དེ་རིང་ཕྱི་ཟླ་ ༡༡ ཚེས་ ༣ ཉིན་གྱི་སྔ་དྲོ་བཞུགས་སྒར་དུ་རྟེན་གཞི་བྱས་པའི་འཛིན་སྐྱོང་སྦྱོང་བརྡར་བསྟི་གནས་ཁང་དུ་སྐུ་མགྲོན་གཙོ་བོ་དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་ཆེ་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཕྱི་དྲིལ་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་ཞུས་པའི་ཉིན་གྲངས་གཉིས་རིང་གི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་ ༡༡ པ་དབུ་འཛུགས་གནང་སོང་།
རྩ་བའི་དེ་རིང་དང་སང་ཉིན་བཅས་ཉིན་གྲངས་གཉིས་རིང་གི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་ ༡༡ པའི་ཐོག་དེང་རབས་ལོ་རྒྱུས་དང་ཆབ་སྲིད། བརྡ་སྤྲོད། བོད་ཀྱི་ཆབ་སྲིད་དང་སྤྱི་ཚོགས། བོད་ཀྱི་ལོ་རྒྱུས། གནའ་དེང་རྩོམ་རིག་གི་སྐོར། གནའ་རབས་ཆོས་ལུགས་དང་ལོ་རྒྱུས། ཡིག་ཚགས་བཅས་ཀྱི་སྐོར། བོད་ཀྱི་བརྩམས་སྒྲུང་དང་ལེགས་བཤད་བཅས་གནད་དོན་འདྲ་མིན་དང་འབྲེལ་བའི་བརྗོད་གཞི་མང་དག་ཅིག་གི་སྐོར་ཁྱོན་བསྡོམས་པའི་ཚོགས་བཅར་བ་ ༢༦ ནས་བགྲོ་གླེང་དང་གོ་བསྡུར་སྦྱང་བཤད་གནང་རྒྱུ་རེད་འདུག




