Tibetan Royal Year of 2151 | Year of the Wood Dragon

Uncategorized

རེས་གཟའ་ལྷག་པ། ༢༠༢༠།༠༡།༢༢

ཉན་པ།: Listen ཕབ་ལེན། Download ༸གོང་ས་མཆོག་གིས་གཞོན་སྐྱེས་ཚོས་གོ་ལ་འདིའི་མི་སེར་གཅིག་གྱུར་གྱི་བསམ་བློ་ཡོད་ཐོག་མཉམ་ལས་གནང་གལ་ཡིན་པ་བཀའ་བསྩལ་བ། རྒྱ་ནག་ནང་གི་ཚོང་གཉེར་ཁང་གཉིས་ཀྱི་ལས་མི་བསྡུ་རྒྱུའི་གསལ་བསྒྲགས་ནང་བོད་མི་བསྡུ་རྒྱུ་མིན་པ་གསལ་སྟོན། རྒྱལ་སྤྱིའི་ཁྱོན་ནས་རྒྱ་གཞུང་གིས་འགྲོ་བ་མིའི་ཐོབ་ཐང་ལ་རྡོག་རོལ་གཏོང་བཞིན་པར་སྐྱོན་བརྗོད་ཀྱི་ལས་འགུལ་སྤེལ་བ། ༸གོང་ས་༸སྐྱབས་མགོན་ཆེན་པོ་མཆོག་བསྐྱར་དུ་ཐེ་ཝན་དུ་ཕེབས་རྒྱུའི་རེ་བ་ཡོད་པར་གསུངས་འདུག དྲིལ་བསྒྲགས་དྲུང་ཆེས་རྒྱ་ནག་གིས་བོད་དེ་རྒྱ་ནག་གི་ཆ་ཤས་སུ་ངོས་འཛིན་བྱས་པ་དེ་ལོ་རྒྱུས་ལ་འཁྱོགས་བཤད་བྱེད་ཀྱི་ཡོད་པར་གསུངས་སོང་། Wednesday 22/01/2020 Dalai Lama urges Tibetan youth to work together as global citizens of a shared planet Job advertisements in China reveal overt discrimination against Tibetans I am hopeful about seeing Dalai Lama in Taiwan again: Minister Global protests call for action on China human rights abuses CTA condemns Tibet clause in China-Myanmar economic treaty

ང་མ་འོངས་པའི་སྲིད་སྐྱོང་ལ་མངོན་འདོད་བྱེད་མཁན་ཞིག་ཡིན་གསུངས་འདུག

བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་ཟུར་པ་རྒྱ་རི་སྒྲོལ་མ་མཆོག་གིས་ཁ་སང་རྒྱལ་ས་ལྡི་ལིར་ད་ལྟའི་ཆར་ང་རང་སྲིད་སྐྱོང་གི་འོས་མི་ཞིག་མ་རེད། འོན་ཀྱང་མ་འོངས་པའི་སྲིད་སྐྱོང་ལ་མངོན་འདོད་བྱེད་མཁན་ཞིག་ཡིན་པ་གསུངས་སོང་། འདི་ག་རྒྱ་གར་གྱི་རྒྱལ་ས་ལྡི་ལིའི་ KMC མཐོ་རིམ་སློབ་གཉེར་ཁང་དུ་ཁ་སང་དང་ཁ་ཉིན་བཅས་ཉིན་གྲངས་གཉིས་ཀྱི་རིང་སློབ་གཉེར་ཁང་དེའི་སློབ་ཕྲུག་ཚོགས་པས་གོ་སྒྲིག་འོག་ལོ་རེར་དུས་སྟོན་ཞིག་འཚོགས་ཀྱི་ཡོད་པ་ལྟར་ཁ་སང་ཕྱི་དྲོ་དུས་སྟོན་ཉིན་མཐའ་མའི་ཪོལ་དབྱངས་འདུ་འཛོམས་ཀྱི་མཛད་སྒོའི་སྐུ་མགྲོན་གཙོ་བོར་བཀའ་ཟུར་སྒྲོལ་མ་རྒྱ་རི་མཆོག་གདན་ཞུ་གནང་གདུག་པ་དང་། སྐབས་དེར་སློབ་ཕྲུག་ཚོགས་པས་རྒྱ་རི་སྒྲོལ་མ་མཆོག་ནི་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་ཞིག་ཡིན་པ་མ་ཟད་མ་འོངས་པའི་སྲིད་སྐྱོང་གི་འོས་མི་ཞིག་ཡིན་སྐོར་སོགས་ཀྱི་ངོ་སྤྲོད་གནང་སོང་བར་བཀའ་ཟུར་སྒྲོལ་མ་རྒྱ་རི་མཆོག་གིས་ད་ལྟའི་ཆར་ང་རང་སྲིད་སྐྱོང་གི་འོས་མི་ཞིག་མ་རེད། འོན་ཀྱང་མ་འོངས་པའི་སྲིད་སྐྱོང་ལ་མངོན་འདོད་བྱེད་མཁན་ཞིག་དང་། ལྷག་དོན་ཁྱེད་རང་ཚོའི་རྒྱབ་སྐྱོར་དང་ཁྱད་པར་དུ་༸གོང་ས་༸སྐྱབས་མགོན་ཆེན་པོ་མཆོག་དང་བོད་མི་ཚོར་ཞབས་འདེགས་ཞུ་ཐུབ་པའི་རེ་བ་བྱེད་ཀྱི་ཡོད་ཅེས་སོགས་གསུངས་སོང་། གཞི་རྩའི་ད་ལྟའི་སྐབས་ ༡༥ པའི་བཀའ་ཤག་དང་སྐབས་ ༡༦ པའི་སྤྱི་འཐུས་བཅས་ཀྱི་ལས་ཡུན་དེ་ ༢༠༢༡ ལོར་ཚང་འགྲོ་ཡི་ཡོད་ཀྱང་། བཙན་བྱོལ་བོད་མིའི་འོས་བསྡུ་ཆེན་མོའི་ལས་རིམ་ཁག་ ༢༠༢༠ ལོ་འཇུག་ནས་དབུ་འཛུགས་གནང་གི་ཡོད་པ་ལྟར། སྤྱི་ཚོགས་ནང་ད་ལྟ་ནས་སྲིད་སྐྱོང་གི་འོས་མི་འདོན་ཕྱོགས་དང་འབྲེལ་བའི་བགྲོ་གླེང་མུ་མཐུད་གནང་དང་གནང་བཞིན་པའི་ཁྲོད་འདིར་བཀའ་ཟུར་རྒྱ་རི་སྒྲོལ་མ་མཆོག་ནི་ད་ལྟའི་ཆར་ཡོངས་གྲགས་སུ་སྲིད་སྐྱོང་ལ་མངོན་འདོད་ཡོད་གསུང་མཁན་འོས་མི་ཆེས་ཐོག་མ་དེ་ཆགས་ཀྱི་ཡོད་པ་རེད། Kirori Mal མཐོ་རིམ་སློབ་ཕྲུག་གི་དུས་སྟོན་ཐོག་ནང་སྲིད་བཀའ་ཟུར་མཆོག་ལ་མཐོ་རིམ་སློབ་གྲྭའི་སློབ་ཕྲུག་རྣམས་ལ་བཙན་བྱོལ་ནང་གི་བོད་མིའི་གནས་སྟངས་ངོ་སྤྲོད་གནང་ཆེད་གདན་ཞུ་ཕུལ་བ་ཞིག་ཡིན་པ་ལྟར་རོལ་དབྱངས་འདུ་འཛོམས་ཐོག་བཅར་བའི་སློབ་ཕྲུག་ཚོར་བཀའ་ཟུར་མཆོག་གིས་སློབ་ཕྲུག་ཁྱེད་རང་ཚོ་དཀའ་ངལ་རྩ་བ་ནས་མེད་པར་རང་དབང་ལུང་པ་ཞིག་ཏུ་སྐྱེས་པའི་རིན་ཐང་དང་བསོད་ནམས་དེ་ངོས་འཛིན་ཐུབ་པ་ཞིག་བྱེད་དགོས་པ་དང་། ལྷག་པར་དུ་ལོ་རྒྱུས་སུ་རྒྱ་གར་གྱི་ངོས་ནས་སོ་སོའི་ཁྱིམ་མཚེས་རྒྱལ་ཁབ་ཚོར་བཙན་འཛུལ་བྱས་པ་སོགས་ཀྱི་ལོ་རྒྱུས་མེད་པ་མ་ཟད། དཀའ་ངལ་ཡོད་པའི་རྒྱལ་ཁབ་ཚོར་རྒྱབ་སྐྱོར་གནང་མཁན་ཞིག་ཡིན་པ་བཞིན་ཕྱི་ལོ་ ༡༩༥༩ ལོར་བོད་ལ་ཆབ་སྲིད་ཀྱི་དཀའ་ངལ་འཕྲད་རྐྱེན་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་བོད་མི་མང་པོ་ཞིག་རྒྱ་གར་དུ་བཙན་བྱོལ་ལ་ཕེབས་ཡོད་པ་དང་། ད་ལྟ་བར་ལོ་ངོ་ ༦༠ ཕྱིན་པའི་ལོ་རྒྱུས་ནང་བོད་ཀྱི་ཆབ་སྲིད་གནས་སྟངས་ལ་འགྱུར་བ་ཕྱིན་མེད་པར་བོད་མི་ཚོར་དཀའ་ངལ་མུ་མཐུད་འཕྲད་བཞིན་པ་སོགས་ཀྱི་གནད་དོན་ངོ་སྤྲོད་གནང་བ་དང་འབྲེལ་རྒྱ་གར་བ་ཚོས་བོད་དོན་ཐོག་རྒྱབ་སྐྱོར་གནང་དགོས་པའི་སྐུལ་མ་སོགས་ཀྱང་གནང་ཡོད་པ་རེད།

ཏཱ་ལའི་བླ་མ་དགེ་རྩས་རྡོར་གདན་གྱི་ངན་སློང་རྣམས་ལ་ཟས་དངུལ་གྱི་སྦྱིན་གཏོང་གནང་བ།

ཁ་སང་ཟླ་ ༡ ཚེས་ ༨ རེས་གཟའ་ལྷག་པ་སྟེ་༸གོང་ས་མཆོག་གི་༸སྐུའི་བླ་གཟའ་དང་བསྟུན་ཏཱ་ལའི་བླ་མའི་དགེ་རྩ་ནས་ངན་སློང་ལ་ཟས་དང་དངུལ་གྱི་སྦྱིན་པ་གནང་ཡོད་པ་རེད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་གནས་མཆོག་རྡོ་རྗེ་གདན་དུ་ནམ་ཆིབས་བསྒྱུར་མཛད་རིང་ལ་ཏཱ་ལའི་བླ་མ་དགེ་རྩས་༸གོང་ས་མཆོག་༸སྐུ་ཚེ་ཞབས་པད་བརྟན་ཕྱིར་དང་བོད་ཀྱི་བདེན་མཐའ་མྱུར་དུ་སེལ་སླད་རེས་གཟའ་ལྷག་པའི་ཉིན་ས་གནས་འདིར་ཡོད་པའི་ངན་སློང་ལ་ཟས་དང་དངུལ་ གྱི་སྦྱིན་པ་གནང་གི་ཡོད་པ་རེད། ཁ་སང་སྔ་དྲོ་ཚོུད་ ༡༡ ཡོལ་ཙམ་ལ་དུས་འཁོར་ཐང་ཆེན་དུ་ངན་སློང་དང་དབུལ་ཕོངས་སྟོང་ཕྲག་ལ་ཞལ་ལག་དང་ཧིན་སྒོར་བརྒྱ་རེ་དང་དེ་བཞིན་དབང་པོ་སྐྱོན་ཅན་ཚོར་ཧིན་སྒོར་ ༢༠༠ རེ་སྦྱིན་གཏོང་གནང་ཡོད་པ་རེད། གཞི་རྩའི་ཏཱ་ལའི་བླ་མ་དགེ་རྩ་ནས་༸གོང་ས་མཆོག་རྡོར་གདན་དུ་བཞུགས་ཞག་མཛད་རིང་ལ་༸སྐུའི་བླ་གཟའ་ནམ་འཁེལ་དང་བསྟུན་ངན་སློང་ལ་ཟས་དངུལ་གྱི་སྦྱིན་གཏོང་གནང་བར་ཙམ་མ་ཟད་ལོ་འཁོར་མོར་ཚེས་བཟང་དུས་བཟང་སྐབས་རྡོར་གདན་དུ་རྟེན་གཞི་བྱས་པའི་རྣམ་རྒྱལ་གྲྭ་ཚང་བརྒྱུད་དེ་ངན་སློང་དང་དབུལ་ཕོངས་ལ་གསོལ་ཆས་དང་།  སྐབས་རེ་ཉིན་དགུང་ཞལ་ལག དེ་བཞིན་ཕྱག་དངུལ་སོགས་གནང་གི་ཡོད་པ་རེད།  

རེས་གཟའ་ལྷག་པ། ༢༠༢༠།༠༡།༠༨

ཉན་པ།: Listen ཕབ་ལེན། Download བྷི་ཧཱར་མངའ་སྡེའི་སྤྱི་ཁྱབ་བློན་ཆེན་མཆོག་གིས༸གོང་ས་མཆོག་ལ་མཇལ་བཅར་ཞུས་པ། ཚན་རིག་དང་མཐུན་པར་དཔྱད་ཞིབ་གནང་རྒྱུ་ནི་ནཱ་ལེནྡཱའི་ཆོས་བརྒྱུད་ངོ་མ་རེད། རྒྱ་གཞུང་གིས་ཆོས་ལུགས་དང་འབྲེལ་བའི་ཁྲིམས་སྒྲིག་གསར་པ་གཏན་འབེབས། ༸སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་མཆོག་དགོངས་པ་རྫོགས་ནས་ཐུགས་དམ་ལ་བཞུགས་མུས་རེད་འདུག དྷ་ས་ཚོང་ཁང་སྐྱིད་སྡུག་གིས་རྒྱ་གར་དབུལ་ཕོངས་ཚོར་མལ་ཆས་མཁོ་སྤྲོད་གནང་བ། Wednesday 08/01/2020 Bihar CM Nitish Kumar calls on Dalai Lama Faith based on scientific investigation, true Nalanda tradition: Dalai Lama China promulgates new measures on administration of religious groups Kyabche Khamtrul Rinpoche passes away, on state of ‘Thukdam’ since 10 days Tibetans in Dharamsala distribute winter clothing to local slum dwellers

༸སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་མཆོག་དགོངས་པ་རྫོགས་ནས་ཐུགས་དམ་ལ་བཞུགས་མུས་རེད་འདུག

༸སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་མཆོག་ཉེ་ཆར་ཕྱི་ཟླ་ ༡༢ ཚེས་ ༣༠ ཉིན་རྒྱ་གར་གྱི་རྒྱལ་ས་ལྡི་ལིའི་ Max སྨན་ཁང་དུ་དགོངས་པ་ཆོས་དབྱིངས་སུ་ཐིམ་ཚུལ་བསྟན་ཡོད་སྟབས་དེ་ཉིན་རང་ལ་རིན་པོ་ཆེ་མཆོག་གི་དགོན་པ་ བཞུགས་སྒར་གྱི་ཉེ་འཁྲིས་སུ་རྟེན་གཞི་བྱས་པའི་སྔ་འགྱུར་རྙིང་མའི་དགོན་པ་འཆི་མེད་དགའ་ཚལ་གླིང་དུ་གདན་འདྲེན་ཞུས་པ་ལྟར་ཐུགས་དམ་ལ་བཞུགས་མུས་ཡིན་པ་དང། རིན་པོ་ཆེ་དམ་པ་མཆོག་གི་དགོན་པ་ལྷུན་གྲུབ་འཆི་མེད་དགའ་ཚལ་གླིང་ཡིག་ཚང་ནས་རིན་པོ་ཆེ་མཆོག་དགོངས་པ་གཞན་དུ་གཤེགས་པའི་གནས་ཚུལ་དེ་དེ་རིང་བར་གསང་རྒྱ་གནང་སྟེ་དེའི་སྐོར་འབྲེལ་ཡོད་གང་ཡང་གསུང་མེད་པ་རེད། གཞི་རྩའི་༸སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་མཆོག་ནི་བོད་ཆོལ་གསུམ་ལས་མདོ་ཁམས་ཁོངས་གཏོགས་ལི་ཐང་དུ་སྐུ་འཁྲུངས་ཡོད་པ་དང་། ཕྱི་ལོ་ ༡༩༥༩ ལོར་བོད་ལ་དུས་ལོག་བྱུང་རྗེས་བཙན་བྱོལ་དུ་ཕེབས་ཡོད་པ་མ་ཟད། ཕྱི་ལོ་ ༡༩༦༡ ཙམ་ནས་གཞུང་ཞབས་ཁོངས་སུ་ཞུགས་ཏེ་སྲི་ཞུ་བའི་ཕྱག་ལས་གནང་མྱོང་ཡོད་པ་རེད། ལྷག་པར་དུ་རིན་པོ་ཆེ་དམ་པ་མཆོག་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་ལྟར་སྐུ་ཚེ་ཧྲིལ་པོར་ལུགས་གཉིས་ཀྱི་ཐོག་ནས་བསྟན་སྲིད་སྤྱིའི་སླད་དུ་མཛད་བཟང་དུ་མ་བསྐྱངས་མྱོང་ཡོད་པ་རེད། འདི་ག་རླུང་འཕྲིན་ཁང་གིས་༸སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་མཆོག་གི་གདུང་སྲས་རྒན་པ་ཨ་བན་མཆོག་སྤྲུལ་རིན་པོ་ཆེ་མཆོག་ལ་ཁམས་སྤྲུལ་རིན་པོ་མཆོག་དགོངས་པ་གཤེགས་ཚུལ་དང་སྐུ་ཚེའི་མཛད་རྗེས་སོགས་ཀྱི་ཐོག་ལ་དམིགས་བསལ་བཀའ་འདྲི་ཁག་གཅིག་ཞུས་ཡོད། རྩ་བའི་ཕྱི་ལོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ ༢༠༠༩ ཕྱི་ཟླ་ ༤ ཚེས་ ༡༢ ཉིན་བཞུགས་སྒར་གྱི་ཉེ་འཁྲིས་སུ་ཁམས་སྤྲུལ་འཇམ་དབྱངས་དོན་གྲུབ་མཆོག་གིས་ཕྱག་བཏབ་པའི་སྔ་འགྱུར་རྙིང་མའི་དགོན་པ་འཆི་མེད་དགའ་ཚལ་གླིང་དབུ་འབྱེད་རབ་གནས་མཛད་ཡོད་པ་དང་། སྐབས་མགོན་པོ་༸གང་ཉིད་མཆོག་གིས་ང་ཚོ་བཙན་བྱོལ་བ་ཆགས་ནས་དུས་ཚོད་གཉན་འཕྲང་དཀའ་ལས་ཁག་པོའི་རིང་མཉམ་དུ་གཤིབས་ཏེ་ཁམས་སྤྲུལ་རིན་པོ་ཆེས་དབུ་མཛད་པའི་གཙུག་ལག་ཁང་རྟེན་དང་བརྟེན་པ་བཅས་གསར་བཞེངས་བསྒྲུབས་པ་དང་།རིན་པོ་ཆེས་སྙིང་སྟོབས་ཞུམ་པ་མེད་པའི་ཐོག་ནས་ལོ་ནས་ལོ་བསྟུད་དེ་དཀའ་ལས་བརྒྱབ་པའི་གྲུབ་འབྲས་བཅས་ལ་ཡི་རང་བསྔགས་བརྗོད་མཛད་མྱོང་ཡོད་པ་རེད།

ཆོས་རབ་ཏུ་རྣམ་འབྱེད་ཀྱི་ཤེས་རབ་འཕེལ་བར་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་བ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་རབ་ཏུ་རྣམ་འབྱེད་ཀྱི་ཤེས་རབ་འཕེལ་བར་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་ཏེ། ཉིན་བཞིའི་ཆོས་འབྲེལ་རེ་ཞིག་ལེགས་གྲུབ་མཛད་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འདས་པའི་ཉིན་གྲངས་གསུམ་གྱི་རིང་ཕྱི་ནང་གི་དད་ལྡན་ཆོས་ཞུ་བ་མང་ཚོགས་སྟོང་ཕྲག་བརྒལ་བར་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མའི་སྙིང་པོའི་བཀའ་ཆོས་བཀྲིན་བསྐྱངས་ཡོད་པ་ལྟར། དེ་རིང་ཆོས་འབྲེལ་གྱི་ཉིན་མཐའ་མའི་ཐོག་མགོན་པོ་༸གང་ཉིད་མཆོག་གིས་ཆོས་ཞུ་བ་ཚོར་༸རྗེ་བཙུན་འཇམ་དབྱངས་ཀྱི་རྗེས་གནང་དངོས་གཞི་དབུ་འཛུགས་མ་བསྩལ་གོང་། ཆོས་ཞུ་བ་ཚོར་བྱང་སྡོམ་འབོག་ཆོག་གནང་བ་དང་ཆབས་ཅིག་ཏུ་ཐོག་མར་རང་ཉིད་སྒོ་གསུམ་གྱི་མི་མཐུན་ཕྱོགས་ཀྱི་སྒྲིབ་པ་དེ་དག་བཤག་དགོས་པ་དང་སེམས་ཅན་ཐམས་ཅད་སོ་སོའི་གཉེན་དུ་བལྟ་ཐུབ་ཚེ་གང་སྣང་བ་ཀུན་གཉེན་དུ་ཤར་ཐུབ་ངེས་ཡིན་པར་བཀའ་བསྩལ་འདུག དེ་བཞིན་༸གོང་ས་མཆོག་གིས་༸སྐུ་སྒེར་གྱི་མྱོང་བ་དང་སྦྱར་ནས་གསུངས་པར་ཆོས་རབ་ཏུ་རྣམ་འབྱེད་ཀྱི་ཤེས་རབ་གོང་ནས་གོང་དུ་འཕེལ་བར་ཐུན་མོང་མ་ཡིན་པའི་ལྷག་པའི་ལྷ་དེ་༸རྗེ་བཙུན་འཇམ་དཔལ་དབྱངས་ཡིན་པ་ལྟར་༸གང་ཉིད་༸རྗེ་བཙུན་འཇམ་དཔལ་དབྱངས་དང་སེམས་ཐག་ཉེས་པོ་ཡོད་པ་དང་། ༸གང་ཉིད་མཆོག་སྐུ་ན་ཆུང་དུས་ནས་འཇམ་དབྱངས་ཀྱི་གཟུངས་སྔགས་འདོན་གྱི་ཡོད་པ་མ་ཟད། ང་ཚོ་འགྲོ་བ་མིའི་རིགས་ལ་སེམས་ཅན་གཞན་དང་མི་འདྲ་བར་ཆོས་རབ་ཏུ་རྣམ་འབྱེད་ཀྱི་ཤེས་རབ་ཡོད་སྟབས། ཤེས་རབ་དེ་འཕེལ་བར་ཚང་མས་ངེས་པར་དུ་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་འདུག ལྷག་དོན་༸གང་ཉིད་མཆོག་གིས་བོད་གངས་ཅན་ལྗོངས་ཀྱི་དཔལ་ནཱ་ལེནྡྲའི་ཆོས་བརྒྱུད་འཛིན་མཁན་རྣམས་ནས་ཆོས་ལ་དད་པ་བྱེད་པ་ཁོ་ན་ལས་ནང་པའི་ལྟ་གྲུབ་ཐོག་སློབ་གཉེར་གནང་ནས་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་བྱེད་དགོས་གལ་ཡིན་པའི་ལམ་སྟོན་བཀྲིན་བསྩལ་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་ད་ལན་དད་ལྡན་མང་ཚོགས་ལ་དབུ་མ་སྙིང་པོའི་བཀའ་ཆོས་བཀའ་དྲིན་བསྩལ་བ་འདི་ནི་རྒྱལ་རོང་བརྟན་བཞུགས་གོ་སྒྲིག་ཚོགས་ཆུང་ནས་གསོལ་འདེབས་ཞུས་པ་ཞིག་ཡིན་པ་དང་ཐེངས་འདིའི་ཆོས་འབྲེལ་ཐོག་རྒྱ་གར་གཙོས་པའི་རྒྱལ་ཁབ་མི་འདྲ་བ་ ༥༨ ནས་ཁྱོན་ཆོས་ཞུ་བ་ ༧༠༠༠ ལྷག་ཆེད་བཅར་གནང་ཡོད་པ་རེད།

བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དབུ་འཛུགས།

འདི་ལོའི་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་ཐེངས་ ༦༠ པ་སྲུང་བརྩི་ཞུ་ལ་ཉེ་བ་དང་སྟབས་བསྟུན། ཐེ་ཝན་དུ་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དབུ་འཛུགས་གནང་འདུག བོད་དང་ཐེ་ཝན་འགྲོ་བ་མིའི་ཐོབ་ཐང་འབྲེལ་མཐུད་ཁང་གིས་གོ་སྒྲིག་འོག་དེ་རིང་སྔ་དྲོ་ཐེ་ཝན་གྱི་རྒྱལ་ས་ Taipei ནང་གི་ ༢༢༨ ཞེས་པའི་དྲན་རྟེན་སྐྱེད་མོས་ཚལ་ནས་དབུ་འཛུགས་ཀྱིས་ཐེ་ཝན་གྲོས་ཚོགས་བར་བོད་རང་དབང་གི་ཆེད་དུ་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་གནང་ཡོད་པ་དང། ལས་འགུལ་དེའི་ཐོག་ཐེ་ཝན་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Freddy Lim ལགས་དང་། ཐེ་ཝན་མང་གཙོ་ཡར་ཐོན་ཚོགས་པའི་གྲོས་ཚོགས་འཐུས་མི་ Mei Lin གཉིས་ནས་རྒྱབ་སྐྱོར་གྱི་གསུང་བཤད་གནང་འདུགསྐབས་དེར་ཐེ་ཝན་གྲོས་ཚོགས་འཐུས་མི་རྣམ་གཉིས་ཀྱིས་ཐེ་ཝན་གཞུང་མང་གཉིས་ནས་དུས་རྟག་ཏུ་བོད་དོན་ལ་རྒྱབ་སྐྱོར་དང་གདུང་སེམས་མཉམ་བསྐྱེད་གནང་རྒྱུ་ཡིན་པ་དང་། རྒྱ་ནག་གཞུང་གིས་བོད་ཐོག་ཆེས་སྡུག་རྩུབ་དང་བཙན་དབང་ཐོག་ནས་སྲིད་བྱུས་སྤེལ་བཞིན་པ་ཁག་ལམ་ལྷོང་ལྡན་པ་ཞིག་ཡོང་རྒྱུ་མེད་སྐོར་སོགས་གསུངས་འདུག ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་ཚོགས་གཙོ་དང་རྒྱལ་སྤྱིའི་ཉེས་ཡངས་ཚོགས་པའི་ཐེ་ཝན་སྡེ་ཚན་གྱི་འཛིན་སྐྱོང་ཚོགས་མི་སྐུ་ཞབས་བཀྲིས་ཚེ་རིང་ལགས་ཀྱིས་དེ་རིང་ལས་འགུལ་སྤེལ་བ་དང་བསྟུན། ཐེ་ཝན་གཞུང་མང་གཉིས་ལ་རྒྱ་ནག་དང་ལྷན་དུ་འབྲེལ་མོལ་ནམ་གནང་སྐབས་བོད་ཀྱི་གནད་དོན་དེ་སེམས་ལ་འཇོག་དགོས་པར་འབོད་སྐུལ་ཞུས་ཡོད་པ་དང་། ཐེ་ཝན་གྱི་གཞུང་འབྲེལ་མ་ཡིན་པའི་ཚོགས་པ་འདྲ་མིན་གྱི་འགན་འཛིན་དང་བོད་མིས་གཙོས་པའི་ཁྱོན་མི་གྲངས་ ༡༥ ཙམ་གྱིས་མཉམ་ཞུགས་གནང་ཡོད་པ་མ་ཟད། ལས་འགུལ་དེར་ཐེ་ཝན་གཞོན་སྐྱེས་ཚོའི་ཁྲོད་ནས་དོ་སྣང་ཤུགས་ཆེ་གནང་བཞིན་ཡོད་པ་སོགས་འགྲེལ་བརྗོད་གནང་སོང་།ལྷག་དོན་ཁོང་གིས་བོད་མི་ཚོས་རང་དབང་སྒེར་ལངས་གནང་ནས་ད་བར་མི་ལོ་ ༦༠ འཁོར་བའི་དུས་ཚིགས་ཁྱད་པར་བ་དང་བསྟུན་འཛམ་གླིང་ས་ཕྱོགས་གང་སར་བཞུགས་པའི་བོད་མི་རྣམས་ནས་ཉིན་དེར་རང་ནུས་གང་ལྕོགས་ཀྱིས་ལས་འགུལ་སྤེལ་དགོས་པར་རེ་སྐུལ་ཡང་གནང་ཡོད། གཞི་རྩའི་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ལས་ཁང་གི་ངོས་ནས་ལོ་ལྟར་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་གྱི་སྔོན་ཚུད་དུ་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དེ་སྤེལ་གནང་གི་ཡོད་པ་རེད།འདི་ལོའི་ལས་འགུལ་དེ་དེ་རིང་ཟླ་ ༡ ཚེས་ ༢༣ སྟེ་རེས་གཟའ་ལྷག་པ་ལྷག་དཀར་གྱི་ཉིན་མོ་དང་བསྟུན་ནས་དབུ་འཛུགས་ཀྱིས་ཟླ་ ༣ ཚེས་ ༡༠ བར་རེས་གཟའ་ལྷག་པ་ནམ་ཡིན་ལ་ལས་འགུལ་སྤེལ་གནང་རྒྱུ་རེད་འདུག

རྡོར་སེམས་གསུམ་དང་འོད་ཆོག་གཅིག་གི་ཆོ་ག་གསུང་འདོན་ཐོག་ཀཿཐོག་དགེ་རྩེ་རིན་པོ་ཆེ་མཆོག་གི་སྐུ་གདུང་ཞུགས་འབུལ།

ཟླ་བ་སྔོན་མའི་ཕྱི་ཚེས་ ༡༩ ཉིན་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་དགུང་ལོ་ ༦༤ ཐོག་བལ་ཡུལ་གྱི་གནས་མཆོག་ཡང་ལེ་ཤོད་གྱི་ཉེ་འདབས་སུ་གློ་བུར་དུ་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་ཡོད་པ་ལྟར། ཁ་སང་བོད་ཟླ་༡༡ ཚེས་ ༡༨ དང་ཕྱི་ཟླ་ ༡༢ ཚེས་ ༢༥ ཉིན་གཟའ་སྐར་འཕྲོད་སྦྱོར་ཕུན་ཚོགས་དང་སྟབས་བསྟུན་རིན་པོ་ཆེ་དམ་པ་དེ་ཉིད་ནས་དེ་སྔ་ཟླ་བ་དགུ་ཙམ་རིང་སྐུ་མཚམས་བཞུགས་གནས་བལ་ཡུལ་ཡང་ལེ་ཤོད་ཀྱི་བདུད་འཇོམས་རྣམ་གྲོལ་ཆོས་གླིང་རི་ཁྲོད་དུ་སྐུ་གདུང་ཞུགས་འབུལ་གནང་འདུག ཆེད་དུ་བཅར་བའི་རྙིང་མའི་ཆོས་བརྒྱུད་ཀྱི་མ་དགོན་ཆེ་ཁག་དྲུག་ལས་མ་དགོན་བཞི་ནས་ཕེབས་པའི་༸སྐྱབས་རྗེ་ཀཿཐོག་སི་ཏུ་རིན་པོ་ཆེ་མཆོག་དང་༸སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་མཆོག ༸སྐྱབས་རྗེ་མཁན་སྤྲུལ་གྱང་ཁང་རིན་པོ་ཆེ་མཆོག ཞེ་ཆེན་མཆོག་སྤྲུལ་ཨ་འཛོམ་རྒྱལ་སྲས་རིན་པོ་ཆེ་མཆོག་གིས་གཙོས་པའི་མ་དགོན་གཞན་གཉིས་ཀྱི་འཐུས་ཚབ། རིས་མེད་ཆོས་བརྒྱུད་ཁག་གི་སྐུ་ཚབ་དང་དགེ་འདུན་གྱི་སྡེ། བོད་མིའི་སྒྲིག་འཛུགས་ཀྱི་སྐུ་ཚབ། དེ་བཞིན་བོད་ཕྱི་ནང་གཉིས་ནས་ཕེབས་པའི་དད་ལྡན་མང་ཚོགས་ཁྱོན་ ༣༠༠ ལྷག་ཙམ་འདུ་འཛོམས་ཀྱིས་ཕྱག་ལ་མཇལ་དར་བསྣམས་པ་དང་། དེ་བཞིན་དུང་རྒྱ་གླིང་གིས་སྔོན་བསུས་ཏེ་བལ་ཡུལ་སྔ་འགྱུར་ཨ་འཛོམས་ཀ་ཐོག་དགོན་ནས་ཡང་ལེ་ཤོད་ཀྱི་བདུད་འཇོམས་རྣམ་གྲོལ་ཆོས་གླིང་རི་ཁྲོད་དུ་སྐུ་གདུང་གདན་འདྲེན་གཟབ་རྒྱས་ཞུས་ཡོད་པ་རེད།སྐབས་དེར་ཤར་ཕྱོགས་སུ་༸སྐྱབས་རྗེ་ཀཿཐོག་སི་ཏུ་རིན་པོ་ཆེ་མཆོག་དབུ་བཞུགས་ཐོག་ཆོ་ག་ཀློང་གསལ་རྡོར་སེམས་ཀྱི་ཆོ་ག་དང་། ལྷོ་ཕྱོགས་སུ་༸སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་དབུ་བཞུགས་ཐོག་སྨིན་གླིང་རྡོར་སེམས་ཀྱི་ཆོ་ག ནུབ་ཕྱོགས་སུ་དཔལ་ཡུལ་༸སྐྱབས་རྗེ་མཁན་སྤྲུལ་གྱང་ཁང་རིན་པོ་ཆེ་མཆོག་དབུ་བཞུགས་ཐོག་གནམ་ཆོས་བདེ་ཆེན་ཞིང་སྒྲུབ་བམ་འོད་ཆོ་ག དེ་བཞིན་བྱང་ཕྱོགས་སུ་ཞེ་ཆེན་མཆོག་སྤྲུལ་ཨ་འཛོམ་རྒྱལ་སྲས་རིན་པོ་ཆེ་མཆོག་དབུ་བཞུགས་ཐོག་སྨིན་གླིང་རྡོར་སེམས་ཀྱི་ཆོ་ག་བཅས་གསུང་འདོན་གནང་ཡོད་པ་རེད།རྩ་བའི་སྔ་འགྱུར་རྙིང་མའི་དབུ་འཛིན་ཀཿཐོག་དགེ་རྩེ་རིན་པོ་ཆེ་འགྱུར་མེད་བསྟན་པ་རྒྱལ་མཚན་མཆོག་ཤར་རྒྱལ་བ་ཀཿཐོག་དགོན་དུ་ཕྱི་ལོ་ ༡༩༨༠ ལོར་ཁྲི་འདོན་གནང་ཡོད་པ་དང་། ཕྱི་ལོ་ ༡༩༩༧ ལོར་འཕགས་ཡུལ་དུ་ཕེབས་འབྱོར་གྱིས་འདི་ལོའི་ཕྱི་ཟླ་ ༡ ཚེས་ ༢༦ ཉིན་གནས་མཆོག་རྡོ་རྗེ་གདན་དུ་ཚོགས་པའི་སྔ་འགྱུར་རྙིང་མའི་སྨོན་ལམ་ཆེན་མོའི་སྐབས་༸གོང་མཆོག་ནས་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པར་བསྐོ་གཞག་གིས་ཁྲི་འདོན་མཛད་ཡོད་མ་ཟད། ཕྱི་ཟླ་ ༡༡ ཚེས་ ༢༨ ཉིན་༸གོང་ས་མཆོག་གིས་བསྩལ་བའི་ཡོངས་ཁྱབ་གསུང་འཕྲིན་ནང་། ངོས་རང་དགེ་རྩེ་རིན་པོ་ཆེ་མཆོག་དང་སེམས་ཐག་ཉེ་བའི་ནང་ཚགས་སུ་གྱུར་ཞིང་། ངས་ཁོང་ལ་ཀུ་རེ་དང་སྦྲགས་གཟིམ་འགག་བླ་མ་ཞེས་འབོད་ཀྱི་ཡོད་ཅེས་བཀའ་གནང་བ་དང་འབྲེལ། རིན་པོ་ཆེ་མཆོག་སྐུ་འཚོ་བཞུགས་སྐབས་བསྟན་པ་སྤྱིའི་དོན་དུ་ཀ་ཀོར་གང་ཡང་མེད་པར་ངོས་ཀྱིས་རེ་འབོད་གལ་ཆེན་སོགས་ལ་རྒྱག་གཅིག་མཆོངས་གཅིག་གནང་མཁན་ཞིག་ཡོད་ཅེས་བཀའ་བསྩལ་བ་སྦྲགས། སྐབས་དེར་མགོན་པོ་༸གང་ཉིད་མཆོག་ནས་རིན་པོ་ཆེའི་ཡང་སྲིད་མྱུར་དུ་འབྱོན་པའི་ཐུགས་སྨོན་གསོལ་འདེབས་ཤིག་ཀྱང་མཛད་ཡོད་པ་རེད།

Latest news