ARCHIVE
Monthly Archives: June, 2021
རེས་གཟའ་ཟླ་བ། ༢༠༢༡།༠༦།༢༨
vot.org -
ཉན་པ།: Listen
ཕབ་ལེན། Download
རྒྱ་ནག་གཞུང་གིས་བོད་ཀྱི་གནམ་གཤིས་འགྱུར་ལྡོག་ལ་གདོང་ལེན་དགོས་བའི་ཞུ་སྐུལ།
བོད་མཐོ་སྒང་གི་ཁོར་ཡུག་གི་གལ་གནད་དང་འབྲེལ་བའི་ཚོགས་འདུ་བསྡུས་བ།
རྒྱལ་ཚོགས་ནས་རྒྱ་གཞུང་གི་བཀའ་ཁྲོལ་མི་དགོས་པར་ཤིན་ཅང་ལ་རྟོག་ཞིབ་གནང་སྲིད་པ།
ཤ་འབྲོང་བཀྲ་ཤིས་རྒྱ་མཚོ་ལགས་ཆབ་སྲིད་དྲུང་ཆེར་བསྐོ་བཞག་གནང་འདུག
རྒྱལ་སྤྱིའི་ལས་འགུལ་ཉིན་མོར་རྒྱ་ནག་ནང་གི་ཨོ་རྩལ་ཕྱིར་འཐེན་དགོས་བའི་ལས་འགུལ་སྤེལ་བ།
Monday 28/06/2021
Tibet Environment Conference: China urged to address Tibet’s climate crisis
Tibetan Plateau and its global impact on Climate Change
UN rights boss signals she may move on Xinjiang without China nod
CTA staff reshuffle: Shadrong Tashi Gyatso Kashag’s Political Secretary
No Beijing 2022, Global Day of Action: Interview
རྒྱ་ནག་གཞུང་གིས་བོད་ཀྱི་གནམ་གཤིས་འགྱུར་ལྡོག་ལ་གདོང་ལེན་དགོས་བའི་ཞུ་སྐུལ།
vot.org -
བོད་མིའི་སྒྲིག་འཛུགས་ཀྱི་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་ཚན་པའི་གོ་སྒྲིག་འོག་ཉེ་ལམ་ཚེས་ ༢༥ ནས་ ༢༧ བཅས་ཉིན་གྲངས་གསུམ་རིང་བོད་ཀྱི་ཁོར་ཡུག་གི་ཚོགས་ཆེན་ཐེངས་གསུམ་པ་ཚོགས་འདུག་པ་དང་སྦྲགས། ཚོགས་ཆེན་དེའི་ཐོག་སྐྱབས་རྗེ་འབྲི་གུང་སྐྱབས་མགོན་ཆེ་ཚང་རིན་པོ་ཆེ་མཆོག་གི་དབུས་པའི་ཡུ་རོབ་ཁུལ་གྱི་གྲོས་ཚོགས་འཐུས་མི་དང་། རྒྱལ་ཁབ་འདྲ་མིན་བརྒྱད་ནས་ཕེབས་པའི་ཁོར་ཡུག་ཆེད་མཁས་པ་གྲགས་ཅན་ ༡༥ ནས་ལྷན་ཞུགས་ཀྱིས་བོད་ཀྱི་ཁོར་ཡུག་གི་གནས་སྟངས་ཐད་རྒྱལ་སྤྱིའི་དྲ་ཐོག་ཚོགས་འདུ་ཚོགས་ཡོད་པ་རེད། ཉིན་གྲངས་གསུམ་རིང་གི་ཚོགས་ཆེན་ཐོག་ཚོགས་ཞུགས་པ་རྣམས་པས་བོད་མཐོ་སྒང་གི་ཁོར་ཡུག་གི་གལ་འགངས་ཤེས་རྟོགས་དང་། གོ་ལ་ཧྲིལ་པོའི་གནམ་གཤིས་འགྱུར་ལྡོག་གི་འབྲེལ་བ། ས་མཚམས་ལས་བརྒལ་བའི་ཆུ་བོ་དང་། བོད་མཐོ་སྒང་ནས་འབབ་བཞིན་པའི་ཆུ་བོ་ཁག་གི་གནས་བབ། དེ་བཞིན་ཁོར་ཡུག་སྲུང་སྐྱོབ་ཁྲོད་འགྲོ་བ་མིའི་ཐོབ་ཐང་གི་འོས་འགན་ཞེས་པའི་བརྗོད་གཞི་ཐོག་བགྲོ་གླེང་གནང་འདུག
སྐབས་དེར་ཚོགས་ཞུགས་པས་བོད་ཀྱི་ཁོར་ཡུག་སྲུང་སྐྱོབ་ཐད་ཕྱི་ཕྱོགས་ཀྱི་རྒྱལ་ཁབ་དང་ས་གནས་ཡུལ་མི་ནས་ག་རེ་གནང་ཐུབ་མིན་དང་། བོད་ཀྱི་ཆུ་བོའི་གལ་གནད། དེ་བཞིན་བོད་ཀྱི་འཁྱགས་རོམས་ཀྱི་ཞུ་ཚད་ཧ་ཅང་མྱུར་པོ་ཆགས་བཞིན་པའི་སྐོར་བཅས་བོད་ཀྱི་ཁོར་ཡུག་གི་ཆེས་ཛ་དྲག་གི་གནས་སྟངས་སྐོར་བགྲོ་གླེང་གནང་འདུག མ་ཟད། གནམ་གཤིས་འགྱུར་ལྡོག་ཕྱིན་པ་དེས་བོད་ཀྱི་ས་གནས་མང་ཚོགས་ཀྱི་འཚོ་བ་དང་སྣོད་བཅུད་རྟེན་འབྲེལ་ལ་ཤུགས་རྐྱེན་སྤྲོད་པ་དང་ལྷག་པར་དུ་ཉེ་དུས་ནས་བོད་མཐོ་སྒང་དུ་རང་བྱུང་གོད་ཆགས་ཀྱི་རྐྱེན་ངན་ཇེ་མང་དུ་འགྲོ་བཞིན་པ་སོགས་གླེང་སློང་གནང་འདུག ཚོགས་ཆེན་གྱི་ཉིན་གསུམ་དང་འབྲེལ་འདི་ག་རླུང་འཕྲིན་ཁང་ནས་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་ཚན་པའི་འགན་འཛིན་འཛམ་ལྷ་བསྟན་པ་རྒྱལ་མཚན་ལགས་སུ་བཀའ་འདྲི་ཞུས་སྐབས། བོད་མཐོ་སྒང་གི་ཁོར་ཡུག་དང་གོ་ལའི་གནམ་གཤིས་འགྱུར་ལྡོག་གི་འབྲེལ་བ་དང་། དེ་བཞིན་ཕན་ཚུན་ཤུགས་རྐྱེན་གང་སྤྲོད་མིན་ལྷག་པར་དེར་གདོང་ལེན་ཇི་ལྟར་་གནང་དགོས་པ་དང་། རྒྱལ་སྤྱིའི་ཐོག་བོད་མཐོ་སྒང་གི་ཁོར་ཡུག་དེ་གལ་ཆེན་ཡིན་པ་ངོ་སྤྲོད་སོགས་ནི་ཚོགས་ཆེན་གྱི་དམིགས་ཡུལ་ཡིན་པར་གསུངས་སོང་།
དེ་བཞིན་ཐེངས་འདིའི་ཚོགས་ཆེན་ཐོག་མཁས་དབང་དང་དཔྱད་ཞིབ་པ་ཚོས་བོད་ཀྱི་ཁོར་ཡུག་སྲུང་སྐྱོབ་ཐད་དགོངས་ཚུལ་ག་རེ་ཕེབས་སོང་ཞེས་བཀའ་འདྲི་ཞུས་སྐབས་ཁོང་གིས། ཚོགས་ཆེན་ཐོག་གསུང་བཤད་པ་ཚོས་བོད་མཐོ་སྒང་གི་ཁོར་ཡུག་སྲུང་སྐྱོབ་བྱེད་རྒྱུ་དེ་བོད་ཙམ་མིན་པར་ཨེ་ཤ་ཡའི་རྒྱལ་ཡོངས་དང་ལྷག་པར་འཛམ་གླིང་གོ་ལ་ཧྲིལ་པོར་གལ་ཆེན་ཆགས་ཀྱི་ཡོད་པ་དང་། དེ་བཞིན་ཚན་རིག་པ་དང་རྒྱལ་ཁབ་ཚང་མ་མཉམ་འབྲེལ་གྱིས་བོད་མཐོ་སྒང་གི་ཁོར་ཡུག་གནས་སྟངས་ཐད་ཞིབ་འཇུག་བྱེད་དགོས་པ། ལྷག་པར་བོད་ཀྱི་ཁོར་ཡུག་སྲུང་སྐྱོབ་སླད་བོད་མིའི་ཡུལ་སྲོལ་གོམས་གཤིས་དང་སྔར་ཡོད་པའི་ཤེས་བྱ་ལ་གུས་རྩི་དགོས་པ་དང་། རྒྱ་གཞུང་གིས་བོད་ནང་གི་གནམ་གཤིས་འགྱུར་ལྡོག་གི་ཤུགས་རྐྱེན་ལ་རྒྱུས་ལོན་གྱིས་དེར་གདོང་ལེན་བྱེད་པར་དེར་འབྲེལ་གྱི་སྲིད་བྱུས་ཁ་ཡོད་ལག་ཡོད་ཀྱིས་ལག་བསྟར་དགོས་པ་དང་། ས་གནས་བོད་མི་ནས་གནམ་གཤིས་འགྱུར་ལྡོག་ལ་གདོང་ལེན་གནང་དགོས་པ་སོགས་ཀྱི་དོན་ཚན་དྲུག་ལ་འགྲེལ་བརྗོད་གནང་སོང་། གཞི་རྩའི་ད་ལན་གྱི་ཚོགས་ཆེན་གྱི་ཉིན་དང་པོར་ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་འཐུས་མི་དང་། ཅེཀ་གྲོས་ཚོགས་ཀྱི་ཁོར་ཡུག་ཚོགས་ཆུང་གི་ཚོགས་གཙོ་ལྕམ་སྐུ་ Dana Balcarova ལགས་དང་། ཉིན་གཉིས་པའི་ཐོག་དབྱིན་ཡུལ་གྲོས་ཚོགས་འཐུས་མི་སྐུ་ཞབས་ Tim Loughton ལགས་ཆེད་དུ་གསུང་བཤད་གནང་བར་མགྲོན་འབོད་གནང་འདུག་པ་དང་། ཉིན་མཐའ་མའི་ཚོགས་འདུའི་ཐོག་སྐྱབས་རྗེ་འབྲི་གུང་སྐྱབས་མགོན་ཆེ་ཚང་རིན་པོ་ཆེ་མཆོག་གིས་བཀའ་སློབ་གནང་འདུག
རྒྱལ་ཚོགས་ནས་རྒྱ་གཞུང་གི་བཀའ་ཁྲོལ་མི་དགོས་པར་ཤིན་ཅང་ལ་རྟོག་ཞིབ་གནང་སྲིད་པ།
vot.org -
རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་ Michelle Bachelet ལགས་ཀྱིས་ཉེ་སྔོན་གསར་ལམ་ཁག་ཏུ་འགྲེལ་བརྗོད་གནང་བའི་ནང་དུ། ཁོང་གིས་ཡུན་རིང་ནས་རེ་བ་ཞུས་ཏེ་རྒྱ་ནག་དུ་ཆེད་ཕེབས་ཀྱིས་རྒྱ་ནག་གིས་ཤིན་ཅང་གི་ནང་དུ་འགྲོ་བ་མིའི་ཐོབ་ཐང་ལ་རྡོག་རོལ་གྱིས་མི་མང་བཀག་སྐྱིལ་དང་མནར་གཅོད། དེ་བཞིན་ངལ་རྩོལ་བསྒྱུར་བཀོལ་བྱེད་བཞིན་པར་ཞིབ་འཇུག་བྱེད་རྒྱུར་རེ་སྒུག་བྱས་ཡོད་པར་ལུང་འདྲེན་གྱིས། ཐེངས་འདིར་ཁོང་གིས་ཐབས་གཞན་བརྒྱུད་ནས་རྒྱ་གཞུང་གི་བཀའ་ཁྲོལ་མི་དགོས་པའི་ཐོག་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་རྡོག་རོལ་ལ་ཞིབ་འཇུག་བྱེད་རྒྱུའི་ཉེན་བརྡ་བཏང་འདུག
སྤྱིར་རྒྱ་ནག་གཞུང་ངོས་ནས་ཡུ་གུར་མི་མང་གི་མཚོན་པའི་ཁ་ཆེ་མང་ཚོགས་མང་པོ་བཀག་སྐྱིལ་བྱས་ཡོད་པར་ངོས་ལེན་མ་བྱས་པར། བཀག་སྐྱིལ་ཁང་དེ་དག་ནི་ཁ་ཆེ་དྲག་སྤྱོད་འགོག་ཐབས་ཀྱི་ལས་རིགས་སྦྱོང་བརྡར་སྤྲོད་ས་ཡིན་པར་འགྲེལ་བརྗོད་བྱེད་མུས་ཁྲོད། བདུན་ཕྲག་སྔོན་མའི་ནང་དུ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་ཁ་ན་ཊ་ཡི་འགོ་ཁྲིད་པའི་རྒྱལ་ཁབ་ ༤༥ ཡིས་རྒྱ་ནག་གིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་ལྕམ་ Michelle Bachelet རྒྱ་ནག་གི་ནང་དུ་རང་དབང་གི་སྒོ་ནས་ཞིབ་འཇུག་བྱེད་རྒྱུར་ལམ་ཁ་སྤྲོད་དགོས་བའི་ཞུ་སྐུལ་གནང་ཡོད་པ་རེད། འོན་ཀྱང་རྒྱ་ནག་གིས་གནད་དོན་དེ་ནི་ཆབ་སྲིད་ཀྱི་དམིགས་འབེན་ལྡན་ཞིང་རྒྱ་ནག་གི་ནང་སྲིད་ལ་ཐེ་གཏོགས་བྱས་པ་ཞིག་ཡིན་པར་ལན་འདེབས་བྱས་ཏེ། གཞི་རྩའི་རྒྱ་ནག་གིས་ལྕམ Michelle Bachelet ལགས་རྒྱ་ནག་ཏུ་ཕེབས་རྒྱུར་དགའ་བསུ་ཞུ་བཞིན་ཡོད་ནའང་། དེ་ནི་ཕན་ཚུན་བར་དུ་མཉམ་ལས་དང་བརྗེ་ལེན་ལ་དམིགས་པ་ཞིག་ཡིན་དགོས་བ་ལས་རྟོག་ཞིབ་བྱ་བར་དམིགས་པ་ཞིག་ཡིན་མི་ཆོག་པའི་སྐྱོན་བརྗོད་བྱས་ཡོད་པ་རེད།
Reuters གསར་ཁང་གིས་གནས་ཚུལ་སྤེལ་བར་གཞིགས་ན། ལྕམ Michelle Bachelet ལགས་ཀྱིས་གཟའ་འཁོར་སྔོན་མའི་ནང་གསར་འགོད་པར་གནད་དོན་དེའི་སྐོར་ལ་ལན་འདེབས་གནང་སྐབས། ཁོང་གིས་ཕྱི་ལོ་ ༢༠༡༨ ནས་བཟུང་རྒྱ་ནག་དང་ལྷན་དུ་གྲོས་བསྡུར་བརྒྱུད་ཡུལ་དེར་རྟོག་ཞིབ་སླད་བསྐྱོད་ཐུབ་པའི་འབད་བརྩོན་རིམ་པ་ཞུས་དང་ཞུ་བཞིན་པ་དང་ཆབས་ཅིག ཁོང་གི་ལས་ཁུངས་ངོས་ནས་རྒྱ་ནག་གིས་ཤིན་ཅང་གི་ཁུལ་དུ་འགྲོ་བ་མིའི་ཐོབ་ཐང་རྡོག་རོལ་གཏོང་གི་ཡོད་པར་མུ་མཐུད་དུ་རྟོག་ཞིབ་ཞིབ་ཚགས་གནང་རྒྱུ་ཡིན་སྐོར་གསུང་སྟེ་ཐབས་ལམ་གཞན་ཞིག་ལ་འབད་རྒྱའི་གོ་བརྡ་སྤྲད་ཡོད་པ་རེད་འདུག
གོང་གི་གནད་དོན་དང་འབྲེལ་ནས། འགྲོ་བ་མིའི་ཐོབ་ཐང་ལྟ་ཞིབ་ཁང་གི་འགན་འཛིན་ Kenneth Roth ལགས་ཀྱིས་ལྕམ་སྐུ་ Bachelet མཆོག་ལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་དང་དེ་བཞིན་རྒྱ་ནག་གཞུང་སོགས་ནས་བཀའ་ཁྲོལ་མི་དགོས་པར། ཐག་རིང་ས་ཁུལ་དུ་གནས་བཞིན་ཤིན་ཅང་ནང་གི་གནས་སྟངས་ལ་ཞིབ་འཇུག་དང་དྲི་རྩད་བྱ་ཆོག་པའི་སྐུ་དབང་ཡོད་པ་དང་། དེ་སྔ་ལྕམ་སྐུ་ཁོང་དང་། ལྷན་ཚོགས་ཀྱི་གཙོ་འཛིན་གོང་མས་ Venezuela ་དང་། ལྷོ་ཤར་Turkey, དེ་བཞིན་Kashmir སོགས་སུའང་དེ་ལྟར་གནང་ཡོད་པ་གསུང་འདུག
ཁོང་གིས་ད་དུང་ད་ལྟའི་ཆར་ཤིན་ཅང་ནང་གི་གནས་སྟངས་ཐད་མཉམ་འབྲེལ་རྒྱལ་ཚོགས་ཀྱི་གཞུང་འབྲེལ་ཐོག་ནས་རྟོག་ཞིབ་གང་ཡང་ཐུབ་མེད་པ་དང་། རྒྱ་ནག་གཞུང་གིས་རྒྱལ་ཚོགས་ཀྱི་འབོད་སྐུལ་རིམ་པར་ངོས་ལེན་མ་བྱས་པའི་ཁྲོད་འདིར་རྒྱལ་ཚོགས་ངོས་ནས་འདི་ལྟ་བུའི་ཐབས་ལམ་ལ་མ་འབད་ཀ་མེད་ཡིན་སྐོར་གསུངས་བ་མ་ཟད། International Service for Human Rights ཞེས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ཞབས་ཞུ་ཁང་གི་ལས་བྱེད་དང་རྒྱ་ནག་དང་འབྲེལ་བའི་ཆེད་མཁས་བ་ལྕམ Sarah Brooks ལགས་ཀྱིས་ཀྱང་ལྕམ Michelle Bachelet ལགས་ནས་གནད་དོན་དེའི་ཐོག་གོམ་གང་མདུན་སྤོས་བྱེད་དགོས་པའི་དུས་ལ་བབ་ཡོད་པར་འགྲེལ་བརྗོད་གནང་བ་དང་འབྲེལ། ཤིན་ཅང་ནང་གི་གནས་སྟངས་ལ་ཞིབ་འཇུག་སླད་རྒྱ་ནག་གི་མཉམ་འབྲེལ་དགོས་པ་དེ་སྔོན་འགྲོའི་ཆ་རྐྱེན་ཞིག་ཡིན་པར་འགྲེལ་ལོག་རྒྱག་རྒྱུ་མེད་པར་གསུངས་འདུག
དེ་བཞིན་གསར་ཁང་གིས་འདི་ལོར་འགྲོ་བ་མིའི་ཐོབ་ཐང་ལྟ་ཞིབ་ཁང་དང་རྒྱལ་སྤྱིའི་ཉེས་ཡངས་ཚོགས་པས་རྒྱ་ནག་དང་འབྲེལ་བའི་སྙན་ཐོ་སྤེལ་བའི་ནང་དུ། རྒྱ་ནག་གིས་ཤིན་ཅང་གི་ནང་དུ་ལས་འགུལ་སྤེལ་བ་དེ་ནི་འགྲོ་བ་མིའི་རིགས་ཀྱི་ནག་ཉེས་ཚབས་ཆེན་ཞིག་ཡིན་པར་བསྒྲགས་ཡོད་པ་མངོན་གསལ་གནང་འདུག
གཞི་རྩའི་འདི་ལོར་ཡུ་རོབ་མཐུན་ཚོགས་ཀྱི་ཕྱི་འབྲེལ་བློན་ཆེན་མཆོག་གིས་ཤིན་ཅང་ཁུལ་གྱི་དངོས་ཡོད་གནས་ཚུལ་རྟོག་ཞིབ་དཔྱིས་ཕྱིན་པ་ཞིག་གནང་སླད་རྒྱ་ནག་གཞུང་གི་ངོས་ནས་ཁུལ་དེར་དམ་དྲག་གང་ཡང་མེད་པར་རང་དབང་ཐོག་བསྐྱོད་འཇུག་དགོས་པའི་ཡོངས་ཁྱབ་གསལ་བསྒྲགས་གནང་བ་ལྟར། ཨ་རི་དང་དབྱིན་ཡུལ་སོགས་ཀྱི་མཚོན་པའི་ནུབ་ཕྱོགས་ཀྱི་རྒྱལ་ཁབ་མང་པོ་ཞིག་གི་གྲོས་ཚོགས་ཀྱི་ནང་དུ་རྒྱ་ནག་གིས་ཤིན་ཅང་གི་ཁུལ་དུ་མི་རིགས་རྩ་གཏོར་གྱི་སྲིད་བྱུས་སྤེལ་བཞིན་ཡོད་པའི་གླེང་སློང་ཤུགས་ཆེན་བྱུང་ཡོད་པ་རེད།
ཤ་འབྲོང་བཀྲ་ཤིས་རྒྱ་མཚོ་ལགས་ཆབ་སྲིད་དྲུང་ཆེར་བསྐོ་བཞག་གནང་འདུག
vot.org -
སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་ཀྱི་བཀའ་ཤག་སྐབས་ ༡༦ པའི་ཐུགས་འགན་བཞེས་ཏེ་ཟླ་བ་གཅིག་ཙམ་འགྲོ་བཞིན་པའི་སྐབས་འདིར་དྲུང་ལས་ཡན་གྱི་ལས་བྱེད་གནས་སྤོས་བཀོད་སྒྲིག་ཆེས་གྲས་ཐོག་མ་དེ་གནང་སྟེ། ཆེས་མཐོའི་ཁྲིམས་ཞིབ་ཁང་གི་ཁྲིམས་དྲུང་ཤ་འབྲོང་བཀྲ་ཤིས་རྒྱ་མཚོ་ལགས་བཀའ་དྲུང་ཡིག་ཚང་གི་ཆབ་སྲིད་དྲུང་ཆེར་བསྐོ་བཞག་གནང་འདུགདེ་ཡང་དེ་རིང་ཕྱི་ཚེས་ ༢༨ ཉིན་བཀའ་དྲུང་ཡིག་ཚང་ནས་ལས་བྱེད་གནས་སྤོས་བཀོད་སྒྲིག་གི་གསལ་བསྒྲགས་ཤིག་ཡོངས་ཁྱབ་གནང་བའི་ནང་གསལ་ལྟར་ན། ཆེས་མཐོའི་ཁྲིམས་ཞིབ་ཁང་གི་ཁྲིམས་དྲུང་ཤ་འབྲོང་བཀྲ་ཤིས་རྒྱ་མཚོ་ལགས་བཀའ་དྲུང་ཡིག་ཚང་གི་ཆབ་སྲིད་དྲུང་ཆེར་བསྐོ་བཞག་དང་སྦྲགས། ཁོང་གི་ཚབ་ཏུ་དཔལ་འབྱོར་ལས་ཁུངས་ཀྱི་དྲུང་ཆེ་ཡེ་ཤེས་དབང་མོ་ལགས་ཆེས་མཐོའི་ཁྲིམས་ཞིབ་ཁང་གི་ཁྲིམས་དྲུང་དུ་བསྐོ་བཞག་གནང་འདུག
གཞན་ཡང་དེ་རིང་ལས་བྱེད་གནས་སྤོས་བཀོད་སྒྲིག་གནང་པའི་ནང་ལ་དཔལ་འབྱོར་ལས་ཁུངས་ཀྱི་དྲུང་འཕར་བསྟན་འཛིན་ལེགས་གྲུབ་ལགས་དཔལ་འབྱོར་ལས་ཁུངས་ཀྱི་དྲུང་ཚབ་དང་། བོད་ཀྱི་སྲིད་བྱུས་ཉམས་ཞིབ་ཁང་གི་དྲུང་འཕར་བསྟན་འཛིན་ལེགས་བཤད་ལགས་ཕྱི་དྲིལ་ལས་ཁུངས་ཀྱི་དྲུང་འཕར། དབུས་སྣེ་ལེན་འབྲེལ་མཐུད་ཁང་གི་འགན་འཛིན་གྱང་གསར་ཚེ་རིང་དོན་གྲུབ་ལགས་བདེ་སྲུང་ལས་ཁུངས་ཀྱི་དྲུང་འཕར། བཀའ་དྲུང་ཡིག་ཚང་གི་དྲུང་འཕར་ཀུན་དགའ་རྒྱལ་མཚན་ལགས་ཤེས་རིག་ལས་ཁུངས་ཀྱི་དྲུང་འཕར། ཤེས་རིག་ལས་ཁུངས་ཀྱི་ཟུང་དྲུང་བསྟན་འཛིན་ནོར་བུ་ལགས་དབུས་འོས་བསྡུ་ལས་ཁང་གི་ཟུང་དྲུང་། དབུས་འོས་བསྡུ་ལས་ཁང་གི་ཟུང་དྲུང་མི་འགྱུར་གཡུ་སྒྲོན་ལགས་སིམ་ལ་སྤྱི་ཁྱབ་ས་གནས་འགོ་འཛིན། བོད་ཀྱི་སྲིད་བྱུས་ཉམས་ཞིབ་ཁང་གི་ཟུང་དྲུང་བདེ་སྐྱིད་སྒྲོལ་དཀར་ལགས་ནང་སྲིད་ལས་ཁུངས་ཀྱི་ཟུང་དྲུང་དང་ནང་སྲིད་ལས་ཁུངས་ཀྱི་ཟུང་དྲུང་པདྨ་བཟང་པོ་ལགས་ཆེས་མཐོའི་ཁྲིམས་ཞིབ་ཁང་གི་ཟུང་དྲུང་བཅས་སུ་གནས་སྤོ་གནང་འདུག
གཞི་རྩའི་བཀའ་དྲུང་ཡིག་ཚང་གི་ཆབ་སྲིད་དྲུང་ཆེ་ཞེས་པའི་ལས་གནས་འདི་དེ་སྔའི་བཀའ་ཤག་སྐབས་ཁ་ཤས་ནང་བསྐོ་བཞག་གནང་ཡོད་ཀྱང་། བཀའ་ཤག་སྐབས་ ༡༢ པའི་སྐབས་ནས་ཆབ་སྲིད་དྲུང་ཆེ་དམིགས་བསལ་བསྐོ་གཞག་གནང་མཚམས་བཞག་ཡོད་པ་རེད།
རེས་གཟའ་ཉི་མ། ༢༠༢༡།༠༦།༢༧
vot.org -
ཉན་པ།: Listen
ཕབ་ལེན། Download
འཕགས་བོད་ས་མཚམས་ཀྱི་འཛུགས་སྐྲུན་ལས་གཞི་དང་དེའི་ཤུགས་རྐྱེན།
Sunday 27/06/2021
China's border infrastructure and India: Panel Discussion
རེས་གཟའ་སྤེན་པ། ༢༠༢༡།༠༦།༢༦
vot.org -
ཉན་པ།: Listen
ཕབ་ལེན། Download
ལོ་ ༡༠༠ འཁོར་བའི་རྒྱ་ནག་དམར་ཤོག་ཚོགས་པའི་སྐོར་དཔྱད་གླེང་།
Saturday 26/06/2021
Analysis: 100 years of Chinese Communist Party
རེས་གཟའ་པ་སངས། ༢༠༢༡།༠༦།༢༥
vot.org -
ཉན་པ།: Listen
ཕབ་ལེན། Download
ཁམས་འབྲི་རུའི་བོད་མི་ཁག་ཅིག་འཛིན་བཟུང་།
བོད་ཀྱི་རྩོམ་པ་པོ་དྷི་ལྷ་ལྡན་ལགས་གློད་བཀྲོལ་དགོས་པའི་ཞུ་སྐུལ།
རྒྱལ་ཚོགས་ཀྱི་ཚོགས་ཆེན་དང་བསྟུན་བོད་མིའི་ཞི་རྒོལ།
རྒྱལ་ཚོགས་ཀྱི་དམིགས་བསལ་སྐུ་ཚབ་རྣམས་བོད་དུ་ཞིབ་འཇུག་སླད་ཆེད་གཏོང་དང་མནར་གཅོད་ཕོག་མཁན་ལ་རྗེས་དྲན།
དབུས་སྣེ་ལེན་ཁང་གི་སྨན་པ་སོགས་ས་རཱ་མཐོ་སློབ་ཏུ་གནས་སྤོས་ཀྱིས་སྨན་བཅོས་གནང་མུས།
ཨ་རིས་སླར་རྒྱ་ནག་གི་ཚོང་ལས་སྡེ་ཁག་ལྔ་དང་ཚོང་འབྲེལ་བཀག་སྡོམ།
Friday 25/06/2021
Arrest in Driru, tight restriction against flow of information
Rights group call for immediate release of Tibetan scholar
UNHRC: Tibetans hold protest against China in Geneva
International day in support of torture victims: UN urged to investigate torture in Tibet
Covid-19: Scores of CHTS students test positive
US adds 5 Chinese companies to export restrictions list over rights abuses
ཁམས་འབྲི་རུའི་བོད་མི་ཁག་ཅིག་འཛིན་བཟུང་།
vot.org -
འདི་ལོའི་ཕྱི་ཟླ་ ༤ པ་ཡས་མས་ལ་རྒྱ་དམར་གྱིསཁམས་འབྲི་རུ་ནས་ཡིན་པའི་བོད་མི་ཁག་ཅིག་ འཛིན་བཟུང་བྱས་འདུགཁམས་འབྲི་རུ་ནི་རྒྱ་གཞུང་གིིས་འདས་པའི་ལོ་མང་ནས་དམིགས་བསལ་དམ་དྲག་དང་དྲག་གནོན་ཆེས་ཆེར་བྱེད་བཞིན་པའི་ས་ཁུལ་ཞིག་ཆགས་ཀྱི་ཡོད་པ་རེད།
བཙན་བྱོལ་ནང་དུ་གནས་བཞུགས་བོད་མི་ཡར་དར་ལགས་ཀྱིས་གནས་ཚུལ་གནང་བར་གཞིགས་ན་བོད་རང་སྐྱོང་ལྗོངས་ཟེར་བའི་ནག་ཆུ་ས་ཁུལ་གྱི་ཁོངས་སུ་ཡོད་པའི་འབྲི་རུ་རྫོང་ཙཱ་ལ་ཡུལ་ཚོ་མེ་རི་གྲོང་ཚོ་ནས་ཡིན་པའི་བརྒྱ་བྱིན་ལགས་ཀྱིས་ཕྱི་ཕྱོགས་སུ་ཡོད་པའི་རང་ཉིད་ཀྱི་སྤུན་ཉེ་འབྲེལ་ལ་འབྲེལ་བ་གནང་བ་བརྟེན་འཛིན་བཟུང་བྱས་པ་མ་ཟད་ཁོང་དང་ལྷན་དུ་བོད་མི་གཞན་ཁག་ཅིག་ཀྱང་འཛིན་བཟུང་བྱས་འདུག
འབྲི་རུ་ནང་དམ་དྲག་ཆེ་བའི་གནས་སྟངས་ཁྲོད་སྐབས་ཐོག་གི་གནས་ཚུལ་རྒྱུས་ལོན་ཐུབ་རྒྱུ་ཧ་ཅང་ཁག་པོ་ཡིན་པ་ལྟར་བརྒྱ་བྱིན་ལགས་དང་ལྷན་དུ་བོད་མི་ག་ཚོད་འཛིན་བཟུང་དང་རྒྱུ་མཚན་གང་ཡིན། བཙོན་ཁང་གང་དུ་ཡོད་མེད་སོགས་ཞིབ་ཕྲའི་གནས་ཚུལ་ཁ་གསལ་ཤེས་རྟོགས་ཐུབ་མི་འདུགབརྒྱ་བྱིན་ལགས་ནི་ཕྲུ་གུ་གསུམ་གྱི་ཨ་ཕ་ཡིན་པ་དང་ཁོང་གིས་ཕྱི་ཕྱོགས་སུ་ཡོད་པའི་སྤུན་ཉེ་དང་ལྷན་དུ་ཁ་པར་བརྒྱུད་འབྲེལ་བ་གནང་བར་ཁ་གཡར་འདུག ལོ་ཤས་ནང་རྒྱ་དམར་གཞུང་གིས་བོད་ནག་ཆུ་ཁུལ་གྱི་ཤར་ཕྱོགས་སུ་ཡོད་པའི་རྫོང་ཁག་གསུམ་སྟེ་སྦྲ་ཆེན་དང་སོག་རྫོང་། འབྲི་རུ་རྫོང་བཅས་གསུམ་པོར་དྲག་གནོན་ཚད་ལས་བརྒལ་བ་བྱེད་བཞིན་པ་དང་ཁུལ་དེ་ནས་མི་མང་པོ་ཉེས་མེད་འོག་འཛིན་བཟུང་གིས་སྡུག་སྦྱོང་མནར་གཅོད་བཏང་བའི་རྐྱེན་གྱིས་བོད་མི་མི་ཉུང་བའི་ཚེ་སྲོག་ཤོར་བའི་གནས་ཚུལ་ཡང་བྱུང་ཡོད་པ་རེད།
རྒྱལ་ཚོགས་ཀྱི་ཚོགས་ཆེན་དང་བསྟུན་བོད་མིའི་ཞི་རྒོལ།
vot.org -
ཇི་ནི་ཝར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་ཐེངས་ ༤༧ པ་དང་བསྟུན་ཇེ་སྡུག་ཏུ་འགྲོ་བཞིན་པའི་བོད་ནང་འགྲོ་བ་མིའི་ཐོབ་ཐང་གི་གནས་སྟངས་མངོན་གསལ་དང་འབྲེལ་བོད་མི་ཚོས་རྒྱལ་ཚོགས་ཀྱི་མདུན་ཐང་དུ་ཞི་བའི་སྐད་འབོད་དང་རྒྱལ་ཚོགས་སུ་ཞུ་གཏུག་ཀྱི་ལས་འགུལ་སྤེལ་ཡོད་པ་རེད།དེ་རིང་ཕྱི་ཚེས་ ༢༥ ཉིན་འདི་ག་སུད་སི་གྲོང་ཁྱེར་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་ངོས་སུ་ཡོད་པའི་ལོ་རྒྱུས་ཀྱི་རང་བཞིན་ལྡན་པའི་ཞབས་སྟེགས་ཞབས་ཆག་གི་མདུན་ཐང་དུ་སུད་སི་དང་ལིག་ཏེན་སིཊཡན་བོད་རིགས་མི་མང་གི་སྣེ་ཁྲིད་འོག་བོད་མི་དང་བོད་དོན་རྒྱབ་སྐྱོར་བ་རྣམས་ནས་ཕྱག་ཏུ་བོད་ཀྱི་རྒྱལ་དར་བསྣམས་ཤིང་། བོད་རྒྱལ་ཁབ་ཆེན་པོའི་རྒྱལ་གླུ་བླངས་པ་དང་བོད་ལ་རང་དབང་དགོས། རྒྱ་གཞུང་ནས་བོད་ནང་འགྲོ་བ་མིའི་ཐོབ་ཐང་རྡོག་རོལ་མཚམས་འཇོག་དགོས། རྒྱལ་ཚོགས་གཉིད་སད་ཤོགས་ཞེས་སོགས་ཀྱི་དགོས་མདུན་འཁོད་པའི་ཤོག་འཕྲིན་དང། སྐད་འབོད་གནང་སྟེ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་པ་རེད།སྐབས་དེར་ལས་འགུལ་སྣེ་ཁྲིད་གནང་མཁན་སུད་སི་དང་ལིག་ཏེན་སིཊཡན་བོད་རིགས་མི་མང་གི་ཚོགས་གཙོ་ཀརྨ་ཆོས་སྐྱིད་ལགས་སུ་བཅར་འདྲི་ཞུས་པར་ལས་འགུལ་ཐོག་ལ་སུད་སི་བོད་ཀྱི་སྐུ་ཚབ་དོན་གཅོད་འཆི་མེད་རིག་འཛིན་ལགས་ཀྱིས་གཙོས་པའི་སུད་སི་དང་ལིག་ཏེན་སིཊཡན་བོད་རིགས་མི་མང་། ས་གནས་གཞུང་འབྲེལ་མིན་པའི་སྐུ་ཚབ། དེ་བཞིན་བོད་དོན་རྒྱབ་སྐྱོར་བ་བཅས་མཉམ་ཞུགས་གནང་ཡོད་པར་གསུངས་ཡོད། སྤྱིར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་དེ་ཟླ་ ༦ ཕྱི་ཚེས་ ༢༡ ནས་འཚོགས་བཞིན་ཡོད་པ་དང་བསྟུན་བོད་མི་ཚོས་དེ་རིང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་ལྷན་ཚོགས་ཀྱི་གཙོ་འཛིན་ལྕམ་སྐུ་ Michelle Bachelet མཆོག་གི་མཚན་ཐོག་ལ་བོད་ནང་གི་ཆོས་དད་རང་དབང། སྐད་ཡིག་རང་དབང། སྨྲ་བརྗོད་རང་དབང། འདུ་འཛོམས་རང་དབང་སོགས་ཀྱི་གནས་བབ་མངོན་གསལ་གནང་བའི་ཞུ་སྙན་ཞིག་ཕུལ་བ་མཟད་ལྷག་པར་དུ་གཙོ་འཛིན་མཆོག་ནས་བོད་ཀྱི་གནད་དོན་ཐོག་ཁུ་སིམ་པོར་མ་བཞུགས་པར་ཚོགས་ཆེན་ཐོག་གླེང་སློང་གནང་རྒྱུའི་དུས་ལ་བབས་འདུག་ཅེས་ཞུ་འབོད་ཀྱང་གནང་ཡོད་པ་རེད།