུབ་དོན་ནང་ས་ཁུལ་དེ་བདག་གཅེས་གནང་ཕྱོགས་ཀྱི་ལས་དོན་ཁག་ནང་ས་གནས་བོད་མིའི་ཐེ་གཏོགས་དེ་ཉུང་ངུ་ཙམ་ལས་མེད་པར་ར་འཕྲོད་གནང་ཡོད་པ་བཅས་ལུང་འདྲེན་གནང་སྟེ། ཨ་ཆེན་གངས་རྒྱབ་ས་ཁུལ་བདག་གཅེས་དང་འབྲེལ་བའི་ཐོག་བསྐྱར་ཞིབ་ཀྱི་སྙན་ཐོ་ཞིག་འདོན་སྤེལ་གནང་དགོས་པ་དང་། གཙོ་བོ་གནམ་གཤིས་འགྱུར་ལྡོག་དང་ཡུལ་སྐོར་སྤྲོ་འཆམ། འགྲིམ་འགྲུལ་བཅས་ཀྱི་ཐད་རྟོག་ཞིབ་ཀྱིས་བདག་གཅེས་ཀྱི་འཆར་གཞི་བཀོད་དགོས་པར་མ་ཟད། ས་ཁུལ་དེ་བདག་གཅེས་གནང་བར་དེའི་ནང་འཚོ་རྟེན་བྱེད་བཞིན་པའི་བོད་མི་འབྲོག་པ་རྣམས་ཀྱི་ཉིན་རེའི་འཚོ་བར་བརྟེན་པའི་ཡུལ་སྲོལ་གོམས་གཤིས་དང་ཆོས་ལུགས་ཀྱི་གནང་སྒོ་ཁག་གལ་གནད་ཇི་ཆགས་ཐད་འགྲེལ་བརྗོད་གནང་དགོས་པ་དང་ཁོང་རྣམ་པར་ཁྲིམས་མཐུན་སྒོ་ནས་ཞུ་གཏུག་བྱ་རྒྱུའི་ཐབས་ལམ་ཇི་ཡོད་ལ་དཔྱད་ཞིབ་དགོས་པ། ས་གནས་བོད་མིའི་མོས་མཐུན་མེད་པར་ཉེ་འཁོར་ལ་ཡོད་པའི་སྲུང་སྐྱོབ་ས་ཁུལ་གཞན་རྣམས་ཨ་ཆེན་གངས་རྒྱབ་ཀྱི་ས་ཁུལ་ཁོངས་སུ་ཚུད་ཐབས་ཀྱིས་ས་མཚམས་རྒྱ་བསྐྱེད་གཏོང་རྒྱུ་མེད་པའི་འབོད་སྐུལ་ཞུས་འདུག

རྒྱ་ནག་གཞུང་གིས་ཏོག་དབྱིབས་རིམས་ནད་རྩ་མེད་བཟོ་རྒྱུ་ལ་ཆེད་དམིགས་ཀྱིས་རིམས་ནད་ཀླ་ཀོར་གྱི་སྲིད་བྱུས་ཞེས་པ་རྒྱ་ནག་གིས་གཙོས་པའི་བོད་དང་ཤིན་ཅང་སོགས་གྲངས་མི་རིགས་ཀྱི་ས་ཁག་ཡོངས་ལ་ལག་བསྟར་བྱས་ཡོད་པ་དང་། སྲིད་བྱུས་དེ་ཉིད་དོན་འཁྱོལ་ཡོང་ཐབས་སུ་བོད་ཀྱི་རྒྱལ་ས་ལྷ་ས་གཅིག་པོའི་ནང་བོད་མི་དང་རྒྱ་ནག་གི་ཧན་མི་རིགས། ས་གནས་ཀྱི་ཁ་ཆེའི་གྲངས་ཉུང་མི་རིགས་སོགས་ཁྱོན་མི་སེར་སྟོང་ཕྲག་མང་པོ་ཟུར་བཀག་ཏུ་བཅུག་པར་མ་ཟད་རིམས་ནད་དང་འབྲེལ་བའི་ཁྱིམ་སྡོད་བཀའ་རྒྱ་བསྡམས་པ་སོགས་ཀྱི་དམ་བསྒྲགས་ཁག་ཕྱིར་འཐེན་དགོས་ཞེས་ས་གནས་སྲིད་གཞུང་ལ་ངོ་རྒོལ་གནང་མཁན་གྱིས་དབུས་པའི་གཞི་རིམ་མི་མང་ཉིས་བརྒྱ་ལྷག་བཀག་ཉར་བྱས་ཡོད་པ་རེད། ཉེ་ཆར་ཕྱི་ཟླ་ ༡༡ ཕྱི་ཚེས་ ༡ ཉིན་རྒྱ་ནག་དང་འབྲེལ་བའི་གནས་ཚུལ་སྤེལ་མཁན་ China File ཞེས་པའི་གསར་ཁང་གིས་རྒྱ་ནག་གཞུང་གིས་རིམས་ནད་སྔོག་གི་ལས་གཞི་སྤེལ་བ་སྤྱི་དང་ལྷག་པར་གཉན་རིམས་ཀླད་ཀོར་ཞེས་པའི་སྲིད་བྱུས་དེ་རྒྱ་ནག་རྒྱལ་ནང་ཙམ་མ་ཚད་པར་བོད་ཀྱི་རྒྱལ་ས་ལྷ་ས་གཙོས་བོད་ཀྱི་ས་ཁུལ་ཁག་དང་གྲངས་ཉུང་མི་རིགས་ཀྱི་ས་གནས་སུ་ལག་བསྟར་ནན་པོ་བྱས་དང་བྱེད་བཞིན་ཡོད་སྐོར་ཕྱོགས་བསྡོམས་ཀྱི་གནས་ཚུལ་ཞིག་སྤེལ་འདུག རྒྱ་ནག་གཞུང་གིས་ཕྱི་ལོ་ ༢༠༢༠ ལོར་ཡུལ་དེར་ཏོག་དབྱིབས་རིམས་ནད་ཕོག་མཁན་ཐོག་མར་བྱུང་སྐབས་ལྕག་ཤོག་ཁང་པ་ཟུར་འཛུགས་བྱས་ཏེ་རིམས་ནད་ལ་གདོང་ལེན་ཕྲན་བུ་བྱས་ཡོད་པ་དང་། བོད་ནང་ལ་ཆ་མཚོན་ན་རིམས་ནད་ཁྱབ་གདལ་མ་སོང་གོང་ནས་ཟུར་བཀག་གི་སྡོད་ཁང་གསར་རྒྱག་བྱས་ཏེ་རྒྱལ་སྤྱིའི་ཐོག་རྒྱ་ནག་གི་སྔོན་འགོག་ལས་དོན་ཚགས་ཚུད་བྱུང་ཡོད་སྐོར་སོགས་བཤད་ཡོད་ཀྱང་། དོན་དངོས་ཐོག་འདི་ལོའི་ཕྱི་ཟླ་ ༨ པའི་ཚེས་ཤར་ཙམ་ལ་བོད་ནང་རིམས་ནད་ཕོག་མཁན་གྱི་གྲངས་འབོར་ཇི་མང་དུ་སོང་སྐབས་ས་གནས་མི་མང་རྣམས་ཟུར་བཀག་ཏུ་འཇོག་འགོ་བཙུགས་པར་མ་ཟད་ཟུར་བཀག་ཁང་དུ་ཉེར་མཁོ་སྨན་བཅོས་སོགས་ཀྱི་མཐུན་རྐྱེན་འཐུས་ཚང་མེད་པ་མངོན་གསལ་གནང་འདུག ལྷག་པར་ལྷ་ས་གཙོས་ཉེ་འཁོར་གྱི་ས་གནས་ཁག་ཏུ་ཡོད་པའི་རྒྱ་གཞུང་ལས་བྱེད་ཚོས་ཞི་ཅིན་ཕིང་གིས་གཙོས་པའི་རྒྱ་ནག་གི་འགོ་ཁྲིད་གོང་མའི་བཀའ་རྒྱ་ལྟར་རིམས་ནད་ཀླ་ཀོར་གྱི་སྲིད་བྱུས་ཞེས་པ་དོན་འཁྱོལ་ཡོང་སླད་ས་གནས་བོད་མི་དང་རྒྱ་ནག་ཧན་མི་རིགས། ཁ་ཆེའི་གྲངས་ཉུང་མི་རིགས་སོགས་ཁྱོན་མི་སེར་སྟོང་ཕྲག་མང་པོ་རིམ་བཞིན་ཟུར་བཀག་ཏུ་བཅུག་ཡོད་པ་དང་། དེ་དག་གི་ཁྲོད་དུ་ཕྱིའི་མི་སེར་ཡིན་པ་ཞིག་ཀྱང་ཚུད་ཡོད་པར་འགྲེལ་བརྗོད་དང་སྦྲགས། རྒྱ་ནག་གཞུང་འབྲེལ་གྱི་གྲངས་ཐོ་རང་ལ་གཞིགས་ཚེ་ཕྱི་ཟླ་ ༩ ཚེས་ ༢༧ ཉིན་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཁུལ་དུ་ཆེད་འཛུགས་བྱས་པའི་ཟུར་བཀག་ཏུ་མི་སེར་ ༤༢༩༣༧ ཡོད་པ་དང་། གྲངས་ཐོ་དེ་ནི་བོད་ནང་རིམས་ནད་ཐོག་མར་ཁྱབ་གདལ་བྱུང་སྐབས་ནས་བཟུང་ད་བར་གྱི་ཟུར་བཀག་བྱེད་སྟངས་ལ་གཞིགས་ཚེ་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཁོ་ནར་མི་སེར་ ༡༤༠༠༠༠ ལྷག་རྒྱ་གཞུང་གིས་ཆེད་འཛུགས་བྱས་པའི་ཟུར་བཀག་ཁང་དུ་བཅུག་ཡོད་པ་དང་། མི་སེར་ ༧༠༠༠༠ ཙམ་རྒྱལ་ས་ལྷ་ས་ཁུལ་དུ་གནས་སྡོད་བྱེད་བཞིན་པའི་མི་སེར་ཆགས་ཀྱི་ཡོད་པ་གསུངས་ཡོད། ས་གནས་མི་མང་རྣམས་སོ་སོའི་སྡོད་ཁང་སོགས་ཀྱི་ནང་ལ་ཟུར་བཀག་ཏུ་བཞུགས་བཞིན་པ་རྣམས་ཚུད་ཀྱི་མེད་པར་འགྲེལ་བརྗོད་དང་སྦྲགས་ཏེ། རྒྱ་གཞུང་གིས་ཆེད་འཛུགས་བྱས་པའི་ཟུར་བཀག་ནང་ཁྱོན་མི་བཞི་སྟོང་ལྷག་ཤོང་གི་ཡོད་པ་དང་། ལྷ་སའི་ནུབ་ཕྱོགས་ཀྱི་མཚམས་སུ་ཆགས་པའི་སྟོད་ལུང་བདེ་ཆེན་ཁུལ་གྱི་ཟུར་བཀག་ཏུ་བཞག་པའི་བུ་ཕྲུག་ཞིག་གིས་རང་ཉིད་ཀྱི་ཉིན་དེབ་ནང་ཁོང་ཡོད་སའི་ཟུར་བཀག་ཁང་དུ་ཁྱོན་མི་སེར་ ༦༠༠༠ ལྷག་ཡོད་པ་དང་། ཟུར་བཀག་དེར་ཉི་མ་རེ་ལ་ཟས་རག་པར་ཆུ་ཚོད་བཅུ་གཉིས་ཙམ་ངང་སྒུག་བྱེད་དགོས་པ་མ་ཚད་པར་ཟས་རིགས་འབྱོར་སྐབས་སུ་རྒན་གཞོན་མེད་པར་ཚང་མ་འཚང་ག་རྒྱག་བརྒྱབ་ཏེ་ལག་ལ་ཟས་རག་ཐབས་ལས་དེ་མིན་ལྟོགས་བཀྲེས་གནས་ལས་མ་འདས་སོ་ཞེས་བྲིས་པ་དང་། དེ་བཞིན་མི་བཞི་སྟོང་ཙམ་ཡོད་པའི་ཟུར་བཀག་ནང་སྡོད་མཁན་ཞིག་གིས་ཟུར་བཀག་དེ་དག་ཏུ་ནད་རྟགས་ཡོད་མེད་ལ་ལྟོས་མེད་མཉམ་བསྲེས་བྱས་ནས་བཞག་གི་ཡོད་པར་མ་ཟད། ཕག་ཚང་ལྟ་བུ་འདུག་ཅེས་འགྲེལ་བརྗོད་གནང་བ་བཀོད་འདུག གནས་ཚུལ་དེའི་ནང་རྒྱ་ནག་གཞུང་གིས་རིམས་ནད་སྔོན་འགོག་གི་ལས་དོན་ཁྲོད་བོད་ནང་གི་ལས་བྱེད་ཁག་གཅིག་ལས་གནས་ནས་ཕྱིར་ཕུད་བཏང་བ་དང་། ས་གནས་བོད་མི་དང་དགོན་སྡེ་ཁག་གི་ངོས་ནས་དཔལ་འབྱོར་སོགས་ཀྱི་རོགས་རམ་གནང་བ། དེ་བཞིན་ལས་བྱེད་ལ་ལས་གོང་མའི་བཀའ་རྒྱར་གདོང་ལེན་གནང་སྟེ་ས་གནས་ཀྱི་མི་སེར་རྒན་པ་ཁག་གཅིག་སོ་སོའི་ནང་ལ་སྡོད་བཅུག་པ། དམ་བསྒྲགས་ཀྱི་བཀག་སྡོམ་ཁྲོད་མི་སེར་ཁག་གཅིག་རང་སྲོག་བཅད་པའི་གནས་སྟངས་མི་ཉུང་བ་ཞིག་བྱུང་ཡོད་པར་འགྲེལ་བརྗོད་གནང་འདུག བརྒྱུད་ལམ་གཞན་ཁག་གིས་གནས་ཚུལ་སྤེལ་བར་གཞིགས་ན། ཉེ་ཆར་ཚེས་ ༢༦ ཉིན་བོད་ཀྱི་རྒྱལ་ས་ལྷ་ས་ནང་དུ་གཉན་རིམས་ཀླད་ཀོར་གྱི་སྲིད་བྱུས་འོག་མང་ཚོགས་རྣམས་སྒོ་རྒྱ་བསྡམས་པ་མཚམས་འཇོག་དགོས་ཞེས་རྒྱ་ནག་གཞུང་ལ་ཞི་བའི་ངོ་རྒོལ་གནང་བའི་གནས་ཚུལ་དང་འབྲེལ། ད་ཆ་ས་གནས་མི་མང་ ༢༠༠ ཙམ་སྐབས་དེའི་ལས་འགུལ་སྣེ་ཁྲིད་གནང་བ་དང་མཉམ་ཞུགས་གནང་བར་ཁག་དཀྲིས་ཏེ་བཀག་ཉར་བྱས་འདུག རྩ་བའི་ཞི་རྒོལ་བྱུང་རྗེས་རྒྱལ་ས་ལྷ་ས་ནས་ལས་མི་དང་ས་གནས་གཞན་གྱི་མི་མང་རྣམས་རང་གནས་སུ་ཕྱིར་ལོག་བྱེད་བཅུག་པ་དང་ས་གནས་ཁག་གཅིག་ཏུ་དམ་བསྒྲགས་ཀྱི་གནས་སྟངས་ཅུང་གུ་ཡངས་བཏང་པའི་གནས་ཚུལ་ཐོན་ཡོད་ཀྱང་། ཁ་སང་དེ་རིང་རྒྱལ་ས་ལྷ་སའི་བར་སྐོར་ནང་ནས་ཕྱིར་འགྱར་བྱུང་བའི་བརྙན་པར་ལ་གཟིགས་ཚེ་ས་གནས་མི་མང་ཁག་གཅིག་ལ་ཆུ་ཚོད་གཅིག་ཙམ་རིང་ཕྱིར་ཐོན་ཆོག་པའི་ཆོག་མཆན་སྤྲད་ཡོད་ཀྱང་ཆོས་ཕྱོགས་ཀྱི་གནང་སྒོ་ཁག་གནང་མི་ཆོག་པ་སོགས་སྤྱི་ཡོངས་ཀྱི་དམ་བསྒྲགས་གནས་སྟངས་རང་སོར་གནས་མུས་ཡིན་པ་རེད་འདུག

ཉན་པ།: Listen ཕབ་ལེན། Download སྲིད་སྐྱོང་མཆོག་རྒྱ་གར་བྱང་ཤར་ཨ་རུ་ནཱ་ཅལ་ནང་མངའ་སྡེའི་སྐུ་མགྲོན་གྱི་ངོ་བོར་གཞུང་འབྲེལ་ཕྱོགས་ཕེབས། གངས་ལྗོངས་དཔལ་འབྱོར་ཞབས་ཞུ་ཁང་རང་སྐྱོང་ལྡན་པའི་ཁེ་གཉེར་ཁང་དུ་བསྒྱུར་རྒྱུའི་ཚོགས་ཆུང་གི་ལས་དོན་དབུ་འཛུགས། རྒྱལ་ཁབ་བདུན་གྱི་ཕྱི་སྲིད་བློན་ཆེན་རྣམ་པའི་ཚོགས་འདུ་ཐོག་བོད་དོན་གླེང་དགོས་པའི་ཞུ་སྐུལ། འཇར་མན་གྱི་སྲིད་བློན་པེ་ཅིང་དུ་ཕྱོགས་སྐྱོད་གནང་རྒྱུ་རེད་འདུག འཕྲོད་བསྟེན་ཤེས་བྱ་ངོ་སྤྲོད། གློ་བུར་དུ་སྙིང་ཁྲག་དགག་ཚེ་གང་གནང་དགོས་སམ། Thursday 03/11/2022 Sikyong on visit to Arunachal as State guest, speaks to Tibetans in Tezu Ad Hoc committee commences outlining Gang-Jong TibFin transition to an autonomous company Rights group urge G7 members to raise Tibet in Summit Worries over Germany's China dependency overshadow Scholz trip Health and Wealthness: How to deal with sudden ‘Heart Attack’

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཁ་སང་ཏི་ཛུ་དར་རྒྱས་གླིང་ནས་དབུ་འཛུགས་ཀྱིས་རྒྱ་གར་བྱང་ཤར་ཨ་རུ་ནཱ་ཅལ་མངའ་ཁུལ་གྱི་བོད་མིའི་གཞིས་སྒར་ཁག་ཏུ་འཚམས་གཟིགས་དང་གནད་ཡོད་མི་སྣ་མཇལ་འཕྲད་ཀྱི་ལས་རིམ་དབུ་འཛུགས་གནང་ཡོད།ཐེངས་འདིའི་སྲིད་སྐྱོང་མཆོག་གི་གཞུང་འབྲེལ་ཕྱོགས་ཕེབས་འདི་ནི་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེ་གཞུང་གི་སྐུ་མགྲོན་གྱི་ངོ་བོའི་ཐོག་ནས་ཕེབས་ཡོད་པ་ལྟར་མངའ་སྡེ་གཞུང་གི་སྲུང་སྐྱོབ་དང་ཆིབས་གྲུ་བཅས་ཀྱི་མཐུན་རྐྱེན་ཕུལ་ཐོག་ཁ་སང་ཕྱི་ཚེས་ ༢ ནས་ཚེས་ ༡༣ བར་གཞུང་འབྲེལ་ཕྱོགས་སྐྱོད་གནང་གི་ཡོད་པ་རེད།ཁ་སང་བོད་མིའི་སྒྲིག་འཛུགས་ཀྱི་དྲ་ལམ་ཐོག་གནས་ཚུལ་སྤེལ་བར་ཁ་སང་ཏི་ཛུ་ས་གནས་གྲོང་སྡེ་ལྷན་ཚོགས་ཀྱི་ཚོགས་མི་ལྕམ་སྐུ་ Angen Mini ལགས་དང་ས་གནས་སྤྱི་ཁྱབ་ཉེན་རྟོག་པ་སྐུ་ཞབས་ Minjom Ete ལགས། ཏི་ཛུ་དར་རྒྱས་གླིང་དང་མེའོ་ཆོས་འཕེལ་གླིང་ས་གནས་འགོ་འཛིན་དང་ས་འཐུས། ས་གནས་རང་བདེན་ཚོགས་ཆུང་། དེ་བཞིན་གཞུང་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་བཅས་ཀྱིས་ཏི་ཛུ་གནམ་ཐང་དུ་ཕེབས་བསུར་བཅར་སྣེ་ལེན་ཞུས་ཏེ་སྲིད་སྐྱོང་མཆོག་ཏི་ཛུར་ཕེབས་འབྱོར་བྱུང་བ་དང་འབྲེལ། ཏི་ཛུ་དར་རྒྱས་གླིང་གི་དགོན་པ་དང་ས་གནས་འགོ་འཛིན་ལས་ཁུངས། མཉམ་འབྲེལ་སྡེ་ཚན་ཁག ཡན་ལག་སྨན་རྩིས་ཁང་དང་ས་གནས་འཕྲོད་བསྟེན་སྨན་ཁང་། བུ་བཅོལ་ཁང་། རྒས་གསོ་ཁང་། ས་གནས་འཐུས་ཚོགས་དང་ས་གནས་རང་བདེན་ཚོགས་ཆུང་བཅས་ལ་འཚམས་གཟིགས་གནང་འདུག དེ་བཞིན་ཁ་སང་ཉིན་རྒྱབ་ཏུ་སྲིད་སྐྱོང་མཆོག་གིས་ཏི་ཛུ་ས་གནས་གྲོས་ཚོགས་འཐུས་མི་སྐུ་ཞབས་ Karikho Kri ལགས་ཀྱིས་གཙོས་པའི་ས་གནས་དཔོན་རིག་ཁག་དང་མཇལ་འཕྲད་གནང་འདུག ཏི་ཛུ་ནང་གི་ལས་རིམ་གྲུབ་མཚམས་སུ་སྲིད་སྐྱོང་མཆོག་དེ་རིང་མེའོ་ཆོས་འཕེལ་གླིང་བོད་མིའི་གཞིས་སྒར་དུ་ཕེབས་ཡོད་པ་དང་འབྲེལ་ས་གནས་བོད་མི་མང་ཚོགས་དང་ས་གནས་ཀྱི་དཔོན་རིག་ཁག་དང་མཇལ་འཕྲད་སོགས་གནང་གི་ཡོད་པ་རེད། ཐེངས་འདིའི་སྐོར་སྐྱོད་ཁྲོད་སྲིད་སྐྱོང་མཆོག་གིས་བོད་མིའི་འཐབ་རྩོད་ཀྱི་གནས་སྟངས་དང་བཀའ་ཤག་སྐབས་༡༦ པའི་ལས་དོན་བྱེད་ཕྱོགས་སོགས་ཀྱི་སྐོར་གསུང་བཤད་གནང་བ་དང་ས་གནས་མང་ཚོགས་ཀྱི་བདེ་སྡུག་ཁག་ལ་ཉན་ཞིབ་གནང་འདུག བོད་མིའི་སྒྲིག་འཛུགས་ཀྱིས་སྲིད་སྐྱོང་མཆོག་གིས་ཏི་ཛུ་ཁུལ་དུ་འཚམས་གཟིགས་གནང་བའི་བརྙན་ཐུང་ཁག་གཅིག་འདོན་སྤེལ་གནང་བར་སྲིད་སྐྱོང་མཆོག་གིས་ས་གནས་མང་ཚོགས་དང་ལྷན་དུ་གླེང་མོལ་གནང་བའི་ཁྲོད་བཙོན་བྱོལ་བོད་མིའི་སློབ་གྲྭ་ཁག་གི་གནས་སྟངས་དང་དེང་སྐབས་བོད་མིའི་སྤྱི་ཚོགས་ནང་བུ་ཕྲུག་བཙའ་ཚད་ཧ་ཅང་ཉུང་རུ་ཕྱིན་པའི་གནས་སྟངས། དེ་བཞིན་བོད་མི་མང་ཚོགས་ཀྱི་ངོས་ནས་༸གོང་ས་མཆོག་གི་བཀའ་ལ་བརྩི་སྲུང་དང་ལེན་ཞུ་གལ་ཡིན་པ་སོགས་གསུངས་ཡོད།དེ་རྗེས་སྲིད་སྐྱོང་མཆོག་ Meghalaya མངའ་ཁོངས་ཀྱི་བོད་མིའི་གཞིས་ཆགས་ཁག་ཏུ་འཚམས་གཟིགས་གནང་རྒྱུ་ཡིན་པ་རེད། སྲིད་སྐྱོང་སྤེན་པ་ཚེ་རིང་མཆོག་གིས་སྲིད་སྐྱོང་གི་ཐུགས་འགན་བཞེས་རྗེས་རྒྱ་གར་བྱང་ཤར་ཁུལ་དུ་གཞུང་འབྲེལ་འཚམས་གཟིགས་གནང་བ་ཐོག་མ་དེ་ཆགས་ཀྱི་ཡོད་པ་རེད། པར་བདག་དབང་བོད་མིའི་སྒྲིག་འཛུགས།

ཉེ་ལམ་ཕྱི་ཟླ་ ༩ ནང་ཚོགས་པའི་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༤ ཐོག་གངས་ལྗོངས་དཔལ་འབྱོར་ཞབས་ཞུ་ཁང་དེ་ཉིད་རང་སྐྱོང་ལྡན་པའི་ཁེ་གཉེར་ཁང་མིང་དོན་མཚུངས་པ་ཞིག་ཏུ་བསྒྱུར་ཐབས་སུ་སྤྱི་འཐུས་ལྷན་ཚོགས་དང་འཛིན་སྐྱོང་གཉིས་ལས་གྲུབ་པའི་མི་སྣ་ལྔ་ཅན་གྱི་ཚོགས་ཆུང་ཞིག་ཆེད་འཛུགས་ཐོག་གངས་ལྗོངས་དཔལ་འབྱོར་ཞབས་ཞུ་ཁང་གི་མ་འོངས་ལས་དོན་མཇུག་སྐྱོང་གནང་ཕྱོགས་ཀྱི་འཆར་གཞི་བཟོ་བཀོད་གནང་རྒྱུ་ཐག་གཅོད་བྱུང་ཡོད་པ་ལྟར། ཁ་སང་སྤྱི་འཐུས་ལྷན་ཚོགས་དང་འཛིན་སྐྱོང་གཉིས་ལས་གྲུབ་པའི་མི་སྣ་ལྔ་ཅན་གྱི་ཚོགས་ཆུང་ཆེད་འཛུགས་དང་སྦྲགས་ཏེ་ལས་དོན་དངོས་སུ་དབུ་འཛུགས་གནང་འདུགཚོགས་ཆུང་གི་མི་འགྲོའི་ཁོངས་སུ་སྤྱི་འཐུས་ཟླ་བ་ཚེ་རིང་ལགས་དང་། སྤྱི་འཐུས་རྡོ་རྗེ་ཚེ་བརྟན་ལགས། སྤྱི་འཐུས་དགེ་བཤེས་རྔ་བ་གངས་རི་ལགས། དེ་བཞིན་འབྲེལ་ཡོད་འཛིན་སྐྱོང་གི་ཕྱོགས་ནས་དཔལ་འབྱོར་ལས་ཁུངས་ཀྱི་དྲུང་ཚབ་བསྟན་འཛིན་ལེགས་གྲུབ་ལགས་དང་དཔལ་འབྱོར་ལས་ཁུངས་ཀྱི་དྲུང་གཞོན་རྣམ་རྒྱལ་དགེ་འདུན་ལགས་བཅས་བསྐོ་གཞག་གནང་འདུགཚོགས་མི་རྣམ་པ་ཁ་སང་དངོས་སུ་ལྷན་འཛོམས་ཐོག་ཚོགས་ཆུང་གི་ཚོགས་གཙོ་སྤྱི་འཐུས་རྡོ་རྗེ་ཚེ་བརྟན་ལགས་དང་དྲུང་ཆེ་དཔལ་འབྱོར་ལས་ཁུངས་ཀྱི་དྲུང་གཞོན་རྣམ་རྒྱལ་དགེ་འདུན་ལགས་སྤྱི་མོས་ཀྱིས་བསྐོ་གཞག་གནང་ཡོད།ཚོགས་ཆུང་གི་ངོས་ནས་རྐང་གྲོས་ཚོགས་ཚོགས་དུས་བཞི་པའི་ཐོག་གཏན་འབེབས་གནང་བའི་གཞུང་འབྲེལ་ཡིག་ཆ་ཨང་ ༤༤ པའི་གྲོས་ཆོད་དོན་ཚན་ ༢ པའི་དགོངས་དོན་གཞིར་བཟུང་གངས་ལྗོངས་དཔལ་འབྱོར་ཞབས་ཞུ་ཁང་དེ་ཉིད་རང་སྐྱོང་ལྡན་པའི་ཁེ་གཉེར་ཁང་མིང་དོན་མཚུངས་པ་ཞིག་ཏུ་བསྒྱུར་ཐབས་དང་འབྲེལ་བའི་གངས་ལྗོངས་དཔལ་འབྱོར་ཞབས་ཞུང་ཁང་གི་དེབ་སྐྱེལ་ཚོགས་མི་མིང་བསྒྱུར་དང་འཛུགས་ཡུལ་ས་གནས། འགན་འཛིན་ལྷན་ཚོགས་ཀྱི་གྲུབ་ཆ་དང་དེ་དག་ཡོང་སྟངས། འགན་ཁུར་ཞུ་ཡུལ་དང་ལས་དོན་བྱེད་ཕྱོགས། འཛིན་སྐྱོང་སྒྲོམ་གཞི། ལས་བྱེད་འདེམས་སྒྲུག་བསྐོ་གཞག་དང་དེ་དག་གི་ཕོགས་དང་ཐོབ་ཐང་། མ་འཛུགས་དང་ལས་དོན་མཇུག་སྐྱོང་ལག་བསྟར་འཆར་གཞི་སོགས་ཀྱི་འགྲོ་ལུགས་བཟོ་འགོད་གནང་རྒྱུ་ཡིན་པ་དང་། ཚོགས་ཆུང་གི་བཟོ་འགོད་འཆར་གཞི་དང་འབྲེལ་བའི་སྙན་ཐོ་དེ་ཕྱི་ཟླ་ ༣ ནང་འཚོགས་རྒྱུའི་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༥ ཐོག་འབུལ་ལམ་ཞུ་རྒྱུ་ཡིན་པ་རེད། པར་བདག་དབང་སྤྱི་འཐུས་ཚོགས་དྲུང་ལས་ཁུངས།

དེ་རིང་དང་སང་ཉིན་བཅས་ཉིན་གྲངས་གཉིས་རིང་ཡོ་རོབ་འཇར་མ་ནིའི་རྒྱལ་ཁབ་ཀྱི་གྲོང་ཁྱེར་ Munster ནང་ G7 ཞེས་ཨ་རི་དང་དབྱིན་ཡུལ། ཁེ་ན་ཌ་དང་ཕ་རན་སི། ཨི་ཊ་ལི། འཇར་མན། དེ་བཞིན་ཉི་ཧོང་བཅས་རྒྱལ་སྤྱིའི་མང་གཙོའི་རྒྱལ་ཁབ་ཆེ་གྲས་བདུན་གྱི་ཕྱི་སྲིད་བློན་ཆེན་རྣམ་པའི་ལྷན་ཚོགས་ཤིག་ཚོགས་ཀྱི་ཡོད་པ་དང་བསྟུན། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ལྷན་ཚོགས་ཐོག་འགྲོ་བ་མིའི་ཐོབ་ཐང་གཙོས་བོད་དོན་དང་འབྲེལ་བའི་གནད་དོན་ཁག་ལ་ངེས་པར་དུ་གླེང་སློང་གནང་དགོས་པའི་ཞུ་སྐུལ་གནང་འདུག ཞུ་སྐུལ་ནང་རྒྱ་གཞུང་གི་དྲག་པོའི་སྲིད་བྱུས་དེ་དག་བོད་དང་བོད་མིའི་གནད་དོན་ལ་གནོད་སྐྱོན་དང་དོ་ཕོག་གཏོང་བཞིན་པ་མ་ཟད་བོད་ཀྱི་ཁྱིམ་མཚེས་རྒྱལ་ཁབ་ཁག་གིས་གཙོས་པའི་རྒྱལ་སྤྱིའི་ཁྱོན་ཡོངས་ཀྱི་བདེ་འཇགས་ལའང་གནོད་སྐྱོན་དང་དོ་ཕོག་ཆེན་པོ་གཏོང་བཞིན་ཡོད་པ་སོགས་འགྲེལ་བརྗོད་དང་སྦྲགས། ཕྱི་སྲིད་བློན་ཆེན་རྣམ་པའི་ཚོགས་འདུ་ཐོག་རྒྱ་ནག་གི་སྲིད་བྱུས་དེ་དག་གི་ཤུགས་རྐྱེན་དང་གདོང་ལེན་གནང་ཕྱོགས་སོགས་ལ་དགོངས་པ་བཞེས་གལ་ཆགས་ཡོད་པ་གསུངས་འདུག འདས་པའི་ལོ་བཅུའི་ནང་ཞི་ཅིང་ཕིང་གི་དབང་འཛིན་འོག་རྒྱ་ནག་འདི་སྔར་ལས་ཆེས་དམ་བསྒྲགས་ཆེ་ཞིང་དྲག་པོའི་དམག་ཆས་ཀྱིས་བཀྲིས་པའི་གཅིག་སྡུད་རིང་ལུངས་ཀྱི་རྒྱལ་ཁབ་ཅིག་ཏུ་གྱུར་ཡོད། བོད་ལ་ཆ་མཚོན་ན་རྒྱ་ནག་དམར་ཤོག་གཞུང་གིས་བོད་ཕྲུག་གཙོས་བོད་མི་རྣམས་རང་ཉིད་ཀྱི་སྐད་ཡིག་དང་ནང་ཆོས་སོགས་ཐུན་མོང་མ་ཡིན་པའི་རིག་གཞུང་ཁག་དང་རྒྱང་ཐག་རིང་དུ་གཏོང་བཞིན་ཡོད་པ་སོགས་འགྲེལ་བརྗོད་དང་སྦྲགས། རྒྱལ་སྤྱིའི་འགོ་ཁྲིད་དང་མང་ཚོགས་རྣམས་ཀྱིས་རྒྱ་གཞུང་གི་ཐབས་བྱུས་ལྡན་པའི་སྲིད་བྱུས་དེ་དག་ལ་ངོས་ལེན་གནང་རྒྱུ་མེད་པར་མ་ཟད་ལྷག་པར་དུ་རྒྱ་གཞུང་གིས་བོད་གཙོས་ཤིན་ཅང་དང་ཧོང་ཀོང་སོགས་ཀྱི་ནང་ལག་བསྟར་བྱེད་བཞིན་པའི་སྲིད་བྱུས་ཁག་ལ་རྒྱལ་སྤྱིའི་འགོ་ཁྲིད་རྣམ་པས་གླེང་སློང་དང་གདོང་ལེན་སོགས་མ་གནང་བར་སྣང་མེད་དུ་བཏང་ཚེ་རྒྱ་ནག་གཞུང་ནས་ད་ཡོད་སྲིད་བྱུས་ཁག་གི་ཐོག་ལ་མུ་མཐུད་དྲག་པོའི་སྲིད་གཞན་ལག་བསྟར་བྱེད་ཀྱི་རེད་ཅེས་གསུངས་འདུག རྒྱལ་སྤྱིའི་བོད་དོན་ལས་འགུལ་ཁང་ནས་ཐེངས་འདིའི་ཕྱི་སྲིད་བློན་ཆེན་རྣམ་པའི་ཚོགས་འདུ་ཐོག་རྒྱ་ནག་གཞུང་གིས་བོད་མིའི་བླ་སྤྲུལ་ཡང་སྲིད་ཀྱི་གནད་དོན་ལ་ཐེ་བྱུས་བྱས་པར་ངོ་རྒོལ་གྱི་རྣམ་འགྱུར་གསལ་པོ་བཏོན་དགོས་པ་དང་། བོད་ཀྱི་གནད་དོན་འདི་རྒྱལ་སྤྱིའི་བདེ་འཇགས་དང་འབྲེལ་ནས་ཡོད་སྟབས་བོད་ནང་གི་འགྲོ་བ་མིའི་ཐོབ་ཐང་གི་གནས་བབ་སྐོར་དང་བོད་མཐོ་སྒང་གི་གནམ་གཤིས་སྟངས་ཀྱི་གལ་གནད། རྒྱ་གཞུང་གིས་བོད་ནང་ལག་བསྟར་བྱེད་བཞིན་པའི་དྲག་པོའི་སྲིད་བྱུས་དང་ཁོར་ཡུག་ལ་གནོད་འཚེ་གཏོང་བཞིན་པའི་བྱ་སྤྱོད་སོགས་ལ་ངེས་པར་དུ་གླེང་སློང་གནང་དགོས་པ་མ་ཚད་པར་བོད་ནང་གི་དངོས་ཡོད་གནས་སྟངས་ཤེས་རྟོགས་སླད་རྒྱལ་སྤྱིའི་རང་དབང་ལྡན་པའི་ཚོགས་ཆུང་དང་གསར་འགོད་པ། གཞི་རིམ་མང་ཚོགས་དང་འབྲེལ་བའི་ཚོགས་པ་ཁག་གི་སྐུ་ཚབ་བོད་ནང་ལ་རང་དབང་ལྡན་པའི་ཐོག་འགྲོ་སྐྱོད་ཐུབ་ཐབས་ལ་འབད་བརྩོན་གནང་དགོས་པ་གསུངས་འདུག © imageBROKER