Monthly Archives: December, 2022

ཉན་པ།: Listen ཕབ་ལེན། Download ༸གོང་ས་མཆོག་གིས་བྱང་ཆུབ་ཆེན་པོའི་མཆོད་རྟེན་དུ་གནས་གཟིགས་མཛད་པ། རྒྱ་གཞུང་གིས་བོད་ཀྱི་གནད་དོན་དང་འབྲེལ་ཨ་རི་བ་གཉིས་ལ་སྲིད་དོན་གྱི་ཉེས་ཆད་འགེལ་བ། ལྕམ་སྐུ་པེ་ལོ་སི་མཆོག་གིས་གསར་ལྷན་མཐའ་མའི་ཐོག་༸གོང་ས་མཆོག་དང་མཇལ་འཕྲད་སྐོར་གསུངས་པ། བོད་ཀྱི་ཆབ་སྲིད་བཙོན་ཟུར་གྲྭ་ཨ་རྒྱལ་ཚེ་རིང་ལགས་དགོངས་པ་རྫོགས་འདུག བཙན་བྱོལ་བོད་མིའི་གནས་སྟངས། སྦེང་ལོར་བོད་ཁྱིམ་སྡོད་ཁང་གི་ངེས་སྟོན་པ་ཟུར་པ་རྒན་དོན་གྲུབ་ལགས། Friday 23/12/2022 Dalai Lama visits Mahabodhi Stupa in Bodhgaya, Bihar China sanctions 2 US citizens amid Tibet spat Pelosi mentions Dalai Lama in her final weekly press conference as house Speaker Former Tibetan political prisoner Agyal Tsering passes away at 71 DIASPORA: Former Bangalore Youth Hostel Director Dhondup la    

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གནས་མཆོག་རྡོ་རྗེ་གདན་གྱི་བྱང་ཆུབ་ཆེན་པོའི་མཆོད་རྟེན་རིན་པོ་ཆེར་གནས་གཟིགས་དང་འབྲེལ། བོད་ནང་གི་བོད་མི་རྣམས་ལུས་པོའི་ཆ་ནས་རྒྱང་ཁྱད་ཡོད་ཀྱང་ནང་བསམ་བློའི་ཆ་ནས་དད་དམ་གཡོ་བ་མེད་པར་གཅིག་གྱུར་ཆགས་ཡོད་པ་རེད་ཅེས་བཀའ་བསྩལ་སོང་།༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཕྱི་ཟླ་ ༡༢ ཚེས་ ༢༢ ཉིན་གནས་མཆོག་རྡོ་རྗེ་གདན་དུ་ཞབས་སོར་བདེ་བར་འཁོད་པ་དང་བསྟུན། མགོན་པོ་༸གང་ཉིད་མཆོག་གིས་དེ་རིང་ཕྱི་ཚེས་ ༢༣ ཉིན་གྱི་སྔ་དྲོ་ཆུ་ཚོད་ ༨ ཐོག་གནས་མཆོག་རྡོ་རྗེ་གདན་གྱི་བྱང་ཆུབ་ཆེན་པོའི་མཆོད་རྟེན་ཆེན་མོར་གནས་གཟིགས་མཛད་པ་དང་སྦྲགས། རྟེན་གྱི་གཙོ་བོ་སྟོན་པ་ཐུབ་པའི་དབང་པོའི་༸སྐུ་བརྙན་དྲུང་དུ་རྟེན་འབྲེལ་བསྟོད་པ་དང་ཤེས་རབ་སྙིང་པོ་སོགས་གསུང་འདོན་གྱིས་ཐུགས་སྨོན་མཛད་འདུགསྐབས་དེར་ས་གནས་སུ་ཆེད་བཅར་ཞུས་པའི་འདི་ག་རླུང་འཕྲིན་ཁང་གི་གསར་འགོད་པས་བཀའ་འདྲི་དགོངས་སྐོར་ཞུས་པར་མགོན་པོ་༸གང་ཉིད་མཆོག་གིས་དེ་རིང་ཁ་སང་འཛམ་གླིང་ནང་ཕྱིའི་དངོས་པོ་ཡར་རྒྱས་ཧ་ཅང་ཕྱིན་ཡོད་ཀྱང་། ནང་བསམ་བློར་ཆགས་སྡང་གིས་བཅིངས་པའི་གནས་སྐབས་འདིར་སངས་རྒྱས་ཀྱིས་བྱམས་བརྩེ་དང་རྟེན་འབྱུང་གྱི་དེ་ཁོ་ན་ཉིད་ཀྱི་བསླབ་བྱ་མཛད་པ་དེ་ཧ་ཅང་གནད་འགག་ཆེན་པོ་ཆགས་ཡོད་པ་དང་། དེ་རིང་མགོན་པོ་༸གང་ཉིད་ནས་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་སྐུ་ངོ་མས་བྱིན་གྱིས་བརླབས་པའི་གནས་མཆོག་རྡོ་རྗེ་གདན་གྱི་རྟེན་མཆོག་ལ་ཐུགས་སྨོན་དེ་ལྟར་མཛད་ཡོད་པར་བཀའ་ལན་སྩལ་འདུགགསར་འགོད་པས་གཞིས་ལུས་རྒྱ་ཆེ་མང་ཚོགས་རྣམས་མགོན་པོ་༸གང་ཉིད་མཆོག་གི་བཀའ་ཆོས་ཞུ་ཆེད་གནས་མཆོག་རྡོ་རྗེ་གདན་དུ་བཅར་ཐུབ་ཀྱི་མེད་སྟབས། ཁོང་རྣམས་ལ་བཀའ་སློབ་ལམ་སྟོན་ཇི་ཡོད་བཀའ་འདྲི་ཞུས་པར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་ནང་གི་བོད་མི་རྣམས་ལུས་པོའི་ཆ་ནས་རྒྱང་ཁྱད་ཡོད་ཀྱང་ནང་བསམ་བློའི་ཆ་ནས་དད་དམ་གཡོ་བ་མེད་པར་གཅིག་གྱུར་ཆགས་ཡོད་སྐོར་དང་བོད་ཀྱི་བདེན་མཐའ་ནམ་ཞིག་སེལ་ངེས་རེད་ཅེས་བཀའ་སྩལ་འདུགམཛད་འཆར་ལྟར་ན་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཚེས་ ༢༧ ཉིན་གནས་མཆོག་རྡོ་རྗེ་གདན་གྱི་བཞུགས་གནས་དགའ་ལྡན་འཕེལ་རྒྱས་གླིང་ནས་ཉེ་འཁྲིས་སུ་ཆགས་པའི་ Watpa Temple ཞེས་ཐེ་ལན་ཌི་ནང་པའི་དགོན་པར་ཆིབས་སྒྱུར་མཛད་རྒྱུ་དང་། དེ་རྗེས་གནས་མཆོག་རྡོ་རྗེ་གདན་གྱི་གསུངས་ཆོས་ར་བའི་ནང་ཕྱི་ཚེས་ ༢༩ དང་ ༣༠ བཅས་ཉིན་གཉིས་རིང་གི་སྔ་དྲོ་བྱང་ཆུབ་སེམས་འགྲེལ་གྱི་བཀའ་ཆོས་དང་། ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་རྒྱུ་ཡིན་པ་མ་ཟད། ཕྱི་ལོ་ ༢༠༢༣ ཟླ་བ་ ༡ ཚེས་ ༡ སྔ་དྲོ་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་རེད་འདུག །དེ་བཞིན་ཕྱི་ཚེས་ ༣ ཉིན་༸གོང་ས་ཏཱ་ལའི་བླ་མའི་གནའ་རབས་རིག་གཞུང་ལྟེ་གནས་ཁང་གི་ས་གཞིར་བྱིན་རླབས་མཛད་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་ཡོད་པ་རེད།

རྒྱ་གཞུང་གིས་ཕྱི་ལོ་ ༡༩༩༠ ལོར་མཚོ་སྔོན་ཞིང་ཆེན་སྐྱེ་དགུ་མདོ་ནས་ཐོག་མར་འཛིན་བཟུང་བྱས་པའི་བོད་ཀྱི་ཆབ་སྲིད་བཙོན་ཟུར་གྲྭ་ཨ་རྒྱལ་ཚེ་རིང་ལགས་ཟླ་བ་འདིའི་ཕྱི་ཚེས་ ༡༨ ཉིན་གྱི་སྔ་དྲོ་ཕྱག་ཚོད་ ༨།༡༥ སྟེང་དགུང་ལོ་ ༧༡ ཐོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུགབོད་མིའི་སྒྲིག་འཛུགས་ཀྱིས་དྲ་ཐོག་སྤེལ་བའི་གནས་ཚུལ་ལ་གཞིགས་ན། ཕྱི་ལོ་ ༡༩༩༠ ལོའི་ཟླ་ ༣ ཚེས་ ༨ ཉིན་རྒྱ་ནག་དམར་པོའི་སྲིད་གཞུང་གིས་ཆབ་སྲིད་བཙོན་ཟུར་དམ་པ་ཁོང་མཚོ་སྔོན་ཞིང་ཆེན་སྐྱེ་དགུ་མདོ་ནས་ཐོག་མར་འཛིན་བཟུང་བྱས་ཡོད་པ་དང་། དེའི་རྗེས་ཁོང་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་གསུང་འཕྲིན་ཕྱོགས་སྒྲིག་གི་དཔེ་དེབ་དང་། བོད་རང་བཙན་སྐོར་གྱི་འགྲེམས་ཤོག་འགྲེམས་སྤེལ་བྱས་པའི་ཉེས་མིང་འོག་ཟླ་བ་ ༡༨ རིང་བཙོན་འཇུག་གིས་སྡུག་སྦྱོང་མནར་ཚད་མེད་མྱངས་དགོས་བྱུང་ཡོད། ཕྱི་ལོ་ ༡༩༩༩ ཟླ་ ༡༠ ཚེས་ ༢༤ ཉིན་སླར་ཡང་དམ་པ་ཁོང་དང་། དགེ་འདུན་པ་དགེ་བཤེས་བསོན་ནམ་ཕུན་ཚོགས་ལགས་དང་བསོད་ནམས་ཆོས་འཕེལ་ལགས་བཅས་འཛིན་བཟུང་བཙོན་འཇུག་བྱེད་ཡོད་པར་བརྟེན། ལོ་དེའི་ཟླ་ ༡༠ ཚེས་ ༣༡ ཉིན་མི་མང་ ༣༠༠༠ ལྷག་དཀར་མཛེས་རྫོང་དུ་འདུ་འཛོམས་ཀྱིས་ཁོང་གསུམ་གློད་བཀྲོལ་དགོས་པའི་ཞི་བའི་ངོ་རྒོལ་ཤུགས་ཆེར་གནང་ཡོད་པ་དང་འབྲེལ། རྒྱ་གཞུང་གིས་ངོ་རྒོལ་ལས་འགུལ་དེ་མཚམས་འཇོག་བྱེད་ཐབས་སུ་ཉེན་རྟོག་པས་མང་ཚོགས་ཁྲོད་མེ་མདའ་བརྒྱབ་ཏེ། བོད་མི་ ༨༠ ཙམ་འཛིན་བཟུང་བྱས་ཤིང་སྐབས་དེར་དམ་པ་ཁོང་ལ་ལོ་གསུམ་རིང་བཙོན་འཇུག་ཁྲིམས་ཆད་བཏང་ཡོད་པ་རེད།རྩ་བའི་དམ་པ་ཁོང་གི་ཕྱག་རོགས་ནག་ཚང་ནུ་ལུ་ཡི་མི་ཚེའི་ལོ་རྒྱུས་ནང་གསལ་ལྟར་དམ་པ་ཁོང་གིས་ཆུ་དམར་ལེབ་རྫོང་ཐོག་ཏུ་རིས་མེད་ཐུབ་བསྟན་ཆོས་འཁོར་དར་རྒྱས་གླིང་ཞེས་མ་ཎི་དུང་འཁོར་སོགས་བཞེངས་བསྐྲུན་ཆེད་དཔལ་འབྱོར་འདུ་འགོད་ཀྱི་ལས་དོན་འགན་ཁུར་གཙོ་བོ་སོགས་བཞེས་གནང་འདུག གཞི་རྩའི་བོད་ཀྱི་ཆབ་སྲིད་བཙོན་ཟུར་དམ་པ་ཨ་རྒྱལ་ཚེ་རིང་ལགས་ནི་ཕྱི་ལོ་ ༡༩༥༢ ལོར་བོད་ཁམས་དཀར་མཛེས་རྫོང་རོང་པ་ཚ་ཇོ་རི་གྲོང་ཚོའི་ནང་འཁྲུངས་ཤིང་། ཏྲེ་ཧོར་དར་རྒྱས་དགོན་དུ་ཆོས་བཞུགས་གནང་། ཁོང་ལ་གྲྭ་ཨ་རྒྱལ་ཚེ་རིང་ངམ་ཡོངས་གྲངས་སུ་ཨ་ཕོ་ཨ་རྒྱལ། གཞན་ཡང་བླ་མ་བློ་བཟང་ངམ་བློ་བཟང་བསྟན་འཛིན་བཅས་མཚན་འབོད་གནང་གི་ཡོད་པ་རེད་འདུག

རྒྱ་ནག་གཞུང་གིས་བོད་ཀྱི་གནད་དོན་དང་འབྲེལ་ཨ་རིའི་ལོ་རྒྱུས་སྨྲ་བ་དང་འཐབ་བྱུས་མཁས་པ་ཞིག་དང་། དེ་བཞིན་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་མཐོ་རིམ་ལས་བྱེད་གཅིག་ལ་སྲིད་དོན་ཉེས་ཆད་བཀལ་འདུགཨ་རིའི་ནོར་སྲིད་ལས་ཁུངས་ཀྱིས་ཟླ་བ་འདིའི་ཕྱི་ཚེས་ ༩ སྟེ་རྒྱལ་སྤྱིའི་ལྐོག་ཟ་རུལ་སུངས་འགོག་རྒོལ་དང་འགྲོ་བ་མིའི་ཐོབ་ཐང་གི་ཉིན་མོ་དང་བསྟུན། རྒྱལ་སྤྱིའི་རྒྱལ་ཁབ་ ༩ ནང་གི་ཚོགས་སྒེར་ ༤༠ ལྷག་ལ་སྲིད་དོན་ཉེས་ཆད་བཀལ་ཡོད་པའི་ཁྲོད་དེ་སྔ་ཕྱི་ལོ་ ༢༠༡༦ ནས་ ༢༠༢༡ བར་རྒྱ་ནག་གིས་དབྱེ་བས་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་བྱས་མྱོང་ཡོད་པའི་རྒྱ་རིགས་ Wu Yingjie དང་། ཕྱི་ལོ་ ༢༠༡༨ ལོ་ནས་བཟུང་བོད་རང་སྐྱོང་ལྗོངས་ཀྱི་ཉེན་རྟོག་སྤྱི་ཁྱབ་གཙོ་འཛིན་བྱེད་མུས་ཡིན་པ་ Zhang Hongbo གཉིས་ཀྱིས་བོད་རིགས་རྣམས་ལ་སྡུག་སྦྱོང་མནར་གཅོད་སོགས་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་བཏང་བའི་གནད་དོན་འོག་སྲིད་དོན་ཉེས་ཆད་བཀལ་བ་ལྟར། ཁ་སང་ཕྱི་ཚེས་ ༢༢ ཉིན་རྒྱ་ནག་གཞུང་གིས་འཁོན་ལན་ཚུལ་དུ་ཨ་རིའི་ལོ་རྒྱུས་སྨྲ་བ་དང་། དེ་སྔ་ཕྱི་སྲིད་དྲུང་ཆེ་ཟུར་པ་སྐུ་ཞབས་ Mike Pompeo མཆོག་གི་རྒྱ་ནག་ཐོག་གི་སློབ་སྟོན་པ་གནང་མྱོང་ཡོད་པའི་སྐུ་ཞབས་ Miles Yu Maochun ལགས་དང་། དེ་བཞིན་ཕྱི་ལོ་ ༢༠༢༡ ལོ་ནས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་ལས་བྱེད་ཀྱི་དབུ་འཛིན་གཞོན་པ་གནང་མུས་དང་། དེ་སྔ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Sarah Sewall ལགས་ཀྱི་སློབ་སྟོན་པ་བགྲེས་པ་གནང་མྱོང་ཡོད་པའི་སྐུ་ཞབས་ Todd Stein ལགས་སུ་སྲིད་དོན་ཉེས་ཆད་གསལ་བསྒྲགས་གནང་བ་མ་ཟད།  ཁོང་རྣམ་གཉིས་ཀྱི་རྒྱ་ནག་ནང་ཡོད་པའི་རྒྱུ་དངོས་དང་ཚོགས་སྒེར་ཁག་དང་འབྲེལ་བའི་ལས་དོན་ཡོངས་རྫོགས་བཀག་སྡོམ་གནང་ཡོད་པ་དང་ཆབས་གཅིག ཁོང་རྣམ་པའི་ནང་མི་ཉེ་འབྲེལ་ལའང་སྲིད་དོན་ཉེས་ཆད་བཀལ་འདུགརྩ་བའི་ཨ་རིའི་ཕྱི་སྲིད་བློན་ཆེན་སྐུ་ཞབས་ Antony Blinken མཆོག་གིས་ཨ་རི་གཞུང་ནས་རྒྱ་ནག་གི་འགོ་ཁྲིད་གཉིས་ལ་བཀལ་བའི་སྲིད་དོན་ཉེས་ཆད་དེ་ནི་བོད་རང་སྐྱོང་ལྗོངས་ཟེར་བའི་ནང་གི་བོད་རིགས་མང་ཚོགས་ལ་དྲག་གནོན་དང་ཁྲིམས་འགལ་སྒོ་ནས་མི་སྣ་གང་བྱུང་འཛིན་བཟུང་བྱས་པ་སོགས་ཀྱི་ལས་དོན་རིགས་འཕྲལ་མར་མཚམས་འཇོག་ཡོང་ཕྱིར་ཡིན་པར་གསུངས་ཡོད་ཀྱང་། ཐེངས་འདིར་རྒྱ་ནག་གི་དེ་འབྲེལ་འཁོན་ལན་དུ་ཨ་རིའི་མི་སྣ་གཉིས་ལ་སྲིད་དོན་ཉེས་ཆད་བཀལ་དགོས་དོན་ཁ་གསལ་བྱས་མེད་པ་མ་ཟད། རྒྱ་ནག་ཕྱི་སྲིད་བློན་ཆེན་ Wang Yi གིས་སྲིད་དོན་ཉེས་ཆད་དེ་ཉིད་དེ་རིང་ཕྱི་ཚེས་ ༢༣ ནས་ལག་བསྟར་བྱེད་རྒྱུ་ཡིན་པ་ཡོངས་གྲགས་བྱས་འདུགསྤྱིར་ཨ་རི་དང་ཡོ་རོབ་མཐུན་ཚོགས་གཙོ་བོར་འགྱུར་བའི་རྒྱལ་ཁབ་ཁག་ཅིག་གིས་ཧོང་ཀོང་དང་རྒྱ་ནག་གི་དཔོན་རིགས་མང་དག་ལ་སྲིད་དོན་ཉེས་ཆད་རིམ་པར་བཀལ་ཡོད་པའི་གནད་དོན་ཁྲོད། རྒྱ་ནག་གཞུང་ནས་ཀྱང་ Tit-for-tat sanction ཞེས་ཚུར་སྲིད་དོན་ཉེས་ཆད་བཀལ་ན་ཕར་སྲིད་དོན་ཉེས་ཆད་བཀལ་རྒྱུའི་ཁྲིམས་གཞི་ཁག་གཅིག་གཏན་འབེབས་ཀྱིས་ད་བར་ཨ་རི་དང་ཡུ་རོབ་ཀྱི་མི་སྣ་མང་པོར་དེ་ལྟ་བུའི་ཉེས་ཆད་བཀལ་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གནས་མཆོག་རྡོ་རྗེ་གདན་དུ་༸ཞབས་སོར་བདེ་བར་འཁོད་པ། རྡོ་རྗེ་བཀྲ་ཤིས་ལགས་ཀྱི་གཅེན་མོས་ཁོང་གློད་བཀྲོལ་ཡོང་ཐབས་སུ་སླར་ཡང་ཞི་བའི་ངོ་རྒོལ་གནང་བ། འཛམ་གླིང་འཕྲོད་བསྟེན་ལྷན་ཚོགས་ནས་རྒྱ་ནག་ནག་གི་གཉན་རིམས་གནས་སྟངས་ཐད་བློ་འཚབ། ཨོ་སི་ཊོ་ལི་ཡའི་ཕྱི་སྲིད་བློན་ཆེན་མཆོག་གིས་རྒྱ་ནག་ལྷན་བོད་དང་འགྲོ་བ་མིའི་ཐོབ་ཐང་སྐོར་གླེང་སློང་གནང་བ། གནས་བསྐོར་བའི་ཕན་ཡོན། འཕྲོད་ཤེས་ངོ་སྤྲོད། གྲུམ་ནད་ཀྱི་འཕྲོད་བསྟེན་བསྟེན་ཐབས་སྐོར། Thursday 22/12/2022 Dalai Lama arrives in Bodh Gaya, first visit since the onset of pandemic Sister of jailed Tibetan businessman stages another protest in Lhasa WHO Chief expresses concern over Covid situation in China Australian FM raises Tibet and Xinjiang while seeking 'structured dialogue' with China Benefit of going on pilgrimage: Geshe Thupten Pelsang Health and Wellness: Athritis་    

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ས་ལྡི་ལི་ནང་གི་མཛད་འཆར་ཁག་ལེགས་པར་གྲུབ་སྟེ། དེ་རིང་སྔ་དྲོ་ཕྱག་ཚོད་ ༡༠།༣༠  ཡོལ་ཙམ་ལ་གནས་མཆོག་རྡོ་རྗེ་གདན་དུ་༸ཞབས་སོར་བདེ་བར་འཁོད་གནང་མཛད་སོང་།དེ་ཡང་༸གོང་ས་༸སྐྱབས་མགོན་ཆེན་པོ་མཆོག་དེ་རིང་སྔ་དྲོ་ལྡི་ལིའི་རྒྱལ་སྤྱིའི་གནམ་ཐང་བརྒྱུད་གནས་མཆོག་རྡོ་རྗེ་གདན་དུ་ཆིབས་བསྒྱུར་མཛད་ཡོད་པ་དང་། མགོན་པོ་༸གང་ཉིད་མཆོག་གནས་མཆོག་རྡོ་རྗེ་གདན་དུ་༸ཞབས་སོར་འཁོད་སྐབས་ཕྱི་ནང་མང་ཚོགས་ཡོངས་ཀྱིས་དགའ་དད་སྤྲོ་གསུམ་འཁོལ་བའི་ངང་ནས་ཕེབས་བསུའི་སྣེ་ལེན་གཟབ་རྒྱས་ཞུས་སོང་།མཛད་འཆར་ལྟར་ན་༸གོང་ས་སྐྱབས་མགོན་ཆེན་པོ་མཆོག་གིས་སང་ཕྱི་ཟླ་ ༡༢ ཚེས་ ༢༣ གནས་མཆོག་རྡོ་རྗེ་གདན་གྱི་བྱང་ཆུབ་ཆེན་པོའི་མཆོད་རྟེན་རིན་པོ་ཆེར་གནས་གཟིགས་མཛད་རྒྱུ་དང་། ཚེས་ ༢༧ ཉིན་རྡོ་རྗེ་གདན་གྱི་བཞུགས་གནས་དགའ་ལྡན་འཕེལ་རྒྱས་གླིང་ནས་ཉེ་འཁྲིས་སུ་ཆགས་པའི་ Watpa Temple ཞེས་ཐེ་ལན་ཌི་ནང་པའི་དགོན་པར་ཆིབས་སྒྱུར་མཛད་རྒྱུ། དེ་བཞིན་གནས་མཆོག་རྡོ་རྗེ་གདན་གྱི་གསུངས་ཆོས་ར་བའི་ནང་ཕྱི་ཚེས་ ༢༩ དང་ ༣༠ བཅས་ཉིན་གཉིས་རིང་གི་སྔ་དྲོ་བྱང་ཆུབ་སེམས་འགྲེལ་གྱི་བཀའ་ཆོས་དང་། ཚེས་ ༣༡ ཉིན་གྱི་སྔ་དྲོ་སྒྲོལ་མ་ཉེར་གཅིག་གི་རྗེས་གནང་བཀའ་དྲིན་སྩལ་རྒྱུ་ཡིན་པར་མ་ཟད། ཕྱི་ལོ་ ༢༠༢༣ ཟླ་བ་ ༡ ཚེས་ ༡ སྔ་དྲོ་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་རེད་འདུག །དེ་བཞིན་ཕྱི་ཚེས་ ༣ ཉིན་༸གོང་ས་ཏཱ་ལའི་བླ་མའི་གནའ་རབས་རིག་གཞུང་ལྟེ་གནས་ཁང་གི་ས་གཞིར་བྱིན་རླབས་མཛད་རྒྱུ་བཅས་ཀྱི་མཛད་འཆར་ཐུགས་གཏན་ཁེལ་ཡོད་པ་རེད།འདི་ག་རླུང་འཕྲིན་ཁང་ནས་གནས་མཆོག་རྡོ་རྗེ་གདན་དུ་ཡོད་པའི་རྣམ་གྲྭ་ཕན་བདེ་ལེགས་བཤད་གླིང་ཡན་ལག་གི་འགན་འཛིན་བསྟན་འཛིན་དཀོན་མཆོག་ལགས་སུ་ཐེངས་འདིའི་བཀའ་ཆོས་གྲ་སྒྲིག་ཞུ་ཕྱོགས་དང་འབྲེལ་ནས་བཀའ་འདྲི་ཞུས་པར། ཁོང་གིས་ད་ལྟའི་ཆར་བཀའ་ཆོས་གནང་ཡུལ་གྱི་དབུ་གུར་དང་གཟིམ་སྤྱོད། དེ་བཞིན་གསུང་པར་ལ་སོགས་པ་བརྒྱ་ཆ་བདུན་བཅུ་ཙམ་གྲ་སྒྲིག་གནང་ཟིན་པ་དང་ཕྱི་ཚེས་ ༢༦ བར་དེ་འབྲེལ་གྱི་གྲ་སྒྲིག་ཡོངས་རྫོགས་ལེགས་གྲུབ་ཟིན་གྱི་ཡོད་པ་གསུངས་སོང་།རྩ་བའི་ཐེངས་འདིའི་བཀའ་ཆོས་ཐོག་བོད་རིགས་དང་ཧི་མཱ་ལ་ཡའི་ཆོས་ཞུ་བ་རྣམས་ནས་ཕྱག་འཁྱེར་བཟོ་མི་དགོས་པ་དང་དེ་མིན་གྲྭ་བཙུན་དང་དགུང་ལོ་ ༦༠ ཡན་གྱི་བགྲེས་སོང་། དབང་པོ་སྐྱོན་ཅན་དང་རྒྱ་གར་བ། ཕྱི་རྒྱལ་བ་བཅས་ལ་བཀའ་ཆོས་ཕྱག་འཁྱེར་བཟོ་དགོས་པ་ལྟར་ཕྱག་འཁྱེར་བཟོ་སྒྲིག་གནང་མཁན་སྡེ་ཚན་ཁོངས་སུ་ཡོད་པ་བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ཀྱི་ས་གནས་ཡན་ལག་གི་འགན་འཛིན་ཚེ་རིང་དར་རྒྱས་སུ་ལགས་བཀའ་འདྲི་ཞུས་སྐབས། ཁོང་གིས་ཁ་སང་བར་ཐོ་འགོད་ཟིན་པ་ཁྱོན་མི་གྲངས་ ༡༢༩༦༨ བྱུང་ཡོད་པ་མ་ཟད། ད་ལན་ཆོས་ཞུ་བ་རྣམ་པའི་ཕྱག་འཁྱེར་ཐོག་སྔར་དང་མི་འདྲ་བར་ཁོང་རྣམས་གསུང་ཆོས་ཞུ་བར་རྒྱལ་སྒོ་གང་ནས་བསྐྱོད་དགོས་མིན་གྱི་ཨང་གྲངས་གསལ་ཡོད་སྐོར་གསུངས་སོང་། ༸སྐུའི་པར་དབང་དགའ་ལྡན་ཕོ་བྲང་།      

རྒྱ་ནག་གིས་ཚེ་བཙོན་ཁྲིམས་ཆད་འོག་གནས་མུས་ཡིན་པའི་གཞིས་བཞུགས་ཚོང་པ་དང་། གཞན་ཕན་གྱི་བསམ་བློ་ཅན་རྡོ་རྗེ་བཀྲ་ཤིས་ལགས་ཀྱིས་གཅེན་མོ་མགོན་སྐྱིད་ལགས་ནས་ཁོང་གློད་བཀྲོལ་ཡོང་ཐབས་སུ་ལྷ་སའི་མི་མང་ཁྲིམས་ཁང་གི་མདུན་དུ་སླར་ཡང་ཞི་བའི་ངོ་རྒོལ་གནང་འདུགཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་གསར་དུ་སྤེལ་བའི་གནས་ཚུལ་ལ་གཞིགས་ན། ཟླ་བ་འདིའི་ཕྱི་ཚེས་ ༡༩ ཉིན་བོད་མི་ཕྱུག་བདག་རྡོ་རྗེ་བཀྲ་ཤིས་ལགས་ཀྱི་གཅེན་མོ་མགོན་སྐྱིད་ལགས་ཀྱིས་རྒྱ་ནག་གཞུང་ནས་དེ་སྔ་ཕྱི་ལོ་ ༢༠༠༨ ལོའི་གསུམ་གཅིག་བཞི་ཟེར་བའི་དོན་རྐྱེན་འོག་ཁོང་གི་གཅུང་པོར་ཐོག་མར་རྒྱལ་ཁབ་ཁ་བྲལ་གྱི་ཉེས་འཛུགས་དང་། རྗེས་སུ་བུ་ལོན་གཡོ་ལེན་བྱས་ཡོད་པར་བསྙད་འདོགས་ཀྱིས་ཕྱི་ལོ་ ༢༠༡༠ ཟླ་ ༥ ཚེས་ ༡༧ ཉིན་ལྷ་ས་མི་མང་ཁྲིམས་ཁང་ནས་ཁོང་ལ་ཚེ་བཙོན་གྱི་ཁྲིམས་ཐག་བཅད་པ་དེ་དྲང་བདེན་གྱི་ཁྲིམས་གཅོད་ཅིག་བྱུང་མེད་པར་སྐྱོན་བརྗོད་ཀྱིས་སླར་ཡང་ལྷ་སའི་མི་མང་ཁྲིམས་ཁང་གི་མདུན་དུ་ཞི་བའི་ངོ་རྒོལ་གནང་འདུགརྒྱལ་སྤྱིའི་བོད་དོན་ལས་འགུལ་ཁང་ལ་ཁུངས་ལྡན་གྱི་གནས་ཚུལ་རག་གསོན་བྱུང་བར་གཞིགས་ན། རྡོ་རྗེ་བཀྲ་ཤིས་ལགས་ཀྱི་གཅེན་མོས་ཁྲིམས་ཁང་གི་མདུན་དུ་ཞི་བའི་ངོ་རྒོལ་སྐར་མ་ ༡༥ ལྷག་ཙམ་གནང་ཡོད་པ་དང་དེའི་རྗེས་ཉེན་རྟོག་པ་ཁག་ཅིག་གིས་ངོ་རྒོལ་དེ་མཚམས་འཇོག་བྱས་འདུག །མགོན་སྐྱིད་ལགས་ཀྱིས་ཞི་བའི་ངོ་རྒོལ་གྱི་ལས་འགུལ་ཁྲོད་རྒྱ་ཡིག་ཐོག་བྲིས་པའི་འཕྲད་དར་ཞིག་བསྣམས་ཏེ། དེའི་ནང་ཁོང་གི་གཅུང་པོ་ཉེས་མེད་ཡིན་པ་འཁོད་འདུག་པ་མ་ཟད། ཞི་རྒོལ་གྱི་བརྙན་པར་འགའ་ཕྱིར་གྱར་བྱུང་ཡོད་པར་བརྙན་པར་ལེན་མཁན་ཁག་གཅིག་གིས་བོད་སྐད་ཐོག་རྡོ་རྗེ་བཀྲ་ཤིས་ལགས་ཀྱི་གཅེན་མོས་ཁོང་ལ་དྲང་བདེན་གྱི་ཁྲིམས་གཅོད་དགོས་པ་གསུངས་ཀྱི་འདུག་ཅེས་འགྲེལ་བརྗོད་གནང་ཡོད་པ་འཁོད་འདུག སྤྱིར་འདི་ལོའི་ཕྱི་ཟླ་ ༨ པའི་ནང་བོད་ནང་ཏོག་དབྱིབས་གཉན་རིམས་ཁྱབ་གདལ་ཤུགས་ཆེར་བྱུང་རྗེས་ཟླ་བ་གསུམ་ལྷག་སྒོ་རྒྱ་བསྡམས་ཏེ་བོད་མི་རྣམས་ལ་དཀའ་ངལ་ཧ་ཅང་འཕྲད་ཡོད་པ་དང་། ད་ཆ་ཏོག་དབྱིབས་གཉན་རིམས་གཙང་སེལ་གྱི་སྲིད་བྱུས་ཅུང་གུ་ཡངས་སུ་ཕྱིན་ཡོད་སྟབས། གོ་སྐབས་འདི་དང་བསྟུན་རྡོ་རྗེ་བཀྲ་ཤིས་ལགས་ཀྱི་གཅེན་མོས་སླར་ཡང་ལྷ་ས་མི་མང་ཁྲིམས་ཁང་གི་མདུན་དུ་ཞི་བའི་ངོ་རྒོལ་གྱི་ལས་འགུལ་སྤེལ་བ་ཞིག་ཆགས་ཀྱི་འདུགརྩ་བའི་རྡོ་རྗེ་བཀྲ་ཤིས་ལགས་ཀྱི་གཅེན་མོས་འདི་ལོའི་ཕྱི་ཟླ་ ༦ པའི་ནང་ལྷ་སའི་མི་མང་ཁྲིམས་ཁང་གི་མདུན་དུ་དེ་འབྲེལ་ཞི་བའི་ལས་འགུལ་སྤེལ་བ་མ་ཟད། སྐབས་དེར་བརྙན་པར་བརྒྱུད་ཁོང་གི་གཅུང་པོར་བུ་ལོན་གཡོ་ལེན་བྱས་པའི་ཉེས་འཛུགས་བྱས་པ་དེ་དང་འབྲེལ་ནས་དངུལ་ཁང་ལ་ཕར་བུ་ལོན་སྤྲོད་འཇལ་ཟིན་སྐོར་གསལ་བཤད་དང་འབྲེལ། གཅུང་པོར་ཁྲིམས་ཐོག་ནས་དྲང་བདེན་གྱི་ཐག་གཅོད་མ་བྱུང་བར་དུ་ངོ་རྒོལ་གནང་རྒྱུ་ཡིན་པ་གསུངས་ཡོད་སྟབས་མི་མང་བདེ་འཇགས་ལས་ཁུངས་དང་ས་གནས་ཉེན་རྟོག་འགོ་དཔོན་གྱིས་དེ་ལྟར་བྱས་ཚེ་འཛིན་བཟུང་བྱེད་སྲིད་པའི་ཉེན་བརྡའང་བཏང་ཡོད་པ་སོགས་གསལ་བཤད་གནང་ཡོད། དེ་བཞིན་རྡོ་རྗེ་བཀྲ་ཤིས་ལགས་ཀྱི་གཅེན་པོས་འདི་ལོའི་ཕྱི་ཟླ་ ༩ པའི་ནང་ཁོང་གི་གཅུང་པོར་ཚེ་བཙོན་གྱི་ཁྲིམས་ཆད་དེ་དྲང་བདེན་ཞིག་བྱུང་མེད་པར་ཁུངས་སྐྱེལ་ར་སྤྲོད་གནང་སྟེ་གཞུང་འབྲེལ་གྱི་འབྲེལ་ཡོད་ཚན་པ་ཁག་ལ་ལོ་མང་རིང་ཞུ་གཏུག་ཡང་ཡང་གནང་སྟེ། དོན་སྙིང་ལྡན་པའི་མཇུག་འབྲས་སོན་མེད་པ་དང་འབྲེལ། རྡོ་རྗེ་བཀྲ་ཤིས་ལགས་སུ་བུ་ལོན་གཡོ་ལེན་བྱས་པའི་སྐྱོན་འཛུགས་དང་དེ་འབྲེལ་ཉེས་ཆད་བཏང་བ་དེ་ཁྲིམས་མཐུན་མིན་པ་སོགས་བཀོད་དེ་རྒྱ་གཞུང་ལ་ཡོངས་ཁྱབ་ཀྱི་ཞུ་ཡིག་ཕུལ་ཡོད།བོད་རིགས་ཕྱུག་བདག་རྡོ་རྗེ་བཀྲ་ཤིས་ལགས་ནི་ད་ལྟའི་ཆར་རྒྱ་ནག་གིས་དབྱེ་བའི་བོད་རང་སྐྱོང་ལྗོངས་ཟེར་བའི་ནང་གི་གྲྭ་བཞི་བཙོན་ཁང་ནང་ཡོད་པ་དང་། ཁོང་གི་ཚེ་བཙོན་ཁྲིམས་ཆད་ཀྱི་གནད་དོན་དང་འབྲེལ། ཨ་རི་དང་ཡོ་རོབ་མཐུན་ཚོགས་ཀྱིས་གནད་དོན་དེར་བླ་འཚབ་མངོན་གསལ་གནང་ཡོད་པ་མ་ཟད། འདི་ལོའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༥༡ ཐོག་ཡོ་རོབ་མཐུན་ཚོགས་ནས་རྡོ་རྗེ་བཀྲ་ཤིས་ལགས་ཀྱིས་གཙོས་པའི་ཆབ་སྲིད་བཙོན་པ་གཞན་རྣམས་ཆ་རྐྱེན་གང་ཡང་མེད་པའི་ཐོག་འཕྲལ་དུ་གློད་བཀྲོལ་དགོས་པའི་དགོས་འདུན་དང་། ཨ་རིའི་ཕྱི་ལོ་ ༢༠༢༡ ལོའི་རྒྱལ་ཡོངས་འགྲོ་བ་མིའི་ཐོབ་ཐང་གི་སྙན་ཐོའི་ནང་རྡོ་རྗེ་བཀྲ་ཤིས་ལགས་བཀག་སྐྱིལ་ཁང་དུ་མྱོང་བཞིན་ཡོད་པའི་གནད་དོན་མངོན་གསལ་གནང་ཡོད་པ་དང་འབྲེལ། རྒྱལ་སྤྱིའི་བོད་དོན་ལས་འགུལ་ཁང་ནས་ཁོང་གློད་བཀྲོལ་ཡོངས་ཐབས་སུ་རྒྱལ་སྤྱིའི་སྤྱི་ཚོགས་ནས་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་འདུག མགོན་སྐྱིད་པར་དབང་རྒྱལ་སྤྱིའི་བོད་དོན་ལས་འགུལ་ཁང་།

ཨོ་སི་ཊོ་ལི་ཡ་དང་རྒྱ་ནག་གཉིས་དབར་འབྲེལ་ལམ་འགོ་འཛུགས་གནང་སྟེ་ལོ་ངོ་ ༥༠ འཁོར་བའི་དུས་སྐབས་དང་བསྟུན་ཨོ་སི་ཊོ་ལི་ཡའི་ཕྱི་སྲིད་བློན་ཆེན་ Penny Wong མཆོག་རྒྱ་ནག་ནང་གཞུང་འབྲེལ་འཚམས་གཟིགས་སུ་ཕེབས་ཡོད་པ་དང་། ཁ་སང་ཁོང་གིས་རྒྱ་ནག་གྱི་ཕྱི་སྲིད་བློན་ཆེན་ Wang Yi གཙོས་པའི་གཞུང་འབྲེལ་གནས་ཡོད་མི་སྣ་ཁག་དང་ཐུག་འཕྲད་གནང་སྐབས་བོད་དང་ཤིང་ཅང་། དེ་བཞིན་ཧོང་ཀོང་བཅས་ཀྱི་གནས་སྟངས་དང་འབྲེལ་འགྲོ་བ་མིའི་ཐོབ་ཐང་སྐོར་གླེང་སློང་གནང་ཡོད་པ་གསུངས་འདུགཁ་སང་རྒྱལ་ཁབ་ཕྱོགས་གཉིས་ཀྱི་འགོ་ཁྲིད་དབར་ཐུག་འཕྲད་དང་གྲོས་བསྡུར་གྱི་ལས་རིམ་ཁག་གྲུབ་སྟེ་གསར་འགོད་ལྷན་ཚོགས་སྐབས་ཨོ་སི་ཊོ་ལི་ཡའི་ཕྱི་སྲིད་བློན་ཆེན་ Penny Wong མཆོག་གིས། ཐེངས་འདིའི་འཚམས་གཟིགས་ནི་གཙོ་བོ་རྒྱལ་ཁབ་ཕྱོགས་གཉིས་བར་འབྲེལ་བ་བསྐྱར་གསོ་གནང་རྒྱུར་དམིགས་པ་ཞིག་ཡིན་པ་སོགས་འགྲེལ་བརྗོད་དང་སྦྲགས། རྒྱ་ནག་གི་འགོ་ཁྲིད་དང་ལྷན་དུ་མ་ཚོང་དང་དཔལ་འབྱོར། བདེ་འཇགས་དང་ཁོར་ཡུག་སོགས་ཀྱི་གནད་དོན་ཐད་ལ་གྲོས་བསྡུར་ཡག་པོ་བྱུང་སོང་ཞེས་གསུངས་འདུག སྐབས་དེར་གསར་འགོད་པ་ཞིག་གིས་རྒྱ་ནག་དང་ལྷན་དུ་འགྲོ་བ་མིའི་ཐོབ་ཐང་གི་གནད་དོན་ཐོག་གླེང་སློང་བྱུང་ཡོད་མེད་བཀའ་འདྲི་ཞུ་སྐབས། ཕྱི་སྲིད་བློན་མཆོག་ནས་ཨོ་སི་ཊོ་ལི་ཡའི་ངོས་ནས་འགྲོ་བ་མིའི་ཐོབ་ཐང་གི་གནད་དོན་དེ་ནི་འགྲོ་བ་མིའི་ཡོངས་ཁྱབ་ཀྱི་རང་དབང་བ་ཞིག་ལ་ངོས་འཛིན་ཞུ་གི་ཡོད་པ་ལྟར། ཐེངས་འདིའི་འཚམས་གཟིགས་ཁྲོད་རྒྱ་ནག་གི་འགོ་ཁྲིད་དང་ཐུག་སྐབས་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ཤིང་ཅང་དང་བོད། དེ་བཞིན་ཧོང་ཀོང་བཅས་ཀྱི་གནད་དོན་སྐོར་གླེང་སློང་གནང་ཡོད་པ་གསུངས་འདུགའོན་ཀྱང་སྐབས་དེར་བློན་ཆེན་མཆོག་ནས་གནད་དོན་བྱེ་བྲག་གང་དང་གང་གི་ཐོག་ལ་གླེང་སློང་གནང་ཡོད་མེད་ཞིབ་ཕྲ་གང་ཡང་གསུངས་མི་འདུག །ཨོ་སི་ཊོ་ལི་ཡར་རྟེན་གཞི་བྱས་པའི་ཨོ་སི་ཊོ་ལི་ཡ་བོད་དོན་ལྷན་ཁང་གིས་ Twitter དྲ་ལམ་ཐོག་ཕྱི་སྲིད་བློན་ཆེན་ Penny Wong མཆོག་ནས་ཨོ་སི་ཊོ་ལི་ཡ་རྒྱལ་ཁབ་ཀྱིས་འགྲོ་བ་མིའི་ཐོབ་ཐང་ཐོག་བཞེངས་ཕྱོགས་མངོན་གནས་དང་སྦྲགས། བོད་ཅེས་པའི་མིང་ཙམ་ཞིག་གསུངས་འདུག་པ་དེ་བཟང་ཕྱོགས་ཀྱི་རྣམ་པ་ཞིག་ཡིན་ཡང་། འདི་ནི་རང་དབང་དང་འགྲོ་བ་མིའི་ཐོབ་ཐང་ལ་རིན་ཐང་དང་བརྩི་བཀུར་ཞུ་མཁན་ཨོ་སི་ཊོ་ལི་ཡའི་མི་མང་ལ་ཡིད་ཆེས་འཕེར་བའི་འགན་ལེན་བཞེས་སྟངས་ཤིག་མ་རེད་ཅེས་གསུངས་འདུག གཞི་རྩའི་ཨོ་སི་ཊོ་ལི་ཡའི་ཕྱི་སྲིད་བློན་ཆེན་ Penny Wong མཆོག་ད་རེས་རྒྱ་ནག་ཕེབས་པ་འདི་ནི་ལོ་ངོ་གསུམ་གྱི་རྗེས་སུ་ཨོ་སི་ཀྲོ་ལི་ཡའི་བློན་ཆེན་ཞིག་རྒྱ་ནག་ནང་ཕེབས་པ་ཐེངས་དང་པོ་དེ་ཆགས་ཀྱི་ཡོད་པ་དང་། ཐེངས་འདིའི་རྒྱལ་ཁབ་གཉིས་ཀྱི་འགོ་ཁྲིད་ཐུག་འཕྲད་བརྒྱུད་རྒྱལ་ཁབ་གཉིས་ཀྱི་དབར་འཕྲད་བཞིན་པའི་ཚོང་དང་དཔལ་འབྱོར་གྱི་དཀའ་ངལ་ཁག་སེལ་རྒྱུའི་རེ་བ་ཆེན་པོ་བྱེད་ཀྱི་ཡོད་པ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་བྱམས་སྙིང་རྗེ་དང་འཚེ་མེད་ཞི་བ་ནི་འགྲོ་བ་མིའི་གཞི་རྩའི་རིན་ཐང་རེད་ཅེས་བཀའ་སྩལ་བ། ཨ་རིའི་གྲོས་ཚོགས་གོང་མའི་ནང་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་འཆར་འདོན་སྤེལ། རྒྱ་ནག་གི་བདམ་པའི་༸རྒྱལ་བའི་ཡང་སྲིད་ལ་ཧི་མཱ་ལ་ཡའི་མང་ཚོགས་ཀྱིས་ནམ་ཡང་ངོས་ལེན་བྱེད་ཀྱི་མ་རེད། སྤི་ཏི་ཏ་པོ་གསེར་ཀོང་སློབ་གྲྭའི་དགེ་སློབ་ཁག་ཅིག་བཞུགས་སྒར་དུ་ཤེས་ཡོན་ལྟ་སྐོར་དུ་ཕེབས་པ། Wednesday 21/12/2022 Dalai Lama addresses thousands of students in Gurugram, Haryana US Senate introduces bill to solidify its stand on Tibet-China conflict We will never accept a Chinese appointed Dalai Lama: New resolution by Indian Buddhist organisation Tabo Serkong School students visit Dharamsala, meets HHDL and TPiE Speaker