fbpx

Tibetan Royal Year of 2150 | Year of the Water Rabbit

ཤེས་རིག་དང་བདེ་སྲུང་བཀའ་བློན་རྣམ་གཉིས་མཆོག་ལ་སྤྱི་འཐུས་རྣམས་ཀྱིས་བཀའ་རྩད་ནན་པོ་གནང་བ།   

Tibetan News Headlines

  • རིགས་པ་དང་ལྡན་པའི་རིག་གཞུང་མི་རབས་གཞོན་པ་ཚོར་རྩིས་སྤྲོད་གནང་གལ།
  • ༸གོང་ས་མཆོག་གིས་ Latvia རྒྱལ་ཁབ་ཀྱི་སྲིད་འཛིན་མཆོག་ལ་འཚམས་འཕྲིན་མཛད་པ།
  • བོད་ནང་གི་ཛ་དྲག་གནས་སྟངས་སྐོར་གྲོས་ཆོད་གཏན་འབེབས།
  • རྒྱ་གཞུང་གིས་རྒྱལ་མཚམས་ལས་བརྒལ་ཏེ་དྲག་གནོན་བྱེད་བཞིན་པ་འཐེར་འདོན།
  • གནའ་རྫས་ཉར་ཚགས་སྐོར་གྱི་ཟབ་སྦྱོང་དབུ་འཛུགས།

Friday 02/06/2023

  • Dalai Lama meets Nalanda masters and diploma course graduates and students
  • Dalai Lama congratulates Latvia’s new president
  • Czech Senate Committee opposes forced assimilation of Tibetan children, interference in religious freedom
  • Report reveals PRC transnational repression on overseas human rights activist
  • Workshop on ‘Conservation and Preservation on Heritage’ commences in Dharamshala

(Visited 5 times, 1 visits today)

ཁ་སང་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བཞི་པའི་ལས་ཉིན་བརྒྱད་པའི་ཉིན་རྒྱབ་ཀྱི་ཚོགས་ཐུན་བཞི་པ་དང་ལྔ་པའི་ཐོག་བོད་མིའི་སྒྲིག་འཛུགས་ཤེས་རིག་ལས་ཁུངས་དང་བདེ་སྲུང་ལས་ཁུངས་གཉིས་ཀྱི་ཕྱི་ལོ་ ༢༠༢༡་༢༢ ལོའི་ལོ་འཁོར་ལས་བསྡོམས་སྙན་སྒྲོན་དང་སྤྱི་འཐུས་རྣམས་ཀྱིས་དེར་བགྲོ་གླེང་གིས་ཆ་ཤས་བཞེས་སོང་། ཤེས་རིག་ལས་ཁུངས་ཀྱི་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་ཤེས་རིག་ལས་ཁུངས་མ་ལག་དང་བཅས་པའི་ཕྱི་ལོ་ ༢༠༢༡་༢༢ ལོའི་ལོ་འཁོར་ལས་བསྡོམས་སྙིང་བསྡུས་སྙན་སྒྲོན་དང་དེ་འབྲེལ་སྤྱི་འཐུས་རྒྱུན་ལས་ཀྱིས་དྲི་བ་ཕེབས་ཁག་ལ་ལན་འདེབས་གསལ་བཤད་གནང་ཡོད་པ་རེད།སྐབས་དེར་སྤྱི་འཐུས་རྣམ་པས་ཤེས་རིག་ལས་ཁུངས་ཀྱིས་སློབ་གྲྭའི་ཟས་བཅུད་ཐོག་ཐུགས་སྣང་དང་སློབ་གྲྭར་ཟས་གོས་གནས་མལ་གྱི་དོད་ལ་ཆག་ཡང་། བོད་སྒྲུང་འགྲེམས་སྤེལ་མང་ཙམ་གནང་དགོས་པ། ངག་རྒྱུན་གྱི་གནའ་གཏམ་རྣམས་བདག་སྐྱོང་འགན་འཁུར་དགོས་པ། ད་ཆ་བོད་ཁྱིམ་གྱི་སློབ་གྲྭ་ཁག་གཅིག་གི་འཛིན་ཁང་དང་ཁྱིམ་ཚང་སྟོང་པ་ཆགས་ཡོད་པས་དེ་དག་སློབ་གྲྭ་ཟླ་སྒྲིལ་གནང་སྟེ་བོད་ནས་རྗེས་འབྱོར་བ་ ཚོར་མཁོ་སྤྲོད་གནང་ན་ཧ་ཅང་ལེགས་པོ་ཡོད་པ་དང་། ཕྱི་རྒྱལ་དུ་བོད་སློབ་གསར་འཛུགས་དགོས་པ། དེ་བཞིན་སློབ་གྲྭ་ནང་བཙན་གཡེམ་གྱི་གནད་དོན་བྱུང་ཁག་སོགས་ཀྱི་སྐོར་ལ་བཀའ་འདྲི་དགོངས་སྐོར་གནང་མཁན་བྱུང་ཡོད།དེའི་ཁྲོད་སྤྱི་འཐུས་གཞན་ཞིག་གིས་མ་འོངས་བོད་ཀྱི་སོན་རྩ་རྣམས་གལ་ཆེན་པོ་ཆགས་ཀྱི་ཡོད་པ་དང་ལྷག་པར་བོད་ཕྲུག་ཚོར་སློབ་སྦྱོང་སྤྲོད་མཁན་གྱི་དགེ་རྒན་ཚད་ལྡན་དགོས་རྒྱུ་གལ་ཡིན་པར་མ་ཟད། སྒོས་དམིགས་བསལ་བོད་ཡིག་དགེ་རྒན་ཚོར་ཤུགས་རྒྱག་དགོས་པ་དང་གལ་ཏེ་དེ་ལྟར་མ་གནང་ཚེ་སླད་མར་ཉེན་འཕྲད་སྲིད་པས་དགེ་རྒན་རྣམས་སློབ་གྲྭར་མུ་མཐུད་རྒྱུན་གནས་ཐུབ་ཐབས་སུ་ཤེས་རིག་ལས་ཁུངས་ནས་གསོལ་ཕོགས་ངེས་པར་དུ་སྤར་དགོས་སྐོར་གསུངས་པ་དང་། དེར་ཤེས་རིག་བཀའ་བློན་མཆོག་གིས་ད་ཆ་སམ་བྷོ་ཊ་ཁོངས་གཏོགས་ཡོད་པའི་བོད་སློབ་འཛིན་ཚོགས་ནས་རྩིས་བཞེས་པའི་སློབ་གྲྭ་ཚོར་གསོལ་ཕོགས་སྤར་ཆ་གང་ལེགས་གནང་ཡོད་སྐོར་བཀའ་ལན་གནང་སོང་།  
དེ་བཞིན་སྤྱི་འཐུས་ཁག་གཅིག་གིས་ཤེས་རིག་ལས་ཁུངས་ནས་དཔེ་དེབ་དཔར་སྐྲུན་གང་མང་གནང་དགོས་པའི་གནད་འགག་དང་དཔེ་དེབ་རྣམས་དགོན་སྡེ་ཁག་གཙོས་བོད་ཡིག་སློབ་ཁྲིད་གནང་མཁན་ཚོགས་སྒེར་རྣམས་ལ་བརྒྱ་ཆ་ ༧༠ ཙམ་ཆག་ཡང་གནང་བའི་དགོངས་པ་བཞེས་རོགས་ཞེས་ཞུས་སོང་ལ། སྤྱི་འཐུས་ལ་ལས་ད་བར་སློབ་གྲྭ་ག་ཚོད་ཙམ་ཟླ་སྒྲིལ་གནང་ཡོད་མེད་གསལ་ཁ་དང་སློབ་གྲྭ་ཟླ་སྒྲིལ་མ་གནང་གོང་དེ་འབྲེལ་གསལ་བརྡ་ནམ་ཕུལ་ཡོད་མེད། དེ་བཞིན་སློབ་གྲྭ་ཟླ་སྒྲིལ་གནང་ཕྱོགས་གང་འདྲ་གནང་གི་ཡོད་མེད་བཀའ་འདྲི་ཞུས་པར་ཤེས་རིག་བཀའ་བློན་མཆོག་གིས་སློབ་གྲྭ་ཟླ་སྒྲིལ་གནང་ཕྱོགས་སྐོར་འགྲེལ་བརྗོད་དང་སྦྲགས། ས་གནས་གཅིག་ནང་གལ་ཏེ་སློབ་གྲྭ་གཅིག་ལས་མེད་ཚེ་དེ་མེད་པ་བཟོ་ཐབས་བྲལ་བར་མ་ཟད་ལྷག་པར་དམའ་རིམ་སློབ་གྲྭའི་སློབ་ཕྲུག་རྣམས་ངེས་པར་དུ་ཕ་མའི་སར་འཇོག་དགོས་གལ་ཡིན་སྐོར་བཀའ་ལན་གནང་སོང་། སྤྱི་འཐུས་གཅིག་གིས་སཱི་ཤེས་ཡོན་སློབ་གསོ་དེ་བོད་ཀྱི་ནང་པའི་གཞུང་ལུགས་ནས་བསྟན་པའི་མིའི་བསམ་བློ་བསྒྱུར་བཅོས་གཏོང་སྟངས་ཀྱི་ཤེས་ཡོན་སློབ་སྦྱོང་དེ་བཞིན་ནུབ་ཕྱོགས་ལ་འཁྱེར་ཏེ་རྣམ་པ་གསར་པ་བཟོས་ཏེ་དེ་ཕྱིར་ང་ཚོའི་སྤྱི་ཚོགས་ནང་སློབ་ཁྲིད་གནང་ཚེ་རན་པོ་ཞིག་ཆགས་ཀྱི་ཡོད་དམ་ཞེས་དགོངས་ཚུལ་ཕུལ་སོང་།དེ་ཉིན་ཤེས་རིག་ལས་ཁུངས་ཀྱི་ལས་བསྡོམས་ཐོག་བགྲོ་གླེང་གྲུབ་རྗེས་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་བདེ་སྲུང་ལས་ཁུངས་མ་ལག་དང་བཅས་པའི་ཕྱི་ལོ་ ༢༠༢༡་༢༢ ལོའི་ལོ་འཁོར་ལས་བསྡོམས་སྙིང་བསྡུས་སྙན་སྒྲོན་གནང་ཡོད་པ་དང་། སྤྱི་འཐུས་རྒྱུན་ལས་ཀྱི་དྲི་བ་ཁག་ལ་ལན་འདེབས་གསལ་བཤད་ཀྱིས་བདེ་སྲུང་ལས་ཁུངས་ཀྱི་ལས་བསྡོམས་ཐོག་བགྲོ་གླེང་སྐབས་སྤྱི་འཐུས་རྣམ་པའི་༸གོང་ས་མཆོག་རྒྱ་གར་དུ་༸ཞབས་སོར་བདེ་བར་འཁོད་པ་ནས་བཟུང་རྒྱ་གར་གཞུང་མང་གཉིས་ཀྱིས་ད་བར་༸རྒྱལ་བའི་༸སྐུ་ཕྱཱ་འཐུས་ཤོར་མེད་པའི་ཐོག་ལོ་ངོ་བདུན་ཅུར་ཉེ་བར་སྲུང་སྐྱོབ་ཞུས་ཡོད་པས་འབྲེལ་ཡོད་ཚན་པ་དང་བདེ་སྲུང་ལས་ཁུངས་ཀྱི་འགོ་ལས་ཡོངས་ལ་ཐུགས་རྗེ་ཆེ་ཞུ་མཁན་བྱུང་སོང་ལ། དེ་བཞིན་སྤྱི་འཐུས་ཁག་གཅིག་གིས་རྒྱ་གར་ནས་ཕྱིར་སྐྱོད་སྐབས་ཕྱིར་ཐོན་དང་ཕྱིར་ལོག་ཆོག་པའི་བཀའ་འཁྲོལ་ Exit Permit  དང་ Return Visa ཞུ་མི་དགོས་པར་ཕྱིར་སྐྱོད་ཐུབ་ཐབས་སུ་མཐུན་རྐྱེན་བསྐྲུན་ཐུབ་མིན་དང་། དེ་བཞིན་ཆབ་སྲིད་བཙོན་ཟུར་གྱི་གཞིས་སྤོས་ལས་གཞི་དང་འབྲེལ་ཡོད་སྐོར་བཀའ་རྩད་གནང་ཡོད།སྐབས་དེར་བདེ་སྲུང་བཀའ་བློན་མཆོག་གིས་རྒྱ་གར་ནས་ཕྱིར་སྐྱོད་སྐབས་ཐོན་ཆོག་པ་དང་ལོག་ཆོག་པའི་བཀའ་འཁྲོལ་ཞུ་མ་དགོས་པར་བསྐྱོད་འཐུས་བཟོ་ཐབས་དཀའ་གནད་ཡིན་སྐོར་དང་སྦྲགས་དེ་འབྲེལ་གྱི་འགྲོ་སྟངས་འགྲོ་ལུགས་དེ་རྒྱ་གར་གཞུང་གིས་རྒྱལ་ཁབ་གཞན་དང་བསྟུན་ནས་གཏན་འབེབས་གནང་བ་ཞིག་ཡིན་པར་བཀའ་ལན་གནང་སོང་།དེ་བཞིན་ཨོ་གླིང་དུ་ཆབ་སྲིད་བཙོན་ཟུར་གྱི་གཞིས་སྤོས་ལས་གཞི་དང་འབྲེལ་ཏེ་བཀའ་འདྲི་ཞུས་ཁག་ལ་བདེ་སྲུང་བཀའ་བློན་མཆོག་གིས་འབྲེལ་ཆགས་དེ་སྒྲིག་གཞི་དགོངས་དོན་བཞིན་ཆབ་སྲིད་བཙོན་ཟུར་གྱི་བུ་ཕྲུག་དང་ཕ་མ་གཅིག་གི་སྤུན་མཆེད་ལ་ངོས་འཛིན་གནང་དགོས་པ་དང་། ལྷག་པར་ནད་ཡམས་ཀྱི་རྐྱེན་གྱིས་ཨོ་གླིང་ནང་དེ་སྔོན་མི་མང་དག་ཅིག་འགྲོ་མ་ཐུབ་པའི་གནས་སྟངས་བྱུང་ཡོད་ཀྱང་ཕྱིས་སུ་ནད་ཡམས་ཀྱི་གནས་སྟངས་ཇེ་བཟང་དུ་འགྲོ་བའི་སྐབས་མི་གྲངས་ ༡༠༠ ལྷག་ཕེབས་ཐུབ་པ་དང་ལྷག་པར་ད་ལྟའི་ཆར་མི་གྲངས་ ༣༠ ཞིག་ལ་རྒྱན་འཕངས་ཡོད་པ་དང་། སླད་མར་དེ་འབྲེལ་གྱི་གྲངས་ཀ་དེ་འཕར་རྒྱུའི་ཐུགས་རེ་གནང་བཞིན་ཡོད་སྐོར་བཀའ་ལན་གནང་སོང་།

བདེ་སྲུང་བཀའ་བློན་མཆོག་གིས་རྒྱ་ནག་གུང་ཁྲན་གྱི་དྲ་ལམ་བརྒྱུད་འཁྱོག་བཤད་དང་དེ་བཞིན་བོད་མིའི་ཆིག་སྒྲིལ་རྩ་གཏོར་གཏོང་ཐབས་བྱེད་བཞིན་པར་ང་ཚོ་ཚང་མས་ཡིད་གཟབ་གནང་དགོས་ཞེས་གཞེལ་སྐུལ་ནན་པོ་གནང་ཡོད། པར་ཁག་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས།

(Visited 539 times, 1 visits today)

འབྲེལ་ཡོད་གསར་གནས།

གསར་གནས།