སུད་སི་སྐུ་ཚབ་དོན་གཅོད་ཁང་གི་འགྲོ་བ་མིའི་ཐོབ་ཐང་དང་འབྲེལ་བའི་དམིགས་བསལ་བསྐོ་གཞག་ལས་བྱེད་ཟུར་པ་འཕྲིན་ལས་ཆོས་སྐྱིད་ལགས་སུད་སི་སྐུ་ཚབ་དོན་གཅོད་དུ་བསྐོ་གཞག་གནང་འདུག
དེ་ཡང་བཀའ་དྲུང་ཡིག་ཚང་ནས་ཁས་ས་གསལ་བསྒྲགས་སྤེལ་བའི་ནང་ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༩ པའི་ནང་གསེས་ ༡ པོའི་དགོངས་དོན་ལྟར། འཕྲིན་ལས་ཆོས་སྐྱིད་ལགས་སུད་སི་སྐུ་ཚབ་དོན་གཅོད་དུ་བསྐོ་གཞག་དང་སྦྲགས། ཕྱི་ལོ་ ༢༠༢༢ ཟླ་ ༦ པའི་ཚེས་ ༢༢ ནས་ལས་ཁུར་འགོ་འཛུགས་གནང་རྒྱུ་ཡིན་པ་བཀོད་འདུག
གཞི་རྩའི་འཕྲིན་ལས་ཆོས་སྐྱིད་ལགས་ནི་ཕྱི་ལོ་ ༢༠༡༨ ལོར་ཨ་རིའི་ཧར་ཝ་ཌ་འི་གཙུག་ལག་སློབ་གཉེར་ཁང་ནས་ཁྲིམས་ལུགས་རིག་པའི་ཐོག་ལ་སློབ་མཐར་ཕྱིན་ཏེ་གཙུག་ལག་རབ་འབྱམས་པའི་ལག་འཁྱེར་ཐོབ་ཡོད་པ་རེད། ཕྱི་ལོ་ ༢༠༡༨ ནས་ ༢༠༡༩ བར་བོད་མིའི་སྒྲིག་འཛུགས་ཀྱི་འགྲོ་བ་མིའི་ཐོབ་ཐང་གི་ཚན་པར་ཉམས་ཞིབ་པའི་ཕྱག་ལས་གནང་ཡོད་པ་དང་། ཕྱི་ལོ་ ༢༠༡༩ ཟླ་ ༩ པ་ནས་ཕྱི་ལོ་ ༢༠༢༡ ལོའི་ཟླ་ ༨ པ་བར་སུད་སི་དོན་ཁང་དུ་འགྲོ་བ་མིའི་ཐོབ་ཐང་དང་འབྲེལ་དམིགས་བསལ་ལས་བྱེད་དུ་བསྐོ་བཞག་གནང་ཡོད་པ་རེད། མ་ཟད། བོད་མིའི་སྒྲིག་འཛུགས་སུ་ཕྱག་ལས་མ་གནང་གོང་ཁོང་ TATA Motors བཟོ་ཚོང་ཁང་གི་རྒྱ་གར་ལྷོ་ཕྱོགས་ཁྲིམས་ལུགས་སྡེ་ཚན་གྱི་འགན་འཛིན་ཡང་གནང་མྱོང་ཡོད་པ་རེད།
རྩ་བའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དེ་སྔ་སྲིད་སྐྱོང་གི་འོས་བསྡུའི་སྐབས་དོན་གཅོད་དུ་བརྒྱ་ཆ་ ༥༠ བུད་མེད་བསྐོ་གཞག་ཐུབ་རྒྱུར་འབད་རྩོན་གནང་གི་ཡིན་ཞེས་གསུངས་པ་ལྟར། ད་ལན་འཕྲིན་ལས་ཆོས་སྐྱིད་ལགས་སུད་སི་སྐུ་ཚབ་དོན་གཅོད་དུ་བསྐོ་གཞག་གནང་བ་དེ་བུད་མེད་གསུམ་པ་དེ་ཆགས་ཀྱི་ཡོད་པ་རེད། དོན་གཅོད་དུ་བུད་མེད་གཞན་གཉིས་བསྐོ་གཞག་གནང་བ་དེ་སྦར་སིལ་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་དང་ལྷོ་ཨ་ཕི་རི་ཀའི་སྐུ་ཚབ་དོན་གཅོད་ཚེ་རིང་ཆོས་འཛོམས་ལགས་ཆགས་ཀྱི་ཡོད་པ་རེད།
འཕྲིན་ལས་ཆོས་སྐྱིད་ལགས་སུད་སི་སྐུ་ཚབ་དོན་གཅོད་དུ་བསྐོ་གཞག
Tibetan News Headlines
- Dalai Lama meets participants of conference on the impact of contemplative practices
- PM Modi says he talks frequently with Dalai Lama, Exile Tibetans calls on next leadership to meet him
- UN slammed as it asks Taiwanese journalists to show Chinese passports to attend WHO assembly
- 14 trading points along Nepal-China border reopen
- DYSA Mundgod and Dhasa United enter 29th GCM Gold Cup final
རེས་གཟའ་ཟླ་བ། ༢༠༢༤།༠༥།༢༧
- ཨེ་མོ་རི་དང་བོད་ཀྱི་ཚན་རིག་ལས་རིམ་གྱི་ཞིབ་འཇུག་ཚོགས་འདུའི་ཟབ་སྦྱོང་བ་རྣམས་ལ་བཀའ་སློབ་སྩལ་བ།
- རྒྱ་གར་གྱི་གཞུང་འཛིན་གསར་པ་སུ་ཕེབས་ནའང་༸གོང་ས་མཆོག་དང་མཇལ་འཕྲད་ཞུ་དགོས་པ་གསུངས་སོང་།
- རྒྱལ་ཚོགས་ཀྱིས་ཐེ་ཝན་དེ་རྒྱ་ནག་གི་ཆ་ཤས་ཡིན་པར་ངོས་འཛིན་གྱིས་ཐེ་ཝན་གྱི་གསར་འགོད་པ་གཉིས་བཀག་སྡོམ་བྱས་འདུག
- བལ་བོད་དབར་གྱི་ཚོང་འབྲེལ་ས་མཚམས་ཁག་ ༡༤ ལོ་བཞི་རྗེས་སུ་བསྐྱར་དུ་རིམ་པས་སྒོ་ཕྱེ་བཞིན་པ།
- དྷ་ས་ཆིག་སྒྲིལ་རུ་ཁག་དང་མོན་གྷོ་འདོད་རྒུ་གླིང་རུ་ཁག་གཉིས་༸རྒྱལ་ཡུམ་ཆེན་མོའི་རྐང་རྩེད་སྤོ་ལོའི་མཐའ་མའི་འགྲན་བསྡུར་ནང་ཚུད་སོང་།
