རྒྱ་གར།

རྒྱ་དཀར་ནག་གཉིས་དབར་རྩོད་རྙོག་ཉུང་ཤོས་ཅན་གྱི་ས་མཚམས་ས་ཁུལ་དུའང་རྒྱ་ནག་གིས་དམག་སྒར་རྒྱ་ཆེར་འཛུགས་བཞིན་པ་མངོན་གསལ།

རྒྱ་དཀར་ནག་གཉིས་དབར་གདོང་ཐུག་ཁྲོད་ཕན་ཚུན་གྱི་གསར་འགོད་པ་ཕྱིར་འབུད།

རྒྱ་གཞུང་གིས་འཕགས་བོད་མཐའ་མཚམས་སུ་འབྱོར་འབྲིང་གྲོང་ཚོ་མྱུར་ཚད་མཐོ་བའི་ཐོག་རྒྱ་སྐྱེད་བྱེད་བཞིན་པ་མངོན་གསལ།

བོད་ཀྱི་འཐབ་རྩོད་ཁྲོད་ཆ་ཤས་བཞེས་ཕྱོགས་སྐོར་ཚོགས་འདུ་ཚོགས་པ། 

རྒྱ་གཞུང་གིས་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ས་ཁུལ་ཁག་བཅིུག་ལ་མིང་གསར་པ་བཏགས་འདུག

རྒྱ་ནག་དང་བལ་ཡུལ་གྱི་འགོ་ཁྲིད་བོད་ཀྱི་རྒྱལ་ས་ལྷ་སར་གྲོས་མོལ་བྱ་རྒྱུ་རེད།

ཨ་རུ་ནཱ་ཅལ་ཁུལ་གྱི་ G20 ལྷན་ཚོགས་ཐོག་རྒྱ་ནག་མཉམ་ཞུགས་བྱས་མི་འདུག

McMahon Line ས་ཐིག་དེ་རྒྱལ་སྤྱིའི་ས་མཚམས་སུ་ངོས་འཛིན་དགོས་པའི་གྲོས་ཆོད་གྲོས་འཆར་ཆེད་བཏོན།

རྒྱ་གར་གྱི་རྒྱལ་ས་ལྡི་ལིར་ G20 ཞེས་པའི་འབྱོར་ལྡན་རྒྱལ་ཁབ་ ༢༠ ཡི་ཕྱི་སྲིད་བློན་ཆེན་ལྷན་ཚོགས་འཚོགས་པ་དང་བསྟུན། རྒྱ་གར་གྱི་ཕྱི་སྲིད་བློན་ཆེན་སྐུ་ཞབས་ Jai Shankar མཆོག་གིས་ཁ་སང་ཉིན་རྒྱབ་རྒྱ་ནག་གི་ཕྱི་སྲིད་བློན་ཆེན་ Qin Gang ཆིན་ཀཱང་དང་ལྷན་ཟུར་དུ་ཚོུད་གཅིག་ཙམ་རིང་ཐུག་འཕྲད་ཀྱིས་ས་མཚམས་དང་འབྲེལ་བའི་དཀའ་གནད་གླེང་སློང་གནང་ཡོད་པ་རེད།  རྒྱ་གར་གྱི་ཕྱི་སྲིད་བློན་ཆེན་མཆོག་གིས་གྲོས་མོལ་དེ་གཙོ་བོ་རྒྱལ་ཁབ་ཕྱོགས་གཉིས་ཀྱི་ས་མཚམས་ཁུལ་དུ་ད་ལྟའི་ཆར་དཀའ་ངལ་འཕྲད་བཞིན་པར་གདོང་ལེན་བྱེད་ཕྱོགས་སྐོར་དང་ལྷག་པར་ས་མཚམས་སུ་གནས་སྟངས་ཞི་འཇམ་ཡོང་ཐབས་ཤིག་ཡིན་པ་གསུངས་ཡོད་འདུག རྒྱ་གར་གྱི་ཕྱི་སྲིད་བློན་ཆེན་སྐུ་ཞབས་ S Jaishankar མཆོག་གིས་འབྱོར་ལྡན་རྒྱལ་ཁབ་ཉི་ཤུའི་ལྷན་ཚོགས་དངོས་གཞི་གྲུབ་རྗེས་རྒྱ་ནག་གི་ཕྱི་སྲིད་བློན་ཆེན་ཆིན་ཀཱང་དང་གྲོས་མོལ་བྱུང་བའི་སྐོར་གསར་འགོད་ལྷན་ཚོགས་ཤིག་བསྐོང་ཚོགས་གནང་ཡོད་དང་། སྐབས་དེར་ཁོང་གིས་གྲོས་མོལ་དེ་རྒྱལ་ཁབ་ཕྱོགས་གཉིས་ཀྱི་ད་ལྟའི་འབྲེལ་ལམ་སྐོར་ཡིན་པ་དང་། ཁོང་གི་ངོས་ནས་དེ་སྔོན་ཕྱོགས་གཉིས་ཀྱི་འབྲེལ་བ་དེ་རྒྱུན་ལྡན་ལྟར་མིན་སྐོར་བརྗོད་ཡོད་པ་རྣམ་པ་ཚོས་ཤེས་གསལ་རེད་ཅེས་གསུངས་ཡོད་པ་དང་།   གྲོས་མོལ་ཤུགས་ཆེ་བ་གནད་དོན་དེ་ཉིད་ཐོག་བྱུང་ཡོད་སྐོར་གསུངས་པ་དང་འབྲེལ། ད་དུང་ཁོང་གིས་རྒྱལ་ཁབ་ཕྱོགས་གཉིས་ཀྱི་དབར་དོན་དངོས་ཀྱི་དཀའ་ངལ་རྣམས་དོར་དུ་མི་རུང་བ་ཞིག་ཡིན་པ་དང་།   དཀའ་ངལ་དེ་དག་ངོས་འཛེན་བྱས་པའི་ཐོག་ཡོངས་གྲགས་སུ་གུ་ཡངས་ཀྱི་ཐོག་སེལ་ཐབས་བྱེད་དགོས་གལ་ཡིན་པ་མ་ཟད། རྒྱལ་ཁབ་ཕྱོགས་གཉིས་ཀྱི་འབྲེལ་བ་གོང་འཕེལ་དང་།   ས་མཚམས་ཁུལ་དུ་ཞི་བདེ་ལྷིང་འཇག་ཡོང་ཐབས་གླེང་སློང་གནང་ཡོད་ཅེས་གསུངས་འདུག རྒྱ་ནག་གྱི་ཕྱི་སྲིད་བློན་ཆེན་ཆིན་ཀཱང་ནི་ཞི་ཅིན་ཕིང་གི་བློ་ཐག་ཉེ་བའི་ལས་རོགས་ཤིག་ཡིན་པ་དང་།   རྒྱ་ནག་གི་ཕྱི་སྲིད་བློན་ཆེན་གྱི་ལས་འཛིན་པ་སྔོན་མ་ཝང་ཡིས་ཕྱི་ལོ་ ༢༠༡༩ ལོར་ས་མཚམས་ཀྱི་གནད་དོན་ཆེད་རྒྱ་གར་སླེབས་ཡོད་པ་རེད། དེ་བཞིན་ཐེངས་འདིར་ཆིང་ཀཱང་རྒྱ་གར་དུ་ G20 ལྷན་ཚོགས་དང་སྟབས་བསྟུན་ནས་སླེབས་ཡོད་པར་ཆིང་ཀཱང་རང་ཉིད་རྒྱ་གར་དུ་འབྱོར་ཏེ་རྒྱ་གར་གྱི་ཕྱི་སྲིད་བློན་ཆེན་མཆོག་དང་ཐུག་འཕྲད་བྱས་པ་དེ་ཐེངས་དང་པོ་ཡིན་པ་རེད། རྒྱ་གར་གིས་རྒྱ་དཀར་ནག་གཉིས་ཀྱི་མཐའ་མཚམས་ས་ཁུལ་དུ་ཞི་བདེ་སླར་གསོ་མ་བྱུང་བར་འབྲེལ་ལམ་དེ་རྒྱུན་ལྡན་བཞིན་ཡོང་ཐབས་མེད་སྐོར་གསུངས་བཞིན་ཡོད་པ་དང་། སྐུ་ཞབས་ Jai Shankar མཆོག་གིས་དེ་སྔོན་ Bali ནང་ཚོགས་པའི་ G20 ལྷན་ཚོགས་སྐབས་སུའང་། སྐབས་དེའི་རྒྱ་ནག་གི་ཕྱི་སྲིད་བློན་ཆེན་ Wang Yi ལ་ལ་དྭགས་ཁུལ་གྱི་འཕགས་བོད་ས་མཚམས་ཀྱི་དཀའ་རྙོག་ཁག་གང་མགྱོགས་སེལ་དགོས་གལ་ཐོག་གླེང་སློང་གནང་ཡོད་པ་རེད། གཞི་རྩའི་རྒྱལ་ཁབ་ཕྱོགས་གཉིས་དབར་ས་མཚམས་དང་འབྲེལ་བའི་ཆེས་མཐོའི་དཔོན་རིགས་ཀྱི་གྲོས་མོལ་ད་བར་ཐེངས་ ༡༧ བྱུང་ཡོད་ནའང་གྲོས་མོལ་གནང་བ་ཙམ་ལས་གནས་སྟངས་ལ་འགྱུར་བ་གང་ཡང་ཕྱིན་མེད་པ་དང་།    ལྷག་པར་ཕྱི་ལོ་ ༢༠༢༠ ཕྱི་ཟླ་ ༥ ནང་ལ་དྭགས་འཕགས་བོད་ས་མཚམས་ཁུལ་དུ་རྒྱ་དཀར་ནག་གཉིས་ཀྱི་མཐའ་སྲུང་དམག་མི་དབར་གདོང་ཐུག་བྱུང་རྗེས་ད་བར་ཕྱོགས་གཉིས་དབར་གྱི་འབྲེལ་ལམ་ཇེ་ཞན་ཇེ་སྡུག་ཏུ་ཕྱིན་ཡོད་པ་རེད།