Monthly Archives: September, 2021

ཁ་སང་ཕྱི་ཚེས་ ༢༥ ཉིན་སུད་སི་དང་ལིག་ཏེན་སིཊཡན་བོད་རིགས་མི་མང་གིས་གོ་སྒྲིག་འོག་ཁྱབ་ཁོངས་གཟའ་མཇུག་བོད་ཡིག་སློབ་གྲྭ་ཁག་གི་འགན་འཛིན་ལྷན་ཚོགས་ཐེངས་ ༢ སྐོང་ཚོགས་གནང་ཡོད་ཅིང། ཚོགས་འདུ་ཐོག་ས་གནས་སུ་འཚར་ལོངས་འབྱུང་བཞིན་པའི་བོད་ཕྲུག་སློབ་མ་ཚོར་བོད་ཀྱི་ཐོུང་མ་ཡིན་པའི་སྐད་ཡིག་དང་རིག་གཞུང་རྒྱུས་ཁྲིད་རྒྱུན་འཇགས་ཡོང་རྒྱུར་དམིགས་ཏེ་གཟའ་མཇུག་བོད་ཡིག་སློབ་གྲྭ་ཁག་གི་སློབ་མ་འདུ་སྐོང་གིས་ལོ་རེའི་ནང་ཕ་སྐད་ཉིན་མོ་སྲུང་བརྩི་དང་རིག་གཞུང་འཁྲབ་སྟོན་བྱེད་སྒོ་སྤེལ་རྒྱུའི་གྲོས་ཐག་བྱུང་འདུགསྤྱིར་སྐབས་ ༡༨ པའི་སུད་སི་དང་ལིག་ཏེན་སིཊཡན་བོད་རིགས་མི་མང་གི་ངོས་ནས་ཁྱབ་ཁོངས་གཟའ་མཇུག་བོད་ཡིག་སློབ་གྲྭ་ཁག་གི་ལས་དོན་ཚགས་ཚུད། ཤེས་རིག་དང་འབྲེལ་བའི་ཕན་ཚུན་ཉམས་མྱོང་སྤེལ་རྒྱུ་སོགས་ལ་དམིགས་ཏེ་ཟླ་བ་བཞི་རེའི་ནང་བོད་སློབ་ཁག་གི་འགན་འཛིན་ལྷན་ཚོགས་སྐོང་ཚོགས་གནང་སྟེ་འགན་འཛིན་ལྷན་ཚོགས་ཀྱི་ཚོགས་ཆེན་ཐེངས་དང་པོ་འདི་ལོའི་ཕྱི་ཟླ་ ༥ ཚེས་ ༣༠ ཉིན་ཚོགས་ཡོད་པ་རེད།ཐེངས་འདིའི་སུད་སི་དང་ལིག་ཏེན་སིཊཡན་བོད་སློབ་འགན་འཛིན་ལྷན་ཚོགས་ཆེན་ཐེངས་གཉིས་པའི་ཐོག་སུད་སི་སྐུ་ཚབ་དོན་གཅོད་འཆི་མེད་རིག་འཛིན་ལགས་དང་དོན་ཁང་ལས་བྱེད་སྐལ་ལྡན་མཚོ་མོ་ལགས། སུད་སི་དང་ལིག་ཏེན་སིཊཡན་བོད་རིགས་མི་མང་གི་ཚོགས་གཙོ་ཚོགས་གཞོན། དེ་བཞིན་བོད་སློབ་སྤྱི་ཁྱབ་ཚེ་དབང་མུན་སེལ་ལགས་ཀྱིས་གཙོས་པའི་ཁྱབ་ཁོངས་བོད་སློབ་ཁག་ ༢༠ ཐམ་པའི་འགན་འཛིན་བཅས་ལྷན་འཛོམས་བྱུང་འདུག བོད་སློབ་སྤྱི་ཁྱབ་ཚེ་དབང་མུན་སེལ་ལགས་ཀྱིས་ཚོགས་འདུ་ཐོག་འདི་ལོ་སུད་སི་དང་ལིག་ཏེན་སིཊཡན་བོད་རིགས་མི་མང་གིས་ས་གནས་གྲོས་ཚོགས་ཐོག་བཞག་པའི་གྲོས་ཆོད་ཀྱི་དགོངས་དོན་ལྟར་ཕྱི་ལོ་ ༢༠༢༢ ལོ་དེ་བོད་ཀྱི་སྐད་ཡིག་ལོར་སྲུང་བརྩི་ཞུ་རྒྱུ་ཡིན་པས་དེ་འབྲེལ་བྱེད་སྒོ་སྤེལ་ཕྱོགས་དང་། དེ་བཞིན་ཉེ་སྔོན་འགན་འཛིན་ལྷན་ཚོགས་ཐེངས་དང་པོའི་ཐོག་བཀའ་བསྡུར་བྱུང་བའི་གྲོས་གཞི་ཁག་བསྐྱར་ཞིབ་དང་མཇུག་སྐྱོང། མ་འོངས་པར་ཤེས་རིག་དང་འབྲེལ་བའི་ལས་དོན་སོགས་ཀྱི་ཐོག་གྲོས་བསྡུར་གནང་འདུག་པ་མ་ཟད། ལྷག་པར་དུ་ད་ལན་གྱི་ཚོགས་འདུ་ཐོག་ཁྱབ་ཁོངས་བོད་སློབ་ཁག་གི་དགེ་རྒན་རྣམས་ལ་ས་གནས་ཀྱི་ཁོར་ཡུག་དང་དེང་གི་དུས་ཚོད་དང་མཐུན་པའི་བོད་ཕྲུག་ཚོར་སྐད་ཡིག་སློབ་ཁྲིད་གནང་ཐབས་ཀྱི་ཟབ་སྦྱོང་ཕུལ་རྒྱུ་དང། དེ་བཞིན་ས་གནས་སུ་ཡོད་པའི་གཟའ་མཇུག་བོད་ཡིག་སློབ་གྲྭ་རྣམས་གཅིག་གྱུར་གྱི་དྲི་ཤོག་བཟོས་ནས་རྒྱལ་ཡོངས་ལོ་འཁོར་ཡིག་རྒྱུག་གཏང་རྒྱུ་བཅས་ཀྱི་གྲོས་ཐག་ཀྱང་བྱུང་ཡོད་པ་རེད། སྤྱིར་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ནི་རྒྱ་བལ་འབྲུག་གསུམ་ཕུད་པའི་ཕྱི་རྒྱལ་ཡུལ་གྲུ་ཁག་ཏུ་བོད་རིགས་ཚོགས་པ་ཡོད་པའི་ཁོངས་ནས་ས་གནས་གྲོས་ཚོགས་ཡོད་པའི་སྒྲིག་འཛུགས་གཅིག་པོ་དེ་ཆགས་ཀྱི་ཡོད་པ་རེད། ད་ཆ་སྒྲིག་འཛུགས་དེའི་འོག་བོད་རིགས་ཚོགས་ཆུང་ ༢༥ དང་ཚོགས་མི་ཁྱོན་ ༨༠༠༠ ཙམ་ཡོད། ཕྱི་རྒྱལ་ཡུལ་གྲུ་ཁག་ཏུ་ཡོད་པའི་བོད་རིགས་མི་མང་གི་སྒྲིག་འཛུགས་ཆེ་གྲས་དང་རྙིང་གྲས་ཤིག་ཀྱང་ཡིན་པ་མ་ཚད་པར་སྒྲིག་འཛུགས་ཀྱི་ཁྱབ་ཁོངས་སུ་ད་ལྟའི་ཆར་གཟའ་མཇུག་བོད་སློབ་ ༢༢ དང་སློབ་མ་ ༤༧༥ ལྷག་ཙམ་ཡོད།

རྒྱ་གར་གྲོས་ཚོགས་འོག་མའི་ཚོད་དཔག་འཆར་རྩིས་ཚོགས་ཆུང་གི་སྐུ་ཚབ་ཚོགས་པ་ཞིག་བཞུགས་སྒར་དུ་ཕེབས་འབྱོར་བྱུང་བར་བོད་མིའི་སྒྲིག་འཛུགས་བཀའ་ཤག་གིས་ཕེབས་བསུའི་སྣེ་ལེན་གཟབ་རྒྱས་ཞུས་འདུགབདུན་ཕྲག་སྔོན་མའི་རེས་གཟའ་པ་སངས་ཉིན་བོད་མིའི་སྒྲིག་འཛུགས་བཀའ་ཤག་གིས་བཞུགས་སྒར་དུ་ཆེད་ཕེབས་གནང་བའི་རྒྱ་གར་གྲོས་ཚོགས་འོག་མའི་ཚོད་དཔག་འཆར་རྩིས་ཚོགས་ཆུང་གི་སྐུ་ཚབ་གྲོས་ཚོགས་འཐུས་མི་བརྒྱད་དང་ཁོང་རྣམ་པའི་སྐུ་ཟླ་གཙོ་གྱུར་སྐུ་འཁོར་ལྷན་རྒྱས། དེ་བཞིན་ལས་བྱེད་རྣམ་པར་སྲིད་སྐྱོང་ཚོགས་ཁང་དུ་བོད་ཀྱི་ཐུན་མོང་མ་ཡིན་པའི་རིག་གཞུང་འཁྲབ་སྟོན་གཟིགས་འབུལ་བརྒྱུད་ཕེབས་བསུའི་སྣེ་ལེན་ཞུས་ཏེ་བོད་མི་མང་སྤྱི་འཐུས་ལྷན་ཚོགས་དང་ལྷན་ཁང་ཁག་ངོ་སྤྲོད་གནང་སླད་གཟིགས་སྐོར་དུ་གདན་འདྲེན་ཞུས་པ་མ་ཟད། སྲིད་སྐྱོང་སྤེན་པ་ཚེ་རིང་གིས་རྒྱ་གར་གྱི་གྲོས་ཚོགས་འཐུས་མི་རྣམ་པར་དྲན་རྟེན་གྱི་ཚུལ་དུ་ཕྱག་རྟགས་རེ་གནང་འདུགསྐབས་དེར་སྲིད་སྐྱོང་མཆོག་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༡༩༦༠ ཟླ་ ༥ ཚེས་ ༡ ནས་བཟུང་ད་བར་བཞུགས་སྒར་དྷརྨ་ས་ལར་བཞུགས་བཞག་མཛད་ཡོད་པ་དང་དེ་ནས་འདས་པའི་ལོ་ངོ་ ༦༠ ལྷག་གི་རིང་བོད་མིར་ངལ་བ་ཇི་སྙེད་ཅིག་འཕྲད་པའི་སྐབས་དང་ལྷག་དོན་བོད་མི་རྣམས་རྒྱ་གར་ལ་བཙན་བྱོལ་དུ་འབྱོར་སྐབས་རྒྱ་གར་གྱི་སྲིད་བློན་དམ་པ་ནེཧ་རུ་མཆོག་གིས་དབུ་བཙུགས་པའི་དབུ་ཁྲིད་རིམ་པ་དང་སྲིད་དོན་ཚོགས་པ་ཁག་སོགས་རྒྱ་གར་གཞུང་མང་གཉིས་ནས་ད་བར་བོད་མིར་སྡོད་གནས་སོགས་ཀྱི་མཐུན་འགྱུར་རྒྱ་ཆེ་གནང་ཡོད་པ་མ་ཟད། བོད་དོན་ཐོག་དམིགས་བསལ་ཐུགས་འཁུར་གྱིས་རྒྱབ་སྐྱོར་གནང་དང་གནང་བཞིན་པར་བཀྲིན་ཆེ་ཞེས་གསུངས་པ་དང་ཆབས་ཅིག དེ་བཞིན་ཨ་རིར་མཚོན་ནའང་མང་གཙོ་དང་སྤྱི་མཐུན་ཆབ་སྲིད་ཚོགས་པ་གཉིས་ཐུན་མོང་གིས་བོད་དོན་སླད་རྒྱབ་སྐྱོར་གནང་དང་གནང་བཞིན་ཡོད་པ་དང་། གལ་ཏེ་རྒྱ་གར་དང་ཨ་རི་གཞུང་གིས་དེ་ལྟར་གནང་མེད་ཚེ་བོད་མིའི་གནས་སྟངས་དེ་ད་ལྟ་ནང་བཞིན་ཡོང་དཀའ་བ་ཡིན་པར་གསུངས་འདུགཐེངས་འདིའི་རྒྱ་གར་གྲོས་ཚོགས་འོག་མའི་ཚོད་དཔག་འཆར་རྩིས་ཚོགས་ཆུང་སྣེ་ཁྲིད་གནང་མཁན་གྲོས་ཚོགས་འཐུས་སྐུ་ཞབས་  P.P Chaudhary ལགས་ཀྱིས་༸གོང་ས་ཏཱ་ལའི་བླ་མ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་བོད་མི་ཚོས་འདས་པའི་ལོ་ངོ་ ༦༠ ལྷག་གི་རིང་མང་གཙོའི་ལམ་ལུགས་ལྡན་པའི་འཛིན་སྐྱོང་དང་བོད་ཀྱི་རིག་གཞུང་གཅེས་འཛིན་ཐུབ་ཡོད་པ་མ་ཟད། མགོན་པོ་༸གང་ཉིད་མཆོག་གི་འཚེ་མེད་ཞི་བ་དང་བྱམས་བརྩེའི་དགོངས་པ་སོགས་ལ་བརྟེན་ནས་འཛམ་གླིང་ཡོངས་སུ་བོད་དོན་ལ་རྒྱབ་སྐྱོར་གནང་མཁན་ཇེ་མང་དུ་འགྲོ་བཞིན་ཡོད་པར་བསྔགས་བརྗོད་དང་འབྲེལ། རྒྱ་གར་དང་བོད་གཉིས་ཀྱི་དབར་ལོ་རྒྱུས་ཀྱི་འབྲེལ་ལམ་ཙམ་མིན་པར་མང་གཙོ་དང་རིག་གཞུང་གི་འབྲེལ་བ་དམིགས་བསལ་ཅན་དང་གཏིང་ཟབ་ཅིག་ཡོད་པ་སོགས་གསུངས་ཏེ་རྒྱ་གར་གྱིས་ཀྱང་སྔར་བཞིན་བོད་དོན་ལ་རྒྱབ་སྐྱོར་གནང་ངེས་ཡིན་པའི་ཞལ་བཞེས་གནང་འདུགརྩ་བའི་སྐུ་ཞབས་ P.P. Chaudhary ལགས་ཀྱིས་སྣེ་ཁྲིད་པའི་རྒྱ་གར་གྲོས་ཚོགས་འོག་མའི་ཚོད་དཔག་འཆར་རྩིས་ཚོགས་ཆུང་བཞུགས་སྒར་དུ་ཕེབས་དགོས་དོན་གཙོ་བོ་ནི་རྒྱ་གར་དབུས་གཞུང་གིས་དེ་སྔ་ཕྱི་ལོ་ ༢༠༡༦ ནས་ལས་གཞི་བརྒྱ་ལྷག་དབུ་འཛུགས་གནང་ཡོད་པའི་ཁོངས་ནས་ཁག་ཅིག་གྲོང་གསེབ་ཀྱི་གནས་སྟངས་ཡར་རྒྱས་གཏོང་རྒྱུ་སོགས་ཡིན་པ་ལྟར་ད་རེས་ས་གནས་ས་ཐོག་ཏུ་དངོས་སུ་ལས་འཆར་དེ་དག་ལག་བསྟར་ཇི་ཙམ་ཐུབ་ཀྱི་ཡོད་མེད་ལ་གཟིགས་ཞིབ་གནང་སླད་དང་། ལྷག་དོན་དྷརྨ་ས་ལ་དེ་དེང་དུས་ཅན་གྱི་གྲོང་ཁྱེར་འཛུགས་སྐྲུན་ལས་གཞི་དང་འབྲེལ་བའི་ཚོགས་འདུ་འཚོགས་སླད་ཕེབས་པ་ཞིག་ཆགས་ཀྱི་འདུག གཟིགས་ཞིབ་དེའི་ཁྲོད་ཁོང་རྣམས་ནས་དྷ་ཤོད་ Kacheri ཁུལ་དུ་རྟེན་གཞི་བྱས་པའི་གཡུག་རྩེད་སྤོ་ལོའི་རྩེད་ཐང་དང་རྒྱ་གར་གཞུང་གི་འགྲེམས་སྟོན་ཁང་། དེ་བཞིན་ཐེག་ཆེན་ཆོས་གླིང་གཙུག་ལག་ཁང་སོགས་སུའང་གཟིགས་སྐོར་ཕེབས་ཡོད་པ་རེད། གོང་གནས་དང་འབྲེལ་ཡོད་པར་ཁག་གི་བདག་དབང་བོད་མིའི་སྒྲིག་འཛུགས་ལ་ཡོད།

ཉན་པ།: Listen ཕབ་ལེན། Download ཨོ་རི་ས་ཕུན་ཚོཊ་གླིང་གི་ཡུལ་མི་དབུལ་ཕོངས་ཚོའི་རོགས་སྐྱོར་ཐོག་ལ་གླེང་མོལ། Sunday 26/09/2021 In Conversation with Social Worker Za Kathok Rinpoche

ཉན་པ།: Listen ཕབ་ལེན། Download འཚོགས་ལ་ཉེ་བའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་ཐེངས་ ༢༦ པའི་གྲ་སྒྲིག་སྐོར་གླེང་བ། Saturday 25/09/2021 GCM 2021: TNSA and Dhundupling gears up to host 26th GCM Gold Cup Football tournament

ཉན་པ།: Listen ཕབ་ལེན། Download གོ་ལའི་གནམ་གཤིས་འགྱུར་ལྡོག་གི་བགྲོ་གླེང་ཐོག་བོད་ཀྱི་ཁོར་ཡུག་སྐོར་གླེང་དགོས། རྒྱལ་ཚོགས་ཀྱི་ལྷན་ཚོགས་དང་བསྟུན་བོད་མིའི་ཞི་རྒོལ་དང་རྒྱལ་ཚོགས་ལ་ཞུ་གཏུག། འཕགས་བོད་ཀྱི་ས་མཚམས་རྩོད་རྙོག་ཁྲོད་འབྲོག་པར་ངལ་བ་འཕྲད་པ། ཨ་རིའི་གྲོས་ཚོགས་སུ་རྒྱ་ནག་ལ་ཁ་གཏད་ཀྱིས་རྒྱལ་སྲུང་ཁྲིམས་འཆར་གཏན་འབེབས། ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་གིས་སྲིད་སྐྱོང་མཆོག་གི་གཟིགས་སྐོར་སྐབས་མཐུན་འགྱུར་གནང་རྒྱུའི་ཞལ་བཞེས། སྟོབས་རྒྱལ་ལགས་སླར་རྒྱལ་ཡོངས་ལུས་རྩལ་འགྲན་ཚོགས་ཁྲོད་ཨང་དང་པོ་བླངས། བཙན་བྱོལ་བོད་མིའི་གནས་སྟངས། བསྟན་འཛིན་རྒྱ་མཚོའི་སློབ་ཡོན་གྱི་གལ་གནད་སྐོར་བཅར་འདྲི། Friday 24/09/2021 Tibetan NGOs seek climate justice, hold digital strike in solidarity with global climate strike UNHRC: Tibetans raise attention to deteriorating rights situation in Tibet U.S. House passes defense policy bill, slated to compete with China at global level Pema Khandu assures support during Sikyong’s upcoming Arunachal visit Ladakh Councillor says nomads had no access to grazing land Tibetan athlete Tobgyal shines at 14th National Games DIASPORA FEATURE: Kunchok Tenzin, Tenzin Gyatso Scholar at Emory University

ཕྱི་ཟླ་ ༩ ཚེས་ ༢༠ ནས་ ༢༧ བར་གཟའ་འཁོར་གཅིག་གི་རིང་ Global Climate Strike  ཞེས་རྒྱལ་སྤྱིའི་ཁྱོན་ལ་གོ་ལའི་གནམ་གཤིས་འགྱུར་ལྡོག་དང་འབྲེལ་ལས་འགུལ་གཞི་རྒྱ་ཆེ་བ་ཞིག་སྤེལ་གྱི་ཡོད་པ་དང་བསྟུན་བཞུགས་སྒར་དུ་རྟེན་གཞི་བྱས་པའི་གཞུང་འབྲེལ་མིན་པའི་ཚོགས་ཁག་བརྒྱད་ཀྱི་ངོས་ནས་ཕྱི་ཟླ་ ༡༡ ཚེས་ ༡ ནས་ ༡༢ བར་དབྱིན་ཡུལ་གྱི་ Glassgow གྲོང་ཁྱེར་ནང་འཚོགས་གཏན་ཁེལ་བའི་ Cop26 རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་ཀྱི་སྔ་རོལ་དུ་གོ་ལའི་གནམ་གཤིས་འགྱུར་ལྡོག་འགོག་པའི་ལས་འགུལ་ནང་དྲྭ་ཐོག་བརྒྱུད་མཉམ་ཞུགས་གནང་སྟེ་གོ་ལའི་གནམ་གཤིས་ཀྱི་བགྲོ་གླེང་ཐོག་བོད་ཀྱི་ཁོར་ཡུག་དང་གནམ་གཤིས་འགྱུར་ལྡོག་གི་གནས་བབ་ཅི་ཆགས་སྐོར་གླེང་དགོས་པ་དང་ལྷག་དོན་གོ་ལའི་གནམ་གཤིས་འགྱུར་ལྡོག་གི་རྐྱེན་གྱིས་བོད་ཀྱི་སྣོད་བཅུད་ཙམ་མིན་པར་བོད་ཀྱི་ཆུ་བོར་བརྟེན་མཁན་ཨེ་ཤ་ཡའི་མི་ཐེར་འབུམ་གཅིག་ལྷག་གི་འཚོ་བར་ཤུགས་རྐྱེན་ངེས་ཅན་ཞིག་སྤྲོད་ཀྱི་ཡོད་པའི་གསར་འགོད་བསྒྲགས་གཏམ་འགྲེམས་སྤེལ་འདུག གསར་འགོད་བསྒྲགས་གཏམ་ནང་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་རྒྱལ་སྤྱིའི་ཁྱོན་དུ་གོ་ལའི་གནམ་གཤིས་འགྱུར་ལྡོག་དང་འབྲེལ་ཏེ་ལས་འགུལ་གཞི་རྒྱ་ཆེན་པོ་ཞིག་སྤེལ་བ་དང་སྦྲགས་ནས་བོད་ཀྱི་ཁོར་ཡུག་གི་གནད་དོན་གླེང་སློང་གནང་གི་ཡོད་པ་དང་། འཛམ་གླིང་གི་སྣེ་གསུམ་པར་གྲགས་པའི་བོད་མཐོ་སྒང་དེ་ད་ཆ་གོ་ལའི་གནམ་གཤིས་འགྱུར་ལྡོག་གི་རྐྱེན་གྱིས་ས་ཁུལ་གཞན་ལས་ཚ་དྲོད་རྒྱས་པའི་མྱུར་ཚད་དེ་གསུམ་ལྡབ་ཆགས་པ་དང་། གཏན་འཇགས་འཁྱག་རོམ་ཞུར་བ། ཆུ་ཡི་བཞུ་རྒྱུན་ལ་འགྱུར་བ་ཐེབས་པ། ལྷག་པར་དུ་ལོ་ལྟར་བོད་མཐོ་སྒང་གི་འཁྱག་རོམ་ཊོན་ཐེར་འབུམ་བརྒྱད་ལྷག་ཞུ་གྱི་ཡོད་པ་དེས་བོད་ཀྱི་སྣོད་བཅུད་ཁོ་ན་མིན་པར་བོད་ཀྱི་ཆུ་བོར་བརྟེན་མཁན་འཛམ་གླིང་གི་མི་ཐེར་འབུམ་གཅིག་ལྷག་གི་འཚོ་བར་ཤུགས་རྐྱེན་ངེས་ཅན་ཞིག་ཐེབས་ཀྱི་ཡོད་པར་བཀོད་འདུགབོད་ཀྱི་བུད་མེད་ལྷན་ཚོགས་ཀྱི་ལས་བྱེད་དབང་མོ་ལགས་ཀྱིས་གནམ་གཤིས་འགྱུར་ལྡོག་གི་གོད་ཆག་ཁྲོད་བོད་དེ་ཤུགས་རྐྱེན་ཆེ་ཤོས་ཐེབས་ཡུལ་རྒྱལ་ཁབ་ཅིག་ཡིན་སྟབས་བོད་ཀྱི་ཁོར་ཡུག་གི་ཛ་དྲག་གནད་དོན་སྐོར་གོ་ལའི་གནམ་གཤིས་འགྱུར་ལྡོག་གི་བགྲོ་གླེང་ཐོག་ངེས་པར་དུ་གླེང་དགོས་པར་གསུངས་འདུག་པ་དང་། ད་དུང་སའི་གོ་ལའི་ཚ་དྲོད་རྒྱས་པ་དང་སྦྲགས་བོད་ཀྱི་འཁྱག་རོམ་ཡང་མྱུར་པོ་ཞུ་བཞིན་ཡོད་པས་ང་ཚོས་ Amazon དང་ཞི་བདེ་རྒྱ་མཚོའི་གླིང་ཕྲན་གྱི་མི་མང་དང་གནམ་གཤིས་འགྱུར་ལྡོག་གི་རྐྱེན་གྱིས་གོད་ཆག་ཤུགས་ཆེ་ཕོག་ཡུལ་གྱི་མི་མང་དང་ཁོར་ཡུག་ལས་འགུལ་བ་ཚོ་དང་མཉམ་འབྲེལ་གྱིས་གོ་ལའི་གནམ་གཤིས་འགྱུར་ལྡོག་གི་ལས་འགུལ་ལ་མཉམ་ཞུགས་དང་གདུང་སེམས་མཉམ་བསྐྱེད་ཞུ་རྒྱུ་ཡིན་ཅེས་གསུངས་འདུགགསར་འགོད་བསྒྲགས་གཏམ་ནང་ད་དུང་བོད་ནང་ཡོད་པའི་བོད་མི་རྣམས་བོད་ནང་གི་གནམ་གཤིས་འགྱུར་ལྡོག་སྐོར་ལ་རང་ཉིད་ཀྱི་བསམ་ཚུལ་བརྗོད་འདོད་ཡོད་ཀྱང་རྒྱ་ནག་གཞུང་གིས་བོད་མི་རྣམས་ཀྱི་སྨྲ་བརྗོད་རང་དབང་ལ་དྲག་གནོན་བྱས་དང་བྱེད་བཞིན་ཡོད་པས་རང་དབང་ལུང་པའི་ནང་དུ་ཡོད་པའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་བོད་ཀྱི་ཁོར་ཡུག་གི་ཛ་དྲག་གནད་དོན་དེ་རྒྱལ་སྤྱིའི་ཁྲོད་གླེང་སློང་གནང་ཐུབ་པར་འབད་བརྩོན་གནང་དགོས་པ་དང་། ལྷག་དོན་བོད་ནང་ལ་ཆ་མཚོན་ན་རྒྱ་གཞུང་གིས་བོད་མི་རྣམས་ནས་གོ་ལའི་གནམ་གཤིས་འགྱུར་ལྡོག་ཐད་གླེང་སློང་གནང་རྒྱུར་བཀག་སྡོམ་བྱེད་ཀྱི་ཡོད་པ་དེ་ལྟར་ནའང་། གླེང་སློང་དེ་ལྟར་གནང་བ་ནི་ད་ཆ་འཕྲད་བཞིན་པའི་གོ་ལའི་གནམ་གཤིས་འགྱུར་ལྡོག་གི་ངལ་བ་སེལ་བར་མེད་དུ་མི་རུང་བ་ཞིག་ཆགས་ཡོད་པ་བཀོད་ཡོད། གཞི་རྩའི་ཐེངས་འདིའི་གསར་འགོད་བསྒྲགས་གཏམ་དེ་བཞུགས་སྒར་དྷརྨ་ས་ལའི་ས་གནས་འགོ་འཛིན་ཁོར་ཡུག་སྡེ་ཚན་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པ། རྒྱལ་སྤྱིའི་བོད་དོན་འབྲེལ་མཐུད་ལས་ཁང་། ལྷ་སྤྱི་ཚོགས་ཞབས་ཞུ་ཁང་། བོད་རྒྱལ་ཡོངས་མང་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ། བོད་ཀྱི་བུད་མེད་ལྷན་ཚོགས་བཅས་ཚོགས་པ་བརྒྱད་ཐུན་མོང་གིས་སྤེལ་བ་ཞིག་ཡིན་པ་རེད། རྩ་བའི་རྒྱ་ནག་གཞུང་གིས་དབང་སྒྱུར་འོག་བོད་ནང་འཛུགས་སྐྲུན་གསར་རྒྱག་གི་ལས་གཞི་དང་ཆུ་མཛོད་རྒྱག་རྒྱུ།  དེ་བཞིན་རང་བྱུང་གཏེར་ཁ་སྔོག་འདོན། བོད་མཐོ་སྒང་གི་སྲོལ་རྒྱུན་གྱི་འབྲོག་པའི་འཚོ་བ་དག་གཏོར་བཤིག་གིས་བོད་ཀྱི་ཁོར་ཡུག་གི་གནས་བབ་དེ་ཧ་ཅང་ཛ་དྲག་ཏུ་གྱུར་ཡོད་པ་རེད།

ཇི་ནི་ཝར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་ཐེངས་ ༤༨ པ་འཚོགས་བཞིན་པ་དང་བསྟུན་དེ་རིང་ཕྱི་ཚེས་ ༢༤ ཉིན་སུད་སི་དང་ལིག་ཏེན་སིཊཡན་བོད་རིགས་མི་མང་གི་སྣེ་ཁྲིད་འོག་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་ཇེ་ཞན་ཇི་སྡུག་ཏུ་འགྲོ་བཞིན་པའི་བོད་ནང་འགྲོ་བ་མིའི་ཐོབ་ཐང་གི་གནས་སྟངས་མངོན་གསལ་གནང་བ་དང་འབྲེལ་བོད་མི་ཚོས་རྒྱལ་ཚོགས་ཀྱི་མདུན་ཐང་དུ་ཞི་བའི་སྐད་འབོད་དང་རྒྱལ་ཚོགས་སུ་ཞུ་གཏུག་ལས་འགུལ་ཞིག་སྤེལ་ཡོད་པ་རེད།སྐབས་དེར་ལས་འགུལ་བ་རྣམས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་ལས་ཁུངས་ཀྱི་མདུན་དུ་འདུ་འཛོམས་ཀྱིས་ཞི་བའི་སྐད་འབོད་གནང་གྲུབ་མཚམས་སུ་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་དུ་ཡོད་པའི་ལོ་རྒྱུས་ཀྱི་རང་བཞིན་ལྡན་པའི་ཞབས་སྟེགས་ཞབས་ཆག་གི་མདུན་ཐང་བར་ཞི་བའི་རྔམ་སྟོན་གནང་བ་མ་ཟད་རྒྱལ་ཚོགས་ཀྱི་མདུན་ཐང་དུ་བོད་ཀྱི་རྒྱལ་དར་བསྣམས་ཏེ་བོད་རྒྱལ་ཁབ་ཆེན་པོའི་རྒྱལ་གླུ་བླངས་པ་དང་། ད་བར་བོད་བསྟན་སྲིད་མི་རིགས་ཀྱི་དོན་དུ་སྐུ་སྲོག་བློས་བཏང་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་བཏུད་ཞུས་པ་དང་སྦྲགས། བོད་མི་ཚོས་བོད་ལ་རང་དབང་དགོས། རྒྱ་གཞུང་གིས་བོད་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་བྱ་སྤྱོད་འཕྲལ་མར་མཚམས་འཇོག་དགོས། རྒྱལ་ཚོགས་གཉིད་སད་ཤོག་སོགས་ཀྱི་ཞི་བའི་སྐད་འབོད་གནང་ཡོད།སུད་སི་བོད་ཀྱི་སྐུ་ཚབ་དོན་གཅོད་འཆི་མེད་རིག་འཛིན་ལགས་ཀྱིས་གཙོས་པའི་སུད་སི་དང་ལིག་ཏེན་སིཊཡན་བོད་རིགས་མི་མང་། གཞུང་འབྲེལ་མིན་པའི་ཚོགས་ཁག་གི་སྐུ་ཚབ། དེ་བཞིན་བོད་དོན་རྒྱབ་སྐྱོར་བ་བཅས་ནས་མཉམ་ཞུགས་གནང་ཡོད།སྤྱིར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་ཐེངས་ ༤༨ པ་དེ་ཕྱི་ཟླ་ ༩ ཚེས་ ༢༣ ནས་ཟླ་ ༡༠ ཆེས་༨ བར་ཚོགས་ཀྱི་ཡོད་པ་དང་བསྟུན་བོད་མི་ཚོས་དེ་རིང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་ལྷན་ཚོགས་ཀྱི་གཙོ་འཛིན་ལྕམ་སྐུ་ Michelle Bachelet མཆོག་གི་མཚན་ཐོག་ལ་བོད་ནང་གི་ཆོས་དད་རང་དབང་། སྐད་ཡིག་རང་དབང་། སྨྲ་བརྗོད་རང་དབང་། འདུ་འཛོམས་རང་དབང་སོགས་ཀྱི་ཆེས་ཡ་ང་བའི་གནས་བབ་མངོན་གསལ་གནང་བའི་ཞུ་སྙན་ཞིག་ཕུལ་ཡོད་པ་རེད།

འཕགས་བོད་གཉིས་ཀྱི་ས་མཚམས་ས་ཁུལ་དུ་རྒྱ་དཀར་ནག་གཉིས་ཀྱི་མཐའ་སྲུང་དམག་མིའི་དབར་ས་ཆའི་བདག་དབང་གི་གནད་དོན་སོགས་དང་འབྲེལ་ཏེ་རྩོད་རྙོག་མི་ཉུང་བ་ཞིག་འབྱུང་བཞིན་པར་བརྟེན་འབྲོག་པ་ཚོས་རང་གི་སྒོ་ཕྱུགས་རྣམས་རྩྭ་ཆུ་བཟང་སར་འཚོ་ཐབས་དཀའ་བའི་ངལ་བ་འཕྲད་བཞིན་ཡོད་པ་མངོན་གསལ་གནང་འདུག ཁ་སང་རྒྱ་གར་གྱི་ Hindustan Times  གསར་སྤེལ་ཁང་གིས་གནས་ཚུལ་སྤེལ་བར་ལ་དྭགས་ཆུ་ཤུལ་གྲོང་སྡེའི་འཐུས་མི་དཀོན་མཆོག་བསྟན་འཛིན་ལགས་ཀྱིས་གསར་ཁང་ལ་ད་ལྟའི་ཆར་འཕགས་བོད་གཉིས་ཀྱི་ས་མཚམས་སུ་རྒྱ་དཀར་ནག་གི་དམག་མིའི་དབར་ས་ཆའི་བདག་དབང་དང་འབྲེལ་ཏེ་རྩོད་རྙོག་མི་ཉུང་བ་ཞིག་འབྱུང་བཞིན་ཡོད་པའི་ཁར་ཕྱོགས་གཉིས་ནས་མཐའ་མཚམས་སྲུང་སྐྱོབ་ལ་དམིགས་ཏེ་དམག་མི་སྔར་ལྷག་འཕར་སྣོན་གནང་བའི་གནས་སྟངས་ལ་བློ་འཚབ་ཀྱི་རྣམ་པ་ཆེད་བཏོན་གནང་བ་དང་འབྲེལ། དེས་འབྲོག་པ་རྣམས་མི་རབས་ནས་རང་གི་གཡག་དང་རྭ་ལུག་སོགས་སྒོ་ཕྱུགས་སྲོག་ཆགས་དང་མཉམ་དུ་རྩྭ་ཆུ་བཟང་སར་འཚོ་བ་རོལ་རྒྱུའི་གོམས་སྲོལ་ཡོད་པ་དེ་ལྟར་ནའང་། སྔར་བཞིན་འཚོ་ཐབས་དཀའ་བའི་ངལ་བ་འཕྲད་བཞིན་ཡོད་པར་གསུངས་འདུགདེ་བཞིན་འཕགས་བོད་ཀྱི་ས་མཚམས་ས་ཁུལ་གྱི་འབྲོག་པ་ཚོར་མཐའ་མཚམས་ཀྱི་རྩོད་རྙོག་དང་འབྲེལ་ནས་ངལ་བ་གང་ཙམ་འཕྲད་རྗེས་ད་ལྟའི་ཆར་འབྲོག་པའི་ཁྱིམ་བདག་དེ་དག་གི་ངོས་ནས་སོ་སོའི་སྒོ་ཕྱུགས་རྣམས་རྩྭ་ཆུ་བཟང་བ་ཡོད་སའི་ཤར་ཧི་མཱ་ལ་ཡའི་ས་ཁུལ་ཁུ་ལ་གཙོས་ས་ཁུལ་ཁག་ཅིག་ཏུ་ཁྲིད་རྒྱུའི་ཐག་གཅོད་གནང་འདུག་ཀྱང་རྒྱ་གར་ཕྱོགས་ནས་དམ་དྲག་གནང་ཡོད་སྐོར་གསུངས་འདུག རྒྱ་གར་གཞུང་གི་ངོས་ནས་ངེས་པར་དུ་འབྲོག་པ་ཚོར་རྩྭ་ཆུ་བཟང་སར་འཚོ་ཐབས་གནང་འཐུས་ཆོག་མཆན་གནང་བ་དང་མཐའ་མཚམས་ཀྱི་ས་ཁུལ་ཁག་ཡར་རྒྱས་སླད་མདུན་སྐྱོད་གནང་དགོས་སྐོར་ནན་བརྗོད་གནང་འདུགསྐུ་ཞབས་ཁོང་གིས་ད་དུང་འབྲོག་པ་ཚོའི་འདས་པའི་ལོ་བཅུ་ཡས་མས་ཙམ་གྱི་རྗེས་སུ་རང་གི་སྒོ་ཕྱུགས་གཡག་རྣམས་རྒྱུན་སྲོལ་གྱི་རྩྭ་ཆུ་བཟང་བ་ཡོད་སའི་ས་ཁུལ་ཁུ་ལ་དང་ཚོགས་ཚ་ལུ་བཅས་སུ་ཁྲིད་རྒྱུར་ཐག་གཅོད་གནང་དོན་ལྟར་བྱུང་མེད་པ་དེས་རྒྱ་དཀར་ནག་གཉིས་ཀྱི་དམག་མིའི་འགོ་ཁྲིད་དབར་གྲོས་མོས་བརྒྱུད་གནད་དོན་དེ་གང་ཙམ་ཞི་སྒྲིག་བྱུང་ཡོད་ཀྱང་དུས་ད་ལྟའང་ཕྱོགས་གཉིས་དབར་རྒྱུན་ལྡན་གྱི་གནས་སྟངས་ལྟ་བུ་ཞིག་མེད་པ་མཚོན་གྱི་ཡོད་ཅེས་གསུངས་པ་མ་ཟད། འབྲོག་པ་ཚོས་རང་གི་སྒོ་ཕྱུགས་རྣམས་འབྲོག་སར་འཚོ་ཐབས་གནང་རྒྱུ་དེ་ནི་ས་མཚམ་ས་ཁུལ་དུ་ཡོད་པའི་ Phobrang དང་ Yourgo དེ་བཞིན་ Lukung གྲོང་གསེབ་པ་རྣམས་ཀྱིས་ཐོག་མ་དབུ་འཛུགས་གནང་བ་ཞིག་དང་འབྲོག་པ་ཚོས་མཐའ་མཚམས་ས་ཁུལ་ཁག་སྲུང་སྐྱོབ་བྱ་རྒྱུར་རྒྱལ་ཁབ་ཀྱི་མིག་དང་ཨམ་ཆོག་ལྟ་བུའི་འགན་ཁུར་གྱི་ཡོད་པར་གསུངས་འདུག

ཁ་སང་ཨ་རིའི་གྲོས་ཚོགས་འོག་མའི་དབུས་སུ། National Defense Authorization Act ཞེས་པའི་ཕྱི་ལོ་ ༢༠༢༢ ལོའི་རྒྱལ་སྲུང་གི་གནད་དོན་དང་འབྲེལ་བའི་ཁྲིམས་འཆར་གཏན་འབེབས་གནང་སྟེ། ཨ་རིའི་ངོས་ནས་དམག་སྟོབས་དང་འབྲེལ་བའི་འཕྲུལ་ལས་རིགས་ལ་སྔར་ལྷག་ཤུགས་སྣོན་གྱིས་ཕྱོགས་ཡོངས་ནས་རྒྱ་ནག་ལ་ཁ་གཏད་གཅོག་རྒྱུ་ཡིན་པར་བསྒྲགས་འདུགདེ་ཡང་དེ་རིང་གསར་ལམ་ཁག་ཏུ་གནས་ཚུལ་ཐོན་པ་ལྟར་ན།ཨ་རིའི་རྒྱལ་སྲུང་སྲིད་བྱུས་དང་འབྲེལ་བའི་བསྐྱར་བཅོས་ཁྲིམས་འཆར་དེར་གྲོས་ཚོགས་འཐུས་མི་ ༣༡༦ གིས་རྒྱབ་སྐྱོར་དང་ ༡༡༣ གྱིས་དགག་གཞག་གནང་བའི་ཐོག་ནས་ཚད་མཐོའི་མང་མོས་ཀྱིས་གཏན་འབེབས་གནང་ཡོད་པ་དང་། དེའི་ནང་སང་ལོའི་རྒྱལ་སྲུང་གི་མ་དངུལ་དུ་ཨ་སྒོར་དུང་ཕྱུར་ ༧༧༨ ལྷག་ཆེད་གཏོང་བྱེད་རྒྱུ་ཡིན་པར་གཏན་འབེབས་བྱུང་བ་དེ་ནི་ Biden བྷ་ཊན་སྲིད་གཞུང་གིས་མཁོ་འདོན་རེ་ཞུ་བྱས་པ་ལས་ཨ་སྒོར་དུང་ཕྱུར་ ༢༥ ལྷག་འཕར་སྣོན་བྱས་པ་ཞིག་ཆགས་ཡོད་འདུགམ་ཟད་ཐེངས་འདིའི་བསྐྱར་བཅོས་ཁྲིམས་འཆར་དེའི་ཐོག་ནས་། རྒྱ་ནག་གིས་ཡུ་གུར་མི་རིགས་རྩ་གཏོར་གཏོང་གི་ཡོད་པར་ངོས་འཛིན་དང་། ཨ་རིའི་ཨོ་རྩེད་པ་རྣམས་ལ་རྒྱ་ནག་གི་ནང་དུ་འགྲོ་བ་མིའི་ཐོབ་ཐང་རྡོག་རོལ་ཐེབས་བཞིན་པའི་གནད་དོན་དེར་གསལ་འགྲེལ་བྱེད་རྒྱུ་ཡིན་པར་བསྒྲགས་འདུགཁྲིམས་འཆར་དེ་གཏན་འབེབས་བྱས་མ་ཐག་ཨ་རིའི་གྲོས་ཚོགས་འཐུས་མི་སྐུ་ཞབས་ Smith ལགས་ཀྱིས་ཐེངས་འདིའི་ཁྲིམས་འཆར་དེ་བརྒྱུད་ནས། ཨ་རིའི་ངོས་ནས་མཐུན་ཕྱོགས་ཀྱི་རྒྱལ་ཁབ་རྣམས་ཀྱི་མཐུན་ལམ་རྒྱ་བསྐྱེད་བྱེད་རྒྱུར་ཤུགས་སྣོན་རྒྱག་རྒྱུ་ཡིན་པ་མ་ཟད། རྒྱ་གར་དང་ཞི་བདེ་རྒྱ་མཚོའི་ཁུལ་གྱི་དོགས་གནས་ཀྱི་གནད་དོན་ལ་སྔར་ལྷག་ཤུགས་སྣོན་བྱེད་རྒྱུ་ཡིན་པར་བསྒྲགས་ཡོད་པ་དང་། དེ་བཞིན་གྲོས་ཚོགས་འཐུས་མི་སྐུ་ཞབས་ Rogers ལགས་ཀྱིས་ཀྱང་ཐེངས་འདིའི་ཁྲིམས་འཆར་ཐོག་ནས་སང་ལོའི་བདེ་སྲུང་གི་མ་དངུལ་གཏན་འབེབས་ལ་གཞིགས་ན། ཨ་རིའི་རྒྱལ་སྲུང་ལྷན་ཁང་ལ་དཀའ་རྙོག་ཅི་ཞིག་འཕྲད་ཀྱང་དེར་གདོང་ལེན་གནང་རྒྱུར་གྲ་སྒྲིག་བྱས་ཡོད་པ་ཞིག་ཆགས་ཡོད་སྐོར་བརྗོད་འདུག གཞན་ཡང་གྲོས་ཚོགས་འཐུས་མི་ཞུ་སྐབས་McCall ལགས་ཀྱིས་གྲོས་ཚོགས་ཀྱི་བསྐྱར་བཅོས་ཨང་ ༢༤༠ དང་འབྲེལ་ནས། རྒྱལ་སྤྱིའི་ཨོ་རྩལ་འགྲན་ཚོགས་ཀྱི་མཚོན་པའི་རྒྱལ་སྤྱིའི་རྩེད་འགྲན་རིགས་ཅི་ཞིག་ཡིན་ཡང་། རྒྱ་ནག་ལྟ་བུའི་སྲིད་དབང་གཅིག་སྡུད་དང་འགྲོ་བ་མིའི་ཐོབ་ཐང་རྡོལ་རོལ་བྱེད་མཁན་གྱི་དམར་ཤོག་སྲིད་གཞུང་གང་ཞིག་ཏུ་འཚོགས་གཏན་འཁེལ་བ་ཡིན་ན།  ཨ་རིའི་རྩེད་འགྲན་པ་རྣམས་ལ་ཁུལ་དེའི་ནང་གི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་བའི་ཉེན་ཚབས་ཀྱི་རིགས་འགྲེལ་བརྗོད་བྱེད་དགོས་བར་གསུངས་བ་མ་ཟད།  རྒྱ་ནག་གིས་སང་ལོའི་ཨོ་རྩལ་འགྲན་ཚོགས་དེ་རྒྱ་ནག་གི་དྲིལ་བསྒྲགས་ཀྱི་ལག་ཆར་བེད་སྤྱོད་གཏོང་བཞིན་ཡོད་སྟབས། ཨ་རིའི་རྩེད་འགྲན་པ་རྣམས་ཀྱིས་གནས་ཚུལ་དེ་ཤེས་རྟོགས་ཡོད་པའི་ཐོག་ནས་སྲུང་སྐྱོབ་བྱེད་རྒྱུ་གལ་ཆེན་ཡིན་པར་བསྒྲགས་འདུག གཞན་ཡང་ཁྲིམས་འཆར་གྱི་ནང་དུ། ཨ་རིའི་གཞུང་འབྲེལ་གྱི་མི་སྣ་སང་ལོའི་རྒྱ་ནག་ནང་གི་དགུན་དུས་ཨོ་རྩལ་ལ་འཛུལ་ཞུགས་མི་བྱེད་རྒྱུར་གསལ་ཡོད་པ་མ་ཟད། ཨ་རིའི་རྒྱལ་སྲུང་ལྷན་ཁང་གིས་ཨ་རི་དང་ཐེ་ཝན་གཉིས་ཀྱི་མཉམ་འབྲེལ་གྱི་གནས་བབ་ཐད་ནས་སྙན་ཐོ་འདོན་སྤེལ་བྱེད་དགོས་བ་དང་། དེ་བཞིན་ཕྱོགས་གཉིས་ཀྱི་དམག་མིའི་བདེ་འཇགས་ཀྱི་ཐད་མཉམ་རུབ་གནང་སྟེ། ཐེ་ཝན་སང་ལོའི་ Pacific Rim multinational military exercise  ཞེས་པའི་རྒྱ་མཚོའི་ཁུལ་གྱི་དམག་རྩལ་ནང་དུ་གདན་ཞུ་གནང་རྒྱུ་ཡིན་པར་འཁོད་འདུག གཞི་རྩའི་ཐེངས་འདིའི་ཁྲིམས་འཆར་དེར་ཤོག་གྲངས་ ༡༣༠༠ ལྷག་ཡོད་པའི་ཁོང་སུ་རྒྱ་ནག་ནང་གི་འགྲོ་བ་མིའི་ཐོབ་དང་དང་འབྲེལ་བའི་གནད་དོན་མང་པོ་ཞིག་འཁོད་ཡོད་པ་མ་ཟད། ཨ་རིའི་ནང་དུ་རྒྱལ་སྲུང་གི་བདེ་འཇགས་ཀྱི་འབྲེལ་ལམ་འཕེལ་རྒྱས་གཏོང་ཐབས་དང་། དེ་བཞིན་གསར་གཏོད་རང་བཞིན་གྱི་འཕྲུལ་ལས་མཁོ་འདོན་དང་བརྡ་འཕྲིན་ལམ་ལུགས་ཚད་མཐོར་གཏོང་རྒྱུ།  གཞན་ཡང་རྒྱལ་སྲུང་དང་འབྲེལ་བའི་ལས་འཆར་ཁག་གི་ནང་དུ་ཉམས་ཞིབ་དང་འཕེལ་རྒྱས་ཀྱི་མ་དངུལ་སྔར་ལྷག་མཁོ་འདོན་བྱས་པ་བརྒྱུད་ནས། བདེ་འཇགས་ཚན་ཁག་གི་ལམ་ལུགས་དང་བདེ་སྲུང་གི་གནད་དོན། དེ་བཞིན་གསང་བའི་ལས་ཁུངས་སོགས་ཀྱི་ནུས་ཤུགས་གཅིག་སྒྲིལ་བྱེད་རྒྱུ་རེད་འདུག