བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཌེན་མག་རྒྱས་ཀོ་པེན་ཧེ་གན་ནང་ཡུལ་དེའི་ཆབ་སྲིད་ཚོགས་པ་འདྲ་མིན་གྱི་ཕྱི་འབྲེལ་ལས་དོན་གི་མགྲིན་ཚབ་པ་སོགས་གྲོས་ཚོགས་
འཐུས་མི་ཁག་གཅིག་དང་དང་མཇལ་འཕྲད་གནང་འདུག
དེའང་ Scandinavia འི་རྒྱལ་ཁབ་ཁག་གཅིག་ཏུ་གཞུང་འབྲེལ་ཕྱོགས་བསྐྱོད་གནང་བཞིན་པ་དང་འབྲེལ་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་ཐོན་པར་སྲིད་སྐྱོང་བློ་བཟང་སེང་གེ་མཆོག་གིས་ཕྱི་ཟླ་ ༡༡ ཚེས་ ༡༡ ཉིན་ Denmark གྲོས་ཚོགས་འཐུས་མི་དང་མཇལ་འཕྲད་གནང་སྟེ་གཙོ་བོ་བོད་ཀྱི་ཁོར་ཡུག་གི་གལ་གནད་ངོ་སྤྲོད་གནང་བ་མ་ཟད་རྒྱ་གཞུང་གིས་བོད་མཐོ་སྒང་གི་གཏེར་ཁ་རྣམས་གང་བྱུང་དུ་སྔོག་འདོན་བྱས་པར་བརྟེན་ད་ཆ་བོད་ཀྱི་འཁྱགས་རོམ་རྣམས་ཆེས་མྱུར་པོ་བཞུ་བཞིན་
པ་དང་། ལྷག་པར་རྒྱ་ནག་གཞུང་གིས་ད་བར་འཛམ་གླིང་མཉམ་འབྲེལ་རྒྱལ་ཚོགས་ཀྱིས་གཏན་ལ་ཕབ་པའི་རྒྱལ་སྤྱིའི་ཆུ་བགོ་འགྲེམ་བྱ་རྒྱུའི་གན་རྒྱར་མིང་རྟགས་བཀོད་མེད་པ་དང་། འབྱུང་འགྱུར་དམག་ཆེན་གསུམ་པ་ནི་ཆུའི་གནད་དོན་ཐོག་ནས་ལང་ཉེན་ཡོད་པ་སོགས་འགྲེལ་བརྗོད་གནང་འདུག
སྲིད་སྐྱོང་མཆོག་གིས་སྐབས་དེར་ད་དུང་བོད་ནང་དུ་བོད་མི་ཚོས་རང་ལུས་མེར་སྲེག་ཐོག་ནས་ངོ་རྒོལ་གནང་དགོས་པའི་རྒྱུ་མཚན་དང་། འཛམ་གླིང་ནང་བོད་བརྒྱུད་ནང་བསྟན་གྱི་སློབ་གཉེར་ཁང་ཆེ་ཤོས་སུ་གྲགས་པ་གསེར་རྟ་བླ་རུང་སྒར་དང་ཡར་ཆེན་སྒར་གཉིས་གཏོར་བཤིག་བཏང་དང་གཏོང་བཞིན་པའི་གནས་སྟངས་སྤྱི་དང་། ལྷག་པར་ཆོས་སྡེ་དེ་གཉིས་པོའི་གྲྭ་བཙུན་རྣམས་དགོན་པ་ནས་ཕྱིར་འབུད་བཏང་བ་དང་། རྒྱལ་གཅེས་ཆོས་གཅེས་ཟེར་བའི་སློབ་གསོའི་ལས་འགུལ་ཤུགས་ཆེ་སྤེལ་བཞིན་སྐོར་སོགས་ངོ་སྤྲོད་གནང་འདུག
སྲིད་སྐྱོང་མཆོག་གིས་གཞན་ཡང་ཌེན་མག་ཉེས་ཡངས་ཚོགས་པས་གོ་སྒྲིག་ཞུས་པའི་བོད་དོན་གླེང་སྟེགས་ཐོག་དབུ་བཞུགས་ཀྱིས་ས་གནས་བོད་མི་རྣམས་དང་ལྷན་མཇལ་འཕྲད་གནང་ཡོད་པ་དང། དེ་རྗེས་ནོར་ཝེ་རྒྱལ་ས་ Oslo ལ་ཆེད་ཕེབས་ཀྱིས་ཁ་སང་ཚེས་ ༡༢ ཉིན་ཁུལ་དེའི་བོད་མི་རྣམ
ས་དང་བོད་དོན་རྒྱབ་སྐྱོར་བ་རྣམས་ལ་གསུང་བཤད་གནང་འདུག
སྲིད་སྐྱོང་མཆོག་གིས་སྐབས་དེར་ནོར་ཝེ་བོད་དོན་རྒྱབ་སྐྱོར་བ་རྣམས་ནས་རྒྱལ་ཁབ་དེའི་ནང་བོད་ཀྱི་གནད་དོན་སླད་ལས་གཞི་མུ་མཐུད་སྤེལ་རྒྱུ་ཧ་ཅང་གལ་ཆེ་ཡིན་པ་དང། བོད་མི་ཚོས་རང་གི་རྒྱལ་ཁབ་ཤོར་ཡོད་ཀྱང་སྔ་རྗེས་མ་གཏོགས་ང་ཚོར་རང་དབང་ཐོབ་རྒྱུ་ཉག་གཅིག་ཡིན་སྟབས། བོད་དོན་རྒྱབ་སྐྱོར་བ་རྣམས་ནས་དུས་སྐབས་དེའི་བར་རང་གི་རྒྱབ་སྐྱོར་སྲ་བརྟན་དུ་གནས་རྒྱུ་ཧ་ཅང་གལ་ཆེ་ཡིན་པ་གསུངས་འདུག
ཁོང་གིས་ད་དུང་རྒྱ་ནག་གཞུང་གིས་བོད་ནང་རིག་གནས་གསར་བརྗེ་སླར་གསོ་བྱེད་བཞིན་ཡོད་པར་སྐྱོན་བརྗོད་དང་འབྲེལ། རྒྱ་གཞུང་གིས་འཆར་གཞི་ལྡན་པའི་ཐོག་ནས་བོད་བརྒྱུད་ནང་བསྟན་ཉམས་ཉེས་ གཏོང་ཐབས་ཆེད་ཐབས་ཤེས་ཡོད་དགུ་རྩལ་སྤྲུག་བྱས་ཀྱང་ལམ་ལྷོངས་བྱུང་མེད་པ་མ་ཟད། གཞིས་ལུས་རྒྱ་ཆེ་མི་མང་ཚོས་སྐུ་ལས་སྐྱོན་པར་བརྟེན་བོད་ཀྱི་ནང་པ་སངས་རྒྱས་པའི་བསྟན་པ་སླར་གསོ་ཤུགས་ཆེ་ཐུབ་པའི་ཐོག་བོད་ཀྱི་མི་རབས་གསུམ་པ་ཚོའི་བསམ་བློར་བོད་མི་རིགས་ལ་ལ་ཞེན་ཧ་ཅང་ཤུགས་ཆེན་པོ་གནང་མུས་ཡིན་སྐོར་སོགས་གསུང་འདུག
སྲིད་སྐྱོང་མཆོག་གིས་ཌེན་མག་གྲོས་ཚོགས་འཐུས་མི་རྣམས་དང་མཇལ་འཕྲད་གནང་འདུག
Tibetan News Headlines
- Sikyong Penpa Tsering meets President Macron, gifts autographed photo of the Dalai Lama with French leader
- Tibetans inside and outside Tibet mark Calligraphy Day
- Derge protests put dams back on the agenda: Rights group calls for transparency of Dam construction plans in Tibet
- Mexico legislators and friends of Tibet gather to strategize and reaffirm commitment to Tibet’s rights
- Sarah College for Higher Tibetan Studies holds 23rd graduation ceremony
རེས་གཟའ་ལྷག་པ། ༢༠༢༤།༠༥།༠༡
- སྲིད་སྐྱོང་མཆོག་གིས་ཕ་རན་སིའི་སྲིད་འཛིན་ལྷན་དུ་མཇལ་འཕྲད་གནང་འདུག
- བོད་གཞིས་བྱེས་གཉིས་སུ་རྒྱལ་ཡོངས་བོད་ཀྱི་ཡིག་གཟུགས་ཉིན་མོ་སྲུང་བརྩི་ཟབ་རྒྱས་ཞུས་པ།
- རྒྱ་གཞུང་གི་ཆུ་མཛོད་གསར་རྒྱག་གི་ལས་གཞི་ཐད་ཕྱི་གསལ་ནང་གསལ་དགོས་པའི་འབོད་སྐུལ།
- Mexico ནང་དུ་མ་འོངས་བོད་དོན་རྒྱབ་སྐྱོར་གྱི་ལས་དོན་སྤེལ་ཕྱོགས་སྐོར་ཚོགས་འདུ་ཚོགས་པ།
- རྡ་ས་རིགས་སློབ་མ་ལག་གཉིས་ཀྱི་སློབ་ཐོན་མཛད་སྒོ་ཚོགས་པ།
