བོད་མིའི་སྒྲིག་འཛུགས་ཤེས་རིག་ལས་ཁུངས་ནས་འདི་ལོའི་ཕྱི་ཟླ་༡༠པའི་བདུན་དང་པོའི་ནང། རྒྱ་གར་ནང་གི་གཏན་ཉིན་སློབ་གྲྭ་ཁག་གི་བོད་པའི་གཞི་རིམ་འོག་མའི་ཤེས་ཚད་རྒྱུས་ལོན་དང་ཤེས་ཡོན་གནས་ཚད་གོང་མཐོར་སྤེལ་ཆེད་འདི་ལོ་ནས་འཛིན་ལྔ་པའི་སློབ་མར་སྤྱི་རྒྱུགས་ཆེན་མོ་ཞིག་གཏང་རྒྱུ་རེད་པ་དེ་ཡང། གཙོ་བོ་བོད་ཡིག་དང་དབྱིན་ཡིག དེ་བཞིན་ཨང་རྩིས་བཅས་སློབ་ཚན་གསུམ་འདུག
འདི་ལོའི་སྤྱི་རྒྱུག་ཆེན་མོ་འདིའི་ཆེད་དུ། དེ་རིང་(༢༠༡༦།༠༦།༢༧) ཉིན་བཞུགས་སྒར་དུ་ཤེས་རིག་ལས་ཁུངས་ཀྱི་དེང་རབས་དང་སྲོལ་རྒྱུན་ཤེས་ཡོན་ཚན་པའི་གོ་སྒྲིག་འོག མ་སུ་རི་བོད་ཁྱིམ། རྡ་སྟེང་བོད་ཁྱིམ། དེ་བཞིན་བསམ་བྷོ་ཊ་བཅས་ཀྱི་གཞི་རིམ་འོག་མའི་དགེ་རྒན་སྐུ་ཚབ་ཁག་ཅིག་ཆེད་བསྐོང་གིས་ཡིག་རྒྱུགས་ཀྱི་དྲི་ཤོག་སྒྲོམ་གཞི་དང་ཞིབ་འཇུག་གནང་ཕྱོགས། དེ་བཞིན་བརྒྱ་ཆ་ཆ་བགོས་སོགས་ཀྱི་ཐད་ལ་གྲོས་བསྡུར་གནང་གི་འདུག
འཛིན་རིམ་ལྔ་པའི་སྤྱི་རྒྱུགས་ཆེན་མོ་འདི་ནི་ལོ་འདི་ཁོ་ན་མ་ཡིན་པར་མ་འོངས་ལོ་གསུམ་རེའི་མཚམས་སུ་སྤྱི་རྒྱུགས་ཆེན་མོ་འདི་ལྟར་ཐེངས་རེ་གོ་སྒྲིག་གནང་འཆར་འདུག