བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་འཕྲིན་དྲྭ་ལམ་བརྒྱུད་ལྷོ་ཤར་ཨེ་ཤ་ཡའི་གཞོན་སྐྱེས་ཁག་ཅིག་དང་ལྷན་ཐད་གཏོང་གི་བགྲོ་གླེང་ཞིག་མཛད་གཏན་འཁེལ་འདུག༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲྭ་གནས་ཐོག་མཛད་འཆར་སྤེལ་བར་གཞིགས་ན་ལྷོ་ཤར་ཨེ་ཤ་ཡའི་ཡུལ་གྲུ་གང་སར་གནས་འཁོད་གཞོན་སྐྱེས་དུ་མས་ཇི་ལྟར་གསོལ་བ་བཏང་པ་བཞིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཚེས་ ༧ ཉིན་གྱི་སྔ་དྲོར་བཞུགས་སྒར་༸རྒྱལ་བའི་ཕོ་བྲང་ནས་རྒྱ་གར་གྱི་ཚོུད་ ༨ ནས་ ༩༌༣༠ བར་བརྙན་འཕྲིན་དྲྭ་ལམ་བརྒྱུད་བགྲོ་གླེང་དང་དེ་བཞིན་གཞོན་སྐྱེས་ཚོགས་བཅར་བའི་བཀའ་འདྲི་དགོངས་སྐོར་ཞུས་ཁག་ལ་བཀའ་ལན་མཛད་རྒྱུ་ཡིན་པ་རེད།
དྲྭ་ལམ་ཐད་གཏོང་གི་བགྲོ་གླེང་དེ་དབྱིན་རྒྱ་གཉིས་ཀྱི་སྐད་ཡིག་གཙོས་ཝི་ཏེ་ནམ་སྐད་དང་ཀོ་རི་ཡ་སྐད། རུ་སུ་སྐད་སོགས་ཁྱོན་སྐད་རིགས་འདྲ་མིན་བཅིུག་ཐོག་གསུང་སྒྱུར་གནང་གི་ཡོད་པ་རེད། ༸སྐུ་པར་༸དཔལ་ལྡན་དགའ་ལྡན་ཕོ་བྲང་ཡིག་ཚང་།