བོད་ཀྱི་བུད་མེད་ལྷན་ཚོགས་ཀྱི་ཚོགས་ཆེན་ཐེངས་ ༡༤ པའི་ཐོག་༸གོང་ས་མཆོག་གི་༸སྐུ་ཕྱྰ་གཙོས་པའི་གྲོས་གཞི་དོན་ཚན་བདུན་གཏན་འབེབས་ཀྱིས་དེ་རིང་ཚོགས་ཆེན་མཇུག་སྒྲིལ་ཟིན་པ་དང་སྦྲགས་ཏེ་ཚེ་རིང་སྒྲོལ་མ་ལགས་སྐབས་ ༡༤ པའི་བོད་ཀྱི་བེུད་ལྷན་ཚོགས་ཀྱི་སྤྱི་ཁྱབ་ཚོགས་གཙོར་བདམས་ཐོན་བྱུང་སོང་།
དེ་ཡང་བཞུགས་སྒར་ཉེ་འདབས་སུ་རྟེན་གཞི་བྱས་པའི་རྡ་ཤོད་བོད་ཁྱིམ་ཚོགས་ཁང་དུ་ཟླ་བ་འདིའི་ཚེས་ ༡༩ ནས་ ༢༤ བཅས་ཉིན་གྲངས་དྲུག་རིང་ཚོགས་པའི་ཚོགས་ཆེན་གྱི་ཉིན་མཐའ་མའི་ཕྱི་དྲོར་དབུས་བོད་ཀྱི་བེུད་ལྷན་ཚོགས་ཀྱི་རྒྱུན་ལས་འོས་འདེམས་ཀྱི་ལས་རིམ་ཐོག་ས་གནས་རྣམས་ནས་སྔོན་འགྲོའི་ས་བོན་གྱི་འོས་མི་ཁག་གཅིག་མཚན་འདོན་གནང་བ་དང་སྦྲགས། འོས་བསྡུ་གནང་བའི་བརྒྱུད་ཚོགས་བཅར་བ་རྣམས་ནས་སྔོན་འགྲོའི་འོས་མི་ ༢༢ འོས་འདེམས་གནང་ཡོད་པ་དང་། དེ་རྗེས་དངོས་གཞིའི་འོས་འདེམས་ཁྲོད་བོད་ཀྱི་དབུས་བེུད་ལྷན་ཚོགས་ཀྱི་རྒྱུན་ལས་མི་གྲངས་ ༡༡ འདེམས་སྒྲུག་གིས་ཚེ་རིང་སྒྲོལ་མ་ལགས་སུ་འོས་གྲངས་ ༡༢༢ ཐོབ་སྟེ་དབུས་བོད་ཀྱི་བེུད་ལྷན་ཚོགས་ཀྱི་སྐབས་ ༡༤ པའི་ཚོགས་གཙོར་བདམས་ཐོན་བྱུང་སོང་བ་དང་། སྐལ་བཟང་སྒྲོལམ་ལགས་སུ་འོས་གྲངས་ ༧༧ ཐོབ་སྟེ་ཚོགས་གཞོན་དུ་བདམས་ཐོན། དེ་བཞིན་བསྟན་འཛིན་ཉི་མ་ལགས་སུ་འོས་གྲངས་ ༩༥ ཐོབ་སྟེ་དྲུང་ཆེར་བདམས་ཐོན་བྱུང་སོང་།
གོ་སྐབས་འདི་དང་བསྟུན་འདི་ག་རླུང་འཕྲིན་ཁང་གིས་བདམས་ཐོན་བྱུང་བའི་ཚོགས་གཙོ་གསར་པ་ཚེ་རིང་སྒྲོལ་མ་ལགས་སུ་བཀའ་འདྲི་ཞུས་པར་ཁོང་གིས་འདས་པའི་དུས་ཡུན་རིང་པོར་བེུད་ལྷན་ཚོགས་ནང་ཞུགས་མྱོང་ཡོད་པ་མ་ཚད་དབུས་སྤྱི་ཁྱབ་ཚོགས་གཞོན་གྱི་འགན་ཁུར་ཐེངས་གཉིས་བཞེས་ཡོད་སྟབས་ཚོར་སྣང་དམིགས་བསལ་མེད་ཀྱང་མུ་མཐུད་འགན་ཁུར་ཆེ་བཞེས་གནང་རྒྱུ་ཡིན་པ་གསུངས་སོང་།
གཞི་རྩའི་འདས་པའི་ཉིན་གྲངས་དྲུག་རིང་འཚོགས་པའི་ཚོགས་ཆེན་ཐོག་༸གོང་ས་མཆོག་གི་༸སྐུ་ཕྱཱའི་སྲུང་སྐྱོབ་གཙོས་༸པཎ་ཆེན་རིན་པོ་ཆེ་དང་ཆབ་སྲིད་བཙོན་པ་རྣམས་གློད་བཀྲོལ་དགོས་པ་སོགས་གྲོས་གཞི་དོན་ཚན་བདུན་ཐོག་གོ་བསྡུར་གྱིས་གཏན་འབེབས་གནང་ཡོད་པ་མ་ཟད། དེ་རིང་ཚོགས་དུས་ཉིན་མཐའ་མའི་ཉིན་རྒྱབ་ཕྱག་ཚོད་ ༣ ཐོག་རྡ་ཤོད་བོད་ཁྱིམ་ཚོགས་ཁང་དུ་བེུད་ལྷན་ཚོགས་ཀྱི་ཡན་ལག་ས་གནས་ ༣༧ ཀྱི་ཚོགས་མི་ ༡༨༠ ལྷན་ཞུགས་སར་ལྷན་ཚོགས་ཀྱི་སློབ་སྟོན་པ་བཀའ་ཟུར་རིན་ཆེན་མཁའ་འགྲོ་མཆོག་གི་དྲུང་ནས་སྐབས་ ༡༤ པའི་དབུས་སྤྱི་ཁྱབ་རྒྱུན་ལས་ཀྱི་ལས་འཁུར་དམ་འབུལ་ཞུས་སོང་།
