Tibetan Royal Year of 2151 | Year of the Wood Dragon

ཨ་རིའི་གྲོང་ཁྱེར་ནིའུ་ཡོག་ཏུ་བཀའ་བརྒྱུད་སྨོན་ལམ་ཐེངས་བཞི་པ་ཚོགས་པ།

Tibetan News Headlines

  • Organic Research and Training Centre: Inculcating sustainable farming with modern approach among Tibetans in exile

རེས་གཟའ་ཉི་མ། ༢༠༢༤།༠༧།༡༤

  • སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་སྦྱོང་བརྡར་ཁང་གི་སྐོར་གླེང་མོལ།

ཟླ་བ་འདིའི་ཕྱི་ཚེས་ ༡༨ ནས་ ༢༠ བར་ཉིན་གྲངས་གསུམ་གྱི་རིང་ལ་ཟླ་སྣང་ཐེབས་རྩའི་གོ་སྒྲིག་འོག་བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཕུན་ཚོགས་སྡེ་བཞིའི་ཚོགས་ཁང་ནང་བཀའ་བརྒྱུད་སྨོན་ལམ་ཐེངས་བཞི་པ་ཚོགས་འདུག༸སྐྱབས་རྗེ་སྤ་རི་རིན་པོ་ཆེ་མཆོག་དང་གནས་སྣང་བླ་མ་ཚེ་དབང་རིན་པོ་ཆེ་རྣམ་གཉིས་སྨོན་ལམ་ཆེ་མོའི་ཚོགས་མགོན་དུ་ཆིབས་བསྒྱུར་བསྐྱངས་ཡོད་པ་དང་། སྨོན་ལམ་མཛད་སྒོའི་ཐོག་སྐུ་མགྲོན་གཙོ་བོ་བྱང་ཨ་རིའི་སྐུ་ཚབ་དོན་གཅོད་ཁང་གི་འཐུས་ཚབ་བོད་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་དང་། དམིགས་བསལ་སྐུ་མགྲོན་སྒྲུབ་བརྒྱུད་བསྟན་པའི་སྲོག་ཤིང་༸དཔལ་རྒྱལ་དབང་ཀརྨ་པ་རིན་པོ་ཆེ་མཆོག་གི་སྐུ་མཆེད་སྲིང་མོ་རྗེ་བཙུན་དངོས་གྲུབ་དཔལ་འཛོམས་ལགས། བཀའ་ཟུར་དང་། དོན་ཟུར། གཞུང་འབྲེལ་མིན་པའི་ཚོགས་པ་ཆེ་ཁག་གི་སྐུ་ཚབ། མི་མང་བཅས་ལྷན་ཞུགས་གནང་ཡོད།མཛད་རིམ་གྱི་ཐོག་མར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། ༸དཔལ་རྒྱལ་བ་ཀརྨ་པ་རིན་པོ་ཆེ་མཆོག་གི་སྐུ་པར་བཞུགས་ཁྲིར་གདན་ཞུ་དང་། སྐུ་མགྲོན་རྣམ་པས་མཎྜལ་རྟེན་གསུམ་འདེགས་འབུལ། དེ་བཞིན་ཕུན་ཚོགས་སྡེ་བཞི་ཚོགས་ཁང་གི་མདུན་དུ་ཤུག་པ་འདེབས་འཛུགས་སོགས་གནང་འདུགརྩ་བའི་༸དཔལ་རྒྱལ་དབང་ཀརྨ་པ་རིན་པོ་ཆེ་མཆོག་གིས་ཁོར་ཡུག་གི་གལ་གནད་དང་དེར་སྲུང་སྐྱོབ་བྱ་དགོས་པའི་བཀའ་སློབ་ལམ་སྟོན་ཡང་ཡང་ཕེབས་དོན་བཞིན། ཐེངས་འདིའི་སྨོན་ལམ་སྐབས་ཟས་སྣོད་སོགས་ཡོངས་རྫོགས་ཁོར་ཡུག་ལ་མི་གནོད་པའི་ཡོ་བྱད་རྣམས་སྤྱོད་ཡོད་པ་རེད།སྐབས་དེར་སྨོན་ལམ་གོ་སྒྲིག་ཚོགས་ཆུང་གི་ཚོགས་གཞོན་སྨན་པ་ཀུན་དགའ་ལགས་ཀྱིས་སྨོན་ལམ་དེའི་དགོས་དམིགས་གསལ་བཤད་ཞུས་དོན་བཞིན་བཀའ་བརྒྱུད་སྨོན་ལམ་ཐེངས་བཞི་པ་འདི་ཉིད་ད་ལྟའི་ཆར་བོད་ཕྱི་ནང་གཉིས་ཀར་ཏོག་དབྱིབས་ནད་ཡམས་ཀྱི་དཀའ་ངལ་མུ་མཐུད་འཕྲད་བཞིན་པ་རྣམས་མྱུར་དུ་ཞི་བ་དང་། འཛམ་གླིང་ཞི་བདེ་ཡོང་བ། ལྷག་པར་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ཆོས་བརྒྱུད་རིས་མེད་ཀྱི་བླ་ཆེན་རྣམ་པའི་སྐུ་ཚེ་ཡུན་དུ་བརྟན་ཅིང་། ཐུགས་ཀྱི་བཞེད་དགོངས་མཐའ་དག་ལྷུན་གྱི་འགྲུབ་པའི་ཐུགས་སྨོན་གནང་ཆེད་ཡིན་པར་གསུངས་འདུགཁ་སང་རེས་གཟའ་ཉི་མའི་ཉིན་རྒྱབ་བཀའ་བརྒྱུད་སྨོན་ལམ་གྱི་ཐུན་མོང་མ་ཡིན་པའི་རྗེ་བཙུན་མི་ལ་རས་པའི་ཚོགས་མཆོད་དང་། དེ་བཞིན་མར་མེའི་སྨོན་ལམ་གསུང་འདོན་དང་། གླུའི་མཆོད་པ་བཅས་འབུལ་བའི་ལམ་ནས་ཐེངས་འདིའི་སྨོན་ལམ་དེ་ཉིད་མཇུག་སྒྲིལ་གནང་འདུག་པ་དང་ལོ་རྗེས་མའི་ཟླ་ ༡ ཚེས་ ༢༩ ནས་ཟླ་ ༢ ཚེས་ ༥ བར་༸དཔལ་རྒྱལ་དབང་ཀརྨ་པ་མཆོག་དབུ་བཞུགས་ཐོག་དྲ་ལམ་བརྒྱུད་ཀར་དགོན་ཐམས་ཅད་ནས་བཀའ་བརྒྱུད་སྨོན་ལམ་འཕར་མ་ཞིག་འཚོག་རྒྱུ་ཡིན་པ་རེད།

 

འབྲེལ་ཡོད་གསར་གནས།

གསར་གནས།