Uncategorized

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་གྱི་དགོངས་གཞི་ལྟར་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངོས་ནས་ཕྱི་ལོ་ ༢༠༡༨ ནས་བཟུང་རྒྱ་གར་གྱི་ཆེས་མཐོའི་མི་སྣ་དང་ལྷན་དུ་བགྲོ་གླེང་ཚོགས་འདུ་རིམ་པ་གནང་མཐར་འདི་ལོའི་༸རྒྱལ་བའི་སྐུའི་འཁྲུངས་སྐར་གྱི་ཉིན་མོ་དང་བསྟུན་ནང་པའི་སློབ་གཉེར་ཁང་ཞིག་དབུ་བརྙེས་པའི་ལོར་སྲུང་བརྩི་ཞུ་རྒྱུའི་གསལ་བསྒྲགས་བསྐྱངས་སོང་།འཇམ་མགོན་རྒྱལ་བའི་རྒྱལ་ཚབ་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་བྱང་རྩེ་ཆོས་རྗེ་སྒོ་སོག་རིན་པོ་ཆེ་མཆོག རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཁྱབ་ཁོངས་གྲྭ་ཚང་ཁག་གི་མཁན་རིན་པོ་ཆེ་རྣམ་པ། རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་དང་ཤེས་ཡོན་སློབ་སྟོན་པ་བཅས་ཁོང་རྣམས་ཀྱིས་དེ་རིང་ཟླ་ ༧  ཚེས་ ༤  ཉིན་གྱི་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་དང་ནང་པའི་སློབ་གཉེར་ཁང་གི་བཅའ་ཁྲིམས་མཚན་རྟགས་འབྱར་བའི་རྩ་འཛིན་ཡིག་ཆ་དེ་ཉིད་མགོན་པོ་༸གང་ཉིད་མཆོག་ལ་སྤྱན་འབུལ་ཞུས་པ་དང་སྦྲགས། སྔ་དྲོ་ཚོུད་ ༡༡༌༠༠ སྟེང་བཞུགས་སྒར་དུ་རྟེན་གཞི་བྱས་པའི་ནོར་བུ་གསོལ་མགྲོན་ཁང་གི་ཞི་བདེ་ཚོགས་ཁང་གི་ནང་དུ་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་།གསར་འགོད་ལྷན་ཚོགས་སྐབས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་སྒོ་མང་མཁན་ཟུར་དགེ་བཤེས་བློ་བཟང་རྒྱལ་མཚན་ལགས་ཀྱིས་སློབ་གཉེར་ཁང་གསར་འཛུགས་གནང་བའི་དམིགས་ཡུལ་གཙོ་བོ་ནི། རྒྱ་གར་འཕགས་པའི་ཡུལ་གྱི་དཔལ་ནཱ་ལེནྡཱའི་གཙུག་ལག་སློབ་གཉེར་ཁང་གི་ནང་བསྟན་ཐེག་པ་ཆེ་ཆུང་སྔགས་དང་བཅས་པ་བོད་གངས་ཅན་ལྗོངས་ལ་དར་ཁྱབ་ཀྱིས་ལོ་ངོ་བརྒྱ་ཕྲག་མང་པོའི་རིང་བདག་ཉར་བྱས་ཡོད་པ་དང་། རྒྱ་གར་གི་གནའ་བོའི་ཤེས་ཡོན་དེའི་ཁྲོད་ནང་སེམས་ཀྱི་གདུང་བ་སེལ་བ་དང་ཞི་བདེ་སྒྲུབ་པར་ཕན་ནུས་དམིགས་བསལ་ཡོད་སྟབས། དེས་མི་སྒེར་དང་། སྤྱི་ཚོགས། འཛམ་གླིང་བཅས་ཞི་བདེ་དང་བྱམས་བརྩེ་ལྡན་པ་ཞིག་བསྐྲུན་རྒྱུ་དང་། ད་ཡོད་དགོན་སྡེ་ཁག་གི་སློབ་གཉེར་ལམ་སྲོལ་རྣམས་ཉམས་མེད་རྒྱུན་སྐྱོང་ཐོག་དེ་སྔ་དགོན་པའི་ཤེས་ཡོན་གྱི་ཁོངས་སུ་མེད་པའི་ཆོས་ལུགས་ཕན་ཚུན་མཚུངས་བསྡུར་གྱི་སློབ་ཚན། ཚན་རིག ནུབ་ཕྱོགས་ཀྱི་ལྟ་གྲུབ། འཛམ་གླིང་གི་རྒྱལ་རབས། ཆོས་ལུགས་ལ་མ་བརྟེན་པའི་བཟང་སྤྱོད། ཨང་རྩིས་སོགས་སློབ་སྦྱོང་གི་གོ་སྐབས་སྐྱ་སེར་ཀུན་ལ་ཆ་མཉམ་ཕུལ་ཏེ་ཤེས་ཡོན་རྒྱ་བསྐྱེད་བྱ་རྒྱུ། དེ་བཞིན་སློབ་གཉེར་ཁང་འདི་ནས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཁྱབ་ཁོངས་དགོན་སྡེ་དང་བཙུན་དགོན་ཚང་མར་སྤྱི་མཚུངས་ལག་འཁྱེར་གནང་རྒྱུ་དང་ཕྱིའི་སྐྱ་སེར་ཕོ་མོ་ཀུན་ལ་རྒྱ་གར་གྱི་གནའ་བོའི་ཤེས་ཡོན་སྦྱོང་བརྡར་ཁྱད་འཕགས་སློབ་སྦྱོང་གི་གོ་སྐབས་གནང་རྒྱུ་བཅས་ཀྱི་དམིགས་ཡུལ་ཡོད་པར་མ་ཟད། རིམ་བཞིན་སློབ་གཉེར་ཁང་འདི་ཉིད་ UGC འམ་གཙུག་ལག་སློབ་གཉེར་ཁང་སྟངས་འཛིན་ལྷན་ཚོགས་ཀྱི་བཅའ་ཁྲིམས་དོན་ཚན་ ༡༩༥༦ གི་ཁོངས་ནས་ཆེས་མཐོའི་གཙུག་ལག་སློབ་ཁང་དུ་ཚད་འཛིན་ཐོབ་ཐབས་གནང་གི་ཡོད་སྐོར་གསུངས་ཡོད།ནང་པའི་སློབ་གཉེར་ཁང་དེ་ནི་ཕྱི་ལོ་ ༢༠༡༨ ལོ་ནས་བཟུང་རྒྱ་རྒྱལ་སྤྱིའི་དགེ་ལྡན་ལྷན་ཚོགས་དབུ་བཞུགས་བསྟན་བདག་རྣམ་པ་དང་། རྒྱ་གར་གྱི་ཆེས་མཐོའི་མི་སྣ། དེ་བཞིན་གདན་ས་གྲྭ་ཚང་ཁག་གི་མཁན་རིན་པོ་ཆེ་བཅས་ནས་བགྲོ་གླེང་དང་ཚོགས་འདུ་སྔ་རྗེས་སུ་རིམ་པ་གནང་བ་དང་སྦྲགས། འབྲེལ་ཡོད་སློབ་སྟོན་པ་ཕྱིའི་མཁས་དབང་ཁག་གདན་ཞུས་ཀྱིས་ད་ཡོད་དགོན་སྡེ་ཁག་གི་ཤེས་ཡོན་ལམ་ལུགས་ཐད་ཉམས་ཞིབ་གནང་སྟེ་ནང་པའི་སློབ་གཉེར་ཁང་གི་རྩ་འཛིན་ཁྲིམས་ཡིག་གཏན་འབེབས་དང་འབྲེལ། ཕྱི་ལོ་ ༢༠༢༢ ཟླ་ ༧ ཚེས་ ༦ ༸རྒྱལ་བའི་སྐུའི་འཁྲུངས་སྐར་དུས་ཆེན་ཉིན་ནང་པའི་སློབ་གཉེར་ཁང་དབུ་བརྙེས་པའི་ལོར་སྲུང་བརྩི་ཞུ་རྒྱུ་ཡིན་པ་རེད།དེ་རི་སྔ་དྲོ་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཆེས་མཐོའི་སྐུ་ཚབ་རྣམ་པས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་པ་དང་ནང་པའི་སློབ་གཉེར་ཁང་གི་བཅའ་ཁྲིམས་མཚན་རྟགས་འབྱར་བའི་རྩ་འཛིན་ཡིག་ཆ་དེ་ཉིད་མགོན་པོ་༸གང་ཉིད་མཆོག་ལ་སྤྱན་འབུལ་ཞུས་པ་དང་འབྲེལ། བཀའ་སློབ་ལམ་སྟོན་བཀའ་དྲིན་སྨིན་སྩལ་མཛད་པ་ལྟར་མཇལ་བཅར་སྐབས་མགོན་པ་༸གང་ཉིད་མཆོག་ནས་བཀའ་སློབ་གང་སྩལ་ཡོད་མེད་སྐོར་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་མཁན་ཟུར་དགེ་བཤེས་བློ་བཟང་རྒྱལ་མཚན་མཆོག་ལ་བཅར་འདྲི་ཞུས་པར་ཁོང་གིས་རིང་མིན་ཟླ་འདིའི་ཕྱི་ཚེས་ ༧ ཉིན་བཞུགས་སྒར་དྷརྨསཱལཱར་རྟེན་གཞི་བྱས་པའི་རྣམ་རྒྱལ་གྲྭ་ཚང་གི་སློབ་གྲྭའི་ཚོགས་ཁང་དུ་བོད་ལུགས་ཐོག་ནས་ནང་པའི་སློབ་གཉེར་ཁང་དབུ་བརྙེས་པའི་མཛད་སྒོ་ཞིག་འཚོགས་རྒྱུ་ཡིན་པ་གསུངས་སོང་།

ཕྱི་ཟླ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༧ བདག་གིར་བཞེས་པའི་༸སྐུའི་འཁྲུངས་སྐར་དང་བསྟུན་བྱང་ཨ་རིའི་ཀེ་ལི་ཕོར་ནི་ཡ་ནང་ལྕགས་ཟམ་བོད་ཀྱི་ལྷ་མོ་གླུ་གར་ཚོགས་པས་ཨ་ལྕེ་ལྷ་མོའི་འཁྲབ་སྟོན་གནང་ཡོད་པ་རེད། William and Flora Hewlitt Foundation’s  Hewlitt 50 arts commission in Folk and traditional arts ཞེས་པའི་ཚོགས་པའི་རོགས་དངུལ་རྒྱབ་སྐྱོར་ལ་བརྟེན་ནས་ལྕགས་ཟམ་བོད་ཀྱི་ལྷ་མོ་གླུ་གར་ཚོགས་པས་ཟླ་བ་འདིའི་ཕྱི་ཚེས་ ༢ དང་ ༣ བཅས་ཉིན་གྲངས་གཉིས་རིང་ཀེ་ལི་ཕོར་ནི་ཡའི་ Richmond  གྲོང་ཁྱེར་ནང་གི་ De Anza High school auditorium ལ་ལྷ་གཞུང་ཆོས་རྒྱལ་ནོར་བཟང་དང་ལྷ་གཞུང་སྣང་ས་འོད་འབུམ་གཉིས་ཀྱི་འཁྲབ་སྟོན་གཟིགས་འབུལ་ཞུས་ཡོད།ཐེངས་འདིའི་ལྷ་གཞུང་གི་འཁྲབ་སྟོན་པ་རྣམས་ནི་ཨ་རི་དང་ཁེ་ན་ཌའི་ས་གནས་འདྲ་མིན་ཁག་ཅིག་ནས་ཁྱོན་ཟློས་ཟུར་ ༢༨ ཙམ་མཉམ་ཞུགས་གནང་འདུག རླུང་འཕྲིན་ཁང་གིས་ལྕགས་ཟམ་ལྷ་མོ་ཚོགས་པའི་འགན་འཛིན་ཚེ་རིང་དབང་མོ་ལགས་སུ་དེ་འབྲེལ་བཀའ་འདྲི་ཞུས་པར་ཁོང་གིས་ད་རེས་ཟློས་ཟུར་རྣམས་འདུ་འཛོམས་གནང་སྟེ་ལྷ་གཞུང་གཟིགས་འབུལ་ཞུ་རྒྱུ་བྱུང་བ་ནི་སྐལ་པ་བཟང་པོར་ངོས་འཛིན་གནང་གི་ཡོད་པ་དང་ལྷག་པར་གཟིགས་མོ་བའི་ཁྲོད་ལ་རྒན་རབས་པ་མང་པོ་ཞིག་ཕེབས་ཡོད་སྟབས། ཧ་ཅང་དགའ་མོས་གནང་གི་འདུག་ཅེས་གསུངས་སོང་བར་མ་ཟད།  དེ་བཞིན་བོད་ཀྱི་ཐུན་མིན་རིག་གཞུང་རྒྱུན་འཛིན་དང་འབྲེལ་ཁོང་གིས་  གཞོན་སྐྱེས་ཚོའི་ཁྲོད་ནས་ལྷ་མོའི་འཁྲབ་གཞུང་ལ་དོ་དབྱིངས་གནང་ཆེད་ང་ཚོ་འཁྲབ་སྟོན་པས་འཁྲབ་སྟོན་མང་ཙམ་གཟིགས་འབུལ་ཞུས་ཏེ་ལྷ་མོའི་ལོ་རྒྱུས་དང་སྒྲུང་རྣམས་ངོ་སྤྲོད་གནང་ཐུབ་ཚེ་དེས་ཐུགས་ཕན་གསོས་ངེས་ཡིན་སྐོར་གསུངས་སོང་། ཚེ་རིང་དབང་མོ་ལགས་ཀྱིས་ཨ་རིར་ཆེད་མངགས་བོད་ཀྱི་རིག་གཞུང་མི་ཉམས་རྒྱུན་འཛིན་སླད་ཕྱི་ལོ་ ༡༩༨༩ ལོར་ཟློས་ཟུར་ཁག་ཅིག་དང་ལྷན་ལྕགས་ཟམ་བོད་ཀྱི་ལྷ་མོ་གླུ་གར་ཚོགས་པ་ཆེད་འཛུགས་གནང་ཡོད་པ་རེད། ཁོང་གིས་བོད་ཀྱི་ཐུན་མིན་རིག་གཞུང་ཉར་ཚགས་དང་གོང་མཐོར་སླད་ལས་དོན་རྒྱ་ཆེ་གནང་བར་ཉེ་ལམ་ཨ་རིའི་ National endowment for the arts ཞེས་ཨ་རིའི་རྒྱལ་ཡོངས་སྒྱུ་རྩལ་ཚོགས་པ་ནས་ཁོང་ལ་ཕྱི་ལོ་ ༢༠༢༢  National Heritage Fellowship ཡི་གཟེངས་བསྟོད་ཀྱི་བྱ་དགའ་ཕུལ་བ་རེད།གཟེངས་བསྟོད་ཀྱི་བྱ་དགའ་ཐོབ་པ་དང་འབྲེལ་ཁོང་གིས་ཕྱི་རྒྱལ་གྱི་ཚོགས་པའི་ངོས་ནས་ངོས་འཛིན་དང་ཆེ་བསྟོད་གནང་བར་དགའ་ཚོར་དཔག་མེད་བྱུང་བར་མ་ཟད། ཁོང་གིས་ད་དུང་བོད་ཀྱི་ཐུན་མིན་རིག་གཞུང་རྒྱུན་འཛིན་གནང་རྒྱུར་ཕྱག་ལས་གནང་ངེས་ཡིན་སྐོར་གསུངས་སོང་། The National Endowment for the Arts (NEA) ཞེས་པ་དེ་ནི་ཕྱི་ལོ་ ༡༩༦༥ ལོར་ཆེད་འཛུགས་གནང་བའི་ཨ་རིའི་གཞུང་གི་རང་དབང་ཅན་གྱི་ཚོགས་སྡེ་ཞིག་ཡིན་པ་མ་ཟད།  ཕྱི་ལོ་ ༡༩༨༢ ལོར་ National Heritage Fellowship ཞེས་དམངས་ཁྲོད་དང་སྲོལ་རྒྱུན་སྒྱུ་རྩལ་གྱི་གཟེངས་བསྟོད་གནང་རྒྱུ་དབུ་འཛུགས་ཡོད་པ་རེད།  Fellowship གཟེངས་བསྟོད་བརྒྱུད་གཟེངས་རྟགས་ཐོབ་མཁན་ལ་ཨ་སྒོར་ ༢༥།༠༠༠ དང་དངོས་བྱུང་གློག་བརྙན་ནང་ཐོན་རྒྱུ་གོ་སྐབས་བྱུང་གི་ཡོད་པ་རེད། གཞི་རྩའི་འདི་ལོར་ West Coast Trugkar ཞེས་ནུབ་ཕྱོགས་མཚོ་བརྒྱུད་ཀྱི་འཁྲུངས་སྐར་དེ་ San Francisco ནང་ཉིན་གྲངས་གསུམ་རིང་སྲུང་བརྩི་ཞུས་ཡིན་པ་དང་༸རྒྱལ་བའི་༸སྐུའི་འཁྲུངས་སྐར་དང་འབྲེལ་བྱང་ཨ་རིའི་༸རྒྱལ་ཡུམ་ཆེན་མོའི་རྐང་རྩེ་སྤོ་ལོ་འགྲན་བསྡུར་ཡང་གནང་ཡོད།

ཟླ་བ་འདིའི་ཕྱི་ཚེས་ ༡ རེས་གཟའ་པ་སངས་ཉིན་ཨ་རིའི་ཝ་ཤིན་ཊོན་མངའ་སྡེའི་ Clark County ཁུལ་གྱི་ཁྲིམས་དཔོན་ Jennifer Snider ལགས་དང་ Camara Banfield ལགས། དེ་བཞིན་ Suzan Clark ལགས་བཅས་རྣམ་པ་གསུམ་དབུ་བཞུགས་གཙོ་སྐྱོང་འོག་བོད་པའི་བེུད་ཚེ་རིང་ Cornell ལགས་ཀྱིས་ Clark County ཁུལ་གྱི་ཁྲིམས་དཔོན་གྱི་དམ་འབུལ་དངོས་སུ་བཞེས་ཡོད་པ་དང་། ཁོང་ནི་ཨ་རི་ནང་གི་ཆེས་མཐོའི་ཁྲིམས་ཁང་གི་ཁྲིམས་དཔོན་ལ་ཨེ་ཤ་ཡའི་མི་རིགས་ཤིག་དང་ལྷག་པར་དུ་བོད་མི་ཞིག་བསྐོ་གཞག་གནང་བ་ཆེས་ཐོག་མ་དེ་ཆགས་ཀྱི་ཡོད་པ་ལྟར་ཁོང་གིས་རེས་གཟའ་པ་སངས་ཉིན་གྱི་དམ་འབུལ་མཛད་སྒོ་དེ་ཁོང་རང་ཉིད་སྒེར་གཅིག་པོ་ཙམ་མིན་པར་བོད་པའི་སྤྱི་ཚོགས་ཡོངས་རྫོགས་ཀྱི་ཕྱིར་དུ་ཡིན་པ་གསུངས་འདུགགཞི་རྩའི་ཚེ་རིང་ Cornell ལགས་ནི་ཨ་རིའི་ཝ་ཤིན་ཊོན་མངའ་སྡེའི་སྲིད་སྐྱོང་སྐུ་ཞབས་ Jay Inslee ལགས་ཀྱིས་ཕྱི་ཟླ་ ༥ ཚེས་ ༡༡ ཉིན་ Clark County ཁུལ་གྱི་ཁྲིམས་དཔོན་སྐུ་ཞབས་ Scott Collier ལགས་ཀྱི་ཚབ་ཏུ་བསྐོ་གཞག་གནང་ཡོད་པ་དང་། དམ་འབུལ་མཛད་སྒོའི་ཐོག་ཚེ་རིང་ལགས་ཀྱིས་སྐུ་ཞབས་ Collier ལགས་ཀྱིས་འདས་པའི་ལོ་ངོ་༢༠ ལྷག་གི་རིང་ལས་གནས་དེ་བཞེས་པ་གཙོས་སྤྱི་ཚོགས་ནང་ཞབས་ཞུ་ལྷོད་མེད་ཞུས་པར་གཞིགས་ཏེ་ད་ཆ་ཁོང་སྒེར་ལ་མཚོན་ན་ལས་འགན་ཧ་ཅང་ཆེན་པོ་ཡོད་པ་གསུངས་འདུག ཁོང་གིས་ཨ་རིའི་མི་སེར་ཡིན་པའི་བོད་རིགས་གཞོན་སྐྱེས་རྣམས་ལ་ཆེད་དམིགས་ཀྱིས་ད་རེས་ང་རང་ Clark County ཁུལ་གྱི་ཁྲིམས་དཔོན་གྱི་དམ་འབུལ་ཞུས་པ་དེ་ལྟར་ཡང་། ཁྱེད་རྣམ་པའི་ངོས་ནས་ཀྱང་དེ་ལྟར་གནང་བར་འབད་བརྩོན་གནང་སྟེ་མགྱོགས་མྱུར་ང་རང་ལས་གནས་འདི་ནས་འཁྱུར་བཅུག་པའི་རེ་བ་ཡོད་ཅེས་གསུངས་འདུག་པ་དང་ཆབས་ཅིག ཁོང་གིས་ཁྲིམས་དཔོན་གྱི་ཐུགས་འགན་བཞེས་པའི་ལས་ཡུན་རིང་ལ་གང་ཐུབ་ཐུབ་ཀྱིས་སྤྱི་ཚོགས་ལ་སྨན་པའི་ཞབས་འདེགས་བསྒྲུབ་རྒྱུ་དང་ཕ་མ་གཉིས་ཀྱིས་གཙོས་པའི་ནང་མི་ཚོས་ལམ་སྟོན་གནང་བའི་ལེགས་པའི་ཡོན་ཏན་རྣམས་སྤྱོད་ངེས་ཡིན་ཞེས་ཞལ་བཞེས་གནང་འདུགགཤམ་ལ་འདི་གའི་ ཚེ་རིང་ Cornell ལགས་ནི། ཨ་རིའི་ Oregon མངའ་སྡེའི་གྲོང་ཁྱེར་ Astoria དུ་སྐྱེས་ཤིང་། ཉེ་བའི་གཙུག་ལག་རབ་འབྱམས་པའི་སློབ་གཉེར་ Dartmouth མཐོ་རིམ་སློབ་གྲྭ་དང་གཙུག་ལག་རབ་འབྱམས་པའི་སློབ་གཉེར་ California ནང་རྟེན་གཞི་བྱས་པའི་ Alliant རྒྱལ་སྤྱིའི་གཙུག་ལག་སློབ་གཉེར་ཁང་ནས་གནང་ཡོད་པ་དང་། ཕྱིས་སུ་ California གཙུག་ལག་སློབ་གྲྭ་ཆེན་མོ་ནས་ཁྲིམས་ཀྱི་ཕྱག་འཁྱེར་བཞེས་ཏེ་ད་བར་གཞི་རིམ་དགེ་རྒན་དང་ Olympia མངའ་སྡེའི་ཁྲིམས་དོན་སྤྱི་ཁྱབ་དང་དྲུང་ཆེ་བཅས་གནང་ཡོད་པ་མ་ཟད། ཁོང་ Clark County ཁུལ་གྱི་དང་བླངས་ཁྲིམས་རྩོད་ལས་གཞིའི་འགན་འཛིན་ལྷན་ཚོགས་ཀྱི་ཚོགས་མི་དང་ཨ་རི་ནུབ་བྱང་བོད་ཀྱི་རིག་གཞུང་ལྷན་ཚོགས་ཀྱི་ཚོགས་མི་སོགས་ཀྱང་གནང་མྱོང་ཡོད་པ་རེད།

ཁ་སང་འདི་ག་དོན་འགྲུབ་གླིང་གཞིས་ཆགས་སུ་བོད་རྒྱལ་ཡོངས་རྩེད་རིགས་ཚོགས་པའི་ཚོགས་གཙོ་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གཟེངས་རྟགས་ཀྱི་རྩེ་ཕུད་རྒྱལ་ཁ་ཐོབ་མཁན་དོན་འགྲུབ་གླིང་རུ་ཁག་ལ་གསེར་གྱི་གཟེངས་རྟགས་འབུལ་བཞེས་གནང་ཡོད་པ་རེད། བོད་རྒྱལ་ཡོངས་རྩེད་རིགས་ཚོགས་པས་དེ་རིང་གསར་འགོད་གསལ་བསྒྲགས་ཤིག་སྤེལ་ཏེ། ཕྱི་ལོ་ ༢༠༢༢ ལོའི་༸རྒྱལ་ཡུམ་ཆེན་མིའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་མཐའ་མའི་རྒྱལ་ཁ་དེ་དོན་འགྲུབ་གླིང་རྐང་སྤོལ་རུ་ཁག་ལ་ཐོབ་ཡོད་པ་འགྲེལ་བརྗོད་དང་སྦྲགས། ཚོགས་པའི་སྒྲིག་གཞི་གཞིར་བཟུང་རྩེད་དཔང་གིས་ཐག་གཅོད་གནང་བ་དེ་མཐའ་མའི་ཐག་གཅོད་ཡིན་པ་དང་རྒྱལ་སྤྱིའི་རྩེད་འགྲན་ནང་དུའས་རྩེད་དཔང་ལ་རོགས་སྐྱོར་གྱི་ཡོ་ཆས་ཡོད་ཀྱང་། རྩེད་དཔང་གིས་ཐག་གཅོད་གནང་བ་དེ་མཐའ་མ་ཡིན་པ་གསལ་ཡོད་ཅེས་གསུངས་འདུགགཟེངས་རྟགས་འབུལ་བཞེས་ཀྱི་མཛད་སྒོའི་སྐུ་མགྲོན་གཙོ་བོ་དྲུང་ཆེ་དཔལ་ལྡན་དོན་གྲུབ་ལགས་ཀྱིས་ཉེ་ཆར་རྙོག་གྲའི་འོག་ནས་སྐར་མ་ ༡༧ ནས་ཐག་གཅོད་གནང་དགོས་པའི་རུ་ཁག་གཉིས་ཀྱི་རྩེད་འགྲན་མཐའ་མ་འདི་ནི་མང་ཚོགས་སྤྱི་དང་བྱེ་བྲག་ཏུ་རྩེད་མོར་དགའ་ཞེན་དང་ལྷག་པར་རྩེད་རིགས་ལ་རྒྱབ་སྐྱོར་དང་མཐུན་འགྱུར་གནང་མཁན་ཚོར་བློ་ཕམ་ཆེན་པོ་ཞིག་བྱུང་ཡོད་པ་རེད། རྩེད་རིགས་ཀྱི་དམིགས་ཡུལ་ནི་སྤྱི་ཚོགས་མཐུན་ལམ་ཇེ་བཟང་དུ་གཏང་རྒྱུ་གཙོས་རྩེད་རིགས་ཀྱི་སྒྱུ་རྩལ་གོང་མཐོར་སྤེལ་ཐབས་ཡིན་པ་སོགས་གསུངས་ཡོད། བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་བསྟན་འཛིན་རིན་ཆེན་ལགས་ཀྱིས་གསར་འགོད་གསལ་བསྒྲགས་ཤིག་གནང་བའི་རྩེད་འགྲན་གྱི་ཉིན་མཐའ་མའི་སྐབས་ཁ་གཏད་སིམ་ལ་རུ་ཁག་གིས་ཀུན་སྤྱོད་ལ་གཞིགས་ནས་བོད་རྒྱལ་ཡོངས་རྩེད་རིགས་ཚོགས་པས་སིམ་ལ་རྐང་སྤོལ་རུ་ཁག་གི་རྩེད་འགྲན་པ་དང་། རྐང་རྩེད་སྤོ་ལོའི་སློབ་སྟོན་པ། དེ་བཞིན་རུ་ཁག་གི་འགན་འཛིན་བཅས་སླད་མར་ལོ་ལྔའི་རིང་༸རྒྱལ་ཡུམ་ཆེན་མོའི་རྩེད་འགྲན་ནང་མཉམ་ཞུགས་མི་ཆོག་པའི་ཉེས་ཆད་བཏང་སོང་། ཅི་སྟེ་རུ་ཁག་དེའི་ངོས་ནས་ཟླ་བ་གཅིག་གི་ནང་ཚུད་ཚོགས་པར་དགོངས་སེལ་ཞུ་ཚེ་ཐག་གཅོད་གནང་བ་དེར་ཡང་དགོངས་བཞེས་གནང་རྒྱུ་ཡིན་པ་གསུངས་འདུགཁ་སང་ཕྱི་དྲོ་དོན་འགྲུབ་གླིང་གཞིས་ཆགས་སུ་གོ་སྒྲིག་ཞུས་པའི་གཟེངས་རྟགས་འབུལ་བཞེས་ཀྱི་མཛད་སྒོའི་ཐོག་ས་གནས་ཀྱི་མང་ཚོགས་དང་། ལྡེ་ར་ལྡུན་ཁུལ་གྱི་ས་གནས་སོའི་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་སོགས་མི་མང་བཅས་འདུ་འཛོམས་བྱུང་འདུགཐོག་མའི་འཆར་གཟེངས་རྟགས་འབུལ་བཞེས་ཀྱི་མཛད་སྒོ་དེ་རྩེད་འགྲན་གནང་ཡུལ་གྱི་སྤོན་ཊ་ཆོལ་གསུམ་གཞིས་ཆགས་རང་དུ་གནང་གཏན་ཁེལ་འདུག་ཀྱང་། ས་གནས་འབྲེལ་ཡོད་ཚོས་ངོས་བཞེས་མ་གནང་སྟབས་དོན་འགྲུབ་གླིང་གཞིས་ཆགས་སུ་འབོད་སྐུལ་ཞུས་པ་ཞིག་ཆགས་ཡོད།  

རྒྱ་གཞུང་གིས་དབྱེ་བའི་བོད་རང་སྐྱོང་ལྗོང་ཟེར་བའི་བོད་ནག་ཆུ་ཨ་མདོ་རྫོང་ཁོངས་ནས་ཡིན་པའི་བུད་མེད་འཛུམ་དཀར་ལགས་རང་ཁྱིམ་གྱི་མཆོད་ཁང་ནང་དུ་༸གོང་ས་མཆོག་གི་༸སྐུ་པར་བཤམས་ཡོད་པའི་ཉེས་མིང་འོག་ལྷ་སར་བཙན་ཁྲིད་བྱས་འདུགཉེ་སྔོན་ཨ་མདོ་རྫོང་རྩ་རིང་གྲོང་རྡལ་གྱི་ས་གནས་དཔོན་རིགས་ཁག་ཅིག་གིས་བོད་པའི་ཁྱིམ་ཚང་ཁག་ལ་སྔོག་གཤེར་བྱས་ཡོད་པ་ལྟར་ཟླ་བ་འདིའི་ཕྱི་ཚེས་ ༢༣ ཉིན་བེུད་འཛུམ་དཀར་ལགས་ཁོང་གི་ཁྱིམ་ཚང་དུ་མཆོད་ཁང་ཆེན་པོ་ཞིག་གསར་རྒྱག་གནང་ཡོད་པའི་ནང་དུ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་བཤམས་ཡོད་ལུགས་ཀྱི་ཉེས་མིང་འོག་ཁོང་རང་ཁྱིམ་ནས་འཛིན་བཟུང་བྱས་ཡོད་པ་དང་། ཁ་ཉིན་ཚེས་ ༢༨ ཉིན་ཨ་མདོ་རྫོང་ནས་ལྷ་སར་བཙན་ཁྲིད་བྱས་ཡོད་པ་རེད། ཁ་སང་བཞུགས་སྒར་དུ་རྟེན་གཞི་བྱས་པའི་བོད་ཀྱི་དུས་བབ་གསར་ཁང་གིས་གནས་ཚུལ་སྤེལ་བར་འཛུམ་དཀར་ལགས་ནི་ད་ལྟ་རང་ལོ་ ༢༧ ཡིན་པ་དང་། ཁོང་ནག་ཆུ་ས་ཁུལ་ཨ་མདོ་རྫོང་རྩ་རིང་གྲོང་རྡལ་ནས་ཡིན་ཞིང་། ཆུང་དུས་ནས་ཕ་མ་གཉིས་དང་ལྷན་དུ་འབྲོག་ལས་བྱས་ཏེ་འཚོ་བ་བསྐྱལ་ཡོད་པ་དང་། ཁྱིམ་ཚང་གི་གཞི་འཛིན་ཡང་ཡིན་འདུག  ཕྱི་ལོ་ ༢༠༡༦ ལོར་ཁོང་གིས་ནོར་ཚེ་ཞེས་པའི་སྐྱེས་པ་ཞིག་དང་གཉེན་སྒྲིག་གནང་ཡོད་པ་དང་ཁོང་གཉིས་ལ་ཕྲུ་གུ་གཉིས་འདུག སྤྱིར་ཕྱི་ཟླ་ ༧ ཚེས་ ༦ ཉིན་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་ཉིན་མོ་ཡིན་པ་དང་སྟབས་བསྟུན་འདི་ལོའི་ཕྱི་ཟླ་ལྔ་པ་ནས་བཟུང་བོད་ཀྱི་རྒྱལ་ས་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་མང་དག་ཅིག་ཏུ་མི་མང་གི་ཁ་པར་དང་ཁྱིམ་ཚང་སྔོག་གཤེར། དེ་བཞིན་བོད་མི་མཆོད་མཇལ་བ་དང་ཡུལ་སྐོར་བ་སོགས་ལ་༸གོང་ས་མཆོག་གི་༸སྐུ་པར་ཡོད་མེད་དང་བཙན་བྱོལ་བོད་མིར་འབྲེལ་བ་ཡོད་མེད་སོགས་ཀྱི་གནད་དོན་འདྲ་མིན་ཐོག་འདྲི་རྩད་བྱེད་བཞིན་ཡོད་པ་རེད། རྒྱ་ནག་གཞུང་གིས་བོད་ཐོག་དམ་དྲག་ཅན་གྱི་སྲིད་བྱུས་ཆེས་ཆེར་སྤེལ་བཞིན་པའི་ཁྲོད་སྔ་ལོར་ཁམས་དཀར་མཛེས་ཁུལ་གྱི་གསེར་ཤུལ་རྫོང་། རྫ་དབོན་པོ་ཁུལ་གྱི་དགོན་གྲོང་གཉིས་ཀར་སྔོག་གཤེར་ཐེངས་ཁ་ཤས་བྱས་ཡོད་པའི་ཁྲོད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་ཉར་ཚགས་བྱེད་མཁན་དང་། ཕྱི་ཕྱོགས་ལ་འབྲེལ་བ་ཡོད་མཁན། དེ་བཞིན་བོད་ཀྱི་སྐད་ཡིག་དང་ཁོར་ཡུག་སྲུང་སྐྱོབ་ཀྱི་ལས་དོན་གཉེར་མཁན་བཅས་ཁྱོན་བོད་མི་ ༡༠༠ ལྷག་འཛིན་བཟུང་བྱས་པའི་གནས་ཚུལ་རིམ་པ་ཐོན་ཡོད་པ་རེད། འབྲེལ་ཡོད་པར་གྱི་བདག་དབང་བོད་ཀྱི་དུས་བབ།

དེ་རིང་ཕྱི་ཟླ་ ༦ ཚེས་ ༣༠ དང་བོད་ཟླ་ ༥ ཚེས་ ༡ ཉིན་ཀརྨ་པ་རིན་པོ་ཆེ་མཆོག་གི་བླ་བྲང་གིས་ཐུགས་འགན་གཙོ་བཞེས་ཐོག་རྒྱ་བལ་འབྲུག་གསུམ་ནང་གི་དགོན་སྡེ་ཁག་ཅིག་གིས་གོ་སྒྲིག་གནང་སྟེ་དྲ་ཐོག་བརྒྱུད་ནས་༸དཔལ་༸རྒྱལ་བ་དབང་ཀརྨ་པ་མཆོག་ཨོ་རྒྱན་འཕྲིན་ལས་རྡོ་རྗེ་མཆོག་༸སྐུའི་འཁྲུངས་སྐར་གྱི་ཚོགས་མགོན་དུ་དབུ་བཞུགས་ཐོག་རིན་པོ་ཆེ་མཆོག་བོད་ལུགས་ལྟར་དགུང་གྲངས་ ༣༨ བདག་གིར་བཞེས་པའི་༸སྐུའི་འཁྲུངས་སྐར་སྲུང་བརྩི་གཟབ་རྒྱས་ཞུས་སོང་བ་དང་། སྐབས་དེར་རིན་པོ་མཆོག་གིས་རིན་པོ་ཆེ་༸གང་ཉིད་མཆོག་རྒྱ་གར་ལ་ཕྱིར་ཕེབས་རྒྱུའི་ཐུགས་འདོད་ཡོད་ཅེས་བཀའ་སྩལ་འདུག དེ་རིང་རེས་གཟའ་ཕུར་བུ་ཉིན་དེང་ཆར་ཏོག་དབྱིབས་གཉན་རིམས་ཀྱི་གནས་སྟངས་ཕྲན་བུ་བཟང་དུ་ཕྱིན་པར་བརྟེན་འབྲེལ་ཡོད་དགོན་པ་སོ་སོའི་མཁན་བླ་སྤྲུལ་འདུས་མང་ཡོངས་ལྷན་འཛོམས་གནང་སྟེ་དྲྭ་ཐོག་ཏུ་སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩི་ཞུས་འདུག་པ་དང་། སྲུང་བརྩིའི་མཛད་རིམ་ཐོག་༸སྐྱབས་རྗེ་རྒྱལ་ཚབ་བཀྭན་ཏིང་གཽ་ཤྲི་ཆེན་པོ་མཆོག་གིས་དབུས་པའི་༸སྐྱབས་རྗེ་ཡོངས་འཛིན་མཁན་ཆེན་ཁྲ་འགུ་རིན་པོ་ཆེ་མཆོག དེ་བཞིན་མཁན་བླ་སྤྲུལ་དང་དགེ་འདུན་འདུས་པ་རྒྱ་མཚོ་བཅས་སོགས་དབུ་བཞུགས་གནང་འདུགསྐབས་དེར་༸དཔལ་༸རྒྱལ་བ་དབང་ཀརྨ་པ་མཆོག་གིས་༸སྐུའི་འཁྲུངས་སྐར་མཛད་སྟོན་ཐོག་ལྷན་ཞུགས་གནང་མཁན་ཡོངས་ལ་འཚམས་འདྲི་མཛད་པ་དང་སྦྲགས། དེ་རིང་བོད་ཟླ་ ༥ ཚེས་ ༡ ཉིན་རིན་པོ་ཆེ་མཆོག་གི་༸སྐུའི་འཁྲུངས་སྐར་སྲུང་བརྩི་ཞུ་སྲོལ་དེའང་༸གང་ཉིད་མཆོག་གིས་ཡབ་ཡུམ་གཉིས་ཀྱིས་འཁྲུངས་ཚེས་ནོར་མེད་པར་ངོས་བཞེས་གནང་གི་ཡོད་པ་དང་དེ་སྔ་བོད་ལ་བཞུགས་སྐབས་གདན་ས་ཚུར་ཕུ་ལའང་དེ་ལྟར་སྲུང་བརྩི་ཞུ་སྲོལ་ཡོད་པ་བཀའ་སྩལ་འདུགདེ་བཞིན་རིན་པོ་ཆེ་༸གང་ཉིད་མཆོག་གིས་དེ་རིང་གི་དུས་ཚིགས་འདི་ངོས་ལ་མཚོན་ལ་ཡབ་ཡུམ་གཉིས་ཀྱིས་ཆོས་བསྒྲུབ་པའི་ལུས་རྟེན་གནང་ཞིང་དེ་ལྟར་བསྒྲུབ་པར་མཐུན་རྐྱེན་ཚང་ཡོད་པ་སོགས་བཀའ་སྩལ་བ་དང་སྦྲགས་ཏེ་བཀའ་དྲིན་རྗེས་དྲན་གྱི་དུས་ཚིགས་ཤིག་ཆགས་ཡོད་པ་བཀའ་སྩལ་འདུག རིན་པོ་ཆེ་མཆོག་གིས་ད་དུང་ཚེ་རབས་ནས་ཚེ་རབས་བར་བསྟན་འགྲོ་སྤྱིའི་འཕྲལ་ཕུགས་རྒྱང་གསུམ་གྱི་དོན་བསྒྲུབ་ཐུབ་པའི་ཐུགས་རེ་ཡོད་སྐོར་བཀའ་སྩལ་བ་དང་ཆབས་ཅིག རྒྱ་གར་གཞུང་ནས་གནང་བའི་ IC ལག་དེབ་སེར་པོ་དེ་རང་བཞིན་གྱིས་ནུས་མེད་ཆགས་པར་བརྟེན་འདས་པའི་ལོ་ཤས་ནས་བཟུང་རིན་པོ་ཆེ་༸གང་ཉིད་མཆོག་རྒྱ་གར་ལ་ཕྱིར་ཆིབས་སྒྱུར་མཛད་མ་ཐུབ་པའི་ངལ་བ་མི་ཉུང་བ་འཕྲད་ཡོད་པ་དང་དེ་ལྟར་ངལ་བ་འཕྲད་དོན་གང་ཡིན་གྱི་རྒྱབ་ལྗོངས་ངོ་སྤྲོད་ཞིབ་རྒྱས་མཛད་འདུག་པ་དང་། སླད་མར་ཆིབས་བསྒྱུར་མཛད་བདེ་དང་བསྟན་འགྲོ་དོན་རྒྱ་ཆེར་མཛད་ཕྱིར་རིན་པོ་ཆེ་མཆོག་གིས་ Dominica རྒྱལ་ཁབ་ཀྱི་མི་སེར་བཞེས་ཡོད་པ་དང་དེ་ལྟར་བཞེས་རྐྱེན་རྒྱ་གར་གྱི་ཁྲིམས་དང་མཐུན་མིན་གྱི་གནད་དོན་ཐོག་ནས་དུས་ད་ལྟའང་ངལ་བ་འཕྲད་བཞིན་ཡོད་སྐོར་བཀའ་སྩལ་འདུག རིན་པོ་ཆེ་མཆོག་གིས་རྒྱ་དབུས་གཞུང་དང་འབྲས་ལྗོངས་མངའ་སྡེ་གཉིས་ཀྱི་ངོས་ནས་རིན་པོ་ཆེ་མཆོག་ཕྱིར་རྒྱ་གར་དུ་ཕེབས་པར་ཐུགས་སྣང་ཆེན་པོ་གནང་མུས་ཡིན་པ་བཀའ་སྩལ་བ་དང་འབྲེལ། རྒྱ་གར་དབུས་གཞུང་དང་རིན་པོ་ཆེ་༸གང་ཉིད་མཆོག་དབར་འབྲེལ་བ་དམ་ཟབ་གནང་གལ་དུ་གཟིགས་དོན་ལྟར་རིན་པོ་ཆེ་མཆོག་གིས་དེ་སྔ་རྒྱ་གར་གཞུང་ལ་མཐོང་མཆན་དང་འབྲེལ་བའི་ཕྱག་ཡིག་གནང་ཡོད་པར་བཀའ་སྩལ་བ་དང་འབྲེལ་ཏེ། རིན་པོ་ཆེ་༸གང་ཉིད་མཆོག་རྒྱ་གར་ལ་ཕྱིར་ཕེབས་རྒྱུའི་ཐུགས་འདོད་ཡོད་ཅེས་བཀའ་སྩལ་འདུག གཞན་ཡང་རིན་པོ་ཆེ་མཆོག་གིས་བར་སྐབས་ཤིག་ནས་ང་ཚོ་བཙན་བྱོལ་བོད་མིའི་སྤྱི་ཚོགས་ཁྲོད་དུ་མཐུན་སྒྲིལ་མེད་པ་དང་ཆིག་སྒྲིལ་མེད་པ། ཟང་ཟིང་ཞེ་དྲག་ཆེ་བའི་གནས་སྟངས་བྱུང་སྐོར་བཀའ་སྩལ་བ་དང་སྦྲགས། གནས་སྟངས་དེ་ནི་ཧ་ཅང་བློ་ཕམ་དགོས་པའི་གནད་དོན་ཞིག་ཡིན་སྟབས་བོད་མི་ཚོས་དེར་ཡིད་གཟབ་གནང་གལ་ཡིན་པའི་ལམ་སྟོན་མཛད་འདུག

ཕྱི་ཟླ་ ༧ ཚེས་ ༡ ཪེས་གཟའ་པ་སངས་ནས་འདི་ག་རྒྱ་གར་གྱི་ཧི་མཱ་ཅལ་མངའ་སྡེའི་སྤོན་ཊ་ཆོལ་གསུམ་གཞིས་ཆགས་ནང་འཛམ་གླིང་བེུད་ཀྱི་རྐང་སྤོལ་རྩེད་འགྲན་ Conifa ཞེས་པ་དེ་དབུ་འཛུགས་གནང་གི་ཡོད་པ་དང་།  བོད་ཀྱི་བེུད་རྐང་སྤོལ་རུ་ཁག་རྩེད་འགྲན་དེའི་ནང་ཞུགས་རྒྱུ་དང་ཁ་གཏད་ཀྱི་རུ་ཁག་རྣམས་ལ་གདོང་ལེན་གནང་རྒྱུར་གྲ་སྒྲིག་རེད་འདུག ཕྱི་ཟླ་ ༧ ཚེས་ ༡ ནས་སྤོན་ཊ་ཆོལ་གསུམ་གཞིས་ཆགས་སུ་རྩེད་འགྲན་གནང་རྒྱུའི་རྒྱལ་སྤྱིའི་རང་བཞིན་ལྡན་པའི་རྐང་སྤོལ་རྩེད་འགྲན་གྱི་ཆེད་དུ་ཨ་ཕི་རི་ཀ་གླིང་ཕྲན་ནས་རྐང་སྤོལ་རུ་ཁག་གཅིག་དང་ཡོ་རོབ་དང་ཨེ་ཤ་ཡ་ནས་རུ་ཁག་གཅིག་རེ་བཅས་ཁྱོན་རུ་ཁག་གསུམ་མཉམ་ཞུགས་གནང་གི་ཡོད་པ་ལྟར། ཡོ་རོབ་སུད་ཌན་ཁུལ་གྱི་ས་གནས་མི་རིགས་ཀྱི་ Sapmi ཪུ་ཁག་ཁ་སང་ཕྱི་དྲོ་སྤོན་ཊ་གཞིས་ཆགས་སུ་འབྱོར་ཡོད་པ་དང་། ཨ་ཕི་རི་ཀའི་ཛིམ་སྦ་ཝི་ཁུལ་ནས་ཡིན་པའི་རུ་ཁག་དེ་རིང་ས་གནས་སུ་འབྱོར་གྱི་ཡོད་པ་རེད།རུ་ཁག་གསུམ་པོ་དེ་དག་དབར་ཕྱི་ཚེས་ ༡ ནས་ ༦ བར་རྩེད་འགྲན་གནང་རྒྱུ་ཡིན་པ་ལྟར་བོད་ཀྱི་བེུད་རྩེད་འགྲན་རུ་ཁག་གི་ངོས་ནས་ཁ་གཏད་ཀྱི་རྩེད་འགྲན་པ་ཚོར་གདོང་ལེན་གནང་རྒྱུའི་གྲ་སྒྲིག་ཨང་གསར་རེད་འདུག   Team Tibet བོད་ཀྱི་བེུད་རུ་ཁག་གི་རུ་དཔོན་འཇམ་དབྱངས་ཆོས་མཚོ་ལགས་ཀྱིས་ནད་ཡམས་རྐྱེན་པས་ལོ་གསུམ་རིང་རྩེད་འགྲན་གནང་རྒྱུ་བྱུང་མེད་ཀྱང་། འདི་ལོར་ཟླ་བ་གཉིས་ལྷག་སྦྱོང་བརྡར་གནང་ཡོད་པར་མ་ཟད་བོད་ཀྱི་མིང་ཐོག་ནས་རྩེད་འགྲན་གནང་གི་ཡོད་སྟབས་ང་ཚོས་གང་ཐུབ་འབད་བརྩོན་ཞུ་རྒྱུ་ཡིན་ཞེས་གསུངས་ཡོད།བོད་ཀྱི་བུད་མེད་རྩེད་འགྲན་རུ་ཁག་ལ་རྐང་སྤོལ་སྦྱོང་བརྡར་གནང་མཁན་མགོན་པོ་རྡོ་རྗེ་ལགས་ཀྱིས་འདི་ལོ་གཞི་རྩའི་བོད་པའི་བེུད་སུམ་ཅུ་ལྷག་ལ་སྦྱོང་བརྡར་གནང་ཡོད་པའི་ཁོངས་ནས་དངོས་སུ་བེུད་ ༢༡ དྲག་འདེམས་གནང་ཡོད་པ་མ་ཚད་པར་བོད་ཀྱི་བེུད་ཚོས་ཕྱི་རྒྱལ་རུ་ཁག་རྣམས་ལ་ཁ་གཏད་གང་ལེགས་གཅོག་ཡོད་སྐོར་གསུངས་སོང་། གཞི་རྩའི་ Conifa རྩེད་འགྲན་ཞེས་པ་ནི། FIFA ལྟ་བུའི་རྒྱལ་སྤྱིའི་ཁྱོན་ཡོངས་ནས་ངོས་འཛིན་ཡོད་པའི་རྩེད་དྲན་ཞིག་མིན་པ་དེ་ལྟར་ནའང་། རྩེད་འགྲན་དེ་འཛམ་གླིང་ནང་རྒྱལ་ཁབ་ངོས་འཛིན་མེད་པ་དང་ས་གནས་ཀྱི་གྲངས་ཉུང་མི་རིགས།  རྩེད་འགྲན་ནས་ཁེར་རྐྱང་ལུས་པའི་མི་རིགས་བཅས་ཀྱི་རྩེད་འགྲན་ཞིག་ཡིན་པ་བཅས་ཀྱི་རྒྱལ་སྤྱིའི་རང་བཞིན་ལྡན་པ་ཞིག་ཆགས་ཀྱི་ཡོད། འདི་ལོའི་ཕྱི་ཟླ་ ༧ ཚེས་ ༡ ནས་ ༦ བར་རྩེད་འགྲན་གནང་རྒྱུ་དེ་བོད་རྒྱལ་ཡོངས་རྩེད་རིགས་ཚོགས་པས་མགྲོན་བདག་གནང་གི་ཡོད་པར་མ་ཟད། འདི་ལོའི་༸རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་དང་བསྟུན་ཚོགས་ཡུལ་དེ་སྤོན་ཊ་གཞིས་འདམ་ཡོད་པ་རེད། གོ་སྒྲིག་ཚོགས་ཆུང་གི་ངོས་ནས་ཀྱང་སྤོན་ཊ་གཞིས་ཆགས་ཀྱིས་རྒྱལ་སྤྱིའི་རང་བཞིན་ལྡན་པའི་རྩེད་འགྲན་གྱི་ཆེད་དུ་ཕྱོགས་གང་ས་ནས་གྲ་སྒྲིག་གང་ཡོང་གནང་ཡོད་པར་འགྲེལ་བརྗོད་གནང་གི་འདུག

ཉན་པ།: Listen ཕབ་ལེན། Download ལྷ་ས་ཁུལ་ནས་བོད་མི་གཞོན་སྐྱེས་གཉིས་འཛིན་བཟུང་བྱས་འདུག མནར་གཅོད་འོག་འདས་གྲོངས་སུ་གྱུར་བའི་བོད་མིའི་མཚན་གཞུང་འདོན་སྤེལ་བརྒྱུད་རྒྱལ་སྤྱིའི་མནར་གཅོད་འགོག་རྒོལ་ཉིན་མོ་སྲུང་བརྩི། བོད་མི་རིགས་ལ་མི་གནོད་པ་བྱ་རྒྱུའི་དམ་བཅའ་གཞག་དགོས། བརྒྱུད་གཅིག་ལམ་གཅིག་གི་ལས་གཞིར་གདོང་ལེན་ཆེད་ G7 རྒྱལ་ཁབ་རྣམས་ནས་ཨ་སྒོར་ཐེར་འབུམ་དྲུག་བརྒྱའི་ལས་འཆར་སྤེལ་གཏན་འཁེལ་བ། བོད་ཀྱི་ལོ་རྒྱུས་ཁྲོད་ཀྱི་གྲགས་ཅན་མི་སྣ་ངོ་སྤྲོད། ༸རྒྱལ་དབང་༸སྐུ་ཕྲེང་བཅུ་གསུམ་པའི་སྐོར། Monday 27/06/2022 Two Tibetan youngsters arrested in Lhasa, whereabouts unknown CTA marks World Torture Victims Day by honoring Tibetan victims TPiE Speaker and Deputy speaker address NYNJ Tibetans, urges unity and harmony G7 unveils $600bn plan to rival China’s BRI HISTORY FEATURE: Introduction to Tibetan historical figures: 13th Dalai Lama

ཁ་སང་ཕྱི་དྲོ་འདི་ག་ཧི་མཱ་ཅལ་མངའ་སྡེའི་སྤོན་ཊ་ཆོལ་གསུམ་གཞིས་ཆགས་སུ་གཟིགས་མོ་བ་སྟོང་ཕྲག་ལྷག་འདུ་འཛོམས་གནང་བའི་ཁྲོད་ཕྱི་ལོ་ ༢༠༢༢ ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་རྩེ་ཕུད་རུ་ཁག་ Clement Town དོན་གྲུབ་གླིང་རུ་ཁག་དང་སིམ་ལ་རུ་ཁག་གཉིས་དབར་རྩེད་འགྲན་གནང་ཡོད་ཀྱང་། རྩེད་འགྲན་དབུ་འཛུགས་གནང་ནས་སྐར་མ་ ༡༧ ཙམ་ལས་ཕྱིན་མེད་པའི་མཚམས་འདིར་སྤོ་ལོ་བླུགས་ཡིན་མིན་གྱི་ཐག་གཅོད་གཅིག་གི་རྐྱེན་གྱིས་རྩེད་འགྲན་ལ་རྙོག་གླེང་བྱུང་སྟེ་གློ་བུར་དུ་རྩེད་འགྲན་མཚམས་འཇོག་གནང་ཡོད་པ་དང་། བོད་རྒྱལ་ཡོངས་རྩེད་རིགས་ཚོགས་པའི་ངོས་ནས་ཕྱི་ལོ་ ༢༠༢༢ ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་དེ་དོན་གྲུབ་གླིང་གཞིས་སྒར་གྱི་རུ་ཁག་ལ་རྒྱལ་ཁ་ཐོབ་པའི་གསལ་བསྒྲགས་གནང་ཡོད་པ་རེད། ཕྱི་དྲོའི་ཆུ་ཚོད་ ༧༌༣༠ ཙམ་ནས་རྩེད་འགྲན་དབུ་འཛུགས་ཀྱིས་ཕྱོགས་གཅིག་ནས་དོན་གྲུབ་གླིང་གཞིས་ཆགས་ཀྱི་རྒྱབ་སྐྱོར་བ་ཚོས་དགའ་བསུ་དང་རྩེད་འགྲན་པ་ཚོར་སེམས་ཤུགས་འཕེལ་བའི་སྐད་འབོད་དང་། ཕྱོགས་གཞན་སིམ་ལ་རུ་ཁག་གི་རྒྱབ་སྐྱོར་བ་ཚོས་ཀྱང་དེ་མཚུངས་སུ་སྐད་འབོད་གནང་བ་དང་སྦྲགས་རྩེད་འགྲན་དེ་ཆེས་ཤིན་ཏུ་ནས་འཁྲུག་ཆ་དོད་པོར་འགྲོ་བཞིན་པར་མ་ཟད་གཟིགས་མོ་བ་རྣམས་དགའ་སྤྲོ་ངང་ནས་རྩེད་འགྲན་ལ་རོལ་བཞིན་པའི་སྐབས་དེར་སྐར་མ་ ༡༧ ཙམ་གྱི་མཚམས་སུ་ Clement Town རུ་ཁག་གིས་སྤོ་ལོ་གཅིག་བླུགས་ཡོད་ཀྱང་། སིམ་ལ་རུ་ཁག་གིས་རྩེད་དཔང་གི་ཐག་གཅོད་དེ་ནོར་འཁྲུལ་ཡིན་པ་དང་མཐའ་མའི་ཐག་གཅོད་མ་གནང་གོང་སླར་བརྙན་པར་ལ་གཟིགས་དགོས་པའི་དགོས་འདུན་ཆེད་བཏོན་གནང་ཡོད། འོན་ཀྱང་རྩེད་དཔང་དང་རྩེད་འགྲན་གོ་སྒྲིག་གནང་མཁན་གི་ངོས་ནས་གཏན་འབེབས་གནང་བའི་སྒྲིག་གཞིའི་ནང་དེ་ལྟར་འཁོད་མེད་པར་མ་ཟད་རྩེད་དཔང་གི་ཐག་གཅོད་གང་གནང་བ་དེ་མཐའ་མའི་ཐག་གཅོད་ཡིན་སྐོར་གསུངས་པར་བརྟེན་སིམ་ལ་རུ་ཁག་གིས་ངོ་རྒོལ་རྣམ་པའི་ཐོག་ནས་རྩེད་ཐང་ནས་ཕྱིར་ཐོན་གནང་ཡོད། བོད་རྒྱལ་ཡོངས་རྩེད་རིགས་ཚོགས་ཆུང་གིས་ཕྱི་ལོ་ ༢༠༢༢ ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་རྒྱལ་ཁ་དེ་དོན་གྲུབ་གླིང་གཞིས་སྒར་གྱི་རྐང་སྤོལ་རུ་ཁག་ལ་ཐོབ་ཡོད་པའི་གསལ་བསྒྲགས་གནང་སོང་། བོད་རྒྱལ་ཡོངས་རྩེད་རིགས་ཚོགས་ཆུང་གི་ངོས་ནས་རྙོག་གྲ་ཡོང་རྐྱེན་ལ་དོགས་ནས་དོན་གྲུབ་གླིང་རུ་ཁག་ལ་གཟེངས་རྟགས་གནང་རྒྱུའི་མཛད་སྒོ་ཚོགས་མེད་པ་དང་། སིམ་ལ་རུ་ཁག་གིས་ངོ་རྒོལ་རྣམ་པའི་ཐོག་ནས་རྩེད་ཐང་ནས་ཕྱིར་ཐོན་ཡོད་སྟབས། རྩེ་ཕུད་ཀྱི་རྩེད་འགྲན་རུ་ཁག་གཉིས་པ་ཡིན་པའི་གསལ་བསྒྲགས་ཀྱང་གནང་མེད། བོད་རྒྱལ་ཡོངས་རྩེད་རིགས་ཚོགས་ཆུང་གི་ངོས་ནས་གསལ་བསྒྲགས་ཤིག་གནང་བར་ལྟོས་མེད་སིམ་ལ་རྩེད་འགྲན་རུ་ཁག་དང་རྒྱབ་སྐྱོར་བ་ཚོས་རྩེད་འགྲན་དེ་བསྐྱར་དུ་གནང་དགོས་པའི་རེ་སྐུལ་གནང་ཡོད། བོད་རྒྱལ་ཡོངས་རྩེད་རིགས་ཚོགས་ཆུང་དང་ས་གནས་ཀྱི་གོ་སྒྲིག་ཚོགས་ཆུང་། རྩེ་ཕུད་རུ་ཁག་གཉིས་ཀྱི་རུ་དཔོན། དེ་བཞིན་སྐབས་དེར་ས་གནས་སུ་ཉེན་སྲུང་ཆེད་སྐོར་སྲུང་བའི་དཔོན་རིགས་ཀྱང་ཕེབས་ཡོད་པ་བཅས་ཀྱི་དབར་གྲོས་བསྡུར་རིམ་པ་གནང་བར་མ་ཟད། སྐབས་དེར་གཟིགས་མོ་རྣམས་ཀྱང་རྙོག་འཛིང་ཡོང་བའི་དངངས་སྐྲག་དང་ཕྱོགས་གཞན་ནས་མཐའ་མའི་རྩེད་འགྲན་དེ་འདོད་པ་འཁེངས་པ་ཞིག་བྱུང་མེད་སྟབས་ཕྱི་དྲོའི་ཆུ་ཚོད་བཅིུག་བར་ཐག་གཅོད་གང་གནང་མིན་ལ་རེ་སྒུག་གནང་ཡོད་པ་དེ་ལྟར་ནའང་། བོད་རྒྱལ་ཡོངས་རྩེད་རིགས་ཚོགས་ཆུང་གིས་མཐར་མི་མང་རྣམས་ཕྱིར་ལོག་གནང་དགོས་པའི་འབོད་སྐུལ་གནང་བ་དང་ཆབས་ཅིག ཕྱི་ལོ་ ༢༠༢༢ ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་མཐའ་མའི་རྕེད་འགྲན་དེ་རྙོག་གྲའི་འོག་ནས་ཐག་གཅོད་གནང་དགོས་པ་བྱུང་ཡོད།