Monthly Archives: November, 2020

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་ནས་དྲ་ལམ་བརྒྱུད་འཇར་མན་གྱི་པོ་ཚི་ཊམ་ Potsdam, Germany དུ་ཡོད་པའི་ The Einstein Forum ཞེས་ཨན་སི་ཌན་གྱི་གླེང་སྟེགས་ཚོགས་པས་ཇི་ལྟར་གསོལ་འདེབས་ཞུས་དོན་ལྟར་ནང་ཆོས་དང་ཚན་རིག བྱམས་བརྩེ་བཅས་ཀྱི་སྐོར་ལ་བཀའ་སློབ་བཀྲིན་ཆེ་བ་སྩལ་སོང་།ཨན་སི་ཌན་གྱི་གླེང་སྟེགས་ཚོགས་པའི་ཚོགས་གཙོ་ལྕམ་སྐུ་སུ་སེན་ལགས་ཀྱིས་དེ་རིང་དྲྭ་ཐོག་གི་བཀའ་སློབ་དང་བཀའ་འདྲི་དགོངས་སྐོར་གྱི་ལས་རིམ་གཙོ་སྐྱོང་གནང་སྟེ་ཐོག་མར་ཨན་སི་ཌན་གྱི་གླེང་སྟེགས་དེའི་རྒྱབ་ལྗོངས་དང་འབྲེལ་བའི་ངོ་སྤྲོད་སྙན་སེང་ཞིབ་རྒྱས་ཞུས་པ་དང་སྦྲགས། མགོན་པོ་༸གང་ཉིད་མཆོག་གིས་བླང་དོར་གྱི་བཀའ་སློབ་བཀྲིན་སྩལ་རྒྱུར་བཀའ་བཞེས་བཟང་པོ་སྨིན་སྩལ་ཐོབ་པར་དགའ་བསུའི་འཚམས་འདྲི་ཞུས་སོང་།སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་དེ་སྔ་ཨིས་ཊོ་ནི་ཡར་ཆིབས་བསྒྱུར་སྐབས་ཡུལ་ལུང་དེ་ཧ་ཅང་གི་མཛེས་སྡུག་ལྡན་པ་ཞིག་གཟིགས་སྐོར་ཐུགས་དྲན་གསོས་པ་དང་སྦྲགས་ཏེ། སྐབས་བབ་ཀྱི་བརྗོད་གཞི་ནང་ཆོས་དང་ཚན་རིག བྱམས་བརྩེ་བཅས་དང་འབྲེལ་བའི་བཀའ་སྩལ་བར་བྱམས་བརྩེ་ཞེས་པ་ནི་འཛམ་གླིང་འདིའི་ཐོག་གི་ཆོས་ལུགས་ཡོད་དོ་ཅོག་གིས་གཙིགས་ཆེར་ངོས་འཛིན་གྱིས་ལམ་སྟོན་དང་ཉམས་བཞེས་གཅིག་མཚུགས་གནང་གི་ཡོད་པ་དང་། ང་ཚོ་ཚང་མ་ཆོས་ཁས་ལེན་མིན་ལ་བལྟོས་མེད་འགྲོ་བ་མི་ཐེར་འབུམ་བདུན་ཡོད་པ་དེ་དག་ཀུན་གཅིག་གྱུར་ཡིན་པའི་གཞིར་རྩར་བཞག་པའི་བྱམས་བརྩེའི་ཚོར་སྣང་ཡོད་པའི་ཀུན་སློང་དེ་ནི་བདེ་སྐྱིད་ལྡན་པའི་སྤྱི་ཚོགས་སྤྱི་དང་སྒོས་བདེ་སྐྱིད་ལྡན་པའི་ནང་མི་བཅས་པར་ཉེར་བ་མཁོ་སྐོར་ལམ་སྟོན་མཛད་སོང་།དེ་བཞིན་ལེགས་སྦྱར་དང་རྒྱ་གར་གྱི་རིག་གནས་མཁས་པ་སྐུ་ཞབས་ཌེ་ཝིཌ་ལགས་ཀྱིས་ནང་ཆོས་ཐོག་ནས་སྡིག་པ་ཞེས་པ་དེ་ཇི་ལྟར་ངོས་འཛིན་གནང་གི་ཡོད་དམ་ཞེས་བཀའ་འདྲོ་དགོངས་སྐོར་ཞུས་པར་འགྲོ་བ་རྣམས་ཀྱི་སེམས་ཀྱི་རང་བཞིན་དེ་འོད་གསལ་བ་ཞིག་ཡིན་པ་ལྟར། དགེ་སྡིག་གང་གི་ངོ་བོར་འགྱུར་མ་འགྱུར་དེ་ནི་གཙོ་བོ་ཀུན་སློང་བཟང་ངན་གང་ཞིག་དབང་དུ་སོང་མིན་ལ་རག་ལས་ཡོད་སྟབས། ཀུན་སློང་ངན་པའི་དབང་དུ་སོང་སྟེ་བྱ་བ་གང་ཞིག་བརྩམས་ཀྱང་དེ་ནི་སྡིག་པའི་ངོ་བོར་འགྲོ་ངེས་ཡིན་པར་བཀའ་སྩལ་སོང་།གཞན་ཡང་ལྕམ་སྐུ་ཨེམ་བིར་ལགས་ཀྱིས་ཀྱང་ནང་པའི་ཐོག་ནས་རྟེན་འབྲེལ་གྱི་རྣམ་གཞག་བཞེད་པའི་སྟེང་ནས་སྙིང་རྗེ་གོང་འཕེལ་གཏོང་ཚུལ་དང་ཚན་རིག་ཐོག་ནས་དེ་ལྟར་མི་ཡོང་བའི་རྒྱུ་མཚན་གང་ཡིན་ནམ་ཞེས་བཀའ་འདྲི་ཞུས་སྐབས་མགོན་པོ་༸གང་ཉིད་མཆོག་གིས་ནང་ཆོས་ཀྱིས་བྱམས་རྩེ་དང་སྙིང་རྗེ་རྩལ་འདོན་གནང་གི་ཡོད་པ་རེད། དེས་ན་ཁོང་ཁྲོའི་འགལ་ཟླའི་བློ་དེ་བྱམས་བརྩེ་ཡིན་པར་བརྟེན་ཁོང་ཁྲོ་འཇོམས་པར་བྱམས་བརྩེ་གོང་འཕེལ་གནང་བར་རང་ཉིད་ཀྱི་ཁོང་ཁྲོ་ཟ་ཡུལ་དགྲ་དང་དགའ་ཡུལ་གཉེར་ཟེར་བ་དེ་གཉིས་ཀ་བློ་ལ་སྣང་བའི་དབང་གིས་གཞག་པ་མ་ཡིན་པར་ཡུལ་རང་གི་སྡོད་ལུགས་ཀྱི་ངོས་ནས་གྲུབ་པ་མེད་སྟབས་རྟེན་འབྲེལ་གྱི་རྣམ་གཞག་ལེགས་པར་ཤེས་པའི་ཁར་ཐབས་ཤེས་ཟུང་འབྲེལ་ཐོག་ནས་གཉེན་པོ་བསྟེན་དགོས་གལ་ཡིན་པར་ལམ་སྟོན་མཛད་ཡོད།སྐུ་ཞབས་ཤཱ་ཡམ་ལགས་ཀྱིས་ལས་འབྲས་ཟེར་བ་དེ་སླད་མར་ཚན་རིག་དང་མཐུན་པ་ཞིག་ཡོང་ཐུབ་བམ་ཞེས་བཀའ་འདྲི་དགོངས་སྐོར་ཞུས་པར་༸གོང་ས་མཆོག་གིས་ཀརྨ་འམ་ལས་ཟེར་བ་དེ་བྱ་བར་གོ་དགོས་པ་དང་བྱ་བ་དེ་སྐད་ཅིག་སྐད་ཅིག་ལ་འགག་པའི་ཆོས་ཉིད་ཡིན་པ་རེད། དེས་ན་ང་རང་ཚོས་མི་དགེ་བའི་བག་ཆགས་དང་བཅས་པར་གཉེན་པོ་ཚུལ་བཞིན་བསྟེན་ཏེ་བཟང་པོའི་བག་ཆགས་དེ་དག་གོང་འཕེལ་བཏང་ནས་མཐར་སངས་རྒྱས་པའི་གནས་སྐབས་དེ་ཡང་ལས་འབྲས་དང་འབྲེལ་བ་ཡོད་སྐོར་དཔེ་མཚོན་དང་བཅས་ཏེ་བཀའ་དེ་ལྟར་སྩལ་སོང་།དེ་རིང་ Einstein Forum ཚོགས་པའི་ཚོགས་གཙོ་ལྕམ་སྐུ་སུ་སེན་ལགས་ཀྱིས་བགྲོ་གླེང་དང་འབྲེལ་བའི་བཀའ་སློབ་དང་བཀའ་འདྲི་དགོངས་སྐོར་གྱི་ལས་རིམ་ལེགས་གྲུབ་དང་བསྟུན་གླེང་སྟེགས་དེའི་ཚོགས་མི་ཡོངས་ཀྱི་ཚབ་ཞུས་ཏེ་༸གོང་ས་མཆོག་གིས་བཀའ་སློབ་སྩལ་བ་འདི་སྐལ་བ་བཟང་པོ་ཞིག་དང་བཀྲིན་ཆེན་པོ་ཡིན་པས་ཐུགས་རྗེ་ཆེ་ཞེས་དང་། དེ་བཞིན Einstein གླེང་སྟེགས་ཚོགས་པའི་ཚོགས་མི་ཚོས་བཀའ་སློབ་ཀྱི་ལས་རིམ་ཞིག་གོ་སྒྲིག་གནང་བ་དང་། ལྷག་དོན་༸དཔལ་ལྡན་དགའ་ལྡན་ཕོ་བྲང་གི་བརྙན་པར་སྡེ་ཚན་གཙོས་པའི་ལས་བྱེད་ཡོངས་ལ་ཐུགས་རྗེ་ཆེ་ཞེས་ཞུས་པ་དང་ཆབས་ཅིག སླད་མར་དུས་ནམ་ཞིག་གི་ཚེ་ན་༸གོང་ས་མཆོག་༸སྐུ་དངོས་གནད་འདྲེན་ཞུ་ཐུབ་པའི་རེ་བ་ཡོད་ཅེས་ཐུགས་འདུན་ཡོད་སྐོར་སྙན་སེང་ཞུས་ཡོད་སྟབས། ༸གོང་ས་མཆོག་གིས་ཐུགས་བརྩེ་བ་ཆེན་པོས་མགོན་པོ་མཆོག་ཨན་སི་ཌན་གྱི་ཚོགས་པ་དང་འབྲེལ་བ་བྱུང་བར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་སྩལ་བ་དང་སྦྲགས། སྐུ་ཞབས་ཨན་སི་ཌན་མཆོག་ལ་གུས་བརྩི་ཆེན་པོ་ཡོད་ཅེས་བཀའ་སྩལ་ཡོད།རྩ་བའི་དེ་རིང་གི་མཛད་རིམ་འདི་༸དཔལ་ལྡན་དགའ་ལྡན་ཕོ་བྲང་གི་གཞུང་འབྲེལ་བརྒྱུད་ལམ་ཁག་ནས་བོད་དབྱིན་རྒྱ་སྐད་གཙོས་པའི་སྐད་རིགས་སྣ་མང་ཐོག་གསུང་བསྒྱུར་གྱིས་ཐད་གཏོང་གནང་ཡོད་པ་རེད།

རྒྱ་ནག་གཞུང་གིས་༸གོང་ས་ཏཱ་ལའི་བླ་མ་མཆོག་གི་བླ་བྲང་གི་བདག་དབང་ལ་རྩོད་ལེན་བྱེད་བཞིན་པ་ནི་བོད་དང་བོད་མི་ཙམ་མ་ཟད་འཛམ་གླིང་ནང་ཡོད་པའི་བོད་བརྒྱུད་ནང་བསྟན་ཉམས་ལེན་གནང་མཁན་རྒྱལ་ཁབ་ཚོའི་ཐོག་དོ་དམ་སྟངས་འཛིན་བྱ་རྒྱུའི་དམིགས་ཡུལ་འཛིན་བཞིན་ཡོད་ཅེས་བརྗོད་འདུག

བརྡ་འཕྲིན་འཕྲུལ་ལས་ཁང་གི་སྐུ་ཞབས་ Aditya Narang ལགས་ཀྱིས་ཀྱང་། རྒྱ་ནག་གི་མཉེན་ཆས་དེ་དག་བཀག་སྡོམ་བྱས་པར་རྒྱབ་སྐྱོར་ཡོད་ལུགས་དང་འབྲེལ་ནས། རྒྱ་ནག་གི་མཉེན་ཆས་དེ་དག་བརྒྱུད་དོ་བདག་གིས་ཤེས་རྟོག་མེད་པའི་ཐོག་ནས་མི་སྒེར་གྱི་གསང་བའི་གནད་དོན་མང་པོ་ཞིག་སྐུ་འཁྱེར་བྱེད་ཀྱི་ཡོད་པར་མངོན་གསལ་གནང་འདུག

དབྱིན་ཡུལ་དུ་རྟེན་གཞི་བྱས་པའི་ Free Tibet ཞེས་བོད་དོན་རྒྱབ་སྐྱོར་ཚོགས་པ་དང་འཛམ་གླིང་ཡུ་གུར་ལྷན་ཚོགས། དབྱིན་ཡུལ་བོད་རིགས་ཚོགས་པ་བཅས་ མཉམ་འབྲེལ་ཐོག་ཡུལ་དེའི་ཕྱི་སྲིད་བློན་ཆེན་སྐུ་ཞབས་ Dominic Raab ལགས་སུ་ཤིན་ཅང་ཡུ་གུར་རང་སྐྱོང་ལྗོངས་ཀྱི་དམར་ཤོག་ཚོགས་པའི་དྲུང་ཆེ་དང་རྒྱ་ནག་དབུས་ལྷན་ཁང་གི་ཚོགས་མི་ Chen Quanguo དབྱིན་ཡུལ་དུ་སྐྱོད་རྒྱུ་བཀག་སྡོམ་གནང་དགོས་པའི་ཞུ་སྐུལ་གྱི་ལས་འགུལ་ཞིག་དབུ་འཛུགས་གནང་འདུག

Australia ཡི་ Brisbane གྲོང་ཁྱེར་དུ་གནས་བཞུགས་བོད་མི་གཞས་པ་བསྟན་འཛིན་ཆོས་རྒྱལ་ལགས་དང་ཁོང་གི་ཕྱགས་རོག་ Laurie Anderson ལགས། Jesse Paris Smith ལགས་བཅས་མཉམ་འབྲེལ་གྱིས་འདོན་སྤེལ་གནང་བའི་བར་དོ་ཞེས་པའི་གླུ་གཞས་ཀྱི་སྐད་འཁོར་འདི་བཞིན་རྒྱལ་སྤྱིའི་ཁྲོད་སྙན་གྲགས་ཆེ་བའི་ Grammy རོལ་དབྱངས་ཀྱི་གཟེངས་བསྟོད་བྱ་དགའི་འོས་མིའི་ཁོངས་སུ་ཚུད་འདུགདེ་རིང་གཞས་པ་ཁོང་གིས་ངོ་དེབ་ཐོག་གནས་ཚུལ་སྤེལ་བར་གཞིགས་ན་གྷར་མེཡི་གཟེངས་བསྟོད་བྱ་དགའི་ཁྲོད་ཚན་པ་ཁག་ ༨༣ ཙམ་ཡོད་པའི་ཁོངས་ནས་ཁོང་གི་སྐད་འཁོར་དེ་ Best new age album འམ་དུས་རབས་གསར་པའི་སྐད་འཁོར་ལེགས་ཤོས་ཁོངས་སུ་མིང་འདོན་གནང་ཡོད་པ་དང་ གྷར་མེཡི་གཟེངས་བསྟོད་བྱ་དགའ་ཐེངས་ ༦༣ པའི་མཛད་སྒོ་དངོས་དེ་རིང་མིན་ཕྱི་ཟླ་ ༡ ཚེས་ ༣༡ ཉིན་འཚོགས་གཏན་ཁེལ་ཡོད་པ་རེད།གསར་འགོད་པས་བསྟན་འཛིན་ཆོས་རྒྱལ་ལགས་སུ་གནས་ཚུལ་དེའི་སྐོར་བཅར་འདྲི་ཞུས་པར་ཁོང་གི་གནད་ཚུལ་དེ་ཐོས་མ་ཐག་ཏུ་དགའ་ཚོར་ཆེན་པོ་བྱུང་སྐོར་འགྲེལ་བརྗོད་དང་འབྲེལ། ཁོང་གིས་འདས་པའི་ལོ་ ༣༠ ལྷག་ཙམ་གྱི་ཁྲོད་སྒྱུ་རྩལ་གྱི་ལམ་ནས་རང་ཉིད་བོད་པ་ཡིན་པའི་ཚོར་བ་དེ་མང་ཚོགས་ལ་མངོན་གསལ་ཞུ་ཐབས་གནང་ཡོད་པ་བཞིན་ཆེ་བསྟོད་དེའི་ཐོག་སྒེར་གྱི་ངོས་ནས་དེ་འབྲེལ་ལེགས་སྐྱེས་ཕུལ་ཐུབ་པའི་རེ་སྨོན་གནང་བཞིན་ཡོད་པ་གསུངས་ཡོད།སྤྱིར་བསྟན་འཛིན་ཆོས་རྒྱལ་ལགས་ནི་བཙན་བྱོལ་བོད་མིའི་སྤྱི་ཚོགས་ཁོངས་སུ་གཞས་པ་དང་གཞས་མ་མི་ཉུང་བ་ཞིག་ཡོད་པ་ལས་ Philip Glass དང་། Jesse Paris Smith སོགས་ཕྱི་རྒྱལ་བའི་སྒྱུ་རྩལ་བ་གྲགས་ཅན་མང་དག་ཅིག་དང་ལྷན་རྒྱལ་སྤྱིའི་རོལ་དབྱངས་ཀྱི་གླེང་སྟེགས་འདྲ་མིན་ཐོག་མཉམ་ཞུགས་གནང་མཁན་དེང་དུས་ཀྱི་གཞས་པ་ཞིག་ཆགས་ཡོད། ཁོང་གིས་ཐོག་མར་ལོ་ཤས་གོང་རང་ཉིད་ཀྱི་ཨ་མ་ལགས་དགོངས་པ་རྫོགས་པའི་རྗེས་བར་དོའི་རྣམ་གཞག་ལ་ཐུགས་སྣང་གནང་ཡོད་པ་དང་། དེ་རྗེས་རིམ་བཞིན་ཕྱག་རོགས་སྒྱུ་རྩལ་བ་གཉིས་དང་ལྷན་རོལ་དབྱངས་ཀྱི་ལམ་ནས་བར་དོ་ངོ་སྤྲོད་གནང་བའི་སྐད་འཁོར་དེ་འདོན་སྤེལ་གནང་ཡོད་པ་རེད།གཞི་རྩའི་བསྟན་འཛིན་ཆོས་རྒྱལ་ལགས་སུ་དེ་སྔ་ཨོ་སི་ཊོ་ལི་ཡའི་རོལ་དབྱངས་ཀྱི་ གཟེངས་བསྟོད་བྱ་དགའ་གྲགས་ཅན་ Queensland music awards ཁོངས་སུ་གཟེངས་རྟགས་ཐོབ་མྱོང་ཡོད་པ་དང་། ཁོང་གིས་རྣམ་ཀུན་ནས་ཡུལ་དེའི་ནང་གི་རོལ་དབྱངས་འདུ་འཛོམས་གྲགས་ཅན་མང་དག་ཐོག་ལྷན་ཞུགས་གནང་བ་ཙམ་མིན་པར་ཁོང་གིས་རྐང་འགན་བཞེས་ཐོག་ལོ་ལྟར་བོད་ཀྱི་དུས་སྟོན་ཞིག་གོ་སྒྲིག་གནང་སྟེ་བོད་ཕྲུག་ཁྱིམ་སྡེར་དངུལ་གྱི་ཕྱག་རོགས་གནང་བཞིན་ཡོད་པ་རེད།ཤེས་རྟོགས་བྱུང་བར་གྷར་མེཡི་རོལ་དབྱངས་གཟེངས་བསྟོད་བྱ་དགའི་ཁོངས་སུ་ད་བར་བཙན་བྱོལ་ཁྲོད་གླིང་བུ་མཁས་ཅན་ངག་དབང་མཁས་མཆོག་ལགས་དང་༸དཔལ་ལྡན་སྟོད་རྒྱུད་གྲྭ་ཚང་གི་དགེ་འདུན་པ་བཞིའི་ཆོས་དབྱངས་འོས་མིར་ཚུད་ཡོད་ཀྱང་། ད་བར་དངོས་སུ་བྱ་དགའ་དེ་བཞེས་མཁན་བྱུང་མེད་པ་རེད།

དེ་རིང་སྔ་དྲོ། བཞུགས་སྒར་དུ་རྟེན་གཞི་བྱས་པའི་ནོར་བུ་གསོལ་མགྲོན་ཁང་གི་ཚོགས་ཁང་དུ། བློ་བཟང་དབང་རྒྱལ་ལགས་ཀྱིས་གཙོ་སྒྲུབ་གནང་བཞིན་པའི་སེམས་གུ་ཡངས་ཀྱི་གཟེངས་རྟགས་དེ་ཨ་རིའི་གྲོས་ཚོགས་འོག་མའི་ཚོགས་གཙོ། བོད་དོན་རྒྱབ་སྐྱོར་བ་ལྕམ་སྐུ་ Nancy Pelosi ལགས་ལ་ཕུལ་སོང་།དེ་ཡང་བོད་ཀྱི་མཛངས་མ་དང་། སེམས་གུ་ཡངས་ཀྱི་དུས་སྟོན། དེ་བཞིན་བོད་ཀྱི་རོལ་དབྱངས་གཟེངས་རྟགས་སོགས་རྐང་གོ་སྒྲིག་གནང་མཁན་སྐུ་ཞབས་བློ་བཟང་དབང་རྒྱལ་ལགས་ཀྱིས་དེ་རིང་བཞུགས་སྒར་ཁུལ་གྱི་གསར་འགོད་པ་དང་། དེ་བཞིན་རྒྱ་གར་གྱི་གསར་འགོད་པ་སོགས་ཚང་འཛོམས་ཀྱི་ཐོག་འདི་ལོའི་སེམས་གུ་ཡངས་ཀྱི་གཟེངས་རྟགས་འབུལ་བཞེས་ཀྱི་གསར་འགོད་གསལ་བསྒྲགས་བསྐྱངས་ཏེ། དྲྭ་ཐོག་བརྒྱུད་ནས་ལྕམ་སྐུ་ Nancy Pelosi ལགས་སུ་གཟེངས་རྟགས་ཀྱི་ཕྱག་འཁྱེར་འབུལ་རྒྱུ་ཡིན་པར་གསུངས་སོང་། སྐབས་དེར་བློ་བཟང་དབང་རྒྱལ་ལགས་ཀྱིས།  ལྕམ་སྐུ་ Nancy Pelosi ལགས་ཀྱིས་འདས་བའི་མི་ལོ་མང་པོའི་ནང་བོད་དོན་ལ་རྒྱབ་སྐྱོར་ཤུགས་ཆེར་གནང་བ་མ་ཟད། ཆེད་དུ་ཨ་རི་ནས་གྲོས་ཚོགས་གོང་འོག་གི་གྲོས་ཚོགས་འཐུས་མི་ཁྲིད་དེ་ཐེངས་གཉིས་ལ་བཞུགས་སྒར་དུ་ཆེད་ཕེབས་གནང་ཡོད་པ་ཡོངས་གྲགས་གནང་བ་དང་སྦྲགས། ཁོང་ནི་དུས་རྒྱུན་ནས་བོད་དོན་ཙམ་མིན་པར་འཛམ་གླིང་གི་ས་ཕྱོགས་གང་དུ་འགྲོ་བ་མིའི་ཐོབ་ཐང་རྡོག་རོལ་དང་ཁོར་ཡུག་སོགས་ཀྱི་གནད་དོན་འབྲེལ་བཀའ་མོལ་ཤུགས་ཆེར་གནང་མཁན་ཞིག་ཡིན་པར་ངོ་སྤྲོད་ཀྱིས། བོད་མི་རྣམས་ཀྱིས་ལྕམ་སྐུ་མཆོག་གིས་ལོ་མང་གི་རིང་ལ་བོད་དོན་ལ་རླབས་ཆེན་གྱི་རྒྱབ་སྐྱོར་གནང་བར་ངོས་འཛིན་གྱི་རྣམ་འགྱུར་ཞིག་སྟོན་དགོས་པ་དེ་གལ་ཆེན་པོ་ཡིན་པར་གསུངས་སོང་།དེ་བཞིན་གསར་འགོད་པས་དྲི་བ་དྲིས་ལན་གྱི་སྐབས་སུ་ཁོང་གིས་འདི་ལོའི་སེམས་གུ་ཡངས་ཀྱི་གཟེངས་རྟགས་ཀྱི་མིང་གཞུང་གི་ནང་དུ་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཚོགས་གཙོ། གྲོས་ཚོགས་འོག་མའི་འཐུས་མི་སྐུ་ཞབས་ James McGovern ལགས་ཀྱིས་ཀྱང་བོད་དོན་ལ་རྒྱབ་སྐྱོར་ཤུགས་ཆེན་གནང་སྟེ། གྲོས་ཚོགས་ཀྱི་དབུས་སུ་རིའི་བོད་དོན་རྒྱབ་སྐྱོར་གྱིས་བོད་ནང་དུ་ཕར་འགྲོ་ཚུར་འོང་གི་ཁྲིམས་འཆར་གཏན་འབེབས་གནང་ཐུབ་པ་བྱུང་ཡོད་སྐོར་དང་། དེ་བཞིན་འདི་ལོར་རྒྱལ་སྤྱིའི་ནང་ཁོར་ཡུག་གི་གནད་དོན་དང་འབྲེལ་ནས་ལས་འགུལ་ཤུགས་ཆེར་སྤེལ་མཁན་གྱི་སིད་ཝི་ཊན་གྱི་ན་གཞོན་ལས་འགུལ་བ། Greta Thunberg ལགས་ཀྱང་འོས་མིའི་ཁོངས་སུ་ཡོད་ཡོད་པར་ངོ་སྤྲོད་གནང་སོང་། གཞི་རྩའི་བློ་བཟང་དབང་རྒྱལ་ལགས་ཀྱིས་གཙོ་གཉེར་གནང་བཞིན་པའི་སེམས་གུ་ཡངས་ཀྱི་གཟེངས་རྟགས་ཞེས་པ་དེ་ནི་སྤྱི་ལོ་ ༢༠༠༣ ལོ་ནས་འགོ་འཛུགས་ཀྱིས། ལོ་རེར་དུས་རྒྱུན་ནས་སྤྱི་ཚོགས་ཀྱི་ནང་དུ་གཞན་ཕན་གྱི་ཕྱག་ལས་རྒྱ་ཆེར་གནང་མཁན་གཅིག་ལ་འབུལ་བཞིན་ཡོད་པ་རེད།

ཉན་པ།: Listen ཕབ་ལེན། Download རྒྱ་གཞུང་གིས་སྲིད་སྐྱོང་མཆོག་ཕོ་བྲང་དཀར་པོར་མགྲོན་འབོད་གནང་བར་སྐྱོན་བརྗོད། རྒྱ་གཞུང་གི་དྲག་པོའི་སྲིད་བྱུས་དང་འགྲོ་བ་མིའི་ཐོབ་ཐང་སྐོར་བགྲོ་གླེང་། ཧོང་ཀོང་གི་མང་གཙོའི་ལས་འགུལ་བ་ཁག་ཅིག་ལ་ཁྲིམས་ཆད་ཕོག་ཉེན། རྒྱ་ནག་གིས་བོད་དང་ཤིན་ཅང་ཐོག་འཛིན་པའི་དྲག་པོའི་སྲིད་བྱུས་དེ་རྒྱ་ནག་ལ་ཕན་ལས་གནོད་ཆེ། བོད་ནང་གི་མེ་འཁོར་ལྕགས་ལམ་འཛུགས་སྐྲུན་གྱི་ལས་གཞིའི་རྒྱབ་ལྗོངས་ལ་ལྟ་བ། ལོ་རྗེས་མ་ནས་རྒྱ་གར་གྱིས་ནང་དོན་རིག་པའི་སློབ་གཉེར་གྱི་ཚོགས་འདུ་སྐོང་འཆར། གླུ་གཞས་ལེ་ཚན། དབྱངས་ཅན་ལྷ་མོ་ལགས་ཀྱིས་བླངས་བའི་བརྩེ་འདང་རི་མོ་ཅན། Tuesday 24/11/2020 China condemns Sikyong’s White House visit Japanese lawmakers discuss Beijing’s aggressive policies Joshua Wong and fellow activists plead guilty in Hong Kong protests trial Why Xi Jinping’s muscular approach in Tibet, Xinjiang and Hong Kong will backfire Decoding Xi’s statement on Tibet railway: Interview India to host conference on Buddhist studies from next year MUSIC FEATURE: Love song by Yangchen Lhamo

ཨ་རི་གཞུང་གིས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་ལ་ཨ་རིའི་ཕོ་བྲང་དཀར་པོར་གཞུང་འབྲེལ་ཐོག་མགྲོན་འབོད་གནང་དོན་ལྟར་ཆེད་ཕེབས་གནང་བའི་གནས་ཚུལ་ཕྱི་ནང་གི་བརྒྱུད་ལམ་ཁག་ཏུ་ཁྱབ་སྤེལ་ཆེས་ཆེར་སོང་ཡོད་སྟབས། རྒྱ་གཞུང་གིས་དེར་སྐྱོན་བརྗོད་ཤུགས་ཆེ་བྱས་པ་དང་འབྲེལ་ཏེ་དེ་ནི་ཊམ་སྲིད་གཞུང་གིས་ཨ་རིའི་སྲིད་འཛིན་གསར་པར་སྐུ་དབང་རྩིས་སྤྲོད་གནང་བའི་བརྒྱུད་རིམ་ཁྲོད་རྒྱ་ནག་ལ་དཀའ་ངལ་འཕར་མ་བཟོ་རྒྱུའི་བྱ་འགུལ་གསར་པ་ཞིག་ཡིན་པར་འགྲེལ་བརྗོད་བྱས་འདུག

དེ་རིང་རྒྱ་གར་གྱི་གསར་ལམ་དུ་གནས་ཚུལ་ཐོན་པ་ལྟར་ན། ལོ་རྗེས་མ་ནས་བཟུང་། རྒྱ་གར་གྱི་རིག་གཞུང་ལྷན་ཁང་གིས་ལོ་རྟག་པར་རྒྱལ་སྤྱིའི་ཁྲོད་ཀྱི་ནང་པའི་ཀྱི་མཁས་དབང་ཁག་གནད་འདྲེན་གྱིས་ནང་དོན་རིག་པར་སློབ་གཉེར་དང་འབྲེལ་བའི་ལས་འཆར་ཞིག་སྤེལ་རྒྱུ་ཡིན་པར་བསྒྲགས་འདུག